ПʹАРА 6

Әм Чь Һин Дьбьн жь Селава Дьнйайе?

Хԝәде ԛьрʹа мәрьвед зӧлм ани, ле Нӧһ у малбәта ԝи хьлаз кьр. Дәстпебун 7:11, 12, 23

Гәми сәр аве йә, мәрьвед зӧльм аведа дьхәньԛьн у мәләкед мьԛабьл бәдәнед хԝәйә мәрьвайи дьһельн

Баран 40 рʹож у 40 шәва бари у әʹрд тʹәмам бьн аведа ма. Һʹәму мәрьвед зӧлм мьрьн.

Ле мәләкед мьԛабьл бәдәнед хԝәйә мәрьвайи һиштьн у бунә щьн.

Нӧһ, малбәта ԝи, у һʹәйԝан жь гәмийе дәрдькʹәвьн, у кʹәскәсор ль әʹзмен хӧйа дьбә

Йед кӧ гәмийеда бун хьлаз бун. Рʹаст ә Нӧһ у нәфәред мала ԝи ахьрийеда мьрьн, ле Хԝәде ԝе жийине пашда бьдә ԝан. Әԝана ԝе һʹәта-һʹәтайе бькарьбьн бьжин.

Хԝәде ԝе зутьрәке ԛьрʹа һʹәму мәрьвед зӧлм бинә у мәрьвед ԛәнщ ԝе хьлаз кә. Мәтта 24:37-39

Шәйтʹан у щьнед ԝи бь щурʹә-щурʹә метода мәрьва дьхальфиньн

Шәйтʹан щьнед хԝәва, һʹәта рʹожа иро мәрьва дьхапинә у дьдә шашкьрьне.

Ча ԝәʹде жийина Нӧһда бу, иро жи ӧса нә. Гәләк жь мәрьва ширәтед Хԝәде пьшт гӧһе хԝәва давежьн. Зутьрәке Йаһоԝа ԝе ԛьрʹа һʹәму мәрьвед зӧлм бинә (2 Пәтрус 2:5, 6).

Шәʹдед Йаһоԝа пе Кʹьтеба Пироз мәрьвәкирʹа шәʹдәтийе дьдьн; мерькәк Кʹьтеба Пироз дьхунә

Иро жи һәнә мәрьвед мина Нӧһ. Әԝана гӧһ дьдьнә Хԝәде у хәбәра ԝи дьԛәдиньн. Әв мәрьв Шәʹдед Йаһоԝа нә.