Пьрсед Хwәндәвана

Кʹе бун Херхwаз бәʹса кʹижана Иса кьр еваре пешийа мьрьна хwә, у чьрʹа сәр wан öса дьготьн?

Иса еваре пешийа мьрьна хwә шагьртед хwә ширәт кьр, wәки нава хушк-бьрада хwә бьльнд нәкьн у наве хwә нәгәрʹьн. Әwи wанрʹа гот: «Пʹадшайед мьләта щьмәʹта хwә бьндәст дькьн у әwед сәр wан һʹöкöм дькьн херхwазед wан тенә готьне. Ле һун öса нәбьн» (Луqа 22:25, 26).

Ле гәло кʹе бун әw Херхwаз дәрһәqа кʹижана Иса гот? Ньвисаред сәр тьштед бәре, сәр пʹәре пол у ньвисаред дьн, әʹйан дькьн wәки бал щьмәʹта Йунани у Рʹомайи әʹдәт бу кö һʹöрмәте бьдьнә меред навдар у сәрwера, у wанрʹа дьготьн «Әуергетес», демәк Херхwаз. Әw мәрьв öса һʹöрмәт дькьрьн, чьмки әwана бона щьмәʹте тьштед баш дькьрьн.

Һьнге сәр гәләк пʹадша жи дьготьн Херхwаз. Нава wанда сәрwеред Мьсьре бун, йед кö әʹйан бун ча Птолемейе III Әуергетес (w.247- 222 Б.Д.М.) у Птолемейе VIII Әуергетес II (w. 147-117 Б.Д.М.). Сәрwеред Рʹоме Ийули Сезар (48-44 Б.Д.М.) у Аугустос жи (31 Б.Д.М.–14 Д.М.) öса нав дькьрьн, чаwа кö Һеродәсе Мәзьн, пʹадше Щьһустане. Ча те кʹьфше дьбәкә Һеродәс әw һöрмәт хwәрʹа qазанщ кьр, чьмки wәʹде хәлайе щьмәʹтерʹа гәньм у кʹьнщ бәла кьрьбу.

Гьлийед Адолф Дисмене Алмани, кö зандаре Кʹьтеба Пироз ә, нишан дькьн кö әw сәрнав «Херхwаз» гәләк бәлабуйи бу. Әwи гот: «Һәрге һьнә wәʹдә башqә кьн сәва ньвисаред бәре бьньһерʹьн, һуне бьвиньн кö сәд щари зедәтьр әв сәрнав һатийә хәбьтандьне».

Wәки öса нә, Иса чь дьхwәст бьгота чахе шагьртед хwәрʹа гот: «Ле һун öса нәбьн»? Гәло әwи дьхwәст, wәки әwана тʹәне бона хwә бьфькьрьн, у бона һʹалхwәшийа мәрьвед дор бәре хwә хәм нәкьн? Тʹö щар на. Бь рʹасти Иса дьхwәст, wәки әwана фәʹм кьн, кö чь гәрәке wана һелан кә сәва әwана мәрʹд бьн.

Wәʹде Исада мәрьвед дәwләти дьхwәстьн наве баш хwәрʹа qазанщ кьн, ләма жи пʹәрә дьдан бона щурʹә-щурʹә шоу у листька, авакьрьна парка у пʹарьстгәһа, у диса бона тьштед дьн. Ле wана öса дькьр, чьмки нета wан әw бу, кö мәрьв qәдьр-һʹöрмәте бьдьнә wан, наве wан бьльнд бә, йан жи сәва щьмәʹт wәʹде бьжартьна дәнг бьдә wан. Кʹьтебәкеда те готьне: «Рʹаст ә әw кьред wан алийе wанда бь рʹасти мәрʹдани йә, ле йәкә wана гәләк щар öса дькьр, сәва политикайеда пешда һәрʹьн». Иса дьхwаст, wәки шагьртед wи жь ве ньһерʹандьне у хwәһʹьзийе дур бьн.

Чәнд сал дәрбаз бу, Паwлосе шанди жи да кʹьфше, wәки гәләк фәрз ә бь нетед баш мәрʹданийе бьдьнә кʹьфше. Әwи хушк-бьред Корьнтʹирʹа ньвиси: «Дьле һәр кәсирʹа чьqас дәрбаз дьбә, бьра һаqаси жи бьдә, нә кö бьдә ле дьле wи пәй бә йан бь борщдарийе бә, чьмки Хwәде йе бь дьл у әшq дьдә һʹьз дькә» (2 Корн. 9:7).