Селава Дьнйайе Кʹи Гӧрʹа Хԝәде Кьр?

Ԝәʹде Нӧһда гәләк мәрьва хьраби дькьрьн. Дәстпебун 6:5

Адәм у Һеԝайе зарʹ дьанин у мәрьв сәр әʹрде зедә дьбун. Ԝи ԝәʹдәйи һьнә мәләка чʹәʹв данә Шәйтʹан у мьԛабьли Хԝәде рʹабун.

Әԝана пәйа бунә сәр әʹрде, хԝә кьрьнә мәрьв, ԝәки тʹәви жьна бьзәԝьщьн. Жь ԝана кӧрʹед тәрʹьки дьһатьнә буйине, йе кӧ гәләки ԛәԝат, берʹәʹм у беисаф бун.

Дьнйа бь мәрьвед зӧлм тʹьжә дьбу. Кʹьтеба Пироз дьвежә, кӧ зӧлмийа ԝан сәр әʹрде зедә у зедә дьбу, у дьле ԝан тʹәне сәр хьрабийе бу.

Нӧһ гӧрʹа Хԝәде кьр у гәми ава кьр. Дәстпебун 6:13, 14, 18, 19, 22

Нӧһ мәрьвәки рʹаст бу. Йаһоԝа готә Нӧһ, ԝәки ԝе зутьрәке пе селаве ԛьрʹа һʹәму мәрьвед зӧлм бинә.

Хԝәде ӧса жи готә Нӧһ, кӧ әԝ гәрәке гәмийа мәзьн ава кә у нәфәред мала хԝәва ӧса жи щурʹә-щурʹә һәйԝанава гәмийеда щиԝар бьн.

Нӧһ дьготә мәрийа, кӧ Селав ида незик ә, ле тʹӧ кәси гӧһ нәдьда ԝи. Һьнә мәрьв Нӧһ дькʹәнийан, у әԝ бәр чʹәʹве һьнәка рʹәш бьбу.

Гава Нӧһ авакьрьна гәмийе хьлаз кьр, әԝи һʹәйԝан жи кьрьнә һьндӧрʹ.