Чьма Кʹьтеба Пироз Һатә Хwәйкьрьне

Кʹьтеба Пироз һатә хwәйкьрьне. Иро тö дькари әве кʹьтебе хwәрʹа бьстини у бьхуни жи. У чахе тö wәлгәрʹандьна баш йа Ньвисаред Пироз дьжбери, тö дькари баwәр би wәки тö текста рʹаст йа ньвисандьна орижинале дьхуни.a Ле чьма Кʹьтеба Пироз нава һаqас чәтьнайада, һатә хwәйкьрьне? Гәло әв кʹьтеб чьда мәхсус ә?

Гәләк шагьртед Кʹьтеба Пироз рʹази нә тʹәви ван гьлийед Паwлос: «Тʹәмамийа ньвисаре жь бина бәр Хwәде йә» (2 Тимотʹейо 3:16). Әwана баwәр дькьн, кö Кʹьтеба Пироз һатә хwәйкьрьне, чьмки әв рʹасти жи Хәбәра Хwәде йә у кö Хwәде әв сәва мә хwәй кьрийә. Файзал, дәрһәqа кʹижани кö мә готаред пешьнда дьгот, һьнә wәʹдә шунда сафи кьр Кʹьтеба Пироз һин бә у леколин бькә. Чь кö әwи wәʹде леколинкьрьне пеһʹәсийа, гәләк әw әʹщебмайи кьр. Әw пеһʹәсийа кö дь Кʹьтеба Пирозда тʹöнә гәләк һинкьрьнед öса, чь кö Мәсиһти иро бәла дькьн. Хенщи wе йәке, гәләк дьле wи гьрт, чахе әw жь Хәбәра Хwәде, дәрһәqа qьрара Wийә сәва әʹрде, пеһʹәсийа.

Әw дьбежә: «Ньһа әз баwәр дькьм, кö Кʹьтеба Пироз пʹешкʹеш ә жь Хwәде. У һәрге Хwәде карьбу Гәрдуне (Дьне) бьәʹфьринә, ле wе qәwата wи нәгьһиштайе, кö Кʹьтеба Пироз хwәй кә у бьгиһинә мә? Һәрге әм ве йәкерʹа рʹази ниньн, демәк әм qәwата Хwәдеда чаwа кö йәки Һʹьмзор, дöдьли нә! У әз кʹи мә сәва кö qәwата Хwәдеда дöдьли бьм?» (Ишайа 40:8).