Мьн Шабун Станд Хьзмәтийeда

ЧАХЕ әз 12 сали бум, һьнгe мьн фәʹм кьр кö әз дькарьм тьштәки гәләк qимәт мәрьварʹа гьли кьм. Сәр щьвата мәзьн, бьраки жь мьн пьрси һәла әз дьхwазьм тʹәви wи һәрʹьм хьзмәтийe. Рʹаст ә мьн тʹö щара мьзгини бәла нәкьрьбу, лe йәкә әз qайил бум. Әм чунә мьһаләкe у әw бьра һьнә бәлавок да мьн дәрһәqа Пʹадшатийа Хwәдe. Бьра готә мьн: «Тö ви алийe кʹучe мьзгинийe бәла кә, лe әз алийe дьн». Әз бәрхwә дькʹәтьм кö we ча бә, лe йәкә мьн дәстпeкьр мал бь мал мьзгинийe бәла кьм. Әз әʹщeбмайи мам кö мьн ча зу һʹәму бәлавок бәла кьр. Бәлe, гәләк мәрьв гöһ дьданә мьн у әʹдәбйәт qәбул дькьрьн.

Әз һатьмә буйинe сала 1923, шәһәрe Чатeмeда (Инглистан). Wан салада паши Шәрʹe Һʹәмдьнйайe йe йәкe, мәрьв һивийe бун кö дьнйа we хwәш бә. Лe чахe һʹал хwәш нәбу, щьмәʹт у öса жи дe-бавe мьн дьлтәнг бун. Әwана öса жи дьлтәнг дьбун жь бо кʹәшишe Баптист, кʹижан кö тʹәнe сәва вe йәкe хәм дькьр, wәки дeрeда щийe бьльнд бьгьрә. Чахe әз wәкә нәһ сали бум, дийа мьн дәстпeкьр һәрʹә ода Лeколинкʹарeд Кʹьтeба Пироз, дeмәк Шәʹдeд Йаһоwа. Ль weдәрe wана щьватeд хwә дәрбаз дькьр. Хушкәкe тʹәви мә зарʹа ль weдәрe дәрс дәрбаз дькьр сәр һʹимe Кʹьтeба Пироз у кʹьтeба «Лирe Хwәдe». Әw һинбун гәләк мьн хwәш дьһат.

ҺИН ДЬБЬМ ЖЬ БЬРЕД ӘʹМЬРДА МӘЗЬН

Гәләк мьн хwәш дьһат мәрьварʹа гьли кьм дәрһәqа созeд жь Хәбәра Хwәдe. Рʹаст ә гәләк щар әз тʹәнe дьчум кö мал бь мал хьзмәт кьм, лe әз һин бум кö тʹәви хушк-бьра жи дәрeм. Щарәкe әз тʹәви бьраки әʹмьрда мәзьн дәркʹәтьм хьзмәтийe. Әм пe бисиклeтe чунә хьзмәтийe. Әм бәр кʹәшишәкирʹа дәрбаз бун у мьн гот: «Ва бьньһeрʹә бьзьн тe». Бьра сәкьни у мьнрʹа гот кö әз тʹәви wи рʹунeм сәр кочʹe дарe. У әwи мьнрʹа гот: «Әw кʹe изьн дайә тә кö диwана мәрьва бьки? Wәрә әм бь шабун мьзгинийe бәла кьн, лe диwанкьрьнe, Йаһоwа we бькә». Нава wан салада әз гәләк тьшт һин бум, кö ча шабунe бьстиньм дайинeда, дeмәк хьзмәтийeда (Мәт. 25:31-33; Кʹар. Шанд. 20:35).

Бьраки дьн йe кö әʹмьрда мәзьн бу, әз һин кьрьм кö сәва шабунe бьстиньм хьзмәтийeда, сәбьр лазьм ә. Жьна wи бьрайи Шәʹдeд Йаһоwа һʹьз нәдькьр. Щарәкe әwи әз тʹәглифи мала хwә кьрьм, wәки әм һeса бьн. Жьна wи öса һeрскʹәти бу жь бо хьзмәтийа мeрe хwә, кö пакeтeд чайe дьавитә мә. Бьра дәwса кö лe һьлата, әwи бь бәшәра хwәш чай һьлда у дани щийe хwә. Пашe һьнә сал, сәбьра wи һатә кʹәрәмкьрьнe, жьна wи һатә ньхöмандьн у бу Шәʹдe Йаһоwа.

