Жь Бәлакьрьна Мьзгинйа Хере Ләзәт Бьвинә

Тәрʹа qә чәтьн бу мьзгинйе бәла ки? Дьбәкә гәләка жь мә wе бежьн «бәле». Чьма? Дьбә кö мьһала хwәда әм рʹасти мәрьвед дьлсар у бетʹалаш тен, йан жи әм дьтьрсьн тʹәви мәрьвед хәриб хәбәр дьн. У һәмьки әw һʹәму тьшт дькарә шабуна мә бьтәмьринә. Әм Хwәдайе бәхтәwаррʹа хьзмәт дькьн у әw дьхwазә wәки әм жи бәхтәwар бьн у бь шабун wирʹа хьзмәт кьн (Зәб. 100:2; 1 Тимтʹ. 1:11). Чь мәʹнийед мә һәнә wәки жь шьхöле бәлакьрьна мьзгинийе ләзәт бьвиньн?

Йа пешьн, әм мьзгинийе бәла дькьн, йа кö баwәрийа мәрийа qәwи дькә. Рʹаст ә рʹожа иройин баwәрийа гәләка тʹöнә, ле әм бь сайа «мьзгинийа qәнщийе» дьле мәрийа бь баwәрбунә тʹьжә дькьн (Иша. 52:7). Ле мьзгинийа хере йа Пʹадшатийа Хwәде, дькарә дьле мә жи бь шабуне тʹьжә кә. Пешийа кö дәркʹәви хьзмәте, бьфькьрә ль сәр wан кʹәрәма йед кö Пʹадшатийа Хwәде wе бинә сәр әʹрде.

Йа дöда, мьзгинийа хере кʹижан кö әм бәла дькьн, алийе физикида у рʹöһʹанида мәрʹа кʹаре тинә. Мәрьв һин дьбьн кьред хwәйә хьраб бьһельн у жийина һʹәта-һʹәтайе qазанч кьн (Иша. 48:17, 18; Рʹом. 1:16). Бьдә һʹәсабе хwә wәки тö хәбатәки дьки у щабдарийа тә әw ә кö бьгәри мәрийа у wана хьлаз ки. Рʹаст ә һәр кәс wе нәхwазә хьлаз бә, ле йәкә әм бәрдәwам дькьн дьгәрʹьн wан мәрийа йед кö дьхwазьн хьлаз бьн (Мәт. 10:11-14).

Йа сьсйа у лапи фәрз әw ә, кö бәлакьрьна мьзгинийе Йаһоwа һöрмәт дькә. Әw пʹьр qимәт дькә хьзмәта мә (Иша. 43:10; Ибрн. 6:10). Хенщи wе йәке Йаһоwа бь мәрданийе рʹöһʹе хwәйи пироз дьдә мә, сәва кö әм әви шьхöли биньн сери. Öса жи лавайа Йаһоwа бькә, кö шабуне бьдә тә, чь кö һәйә бәре рʹöһʹе пироз (Гл. 5:22). Бь аликʹарийа wи әм дькарьн хәмед хwә бьдьнә алики у бь мерхаси мьзгинийе бәла кьн (Кʹр.Шн. 4:31). У һьнге чь жи һәбә, әме бькарьбьн жь хьзмәта хwә ләзәте бьвиньн (Һз. 3:3).

БЬНЬҺЕРʹӘ ВИДЕО «БЬ САЙА ҺИНБУНЕ У ФЬКЬРАНДЬНЕ, ШАБУН ДИСА КʹӘТӘ ДЬЛЕ МЬН», У ПАШЕ ЩАБА WАН ПЬРСА БЬДӘ:

• Һәрге әм һәр мәһ гәләк сьһʹәта хьзмәт дькьн, чьма йәкә фәрз ә тʹьме хwә рʹöһʹанида qәwи кьн?

• Чьда әм гәрәке чʹәʹв бьдьнә Мери?

• Тö чь чах wәʹдә дьвини, сәва кö ль сәр Хәбәра Хwәде бьфькьри?

• Чь тә хwәш те, чахе тö мьзгинийа Хwәде бәла дьки?