Мәрьве Мәрʹд wе бе Кʹәрәмкьрьне

QÖРБАНКЬРЬН әʹдәтәкә бәре йә, кö тʹьме һʹәбандьна рʹастда щийе фәрз дьгьрә. Исраелийа һʹәйwан qöрбан дькьрьн, у Мәсиһи жи бь «qöрбана пәсьндайине» тʹьме әʹйан бун. Ле һәнә qöрбанед дьн жи кö дьле Хwәде те у әw qәбул дькә (Ибрн. 13:15, 16). Әw qöрбанкьрьн һьн шабуне һьн жи кʹәрәма тиньн. Мәсәлед жере ве йәке зәлал нишан дькьн.

Һанна, хьзмәткʹара амьнә бәре, безöрʹәт бу у гәләк дьхwәст, wәки кöрʹ жерʹа бьбә. Дöада әwе бәр Хwәде сонд хwар кö һәрге жерʹа кöрʹ бьбә, әwе wи «тʹәмамийа рʹожед жийана» wида бьдә Йаһоwа (1 Сам. 1:10, 11). Wәʹдә шунда, әw гьран дәркʹәт у жерʹа кöрʹ бу, әwе наве wи дани Самуйел. Паше чахе Самуйел ширәвәбу, Һаннайе wи бьрә коне пироз, чаwа кö сонд хwарьбу. Йаһоwа Һанна кʹәрәм кьр бона мәрʹдани у рʹәзәдьлийа wе. Паше, Хwәде диса ле кʹәрәм кьр у 5 зарʹ Һаннайерʹа бун, у Самуйел бу пʹехәмбәр, һьн жи бу ньвискʹарәки Кʹьтеба Пироз (1 Сам. 2:21).

Мина Һаннайе у Самуйел, иро бал Мәсиһийа жи qәдьрәки öса һәйә кö әʹмьре хwә тʹәсмили Әʹфьрандаре хwә кьн. Иса гот кö бона һәр qöрбанәкә кö әм Йаһоwарʹа дьдьн, әме гәләк бенә кʹәрәмкьрьне (Марq. 10:28-30).

Qьрʹна йәкеда, Мәсиһик бь наве Хәзал, бь «qәнщи у херкьрьнада» әʹйан бу. Сәва аликʹарийе бьдә йед майин, әwе гәләк qöрбанкьрьн дькьр. Йазьх, паше әw «нәхwәш кʹәт мьр», у щьвате шина wе дькьр. Гава хушк-бьра пеһʹәсийан кö Пәтрус шәһәрда нә, wана һиви жь wи кьрьн кö бе бал wан. Бьдьнә бәр чʹәʹве хwә кö шабунәкә чьqас мәзьн бу, гава Пәтрус һат у Хәзал жь мьрьне рʹакьр. Әw сәрһатийа пешийе йә дәрһәqа сахкьрьне кö алийе шандида һатә кьрьне (Кʹар. Шанд. 9:36-41). Бәле, Хwәде qәнщийа wе у qöрбанед wе бир нәкьр (Ибрн. 6:10). Сәрһатийа wе Хәбәра Хwәдеда һатә хwәйкьрьне, у бона мә мәсәлә йә кö чʹәʹв бьдьнә wе.

Паwлос жи мәсәла баш һишт бона мә. Әwи бь мәрʹдани wәʹде хwә хәрщ дькьр сәва мәрьвед майин. Чахе әwи хушк-бьред Корьнтʹирʹа нәʹмә ньвиси, әwи гот: «Әзе бь дьләки ша хwә жи у мал-һʹале хwә жи бона wә бьдьм» (2 Корн. 12:15). Паwлос жь щурʹә-щурʹә дәрәща һин бу, кö qöрбанкьрьн бона мәрьвед майин нә кö тʹәне шабуне тинә, ле йа лапә фәрз кʹәрәм у qәбулкьрьна Йаһоwа тинә (Кʹар. Шанд. 20:24, 35).

Әшкәрә йә, дьле Йаһоwа гәләк ша дьбә чахе әм wәʹдә у qәwата хwә хәрщ дькьн, сәва шьхöле wи у аликʹарийа хушк-бьра. Ле гәло диса чь щурʹейи әм дькарьн пьштгьрийа шьхöле бәлакьрьна мьзгинийе бькьн? Хенщи аликʹарийа хушк-бьрарʹа, әм öса жи дькарьн бь qöрбанкьрьнед рʹәзәдьли Хwәде һöрмәт кьн. Әв пʹәре кö әм qöрбан дькьн, тенә хәрщкьрьне сәр шьхöле һʹәмдьнйайе, у дькʹәвә нава хәрщед мисйонера у хьзмәткʹаред һәртʹьмә мәхсус. Әw пʹәрә öса жи те хәрщкьрьне сәр һазьркьрьна у wәлгәрʹандьна әʹдәбйәта, видеойа, сәр аликʹарийа wәʹде хәзәба, у авакьрьна Одед Щьвата. Әм гәрәке дöдьли нәбьн кö «дöайе ль мәрʹд бе кьрьне», демәк мәрьве мәрʹд wе әʹсә бе кʹәрәмкьрьне. Хенщи wе йәке, чахе әм Йаһоwарʹа тьштед хwәйә qимәт qöрбан дькьн, әм wи һöрмәт дькьн (Мәтʹлк. 3:9; 22:9).

