‹Әм бь Баԝәрийе Дьжин, нә кӧ бь Дитьна Чʹәʹва›
Пешийа зәʹфткьрьн у ԝеранкьрьна Оршәлиме, Паԝлосе шанди Мәсиһийарʹа, чаԝа әскәред башрʹа ньвиси. Әԝи гот кӧ әԝана гәрәке һивийа тәли-тәнгийа бьн у нәкʹәвьнә һәйрʹа хԝә, сәва кӧ дь ве дьнеда һәбун у ләзәте хԝәрʹа бьгәрʹьн (2 Тим. 2:3, 4). Сәва кӧ әм бькарьбьн дь ве дьнйайеда чәтьнайа тәйах кьн, мәрʹа баԝәрийа ԛәԝи лазьм ә, сәва кӧ дина мә тʹьме ль сәр тьштед рʹӧһʹани бә (2 Кр. 4:18; 5:7). Бьньһерʹьн видеойа «Әм бь Баԝәрийе Дьжин, нә кӧ бь Дитьна Чʹәʹва». (Бькʹәвә jԝ.org НӘШЬРКЬРЬН > ВИДЕО.) Дина хԝә бьдьн кӧ чаԝа тьштед материлаизме сәва Наһам у Абитале бунә тʹәльк. Паше шеԝьр кьн пьрсед жере.
(1) Ԛьрʹна йәкеда чь бу «Һʹәрʹьмийа Ԝеранкьрьне щийе пирозда», у Мәсиһийед Оршәлиме чь гәрәке бькьрана? (Мт. 24:15, 16) (2) Чьма лазьм бу баԝәри, сәва кӧ жь Оршәлиме бьрʹәвьн? (3) Сәва кӧ бьрʹәвьн, чь ԛӧрбан лазьм бун? (4) Чьма Наһам у Абитале хԝә әглә дькьрьн? (Мт. 24:17, 18) (5) Чахе Рʹаһел жь Оршәлиме дәрдькʹәт, әԝ рʹасти кʹижан щерʹьбандьне һат? (Мт. 10:34-37; Мԛ. 10:29, 30) (6) Чаԝа Әйтʹан нишан кьр, кӧ Йаһоԝа баԝәр дькә у итʹбарийа хԝә жи ԝи тинә? (7) Мәсиһийед дь Пеллайеда рʹасти кʹижан чәтьнайа һатьн? (8) Чаԝа баԝәрийа Натʹан у Абитале, һеди-һеди сьст дьбу? (9) Чаԝа Йаһоԝа сәва Мәсиһийед Пеллайе хәм дькьр? (Мт. 6:33; 1 Тим. 6:6-8) (10) Незикийа рʹожед кʹӧтасийе, чаԝа әм дькарьн чʹәʹв бьдьнә баԝәрийа Бьраһим у Сәрайе? (Ибр. 11:8-10) (11) Чаԝа Наһам у Абитале хԝә данә баԝәркьрьне кӧ ԝәгәрʹьн Оршәлиме, у чьма ньһерʹандьна ԝан нәрʹаст бу? (Лԛ. 21:21) (12) Чахе Наһам у Абитал ԝәгәрʹийанә Оршәлиме, ԝи чахи һʹале шәһәр чь рʹожеда бу? (13) Чьма ньһа незикийа кʹӧтасийа ве дьнйайе, әм гәрәке баԝәрийа хԝә ԛәԝи кьн? (Лԛ. 17:31, 32; 21:34-36).
Бь баԝәрийе бьжин, әв те һʹәсабе (1) итʹбарийа хԝә рʹебәрийа Йаһоԝа биньн, (2) бьһельн кӧ гьлийед ԝи, рʹебәрийа гавед мә бькьн, у (3) нишан кьн, кӧ әм жь тьштед материали даһа зәʹф тьштед рʹӧһʹани дьшекьриньн. Ләма жи ԝәрен әм тʹьме бь баԝәрийе бьжин, у дь ве йәкеда жи дӧдьли нәбьн ԝәки «дьнйайе жи дәрбаз бә, һавьжийа ԝе жи, ле әԝе кӧ әʹмьре Хԝәде дьԛәдинә ԝе һʹәта-һʹәтайе бьминә» (1 Йн. 2:17).