Әʹфьрандаре Мәйи Һʹьзкьри бона Мә Хәм Дькә
1. ӘʹФЬРАНДАРЕ МӘ ТӘʹВЕ ДЬДӘ
Тӧ дькари бьди бәр чʹәʹве хԝә, кӧ жийина сәр әʹрде бе тәʹв ԝе чаԝа бә? Тәʹв енержийайе дьдә баха, ԝәки пева бәлг, кӧлирк, емиш у тʹохьм шин бьн. Бь сайа ве йәке ӧса жи бах дькарә жь әʹрде аве бькʹьшинә кʹокед хԝә у һьлкʹьшинә һʹәта бәлга. Паше әв ав жь бәлга дьбә һʹьлм у дькʹәвә һәԝайе.
2. ӘʹФЬРАНДАРЕ МӘ БАРАНЕ ДЬБАРИНӘ
Баран пʹешкʹешәкә ԛимәт ә жь Йаһоԝа бона мә, бь сайа кʹижани әʹрд хӧрәк дьдә мә. Бь сайа баране һʹәму тьшт шин дьбә, бь ԝе йәке әм дьстиньн хԝарьна кӧ мә хԝәй дькә у дьле мә бь шабуне тʹьжә дькә.
3. ӘʹФЬРАНДАРЕ МӘ ХԜАРЬНЕ У КʹЬНЩА ДЬДӘ МӘ
Гәләк бав хәмгин дьбьн дәрһәԛа хԝарьн у кʹьнщхԝәкьрьна малбәта хԝә. Ньвисаред Пирозда ӧса те готьне: «Дина хԝә бьдьнә тәйрәдед әʹзмен. Әԝана нә дьрʹәшиньн, нә дьдьрун у нә жи әʹмбарада дьщьвиньн, ле Баве ԝәйи Әʹзмана рʹьсԛе ԝан дьгьһинә. Нә һун жь ԝан ԛимәттьр ьн?» (Мәтта 6:25, 26).
«Дина хԝә бьдьнә сосьнед чоле, чаԝа шин дьбьн, . . . ; Ле әз ԝәрʹа дьбежьм, кӧ Сьлеман [Пʹадша] жи ль нава тʹәмамийа ԝе хер-хьзна хԝәда мина жь ԝан йәке хԝә нәкьр. Һәгәр гиһайе чоле, . . . Хԝәде ӧса дьхәмьлинә, ле чьԛас зедә ԝе ль ԝә кә, кембаԝәрно?» (Мәтта 6:28-30).
Әв йәк кӧ Хԝәде бона кʹьнщ у хԝарьна мә хәм дькә, дьдә кʹьфше ԝәки әԝ ԝе дәрһәԛа һʹәԝщед мәйә дьн жи хәм бькә. Һәрге әм ԛьрара Хԝәде тиньн сери, әԝ ԝе али мә бькә, кӧ әм бькарьбьн әʹбура хԝә бькьн (Мәтта 6:32, 33).
Бь рʹасти жи, чахе әм дина хԝә дьдьнә тәʹве, баране, чʹьвика у кӧлирка әм дьвиньн, ԝәки чьԛас мәʹнийед мә һәнә кӧ Хԝәде һʹьз бькьн. Готара дьнда ԝе бе шьровәкьрьне, ԝәки чаԝа Әʹфьрандаре мә тʹәви мәрийа хәбәр дьда.