Һин бә ԝәки дь Ԛӧльхкьрьнеда Һе Щерʹьбанди би; Ча Щаба Хԝә Бьди, Чахе Хәбәрдане Дьдьнә Бьрʹине

Әв Йәк Чьрʹа Фәрз ә: Бьдә бәр чʹәʹве хԝә, ԝәки тӧ зани кӧ тʹәшԛәлә незик дьбә. У һәгәр мәрьв щи-сьтʹаре нәвинә у хԝә вәнәшерә, ԝе бьмьрә. Ләма жи тӧ дьчи щәм щинаре хԝә у дәрһәԛа ве тʹәшԛәле ԝирʹа дьбежи. Ле әԝ хәбәрдана тә дьбьрʹә у дьбежә, кӧ ԝәʹде ԝи тәрʹа тʹӧнә. Фәʹмдари йә ԝәки тӧйе перʹа-перʹа ԝи нәһели, ле тьштәки бьки кӧ аликʹарийе бьдей! Иро ль ԝан щийа кʹидәре кӧ әм даннасин дькьн, гәләк мәрьв бәри мә дьдьн чьмки фәʹм накьн ԛимәте ԝе мьзгинийе, кʹижан кӧ әʹмьр хьлаз дькә. Чахе әм дьчьн щәм мәрийа, дьбәкә ԝәʹде ԝан тʹӧнә бә гӧһ бьдьнә мә (Мәт. 24:37-39). Йан жи дьбәкә әԝана хальфинә жь бо чʹьловиска у хәбәрданед нәрʹаст (Мәт. 11:18, 19). Мәрьв ӧса жи дькарьн мәрʹа бежьн ԝәки ортʹа мә у религийед дьн шьхӧлед кʹижана кӧ хьраб ьн, фьрԛи тʹӧнә (2 Пәт. 2:1, 2). Һәгәр хԝәйе мале нахԝазә гӧһ бьдә мә, һьнге әм гәрәке перʹа-перʹа ԝи нәһельн.