Пешхәбәр

Бь сайа ве әʹдәбйәте, Кʹьтеба Пироз Дькарә Али Ԝә Бькә, һун дькарьн һеса рʹез у сәрһатийед жь Кʹьтеба Пироз бьвиньн, бь аликʹарийа кʹижана һуне бькарьбьн щурʹә-щурʹә чәтьнайед жийинеда сәбьр кьн. Әв кʹьтеб ԝе ӧса жи али ԝә бькә, ԝәки ван рʹеза бьвиньн, бь сайа кʹижана һуне бькарьбьн бәрдьлийе бьдьнә кәсед дьн у али ԝан бькьн сафикьрьнед ӧса бькьн, йед кӧ ԝе наве Йаһоԝа рʹумәт кьн. Ԝан тʹема кʹьфш кьн, йед кӧ ԝәрʹа һʹәԝас ьн. Һәр тʹемәкеда пьрсед керһати һәнә у дәрһәԛа сәрһатийед Кʹьтеба Пироз информасийа кьн һатийә дайине (Бьньһерʹә чаргошә «Ча Әве Әʹдәбйәте Бьдьнә Хәбате»). Һуне бькарьбьн зу ван рʹеза бьвиньн, жь кʹижана һуне ширәт у дьлбинийе бьстиньн. Һуне ӧса жи ԝан хьзна бьвиньн, кʹижан кӧ дькарьн мәрьвед дьнрʹа жи бежьн, демәк рʹезед жь Кʹьтеба Пироз, кʹижан ԝе ԝана бьшьдиньн, ԝәʹде проблема али ԝан бькьн у бәрдьлийе бьдьнә ԝан.

Ча Әве Әʹдәбйәте Бьдьнә Хәбате

Сәва кӧ тʹемәке бьвиньн легәрʹине бьдьнә хәбате, йан жи дина хԝә бьдьнә щурʹә-щурʹә пʹара. Ве әʹдәбйәтеда, Кʹьтеба Пироз Дькарә Али Ԝә Бькә, һʹәфт пʹар һәнә: Чәтьнайи, Рʹабун-Рʹуньштьн, Щьват, Жийина Һәррʹожи, Малбәт, Һәләԛәтийа Мә Тʹәви Йаһоԝа у Һʹӧнӧр. Ван пʹарада ԝе щурʹә-щурʹә тʹема һәбьн. Әв пʹара кӧ ԝә хԝәш те бьжберьн у ԝедәре һуне ве тʹемайе бьвиньн, йа кӧ һун дьгәрʹьн. Ле һәрге һун ньзаньн әв тʹема кӧ һун дьгәрʹьн кʹижан пʹареда нә, бьдьнә хәбате пʹара Һʹәму Тʹема. Һәр пʹарәкеда бьнсәрийед бь һʹәрфед ԛальм һәнә. Һьнә бьнсәри пьрс ьн, һьнәк жи на. Гава һун ван рʹеза дьхуньн, бьфькьрьн, кӧ әԝана ча тʹема бьнсәрийева гьредайи нә у ча щаба ве пьрсе дьдьн. Һьнә тʹема һатьнә пʹарәвәкьрьне, ԝәки һун дьһа зу фьлан информасийайе бьвиньн, йа кӧ дьгәрʹьн. Һьнә рʹезед зедә дькарьн бьвиньн ль пʹара «Ӧса жи бьньһерʹьн». Ван рʹезада һәнә фькьр, йед кӧ ве тʹемайева гьредайи нә. Гәләк дәрәщада һуне ӧса жи бьвиньн «Мәсәлед Кʹьтеба Пироз». Паше һуне щьмлә бьвиньн, йа кӧ нета ве рʹезе шьровәдькә. Әв щьмлә ԝе али ԝә бькә дәрһәԛа ве тʹемайе бьфькьрьн, йа кӧ һуне рʹезеда бьхуньн.

Һәмьки һʹәму рʹез дәрһәԛа ван тʹемед ве әʹдәбйәтеда нәһатьнә дайине, ле әв дәстпека баш ә бона лекʹолинед ԝә (Мтʹл. 2:1-6). Сәва кӧ дьһа кʹур лекʹолина бькьн, рʹезед маргинал бьдьнә хәбате. Сәва кӧ дьһа баш нета ван рʹеза фәʹм бькьн, бьдьнә хәбате Рʹебәрийа Лекʹолинкьрьне бона Шәʹдед Йаһоԝа йан жи Индекса Ә′дәбийәта Бьрща Ԛәрәԝьлийе. Әв кани ԝе али ԝә бькьн ԝәки бьвиньн, кӧ дәрһәԛа фьлан рʹезе чь информасийа һатийә дайине у ӧса жи һуне бьвиньн фәʹмкьрьна тʹәзә йа ве рʹезе.

Бьра әв кʹьтеб али ԝә бькә ԛазанщ кьн билани, занәбун у фәʹмкьрьна жь Ньвисаред Пироз. Чьԛас һун ве әʹдәбйәте бьдьнә хәбате, һаԛас һе зедә һуне баԝәр бьн, ԝәки «Хәбәра Хԝәде сах у зор ә» (Ибр. 4:12).