Бь Сәбьр бьн

Мәсәла Иса

ВИДЕО: Иса бь Сәбьр Али Бьре Хԝә Дькә

1. Бьньһерʹьн ВИДЕО, йан жи бьхуньн Йуһʹәнна 7:3-5 у 1 Корьнтʹи 15:3, 4, 7. Паше ван пьрса шеԝьр кьн:

1. а. Бьред Иса серида ча хԝә данә кʹьфше һьндава Мьзгинийа кӧ әԝи бәла дькьр?

2. б. Чь дьдә кʹьфше, кӧ Иса бәрдәԝам дькьр али бьре хԝә Аԛуб бькә?

Әм жь Иса Чь Һин Дьбьн?

2. Әм гәрәке бь сәбьр бьн, чьмки һьнә мәрьварʹа дьһа зедә ԝәхт лазьм ә, ԝәки Мьзгинийе ԛәбул кьн.

Чʹәʹв Бьдьнә Иса

3. Методәкә дьн бьдьнә хәбате. Һәрге мәрьв дәрберʹа ԛайил набә һинбуна Кʹьтеба Пироз дәстпекә, зоре ԝи нәкьн. Чахе дәст дьдә, видео йан жи готара бьдьнә хәбате, ԝәки али ԝи бькьн фәʹм кә, кӧ һинбуна Кʹьтеба Пироз ча дәрбаз дьбә у әԝе чь кʹаре бьстинә.

4. Мәрьва бәрамбәри һәв нәкьн. Һәр мәрьв щӧдә йә. Һәрге нәфәре мале, йан жи әв мәрьв, сәрледана кʹижани кӧ һун дькьн, һинбуна Кʹьтеба Пироз дәстпенакә, йан жи тʹәви һинкьрьнәкә Кʹьтеба Пироз ԛайил набә, бьфькьрә һәла мәʹни чь йә. Дьԛәԝьмә ԝирʹа чәтьн ә һинкьрьнәкә религийа хԝә бьһелә. Дьбәкә әԝ дькʹәвә бьн һʹӧкӧме щинар йан жи мәрьвед хԝә. Ԝәʹдә бьде, ԝәки әԝ дәрһәԛа ве йәке бьфькьрә, чь кӧ ԝә жерʹа готийә, у рʹастийа Кʹьтеба Пироз бьшекьринә.

5. Бона мәрьв дӧа бькьн. Жь Йаһоԝа лава кьн, ԝәки һун гӧмана хԝә ԝи мәрьви нәбьрʹьн у бьзаньбьн кӧ чьчах чь бежьн. Ӧса жи дӧа кьн, ԝәки тедәрхьн һәла әԝ мәрьв бь рʹасти дьхԝазә дәрһәԛа Кʹьтеба Пироз пебьһʹәсә, йан ида нәлазьм ә бадиһәԝа ԝәʹде хԝә бона ԝи хәрщ кьн (1 Корн. 9:26).