ТʹЕМА ЖЬ РʹУЙЕ ЖУРНАЛЕ | ГӘЛО ҺӘЙӘ КʹАРА ДӦА?
Чьрʹа Мәрьв Дӧа Дькьн?
«Әз зәʹф ԛайим хӧмарбаз бум. Мьн дӧа дькьр кӧ пʹәре мәзьн ԛазанч кьм. Ле тʹӧ щар ӧса нәбу» (Самуел,a Кәнйа).
«Дь мәкʹтәбеда мә гәрәке дӧа бьԝәкʹьландана, кʹижан кӧ әм әзбәри һин кьрьбун» (Тереса, Филипин).
«Чахе проблем рʹасти мьн тен, әз дӧа дькьм. Әз дӧа дькьм бона бахшандьна гӧнә у сәва бьбьмә Мәсиһийе һе баш» (Магдален, Гана).
Гьлийед Самуел, Тереса, у Магдалене дьдьнә кʹьфше, кӧ мәрьв дӧа дькьн бона щурʹә-щурʹә мәʹнийа. Һьнә мәрьв бь дьл дӧа дькьн, ле һьнәк жи бе һʹәмде хԝә дӧа дькьн. Һәнә мәрьв дӧа дькьн сәва кӧ дь мәкʹтәбеда екзаминада дәрбаз бьн, сәва кӧ әԝ кʹома спорте сәркʹәвә, кʹижан кӧ әԝана һʹьз дькьн, йан сәва кӧ Хԝәде малбәта ԝан хԝәй кә, у диса мәʹнийед щурʹә-щурʹә. Бәле, бь сәда милйона мәрьв тʹәхмин дькьн кӧ һʹәԝщә нә дӧа кьн. Бь рʹастийе жи, бь леколинкьрьна те кʹьфше кӧ һәла һе әԝ жи, йед кӧ нава религийада ниньн, тʹьме дӧа дькьн.
Ле һун дӧа дькьн? Һәрге әре, һун бона чь дӧа дькьн? Фьрԛи тʹӧнә һун тʹьме дӧа дькьн йан на, ле дьбәкә һун дьфькьрьн: «Чь кʹар ә кӧ дӧа бькьн? Гәло кәсәк дьбьһе дӧайед мә?» Ньвискʹарәки гот кӧ дӧа әԝ тʹәне «щурʹе терапиайе» йә. У һьнәк һʹәкимед навдар жи ӧса дьфькьрьн, кӧ дӧакьрьн әԝ һәйә щурʹәки ԛәнщкьрьне. Гәло чахе мәрьв бе һʹәмде хԝә дӧа дькьн, йан жи дӧа дькьн кӧ дьлрʹьһʹәт бьн, дӧайед ӧса кʹаре тиньн?
Кʹьтеба Пироз дьдә кʹьфше кӧ дӧа һе зедә кʹаре тинә, нә кӧ тʹәне дьлрʹьһʹәтийе. Әԝ мәрʹа дьбежә, кӧ чахе мәрьв рʹаст дӧа дькә у бона тьштед рʹаст, һьнге бь рʹастийе жи кәсәк дьбьһе. Гәло әԝ йәк рʹаст ә? Ԝәрә әм пебьһʹәсьн.
a Һьнә нав һатьнә гӧһастьне.