Али Кора Бькә, кӧ Пебьһʹәсьн Дәрһәԛа Йаһоԝа
1. Чаԝа Иса рʹәʹмтийа хԝә һьндава мәрьвед корда, да кʹьфше?
1 Һʹәта мьрьна Иса чәнд рʹож мабу. Чахе әԝ жь шәһәре Әриһайе дәрдькʹәт, дӧ мәрьвед кор йе кӧ пʹарс дькьрьн, кьрьнә гази: «Хӧдан, . . . ль мә ԝәрә рʹәʹме». Рʹаст ә Иса заньбу ԝәки чәтнайикә гьран һивийа ԝи йә у әԝ ча барәки гьран сәр дьле ԝи бу, ле әԝ йәкә сәкьни, гази ԝан дӧ мера кьр у әԝ ԛәнщ кьрьн (Мәт. 20:29-34). Ле ча әм дькарьн чʹәʹв бьдьнә рʹәʹмтийа Иса, һьндава мәрьвед корда?
2. Чахе әм даннасинкьрьнеда рʹасти мәрьве кор тен, чаԝа әм дькарьн шәʹдәти бьдьне?
2 Аликʹарийе Бьдә: Һәрге тӧ рʹасти мәрьвәки кор һати, пешийе насийа хԝә бьдә ԝи, у бьпьрсә кӧ чаԝа дькари аликʹарийе бьди. Гәләк щар мәрьвед кор дькʹәвьнә бьн шьке, чахе кәсәк дьхԝазә аликʹарийе бьдә ԝан. Ле һәвалһʹьзи у һʹәлалийа мә, дькарә ньһерʹандьна ԝан һьндава мәда бьгӧһезә. Бир нәкә ԝәки корбуна мәрийа, бь щурʹә-щурʹә йә у бь ԝе йәке тӧ дькари тедәрхи кӧ чь аликʹари дькари бьди ԝи мәрьви. Паши ԝе йәке чахе тә гот кӧ һазьр и али ԝи бьки, дькари ӧса жи бежи, ԝәки тӧ Кʹьтеба Пироз мәрийа һин дьки. У дькари һьнә рʹезед жь Кʹьтеба Пироз ԝирʹа бьхуни, мәсәлә Зәбур 146:8 йан Ишайа 35:5, 6. Тӧ ӧса жи дькари али ԝи бьки, кӧ әԝ жь jw.org файлед аудио хԝәрʹа бьдә кʹьшандьне. (Бьньһерʹә чаргоше «Чахе Аликʹарийе Дьди Мәрьве Кор . . .»).
3. Ча әм дькарьн мәрьвед кор дь територийа хԝәда бьвиньн?
3 Бьвинә Мәрьвед Кор: Ԝәʹде даннасинкьрьна мал бь мал, гәләк щар мәрьвед кор рʹасти мә найен, чьмки гәләка жь ԝан хԝә һеса тʹәхмин накьн сәва кӧ хәбәр дьн тʹәви мәрьвед нәнас. Бь рʹастийе жи лазьм ә ԛәԝате бьдьнә хәбате, сәва кӧ мәрьвед кор «бьбиньн» у бькарьбьн шәʹдәти бьдьнә ԝан (Мәт. 10:11). Дьԛәԝьмә мәрьве кор тʹәви тә дьхәбьтә йан жи һин дьбә. Гава пешьн тӧ бавежә, кӧ ԝирʹа хәбәр ди. Тӧ кәсәки нас дьки, щәм кʹижана кӧ нәфәред малейә кор һәнә? Дьбәкә дь мьһала тәда организасйонәк һәйә, йа кӧ аликʹарийе дьдә мәрьвед кор, йан жи һьнә ханийед ӧса саз дькьн, кʹидәре кӧ мәрьвед кор дьминьн. Шьровәкә нәфәред малбәтерʹа, мәрьве кӧ бәр дәре ԝи хани руньштийә, йан мәзьне ԝи ханирʹа, ԝәки Шәʹдед Йаһоԝа гәләк дьхԝазьн алийе мәрьвед кор бькьн, у ԝанарʹа аудио ньвисара биньн. Жь Кʹьтеба Пироз ԝи мәрьвирʹа нишан кә, кӧ Хԝәде соз дьдә, ԝәки зутьрәке әԝе чʹәʹвед кора ԝәкә. Чахе тӧ нета һатьна хԝә дьбежи, әв йәк дькарә мәщале бьдә тә кӧ бькарьби тʹәви мәрьвед кор дәстпеки хәбәрдане.
4. Әм чь дәрс сәва хԝә һьлдьдн жь мәсәла Жанет?
4 Хушкәкә кор бь наве Жанет чубу ԝи хани, кʹидәре кӧ мәрьвед кор дьжитьн. Әве хушке дәстпекьр хәбәрдан тʹәви кʹӧлфәтәкә щаһьл. Жанет готә ԝе, «Иса йед кор ԛәнщ дькьр, сәва кӧ нишан кә ԝәки ль ахьрийе әԝе чь бькә сәва һʹәму мәрьвед кор». Ԝана тʹәвайи шеԝьр кьр Әʹйанти 21:3, 4 у Жанет шьровәкьр кӧ чаԝа әԝ соз, бь сайа Пʹадшатийа Хԝәде ԝе бе сери. Кʹӧлфәт һьнә архайин бу у гот: «Мьн тʹӧщар ньһерʹандьна ӧса жь мәрьве кор нәбьһистийә. Гәләк мәрьвед кӧ дькарьн бьвиньн, дьвежьн кӧ мәрьв ләма кор дьбьн, чьмки әԝана йан жи кал-бавед ԝан, тьштәки нәрʹаст кьрьнә». Жанет бь емаиле әԝе кʹӧлфәтерʹа линк шанд ль сәр кʹьтеба «Чь Һин Дькә Кʹьтеба Пироз?». У ньһа әԝана һʹәфтийе дӧ щара тʹәвайи Кʹьтеба Пироз һин дьбьн.
5. Рʹаст ә әм мина Иса нькарьн мәрьвед кор ԛәнщ кьн, ле хәмкьрьна мә һьндава ԝан, ԝе чь кʹәрәма бинә?
5 Рʹаст ә әм нькарьн мәрьвед кор ԛәнщ кьн чаԝа кӧ Иса дькьр, ле әм дькарьн али ԝан һʹәмуйа бькьн, сәр кʹижана кӧ хӧдайе ԝе дьнйайе, шәԝәрʹәша кора анийә сәр фәʹме ԝан. Әм ӧса жи дькарьн али мәрьвед кор бькьн, кӧ рʹастийа жь Хәбәра Хԝәде фәʹм бькьн (2 Корн. 4:4). Иса незики Әриһайе, дӧ мәрьвед кор ԛәнщ кьрьн, чьмки «гӧне Иса ль ԝан һат» (Мәт. 20:34). Һәрге әм жи анәгори Иса һʹәԝаса хԝә һьндава мәрьвед кор дьдьнә кʹьфше, һьнге әм дькарьн ләзәте бьвиньн жь ԝе йәке, кӧ карьбун аликʹарийе бьдьн һьнәка, ԝәки пебьһʹәсьн дәрһәԛа Йаһоԝа, йе кӧ корбуне ԝе һʹәта-һʹәтайе бьдә һьлдане.