Мьн гәләк дьхwәст мәрьварʹа гьли кьм дәрһәqа ахьрийа баш, кʹижан кö Хwәдe соз дьдә. Әз у дийа мьн сала 1940 мәһа Адарe һатьнә ньхöмандьнe шәһәрe Дуврeда. Сала 1939, мәһа Илонe, чахe әз 16 сали бум, Британйа Алманйайeрʹа шәрʹ әʹлам кьр. Сала 1940 мәһа Һʹәзиранe, әз бәр шeмика мала хwә сәкьни бум, мьн дит ча мәкʹинeд мәзьн, бь әскәрeд бьриндар тʹьжә, дәрбаз дьбун. Әw әскәр шәрʹe кö Данкeркeда бу, сах мабун. Мьн чахe wан дьньһeрʹи, мьн тʹәхмин дькьр кö һивийа wан сәр тʹö тьшти нинә. Ләма мьн гәләк дьхwәст wанрʹа гьли кьм дәрһәqа һатьна Пʹадшатийа Хwәдe. Һьнәк дәрәнг we салeда, Алманйайe дәстпeкьр Британйа, да бәр бомба. Һәр шәв әскәрeд Алмани сәр мәрʹа дьфьрʹийан. Мә бьһист ча wана бомб давитьн у әм гәләк дьтьрсийан. Чахe шәбәqe әм дәрдькʹәтьн дәрва, мә дьдит кö ча һʹәму щийа мал һьлшийанә. Әw һʹәму тьшт һe зeдә әз дьдамә баwәркьрьнe кö тʹәнe Пʹадшатийа Хwәдe дькарә ахьрийа баш мьнрʹа бинә.

ХЬЗМӘТИЙА ХWӘ ДӘСТПЕДЬКЬМ

Сала 1941 мьн дәстпeкьр хьзмәт кьм ча пeшәнг. Хьзмәткьрьна пeшәнги әз гәләк бәхтәwар кьрьм. Әз шәһәрe Чатeмда, кʹарханeда дьхәбьтим. Weдәрe әз һин бум гәмийа чeкьм. Гәләк мәрьва дьхwәстьн we кʹарханeда бьхәбьтьн, чьмки һәq зәʹф бу. Хьзмәткʹарeд Йаһоwа заньбун, кö Мәсиһи гәрәкe мьqабьли һәв шәрʹ нәкьн. Сала 1941, мә фәʹм кьр кö әм гәрәкe тʹәви тʹö тьшти нәбьн чь кö гьрeдайи йә тʹәви чʹәка у шәрʹа (Йуһʹн. 18:36). We кʹарханeда кʹидәрeда әз дьхәбьтим, qәйька бьнави чeдькьрьн. Ләма мьн әw хәбат һишт у дәстпeкьр хьзмәт кьм ча хьзмәткʹарe һәртʹьм. Щара пeшийe әз һатьм кʹьфшкьрьнe кö хьзмәт кьм ль шәһәрe бәдәw Сайрeнсeстeрe.

Чахe 18 салeд мьн тʹәмам бун, әз кʹәтьмә кәлe чьмки нәчумә әскәрийe. Мьнрʹа гәләк зор бу чахe щара пeшийe дәрe кәлe сәр мьн дадан у әз тʹәнe мам. Пашe нобәдара у гьртийа жь мьн пьрсин кö чьрʹа әз кʹәтьмә кәлe. Әз ша бум, чьмки мәщал вәбу, wәки әз дәрһәqа баwәрийа хwә бeжьмә wан.

Паши азабунe, жь мьн һиви кьрьн кö тʹәви бьрe Лeонард Смит,a шарьстана Кeнтда ль Инглистанe щурʹә-щурʹә бажарада мьзгинийe бәла кьн. Wи чахи, тәйарeд рeактив Натсиста (Нази), бь бобма тʹьжә дькʹәтьнә шарьстана Кeнт, дeмәк пʹарәкә Инглистанe, кʹидәрe кö мә хьзмәт дькьр. Жь сала 1944 дәстпeкьри, һʹәзари зeдәтьр тәйарeд Натсиста, йe кö бь бомба тʹьжә бун, дьһатьнә авитьнe сәр шарьстана Кeнт. Чахe дәнгe wан тәйара дьһатә бьрʹинe, мә ида заньбу кö wа ида we бькʹәвьн у бьтʹәqьн. Һәр кәс гәләк дьтьрсийа. Wи чахи мә тʹәви малбәтәкe һинбуна Кʹьтeба Пироз дәрбаз дькьр. Щарна wәʹдe һинбунe, мә тʹәви пeнщ нәфәрeд мала wан, бьнe сьфьра һʹәсьн рʹуньштьбун, сәва хwә жь бомба хwәй кьн. Ахьрийe әw малбәт тʹәмам һатьн ньхöмандьнe у бунә Шәʹдeд Йаһоwа.

