Рʹастийа Дәрһәԛа Пʹадшатийа Хԝәде
Иса шагьртед хԝә һин дькьр дӧа бькьн: «Баве мәйи ә′змана! Наве тә пироз бә, П′адшатийа тә бе, ә′мьре тә бә, чаԝа ль ә′змен, ӧса жи ль сәр ә′рде» (Мәтта 6:9, 10). Чь йә Пʹадшатийа Хԝәде? Әԝ чь дькә? У чьма әм гәрәке дәрһәԛа ве Пʹадшатийе дӧа бькьн?
Иса Пʹадше Пʹадшатийа Хԝәде йә.
Луԛа 1:31-33: «Наве ԝи Иса дайни. Әԝе мәзьн бә у Кӧр′е Йе Һәри Жорьн ԝе бе готьне. У Хӧдан Хԝәде ԝе т′әхте баве ԝи Даԝьд бьдә ԝи. Әԝе һ′әта-һ′әтайе п′адшатийе сәр мала Аԛуб бькә у хьлазийа П′адшатийа ԝи ԝе т′ӧнәбә».
Пʹадшати, тʹема сәрәкә бу йа даннасинкьрьна Иса.
Мәтта 9:35: «Иса һ′әму гӧнд у бажара дьгәр′ийа, к′ьништед ԝанда һин дькьр, Мьзгинийа П′адшатийе даннасин дькьр у ль нав щьмә′те һ′әму щур′ә нәхԝәши ԛәнщ дькьрьн».
Иса нишан да шагьртед хԝә, ԝәки али ԝан бькә кӧ тедәрхьн әԝ Пʹадшати ԝе чь чах бе.
Мәтта 24:7: «Мьләте р′абә ль сәр мьләт, п′адшати ль сәр п′адшатийе, щи-щийа ԝе хәлайи-щәлайе у ә′рдһ′әже бьбьн».
Ньһа шагьртед Иса дькарьн ль тʹәмамийа дьнйайе дәрһәԛа ве Пʹадшатийе даннасин кьн.
Мәтта 24:14: «У әв Мьзгинийа П′адшатийе ԝе ль нав т′әмамийа дьнйайе бе даннасинкьрьне, кӧ һ′әму мьләтар′а бьбә шә′дәти у һьнге хьлази ԝе бе».