Ӧса Бькә кӧ Ԝәʹде Евара Биранине Тәрʹа Шабуне Бинә!
1. Гәло чь ԝе али мә бькә, кӧ ԝәʹде Еварʹа Биранине шабуна хԝә зедә кьн?
1 Тәйе бьхԝәста дь мәһа Адар, Нисан у Гӧланеда шабуна хԝә зедә кьра? Тӧйе бькарьби әве йәке бьки, һәгәр дь ԛӧльхкьрьна хԝәда һе зедә тьшт бьки, у чаԝа пешәнге кʹӧмәкдар ԛӧльх ки. Ле гәло чаԝа әв йәк дькарә шабуна тә зедә кә?
2. Ча әм дькарьн шабуне бьстиньн, чахе ԛӧльхкьрьнеда һе зедә тьшт дькьн?
2 Шабуна Хԝә Зедә кә: Йаһоԝа әм ӧса әʹфьрандьнә, кӧ шабуне у рʹьһʹәтийе тʹәхмин кьн жь ԛӧльхкьрьна хԝәйә Хԝәдерʹа у жь рʹазикьрьна һʹәԝщед хԝәйә рʹӧһʹани (Мәт. 5:3). Әԝи ӧса жи әм ӧса әʹфьрандьн, кӧ әм дькарьн жь дайине, бәхтәԝарийе демәк хԝәзьлийе бьстиньн (Кʹар.Шанд. 20:35). Ԛӧльхкьрьна ӧса мәрʹа дәст дьдә ԝәки Хԝәдерʹа ԛӧльх кьн, у али мәрийа бькьн. Демәк чахе әм һе зедә ԛӧльхкьрьнеда дькьн, әԝ ә мәʹни кӧ чьрʹа шабуна мә һе зедә дьбә. Хенщи ве йәке, чахе әм һе зедә даннасин дькьн, әм һе щерʹьбанди дьбьн. Чахе әм һе щерʹьбанди дьбьн, бь ве йәке әм баԝәрийа хԝә һе дьшьдиньн, у ԝәʹде даннасинкьрьне жи ида гәләк бәрхԝә накʹәвьн. Гәләк мәщалед мә ԝе һәбьн сәва кӧ шәʹдәтийе бьдьн, у һинкьрьнед Кʹьтеба Пироз дәстпекьн. У әв һʹәму тьшт ԛӧльхкьрьнеда, шабуна мә һе зедә дькә.
3. Чьрʹа мәһа Адар у Нисане ԝе мәһед гәләк баш бьн, сәва кӧ ԛӧльх кьн чаԝа пешәнге кʹӧмәкдар?
3 Адар у Нисан, ԝе мәһед гәләк баш бьн, сәва кӧ ԛӧльх кьн чаԝа пешәнге кʹӧмәкдар. Чьмки ль гора кʹьфшкьрьне, әм дькарьн бьжберьн мәһеда йан 30, йан жи 50 сьһʹәт ԛӧльх кьн. Хенщи ве йәке, дәстпебуйи жь рʹожа Шәмийа 22 Адаре һʹәта Евара Биранине рʹожа Дӧшәме 14 Нисане, әме дь компанийакә башда кʹар бькьн. У бь аликʹарийа ве компанийе, әме мәрийа ль сәр Евара Биранине тʹәглиф кьн. Щьватарʹа ԝе хԝәш бе шьхӧла ви щурʹәйи, чьмки гәләка ԝе бь йәктийе шьхӧлкʹарийе бькьн. Әԝана ԝе ӧса жи жь алийе хԝәда һʹәму тьшти бькьн, ԝәки нава ԝәʹде кʹьфшкьрида, чьԛас кӧ дькарьн дь мьһаледа гәләкарʹа хәбәр дьн.
4. Әм чь гәрәке бькьн, һәгәр дьхԝазьн чаԝа пешәнге кʹӧмәкдар ԛӧльх кьн?
4 Һазьр бә: Һәгәр тӧ һе һазьр нини, ԝәʹдә бьвинә сәва кӧ шьхӧлед хԝә ӧса сафи ки, кӧ бькарьби һьнә гӧһастьна бьки, ԝәки нава мәһәкида йан жи чәнд мәһа һе зедә ԛӧльх ки. Әве йәке бь дӧакьрьне сафи кә (Аԛуб 1:5). Дәрһәԛа сафикьрьна хԝә, тʹәви малбәта хԝә у хушк-бьред дь щьватеда хәбәр дә (Мәтʹлк. 15:22). Рʹаст ә сьһʹәт-ԛәԝата тә дьбәкә сьст ә, йан жи тӧ хәбатева гәләк гьредайи, ле чь жи һәбә тӧ йәкә дькари жь ԛӧльхкьрьна пешәнге кʹӧмәкдар, шабуне бьстини.
5. Һәгәр ԝәʹде Еԝара Биранине әм гәләк ԛӧльх кьн, һьнге әме чь ԛазанщ кьн?
5 Йаһоԝа дьхԝазә, ԝәки ԛӧльхкʹаред ԝи тʹьме шабьн (Зәб. 32:11). Һәгәр әм ԝәʹде Еԝара Биранине шьхӧлед хԝә ӧса сафи кьн, кӧ гәләк ԛӧльх кьн, бь ве йәке әме нә кӧ тʹәне шабуна хԝә зедә кьн, ле ӧса жи дьле Баве хԝәйи әʹзмана ша кьн (Мәтʹлк. 23:24; 27:11).