Гәло Пʹадшатийа Хԝәде Дьле Мәрьвада нә?

Щаба Кʹьтеба Пироз

На, Пʹадшатийа Хԝәде дьле мәрьвада нинә.a Кʹьтеба Пироз дьбежә кӧ әԝ пʹадшатийа әʹзмана йә у шьровәдькә кӧ бь рʹасти әԝ кʹидәре йә (Мәтта 4:17). Ԝәрә әм шеԝьр кьн, кӧ ча Кʹьтеба Пироз дьдә кʹьфше, ԝәки әԝ пʹадшати реали йә, кʹижан кӧ жь әʹзмен сәрԝертийе дькә.

• Пʹадшатийа Хԝәдеда һәнә сәрԝер, бьнәли у ԛанун. У изьна ве Пʹадшатийе һәйә, ԝәки ԛьрара Хԝәде сәр әʹзмана у сәр әʹрде һʹимли кә (Мәтта 6:10; Әʹйанти 5:10).

• Сәрԝертийа Хԝәде, йане Пʹадшатийа Хԝәде ԝе сәр щьмәʹт, «мьләт у кәсед жь һәр зьмана» сәрԝертийе бькә (Данийел 7:13, 14). Нә кӧ бьнәлийа сәрԝер кʹьфшкьрьнә, ле Хԝәде әԝана кʹьфш кьрьнә (Зәбур 2:4-6; Ишайа 9:7).

• Иса шандийед хԝәйә амьнрʹа гот, ԝәки әԝана Пʹадшатийа әʹзменда ԝе тʹәви ԝи «сәр кʹӧрсийа рʹунен» (Луԛа 22:28, 30).

• Дьжмьнед ве Пʹадшатийе һәнә у әԝе ԝана кʹӧта кә (Зәбур 2:1, 2, 8, 9; 110:1, 2; 1 Корьнтʹи 15:25, 26).

Кʹьтеба Пироз һин накә кӧ Пʹадшатийа Хԝәде дьле мәрьвада нә у бь сайа дьл сәрԝертийе дькә. Ле әԝ дьдә кʹьфше кӧ «хәбәра Пʹадшатийе» йане «Мьзгинийа Пʹадшатийе», дькарә у гәрәке сәр дьле мәрьва һʹӧкӧм кә (Мәтта 13:19; 24:14).

Чь те һʹәсабе «Пʹадшатийа Хԝәде һьндӧрʹе ԝәда йә»?

Һьнә ԝәлгәрʹандьнед кʹьтеба Луԛа 17:21, мәрийа дьхальфиньн ве йәкеда, кӧ Пʹадшатийа Хԝәде бь рʹасти кʹидәре йә. Мәсәлә ԝәлгәрʹандьна «Версиа Аԛубе Пʹадша» йа сәр зьмане Инглизи ӧса дьбежә: «Пʹадшатийа Хԝәде һьндӧрʹе ԝәда йә». Сәва кӧ әве рʹезе рʹьнд фәʹм кьн, ԝәрә әм дина хԝә бьдьн контекста ве.

Әԝ гьли Иса Ферьсийарʹа гот, демәк сәрԝеред религийайерʹа, йед кӧ мьԛабьли ԝи дәрдькʹәтьн у һәр тьшт дькьрьн, ԝәки әԝ бе кӧштьне (Мәтта 12:14; Луԛа 17:20). Гәло бь логики йә бьфькьрьн, ԝәки Пʹадшатийа Хԝәде дьле ԝан мьԛабьлада бу? Иса готә ԝан: «Һьндӧрʹва һун дӧрʹу нә у нәһәԛ ьн» (Мәтта 23:27, 28).

Ԝәлгәрʹандьнед дьнда гьлийе Исайә жь Луԛа 17:21 дьһа зәлал ьн: «Пʹадшатийа Хԝәде нава ԝәда йә» (Ԝәлгәрʹандьна Мьзгини). Пʹадшатийа әʹзмана бь ве нете «нава» Ферьсийада бу, кӧ Иса Пʹадше алийе Хԝәдеда кʹьфшкьри, бәр ԝан сәкьни бу (Луԛа 1:32, 33).