Һин бә Ԝәки дь Ԛӧльхкьрьнеда Һе Щерʹьбанди би; Һʹим Чекә сәва Һатьна Щара Дӧда
Чьрʹа Әԝ Йәк Фәрз ә: Чахе әм рʹасти мәрьвәки ӧса тен, йе кʹӧ һʹәԝаса хԝә һьндава рʹастийе дьдә кʹьфше, әм дьхԝазьн щарәке дьн жи бен, сәва кӧ тʹӧхьме мә чандийә ав кьн (1 Корн. 3:6). Ләма жи чахе әм тʹәви мәрьвәки щара пешьн хәбәр дьдьн, лазьм ә әм һʹим чекьн бона һатьна щара дӧда, у бежьн кӧ кʹәнге бен. Бона ве йәке һе баш ә әм пьрсәкә вәкьри бьһельн, дәрһәԛа чь жи әме щарәкә майин хәбәр дьн. Бь ԝе йәке бона хԝәйе мале һе мәʹни чедьбә кӧ һивийа мә бә. Һьн жи һәрге щаба ԝе пьрсе дь ԝе әʹдәбйәтеда кӧ мә һиштийә һәйә, ԝи чахи һʹәԝаса ԝи мәрьви ԝе һәбә кӧ ԝе әʹдәбйәте бьхунә. Чахе әм пьрс дьһельн бона кӧ бәрдәԝан кьн хәбәрдане щара майин, ԝи чахи мәрʹа һе һеса йә әм вәгәрʹьн. Чьмки һьн әм, һьн жи хԝәйе мале, ида занә әме дәрһәԛа чь хәбәр дьн. Һьн жи чахе әм щара дӧда бен, әм дькарьн бежьн, кӧ әм һатьн ԝәки щаба ԝе пьрсе бьдьн, кʹижан кӧ мә вәкьри һишт.
Ча Әԝе Йәке Бькьн:
• Чахе пешанине һазьр дьки, ӧса жи һазьр кә пьрса кӧ тӧйе бьһели бона һатьна щара дӧда. Әԝ пьрс дькарә сәр һʹиме ԝе әʹдәбйәте бә йа кӧ тӧ ԝе рʹоже бәла дьки, йан жи сәр һʹиме әʹдәбйата бона һинбуне, йа кӧ тӧйе щарәке майин жерʹа бини.
• Чахе тӧ хьлаз дьки хәбәрдана хԝә тʹәви мәрьве кӧ һʹәԝаса хԝә һьндава рʹастийе да кʹьфше, жерʹа бежә кӧ тӧ дьхԝази щарәкә майин жи бей. Паше әве пьрсе бьдә ԝи, кʹижан кӧ тә пешда һазьр кьрийә. Һьнә щийада мәри нәбәтал ьн, ләма тʹьме рʹази набьн бона щара майин хәбәр дьн. Дәрәщед ӧсада, тӧ дькари ӧса бежи: «Әв ԝәʹдә ԝәрʹа дәст дьдә кӧ әз бем? [Изьн бьдә кӧ щаба хԝә бьдә.] Һʹәфтийа дьн әзе бем ԝәки кьн щаба ԝе пьрсе бьдьм . . . ле һәгәр ԝи чахи һун бәтал нибьн, кʹәрәма хԝә мьнрʹа бежьн».
• Һәрге тә готә хԝәйе мале кӧ конкрет кʹижан ԝәʹдәйи тӧйе бейи, әʹсә хԝәйе созе хԝә бә (Мәт. 5:37). Чахе щара дӧда һати у ида хьлаз дьки хәбәрдане диса жи пьрсәке вәкьри бьһелә, ԝәки щара дьн жи бей.
Әԝе Йәке ве Мәһе Бьдә Хәбате:
• Чахе пешанине һазьр дьки, ӧса жи һазьр кә пьрса кӧ тӧйе бьһели бона һатьна щара дӧда. Дәрһәԛа ԝе йәке тʹәви һәвалхьзмәткʹаре хԝә хәбәр дә.