Һин бә ԝәки дь Ԛӧльхкьрьнеда Һе Щерʹьбанди би; Бьхәбьтә кӧ Дайина Журнала Керһати бә

Әв Йәк Чьрʹа Фәрз ә: Гәләк мәрьв нахԝазьн Кʹьтеба Пироз һин бьн, ле ԝана хԝәш те журналед мә бьхуньн. Дьбәкә религийа ԝан, ԝана хԝәш те, йан жи әԝана дьшьрмиш дьбьн кӧ ԝәʹде ԝан сәва һинбуне тʹӧнә. Хенщи ԝе йәке чахе әԝ мәрьв һәр гав журналед мә дьхуньн, һьнге әԝана дькарьн хԝәстьна хԝә һьндава Хәбәра Хԝәде һе мәзьн кьн (1 Пәт. 2:2). Һьнә готаред жь әʹдәбйәтед мә дькарьн дьле ԝан бьгьрьн, йан жи дәрәщед ԝан дькарьн бенә гӧһастьне. Чахе әм һәр гав сәрледанед кьн ԝанарʹа дькьн, жь бо ԝе йәке әԝана һьндава мәда һальхԝәш дьбьн. У әԝ йәк али мә жи дькә пебьһʹәсьн һәла чь ԝана хԝәш те у сәва чь бәрхԝә дькʹәвьн. Ԝәʹдә шунда әме бькарьбьн тʹәви ви мәрьви һинкьрьна Кʹьтеба Пироз дәстпе кьн.

Чаԝа Бькьн:

• Һәр мәһ ԝәʹде хԝә ӧса саз кә кӧ бькарьби ԝи мәрьвирʹа бини нәшьркьрьнед тʹәзә йа «Бьрща Ԛәрәԝьлийе» у «Һʹьшйар Бьн!». Дьбәкә нава мәһеда тӧйе бькарьби ԝәʹдәки дьнда жи бейи щәм ԝи мәрьви, сәва кӧ хԝәстьна ԝи мәзьн ки ԝәки әԝ бьхунә ԝан журнала кӧ тә ԝирʹа һишт. Тӧ ӧса жи дькари бьһели ԝан әʹдәбийәта кӧ ԝе мәһеда тенә бәлакьрьне. Ньвисаред рʹьнд сәва хԝә бькә. (Бьньһерʹә «Ԛӧльхкьрна Мәйә Пʹадшатийе», йа мәһа Чьләйе сала 2014, рʹупʹ. 3).

• Сәва һәр сәрледана хԝә һазьр кә. Дәԝса кӧ тʹәне журнала бьди хԝәйе мале, ӧса бькә ԝәки әԝ тʹәви тә бькʹәвә хәбәрдане. У бьхәбьтә кӧ һәләԛәтийа баш тʹәви хԝәйе мале чеки, кӧ бькарьби һʹәԝаса ԝи пешда бини.

• Сәрԝахт бә ԝәки бькарьби мәщала бьди хәбате сәва кӧ һинкьрьна Кʹьтеба Пироз дәстпеки. Һәрге кәсәк жь ԝан мәрийа кʹижанарʹа кӧ тӧ журнала дьһели, дьхԝазә пебьһʹәсә, ԝәки чь дьбежә Кʹьтеба Пироз дәрһәԛа пьрсәки, һьнге дькари ԝирʹа бини әʹдәбийәта сәва һинбуне кʹидәре кӧ щаба пьрса ви те дайине. Ӧса жи дькарьн тʹәвайи шеԝьр бькьн. Пешийа кӧ һәри, пьрсәки дайинә кӧ хәбәрдана ԝәва гьредайи йә, сәва кӧ щарәкә майин шеԝьр ки. Һәрге тӧ һәр гав тʹәви хԝәйе мале шеԝьр дьки дәрһәԛа тʹемәке жь Кʹьтеба Пироз йан әʹдәбйәтед сәва һинбуне дьди хәбате, демәк тӧ ида дәрбаз дьки һинкьрьна Кʹьтеба Пироз. Тә хԝәйе малерʹа һишт брошура «Мьзгинийа Хԝәде сәва Мәрийа» у нишан кьр ча дәрбаз дьбә һинкьрьна Кʹьтеба Пироз? Тә ԝирʹа нишан кьр видеойед «Чьрʹа Һин бьн Кʹьтеба Пироз?» у «Ча Дәрбаз Дьбә Һинбуна Кʹьтеба Пироз?» Һәрге хԝәйе мале сәре-серида ԛәбул нәкьр Кʹьтеба Пироз һинбә, әԝ дькарә ньһерʹандьна хԝә бьгӧһезә, чьмки дәрәщә те гӧһастьне. Дьбәкә ԝе баш бә һәрге тӧ диса щарәке бежи ԝәки тʹәви ԝи һинкьрьна Кʹьтеба Пироз дәстпеки?

Әве Йәке ве Мәһеда Бьдә Хәбате:

• Хԝәрʹа кʹьфш кә у бьнвисә дәрһәԛа ԝан мәрийа кʹижанарʹа кӧ тӧ дькари журнала бьһели. Ԝанарʹа бьдә журналед тʹәзә у бежә кӧ щарәкә майин те диса журналед дьн бини.