ТʹЕМА ЖЬ РʹУЙЕ ЖУРНАЛЕ | ҺУН ДЬХԜАЗЬН КʹЬТЕБА ПИРОЗ ҺИН БЬН?

Һинбуна Кʹьтеба Пироз Бона Һʹәмуйа

Шәʹдед Йаһоԝа тенә наскьрьне бь даннасинкьрьне. Ле һун заньн кӧ әм ӧса жи дәрбаз дькьн һинбуна Кʹьтеба Пирозә бь бәрнама һʹәмдьнйайе?

Мерьк щийе хәбата хԝә һинбуна Кʹьтеба Пироз дәрбаз дьбә

Дь сала 2014-да, 8 000 000 зедәтьр Шәʹдед Йаһоԝа дь 240 ԝәлатада, һәр мәһ дәрбаз кьрьнә ԝәкә 9 500 000 һинбуна Кʹьтеба Пироз.a Рʹасти жи, әԝ һәжмара мәрьвед кӧ тʹәви мә Кʹьтеба Пироз һин дьбьн, жь һәжмара һьнә ԝәлата зедәтьр ә, у ԝәкә 140 ԝәлатед ӧса һәнә.

Сәва кӧ әԝ шьхӧле һинкьрьне бьԛәдиньн Шәʹдед Йаһоԝа һәр сал нәшьр дькьн ԝәкә милйардәк у нив һʹәв Кʹьтеба Пироз, кʹьтеб, журнал, у тьштед майинә бона һинбуна Кʹьтеба Пироз, ԝәкә ль сәр 700 зьмана! Әԝ нәшьркьрьна гьринг, мәщале дьдә мәрьва ԝәки Кʹьтеба Пироз һин бьн сәр кʹижан зьмани дьхԝазьн.

«Мьн тʹӧ щар һʹьз нәкьрийә дь мәкʹтәбеда һин бьм. Ле әва һинбуна гәләк һʹәԝас ә! Әԝ чь кӧ әз педьһʹәсийам гәләк дьлгәрми дьда мьн!» (Катлего, Африкайа Башуре.)

«Әве һинбуне нә кӧ тʹәне щаба сәр пьрсед мьн да, ле әз һе зедә тьшт пеһʹәсийам». (Берта, Мәксика.)

«Һинбуна Кʹьтеба Пироз тʹәви мьн мала мьнда дәрбаз дькьрьн, у ԝи ԝәʹдәйи кʹәнге мьнрʹа дәст дьда. Жь ве зедәтьр мьне чь бьхԝаста!» (Һәзәкәл, Бразилйа.)

«Щара дәрсәк 15 йан 30 дәԛә дькʹьшанд, ле щара һе зедә. Әԝ гьредайи бу ве йәкева кӧ чьԛас ԝәʹде мьн һәбу!» (Виниана, Австралйа.)

«Әԝ һинбун бе пʹәрә бу, у әз әʹщеб майи мам!» (Аиме, Бенин.)

«Һинкʹаре мьн гәләк бь сәбьр бу у һʹәйф бу. Әм һәврʹа гәләк незик бун». (Карен, Ирләнда Бакʹуре.)

«Гәләк мәрьв Кʹьтеба Пироз һин дьбьн, ле набьнә Шәʹдед Йаһоԝа». (Дентон, Инглистан.)

ҺИНБУН ЧЬ ЩУРʹӘЙИ ДӘРБАЗ ДЬБӘ?

Formata Kûrsa Hînbûnê Çi Cûre Ye?

Әм щурʹә-щурʹә тʹемед Кʹьтеба Пироз дьжберьн у рʹезед жь Кʹьтеба Пироз леколин дькьн, кʹижан кӧ тʹәви ԝан тʹема гьредайи нә. Мәсәлә, Кʹьтеба Пироз щаба ван пьрса дьдә: Кʹи йә Хԝәде? Әԝ чь щурʹәйи йә? Наве ԝи һәйә? Әԝ кʹӧ дьжи? Әм дькарьн незики ԝи бьн? Ле лазьмә бьзаньбьн, кӧ ԝан щаба дь Кʹьтеба Пирозда кʹидәре бьвиньн.

Сәва кӧ али мәрийа бькьн ԝәки әԝан щаба бьвиньн, әм дьдьнә хәбате кʹьтеба бь 224 рʹупʹела, наве ве йә «Чь Һин Дькә Кʹьтеба Пироз?»b Әԝ кʹьтеба һатийә чекьрьне сәва кӧ али мәрьва бькьн, ԝәки фәʹм бькьн һинкьрьнед сәрәкәйә Кʹьтеба Пироз. Нава ԝеда нә дәрсед дәрһәԛа Хԝәде, Иса Мәсиһ, кӧл-дәрдед мәрьва, сахкьрьн, дӧакьрьн, у гәләк тʹемед майин.

