Гәло Паши Мьрьне Һәйә Жийин?

НЬҺЕРʹАНДЬНА мәрийа ль сәр жийин у мьрьне гәләк жь һәв щöдә дьбә. Һьнәка тʹьре кö паши мьрьне әwана wе бь щурʹәки тʹәзә, йан ль щики дьн бәрдәwам кьн бьжин. Һьнәк жи дьфькьрьн, кö әwана qальбе кәсәкида, wе тʹәзәда бенә буйине. Һәнә йен öса жи кö дьфькьрьн, wәки бь мьрьне һʹәму тьшт хьлаз дьбә.

Ле ньһерʹандьна тә сәр ве пьрсе чаwа нә? Һәмьки әв йәк култура тәва гьредайи йә у wе йәкева, кö чаwа тә мәзьн кьрьнә. Ле гәло кʹи йан чь дькарә али тә бькә, кö щабәкә рʹаст бьстини?

Ида чьqас wәхт ә, сәрwеред религийайе һин дькьн, wәки паши мьрьне нәфса мәрийа бәрдәwам дькә дьжи. Пәйчуйед религийед мәзьн, йед öса ча: Мәсиһи, Һьнду, Щьһу, Мьсьлман у йед дьн баwәр дькьн, кö паши мьрьна бәдәне, мәрьв бәрдәwам дькә ча рʹöһʹ ль әʹзмана дьжи. Ле Бöдизм һин дькә кö мәрьв тʹәзәда диса у диса тенә буйине, бь сайа чь жи енержийа йан qәwата кö һьндöре wанда нә, дьгьһижә рʹьһʹәтийе у бехәмгинийе. У һʹаләки öса мәрьв нав дькьн Нирвана.

Сәр һʹиме һинкьрьнед ви щурʹәйи, гәләк мәрьв нав тʹәмамийа дьнйайеда дәстпекьрьн баwәр кьн, кö мьрьн ча бежи мәщаләкә тʹәзә дьдә, wәки дьнйакә дьнда бьжин. Сәва гәләк мәрийа, мьрьн әв пʹара жийине йә у wана тʹьре кö әв qьрара Хwәде йә. Ле Кʹьтеба Пироз дәрһәqа ве йәке чь дьбежә? Жь кʹәрәма хwә готара дьн бьхуньн у дьбә кö щаба ве пьрсе, wә әʹщебмайи кә.