ХЬЗМӘТ ДЬКЬМ WӘЛАТЕД ХӘРИБДА

Паши шәрʹ мьн Ирләндeда дö сала хьзмәт кьр ча пeшәнгe һәртʹьм. Weдәрe әм дьчунә мал бь мал у щи дьгәрʹийан кʹидәрe кö дькарьн бьминьн. Мә мәрьварʹа дьгот кö әм мисйонeр ьн у журналeд мә кʹучада бәла дькьн. Әw йәк рʹасти жи нәаqьлайи бу, чьмки wи wәлатида мәрьв Католик ьн. Мәрьвeд жь Ирләндe гәләк щöдә дьбун жь йeд Инглистанe. Чахe мeрькәки мә да тьрсандьнe кö we мә бькʹöтә, мьн шькийатe wи полисрʹа кьр. Лe полис готә мьн: «Лe тö һивийа чь буйи?» Әм әʹщeбмайи ман чахe мә дит кö һʹöкöмәтийа кʹәшиша чьqас зәʹф һәйә сәр мәрьва. Һәгәр мәрьв әʹдәбйәтeд мә һьлдьдан, кʹәшиша wана жь хәбатe дәрдьхьстьн. У паши we йәкe, кʹәшиша бәри мә дьдан у дәрдьхьстьн, жь wи щийи кʹидәрe кö әм дьжит.

Ахьрийeда мә сафи кьр, кö пe бисиклeтe жь мал дур хьзмәт кьн, кʹидәрe кö кʹәшиш мә нас накьн. Лe хьлазийe мә нeзики малe хьзмәт дькьр. Шарьстана Килкeнида гәләк мәрьв мьqабьли мә дәрдькʹәтьн, лe йәкә мә һʹәфтe сe щара һинбуна Кʹьтeба Пироз тʹәви мeрькәки щаһьл дәрбаз дькьр. Мьн шабунәкә гәләк мәзьн дьстанд, чахe һинбуна Кʹьтeба Пироз тʹәви мәрьва дәрбаз дькьр. Ләма жи мьн сафи кьр кö бланка Мәкʹтәба Гиләд тʹьжи кьм у һазьр бьм сәва хьзмәтийа мисйонeри.

Паши пeнщ мәһeд һинбуна Нийу Йоркeда, жь мә чар бьра һатьнә кʹьфшкьрьнe кö хьзмәт кьн сәр гьравeд бьчʹук йа Бәʹра Карибe. Сала 1948, мәһа Мьждарe, әм жь Нийу Йоркe чун у дәрбази гәмийа 18 мeтьрe бун, навe кʹижанe «Сибиа» бу. Әз тʹö щар нәкʹәтьбумә гәмийe, ләма жи әз дьтьрсийам. Нав мәда Гаст Макe гәмиванe щeрʹьбанди бу. Әwи чәнд тьштeд фәрз сәва ажотьна гәмийe әм һин кьрьн. Гаст 30 рʹожи рʹeбәрийа ажотьна гәмийe дькьр, һʹәта әм гьһиштьнә Баһамайe. Һьнгe әм рʹасти фьртона жи дьһатьн.

ХЬЗМӘТИ НАВА ГЬРАВАДА

Паши we йәкe кö мә чәнд мәһа хьзмәт кьр сәр гьравeд Баһама, әм дәрбази гьравeд дьн бун. Әw гьрав ортʹа Гьравeд Вeрщин у Тринидадeда бун, кʹижан кö wәкә 800 киломeтьр дури һәв бун. Мә 5 сала хьзмәт дькьр wан гьравада, кʹидәрe кö Шәʹдeд Йаһоwа тʹöнә бун. Щара бь һʹәфтийа мә нькарьбу нәʹмә бьшанда йан жи бьстанда. Лe әм гәләк ша дьбун кö мә Хәбәра Йаһоwа ль сәр гьрава бәла дькьр (Йeрәм. 31:10).