Кʹәнге у кʹидәре дькарьн һинбуне дәрбаз кьн?

Һинбуне дькарьн дәрбаз кьн ԝи ԝәʹдәйи у ԝи щийи ча ԝәрʹа дәст дьдә.

Һинбун чьԛас ԝәʹдә дькʹьшинә?

Гәләк мәрьв Кʹьтеба Пироз һʹәфте щарәке ԝәкә сьһʹәтәке һин дьбьн. Ле ԝәʹдә бона һинбун кʹьфшкьри нинә. Әм пе графика ԝә дькарьн бен. Һьнәк һәр һʹәфти 10 йан 15 дәԛа һин дьбьн.

Сәва кӧ әԝе һинбуне бь тʹәмам дәрбаз бьн чьԛас пʹәрә лазьм ә?

Һинбун у кʹьтебед һинбуне бе пʹәрә нә. Чьмки Иса Мәсиһ тʹәми да шагьртед хԝә: «Ԝә беһәԛ стандийә, беһәԛ жи бьдьн» (Мәтта 10:8).

Сәва кӧ әԝе һинбуне бь тʹәмам дәрбаз бьн чьԛас ԝәхт лазьм ә?

Әԝ йәк ԝәва гьредайи йә. Дь кʹьтеба «Чь Һин Дькә Кʹьтеба Пирозда?» 19 дәрс һәнә. Һун хԝәха дькарьн сафи кьн һәр щарәке чьԛаси дәрбаз бьн.

Гәло әзе борщдар бьм бьбьмә Шәʹдед Йаһоԝа?

На. Әм заньн кӧ изьна һәр кәси һәйә ԝәки бьжберә чь баԝәр кә. Мәрьв кӧ педьһʹәсә һинкьрьнед сәрәкә йа Кʹьтеба Пироз, хԝәха ԝе сафи кә чь бьжберә.

Кʹидәре әз дькарьм информасийа зедә бьстиньм?

Малпәра jw.org информасийа рʹаст дьдә дәрһәԛа баԝәрийа у кʹаркьрьна Шәʹдед Йаһоԝа..

Әз чь гәрәке бькьм ԝәки тʹәви мьн Һинбуна Кʹьтеба Пироз дәстпекьн?

Хԝәстьна хԝә бь онлайн бьньвисьн сәр малпәра www.jw.org.
Бьньвисьн сәр адрәса кӧ дь ве журналеда сәр рʹупʹела дӧда һәйә.
Текли бьн тʹәви Шәʹдед Йаһоԝа кӧ незики ԝә дьминьн.

a Һинбуна Кʹьтеба Пироз дәрбаз дькьн тʹәви мәрьвәки йане жи бь кʹом.

b Шәʹдед Йаһоԝа нәшьр кьрьнә. Әв кʹьтеб 230 милйон һʹәви зедәтьр һатийә нәшьркьрьне ль сәр 260 зьмана зедәтьр.

АЛИКʹАРИ БОНА МАЛБӘТЕ

«Чахе жьна мьн һинбуна Кʹьтеба Пироз дәстпекьр, мьн тʹәхмин кьр ча әԝ алийе башда дьһатә гӧһастьне. Һәләԛәтийа мә дь малбәтеда дьһа баш бьбу. Мьн хԝәст пебьһʹәсьм һәла әԝ чь һин дьбә, у мьн жи дәстпекьр һин бьм. Һинбуна Кʹьтеба Пироз нәфәре мала мә һе зедә незики һәв кьр». (Һәзәкәл.)

«Чахе мьн дәстпекьр һинбуна Кʹьтеба Пироз, мьн перʹа-перʹа наркотик у ичʹкә тʹәрк да. Әз һин бум емосийед хԝә контрол кьм. Ньһа мала мьн мина бәре ләвкʹәти нинә. Әз һин бум ԛәдьре нәфәре мала хԝә бьгьрьм, у сәва ԝана хәм бькьм, жь бо чь жи шабуне дьстиньм. Әз мәрики зәʹф бәхтәԝар ьм!» (Карен.)

«Чахе мьн дәстпекьр һинбуна Кʹьтеба Пироз, гәләка әз нәһәԛ дькьрьм. Ле йәкә мере мьн пьшта мьн дьгьрт у дьготә мьн: ‹Кʹе чь дьбежә әз гӧһ надьмә ԝан. Әз дьвиньм ԝәки тӧ алийе башда тейи гӧһастьне, бона мьн әԝ тьштәки лапи фәрз ә. Ләма жи, бәрдәԝан кә һинкьрьна хԝә›. Малбәта мә тʹӧ щар ӧса бәхтәԝар нибу йә!» (Виниана.)