Ча Дькарьн Qöрбанкьрьна Рʹәзәдьли Бькьн сәва Шьхöле Һʹәмдьнйайе

Гәләк мәрьв хwәрʹа башqә пʹәрә тʹоп дькьн, у паше щьватеда дькьнә qöтʹийа qöрбанкьрьнеда, сәр кʹижане ньвисийә «Шьхöле Һʹәмдьнйайе» (1 Корн. 16:2). Паше, һәр мәһ щьват әw пʹәрә дьшиньн филиала Шәʹдед Йаһоwа, кʹижан кö щабдар ә сәва wәлате wан. Әw мәрьв кʹижан кö дьхwазә пʹәрә qöрбан кә, дькарә wан пʹәра хwәха жи филиалерʹа бьшинә. Сәва кö пебьһʹәсьн чаwа филиалерʹа хwәха бьшиньн, жь кʹәрәма хwә бежьн филиалерʹа. Сәва пебьһʹәсьн адреса филиале бькʹәвьнә малпәра www.jw.org. Жере те готьне кö һун ча дькарьн бь щурʹәки майин жи хwәха пʹәра qöрбан кьн:

QÖРБАНКЬРЬН БЕЙ ВӘГӘРʹАНДЬН

Qöрбанкьрьн пе банке, йан картед кредите. Öса жи бь сайа малпәра мә jw.org дькарьн пʹәра qöрбан кьн.
Дькарьн пʹәрә, йан тьштед qимәт qöрбан кьн. Сәва ве йәке, лазьм ә нәʹмә һәбә, кʹидәреда бе готьне wәки әw пʹәрә йан тьшт, qöрбанкьрьна рʹәзәдьли йә.

QÖРБАНКЬРЬН КÖ ДЬКАРЬН ПАШДА ВӘГӘРʹИНЬН

Qöрбанкьрьна пʹәра пе wе нете, кö һәрге лазьм бе, дькарьн вәгәрʹиньн.
Чахе qöрбане öса дьхwазьн бькьн, нәʹмә гәрәке һәбә кʹидәреда бе готьне кö һәрге wәрʹа лазьм бе, әw пʹәре qöрбанкьрьне дькарьн пашда вәгәрʹиньн.

QÖРБАНКЬРЬНА ПЕШДА САФИКЬРИ

Сәва пьштгьрийа шьхöле һʹәмдьнйайе бькьн, хенщи пʹәраqöрбанкьрьне у тьштед дьнә qимәт, диса мәщалед дьн жи һәнә кö жере ньвисар ьн. Сәва кö бь wи щурʹәйи йан жи бь щурʹе дьн пʹәрә qöрбан кьн, жь кʹәрәма хwә бежьн филиала Шәʹдед Йаһоwа мьһала wәда, wәки пебьһʹәсьн чь щурʹә метод һун дькарьн бьдьнә хәбате.

Һәбун: Дькарьн һәбун qöрбан кьн, у бьдьнә филиала мьһала wәда. Һәрге мәрьв дьхwазә мал qöрбан кә ча һәбун, әw дькарә әw мал бьдә хәбате һʹәта хьлазийа әʹмьре хwә. Ле пешийа wе йәке кö qöрбанкьрьна һәбуне бь qануни кьн, лазьм ә тʹәви филиале шеwьр кьн.

Мьлкʹ: Пе пәймане һәбук йан пʹәра дькарьн чаwа мьлкʹ дәрбази филиала Шәʹдед Йаһоwа кьн у әw йәк дькарьн ль гора qануна wәлате qануни кьн. Копйа ве пәймане лазьм ә филиалерʹа бьшиньн.

Щурʹед Майин: Дькарьн öса жи qöрбан кьн аксийед, у öса жи пʹәре башqә банкеда. Һʹәта әw пәйман qануни кьн, лазьм ә тʹәви филиале шеwьр кьн.

Сәва һе зедә информасийа пебьһʹәсьн, бькʹәвьнә малпәра мә jw.org. Сәр һәр рʹупʹеле лап жере бьтькиньн сәр wи щийи, кʹидәре ньвисийә: «Qöрбанкьрьн Бона Шьхöле Һʹәмдьнйайе», йан жи текли бьн тʹәви филиала Шәʹдед Йаһоwа ль wәлате wәда.