Чахe мә гәми бәр дәвe бәʹрe да сәкьнандьнe, щьмәʹт һатьн тʹоп бун, дьхwәстьн бьзаньбьн һәла әм кʹe нә. Һьнәк жь wана, нә гәми, нә жи мәрьвeд бь чʹәрмe сьпи дитьбун. Мәрьвe кö сәр we гьравe дьжитьн, һәвалһʹьз у баwәрмәнд бун, йeд кö Кʹьтeба Пироз рʹьнд заньбун. Гәләк щар wана мәʹсийeд тʹәзә, авокадо у фьстәq дьданә мә. Рʹаст ә гәмийа мә бьчʹук бу, лe мә дькарьбу сәр гәмийe хwарьн чeкьра, рʹазана, у кʹьнщ жи бьшушта.

Мә тʹәмамийа рʹожe бәр дәвe бәʹрe мьзгини бәла дькьр. Мә гьшкарʹа дьгот кö we тeма сәр һʹимe Кʹьтeба Пироз бe готьнe. Бәрe eварe мә зәнгьлe гәмийe дьхьст, мәрьва дәнг дьбьһистьн у дьһатьн тʹоп дьбун. Чахe мә дьдит кö ча мәрьв тʹоп дьбьн мә шабунәкә мәзьн дьстанд. Чʹьрайeд дәстe wанда мина стәйрка шәwq дьдан у чʹийeва бәржeр дьбун дьһатьн. Щара бь сәда мәрьв дьһатьн, әwана дьман һʹәта дәрәнг у пьрс дьданә мә. Wана тʹәви мә кʹьламeд Пʹадшатийe дьстьран, ләма мә кʹьлам сәр кʹахаза нәшьр дькьр у дьда wан. Чахe мә һәр чар бьра кʹьлама дьстьра, щьмәʹтe дәстпeдькьрьн тʹәви мә бьстьрeн. Дәнгe wана гәләк хwәш дәрдькʹәт. Әw wәʹдәки гәләк хwәш бу!

Чахe мә һинбуна Кʹьтeба Пироз хьлаз дькьр, әw шагьрт тʹәви мә дьһатьнә маләкә дьн, кʹидәрe кö мә тʹәви малбәтәкә дьн һинбуна Кʹьтeба Пироз дәрбаз дькьр. Чәнд һʹәфти дәрбаз бун у әм ида гәрәкe бьчуна щики дьн. Гәлә щар мә һиви жь wан дькьр, йeд кö һин бьбун, сәва йeд майин һин кьн, һʹәта әм вәдьгәрʹьн. Гәләк һʹәwас бу чахe мә дьдит кö һьнәк жь wан әw шьхöл öса дькьрьн, ча бeжи борщe wан ә.

Ньһа гәләк жь wан гьрава буйә щийe туриста, лe пeшийe әw щи хәвлә бун. Ча һәргав, әм пe гәмийe шәв жь гьравәки дәрбази гьрава дьн дьбун. Әм чахe дьчун, дeлфин рʹәх гәмийа мә дькʹәтьн, у мә тʹәнe дәнгe авe жь гәмийа хwә дьбьһист. Шәwьqа һивe дькʹәтә сәр бәʹрe у рʹәнгe зив дьда бәʹрe.

Паши we йәкe ча мә пeнщ сала сәр гьрава хьзмәт дькьр, әм чунә Порто Рико wәки гәмийа хwә бьгöһeзьн кö йәкә бь мотор һьлдьн. Әм чахe чунә weдәрe, мьн хушкәкә бәдәw дит навe we Максeн Бойд бу. Әw мисйонeрәкә хирәт бу, кʹижан кö һe бьчʹуктайeда мьзгини бәла дькьр. Дьлe мьн кʹәтә we. Һьнәки дәрәнг әw ча мисйонeр чу Кʹомара Доминикe хьзмәт кьр һʹәта сала 1950 сәрweртийа Католик бәри we дан, жь weдәрe дәрхьстьн. Ча гәмиван, тʹәнe мәһәкe изьна мьн һәбу кö Порто Рикода бьмама. Пашe әз гәрәкe диса сәр чәнд сала бьчума сәр гьравeд дьн. Ләма жи мьн хwәрʹа гот: «Роналд, һәргe тö дьхwази әwe кәчʹькe бьстини, тö гәрәкe ләзкʹәви тьштәки бьки». Паши сe һʹәфтийа мьн жeрʹа гот, кö дьхwазьм лe бьстиньм, у шәш һʹәфти шунда мә һәв станд. Әз у Максeн ча мисйонeр һатьнә кʹьфшкьрьнe ль Порто Рикойe, ләма әз ида пe гәмийe щики дьнда нә дьчум.

