ӘНДӘМЕ ТʹӘЗӘ ЙА КʹОМА РʹЕБӘРИЙЕ

ШӘБӘԚЕ рʹожа чаршәме, 24 Чьләйе сала 2018, Бәйтʹәла Амәрикайеда у Канадайеда һатә әʹламкьрьне, ԝәки Кенет Кук Щр., буйә әндәме Кʹома Рʹебәрийе йа Шәʹдед Йаһоԝа.

Кук бьра Пәнсилванйайеда, (Амәрика) һатийә буйине у мәзьнкьрьне. Әԝ пешийа кӧ мәкʹтәб хьлаз кьра, жь һәвалдәрсхане хԝә дәрһәԛа рʹастийе пеһʹәсийа. У әԝ һатә ньхӧмандьне 7 Һʹәзиране, сала 1980-да. Паше, 1 Илоне, сала 1982-да әԝи дәстпекьр ча пешәнге һәртʹьм хьзмәт кә. Паши дӧ салед пешәнгтийе, 12 Щотмәһе сала 1984 әԝ һатә тʹәглифкьрьне ль Бәйтʹәле, пешийе Бәйтʹәла Ԝолкиледа, (Нийу Йорк).

Паше, Кук бьра 25 сала щурʹә-щурʹә кʹьфшкьрьнада хьзмәт дькьр идара Нәшьркьрьнеда у Бйуройа Бәйтʹәледа. Әԝи сала 1996 хушкәк бь наве Щеми станд, у ԝана ида тʹәвайи хьзмәт дькьр Бәйтʹәла Ԝолкиледа. Мәһа Кануна Пешьн сала 2009-да, әԝана һатьнә кʹьфшкьрьне Патерсонеда (Нийу Йорк), кʹидәре мәкʹтәбед тʹәшкиләта мә дәрбаз дьбьн. Ԝедәре әԝи Идара нәʹмәшандьнеда хьзмәт дькьр. Мәһа Нисане сала 2016 чахе әԝана сәр ԝәʹдәки кьн вәгәрʹийан Ԝолкиле, ԝана шандьнә Бруклине, (Нийу Йорк). Паши пенщ мәһа, әԝана дәрбази офиса сәрәкә бун Ԝорԝикеда, (Нийу Йорк). Мәһа Чьләйе, сала 2017, Кук бьра һатә кʹьфшкьрьне ча аликʹарчийе Комитейа Ньвискʹарийе йа Кʹома Рʹебәрийе.