ПʹАРА 1

Жь әʹфьрандьне, һʹәта Селаве

Гәло кʹи әʹрд у әʹзман чекьр? Тәʹв, һив, стәйрк у ӧса жи һʹәму тьшт ль сәр әʹрде, чаԝа һатьнә әʹфьрандьне? Кʹьтеба Пироз ль сәр ван пьрса щава рʹаст дьдә, әԝ дьвежә кӧ һʹәму тьшт чекьрьна Хԝәде йә. Әв кʹьтеб кӧ ньһа дь дәсте тәда нә, һәма бь ве йәке дәстпедьбә, бь сәрһатийа дәрһәԛа әʹфьрандьне.

Әме пебьһʹәсьн, кӧ пешийе Хԝәде кәсед мина хԝә чекьр, демәк мьлйакʹәта. Паше сәва мәрийа әʹрд һатә чекьрьне. Ләма жи Хԝәде мәрийед пешьн Адәм у Һеԝа чекьр у дь бахче бәдәԝда ԝана щи кьр. Ле ԝана гӧрʹа Хԝәде нәкьр у жийина хԝәйә баш ӧнда кьрьн.

Дәстпебуйи жь чекьрьна Адәм, һʹәта Селава Дьнйайе, 1656 сал дәрбаз бу. Ԝан зәмана гәләк кәсед хьрав дьжитьн. Ль әʹзмана кәсед хьрав йе кӧ найнә дитьне, Шәйтʹане мире щьна у мьлйакʹәтед ԝи бун. Ль сәр әʹрде жи гәләк мәрьвед хьрав һәбун, йәк жь ԝан Ԛайин бу. Ԝи чахи ӧса жи һәбун мәрийед тәрʹьки у гәләки ԛәԝат, йе кӧ зӧлм бун. Ле ԝан ԝәʹда мәрийед ԛәнщ жи дьжитьн. Навед ԝан Һабил, Һәнох у Нӧһ бу. Сәрһатийед дь Пʹара ЙӘКЕДА, әме пебьһʹәсьн дәрһәԛа жийина мәрьвед ԝан зәмана.