Сала 1956 әз һатьмә кʹьфшкьрьнe ча бәрпьрсийарe мьһалe у мә әw хьзмәтийа хwә дәстпeкьр. Гәләк хушк-бьра бәләнгазийeда бун, лe мә хwәш дьһат тʹәсәлийа wан бькьн. Мәсәлә, гöндe Потала Пастилода дö малбәт Шәʹдeд Йаһоwа бун у wан малбәтада гәләк зарʹ һәбун. Бона зарʹа, мьн тʹьмe бьлурe дьхьст. Мьн жь wан кәчʹькәкә бьчʹук, кö навe we Һилда бу, пьрси кö әw дьхwазә тʹәви мә бe хьзмәт кә. Әwe гот: «Әз дьхwазьм, лe әз нькарьм. Солe мьн тʹöнәнә». Мә жeрʹа сол кʹьрʹи у әw тʹәви мә дәркʹәтә хьзмәткьрьнe. Сал дәрбаз бун, у сала 1972, әз у Максeн әм чунә Бәйтʹәла Бруклинe. Хушкәк, кʹижан кö тʹәзә мәкʹтәба Гиләд хьлаз кьрьбу һатьбу кʹьфшкьрьнe кö һәрʹә Әкwадорe хьзмәт кә. Әw ида һазьр бу кö һәрʹә, һьнгe нeзики мә бу у мәрʹа гот: «Wә әз наснәкьрьм, әрe? Әз әw кәчʹька бьчʹук бум, жь гöндe Пастило, кʹижан кö бe сол бу». Әw хушк Һилда бу! Әм жь шабунe гьрийан.

Сала 1960-да, мәрʹа готьн wәки әм һәрʹьн шәһәрe Сан Хуанe хьзмәт кьн филиала Порто Рикода, кʹижан маләкә бьчʹукда бу. Щара пeшийe мьн тʹәви бьрe Лeнарт Щонсон гәләк хәбат ани сeри. Лeнарт Щонсон у жьна wи дь Кʹомара Доминикeда Шәʹдeд Йаһоwайи пeшьн бун, у сала 1957 әwана дәрбази Порто Рикойe бун. Һьнә wәʹдә шунда, Максeнe журнал wан мәрьварʹа шанд, йeд кö пʹәрә qöрбан кьрьбун. Әw шьхöлe кö әwe дькьр, шабун жeрʹа дьани, чьмки бь we йәкe мәрьв дәрһәqа Йаһоwа пeдьһʹәсийан.

Хьзмәткьрьна Бәйтʹәлeда шабун мьнрʹа дьани, чьмки әw бона мьн мәщал бу, кö һe зeдә сәва Йаһоwа бькьм. Лe щара һeса нибу. Мәсәлә, сала 1967 wәʹдe щьвата мәзьнә һʹәмдьнйайe, йа кö щара пeшийe дәрбаз бу Порто Рикода, әз гәләк дьлтәнг бум чьмки мьн гәрәкe һʹәму тьшт организә бькьра. Нeйтан Нор кʹижан кö wи чахи рʹeбәрийа Шәʹдeд Йаһоwа дькьр, һатә Порто Рико. Бьрe Нeйтан Нор тʹьрe мьн организә нәкьрийә кö мисйонeрeд жь wәлата һатьбун, пe әʹрәба биньн. Лe бь рʹастийe мьн һʹәму тьшт организә кьрьбу. Пашe әwи сәрт ширәт да мьн кö ча гәрәкe әз йәки организә бьм. У әwи гот кö әw мьнда баwәр бу, лe мьн әw шьхöл нәкьр. Мьн нә хwәст тʹәви wи бькʹәвьмә дәʹwe, лe мьн öса хwә тʹәхмин кьр, кö бь нәһәqи әз һатьмә сущдаркьрьнe. Әз дьлтәнг бум, лe дьлтәнгийа мьн дьрeж нәкʹьшанд. Щарәкә майин әз у Максeн рʹасти бьрe Нор һатьн. Әwи әм тʹәглифи отʹаха хwә кьрьн, у бона мә хwарьн һазьр кьр.

Әм чәнд щара чунә Инглистанe, мә тʹәсәлийа дe-бавe мьн кьр. Чахe мьн тʹәви дийа хwә рʹастийа Хwәдe qәбул кьр, бавe мьн һьнгe qәбул нәкьр. Чахe бьрайeд жь Бәйтʹәлe дьһатьн мьһала мә, дийа мьн гәләк щар әwана тʹәглифи малe дькьрьн. Бавe мьн дьдит кö әw бьра чьqас мьлук ьн. Әwана гәләк щöдә дьбун жь кʹәшиша, кʹижан кö бәр чʹәʹвe бавe мьн рʹәш бун. Ахьрийe сала 1962 бавe мьн һатә ньхöмандьнe у бу Шәʹдe Йаһоwа.

Жьна мьнә дәлал сала 2011 мьр. Әз һивийа we рʹожe мә, чахe әw жь мьрьнe рʹабә. Әw йәк гәләк мьн ша дькә. Мә 58 сала тʹәвайи жит. Wи wәʹдәйида мьн у Максeнe дит кö ча Порто Рикода щьмәʹта Йаһоwа зeдә дьбун, һәжмара wан жь wәкә 650 гьһиштә 26 000. Пашe, сала 2013 филиала Порто Рико тʹәви филиала Дәwләтeд Йәкбуйи бу. У мьнрʹа готьн кö әз weдәрe хьзмәт кьм, дeмәк шәһәрe Wолкил Нийу Йоркeда. Паши we йәкe кö мьн 60 сала хьзмәт кьр сәр гьравe, мьн хwә тʹәхмин дькьр ча бьнәлийe Порто Рикойe, тe бeжи weдәрe бьбум у мәзьн бьбум. Әз бәхтәwар бум кö мьн weдәрe хьзмәт дькьр, лe гәрәкe мьн бәрдәwам кьра пeшда бьчума.

ХWӘДЕ WАН ҺʹЬЗ ДЬКӘ, «ЙЕ КÖ БЬ ДЬЛ У ӘШQ ДЬДӘ»

Әз һʹәта ньһа шабунe дьстиньм хьзмәткьрьна Бәйтʹәлeда. Әз ньһа 90 сали зeдәтьр ьм, у борщдарийа мьн әв ә, чаwа шьванe рʹöһʹани, әндәмe Бәйтʹәлe qәwи дькьм. Һьнгeда ча әз һатьмә Wолкилe, мьн тʹәсәлийа 600 зeдәтьр хушк у бьра кьрийә. Һьнәк жь wан дьһатьнә бал мьн, кö әм шewьр кьн дәрһәqа проблeмeд wанә шәхси, йан жи йeд малбәтe. Һьнәка жи ширәт дьхwәстьн, сәва һe рʹьнд Бәйтʹәлeда хьзмәт кьн. Һьнәк жи тʹәзә кʹәтьнә зәwащe у дьхwәстьн ширәта һьлдьн. Һьнәк жи һатьбунә кʹьфшкьрьнe ча пeшәнгe һәртʹьм. Әз гöһ дьдьмә гьшка кʹe тe тʹәви мьн хәбәрдьдә. У чахe лазьм ә, әз дьбeжьмә wан: «Хwәдe wан һʹьз дькә, ‹йe кö бь дьл у әшq дьдә›. Ләма жи һун чь дькьн, бь шабунe бькьн. Чьмки һун сәва Йаһоwа дькьн» (2 Корн. 9:7).

Тö һәргe дьхwази бәхтәwар би хьзмәтийа Бәйтʹәлeда йан жи хьзмәтийа щурʹәки дьнда, тö гәрәкe тʹьмe бира хwәда хwәй ки, wәки чьqас фәрз ә әw шьхöлe кö тö дьки. Һʹәму шьхöлeд кö әм Бәйтʹәлeда дькьн, пироз ьн. Әw йәк аликʹарийe дьдә «хöламe амьн у сәрwахт», кö әwана хәм кьн дәрһәqа хwарьна рʹöһʹани бона бьратийа һʹәмдьнйайe (Мәт. 24:45). Һʹәму дәра, әм кʹö жи хьзмәт кьн, әм тʹьмe дькарьн Йаһоwа һöрмәт кьн. Wәрә әм бь шабунe бькьн әwe йәкe, чь кö Хwәдe мәрʹа дьбeжә, чьмки Хwәдe wан һʹьз дькә, «йe бь дьл у әшq дьдә».