«Һʹьшйар Бьминьн»

25:1-12

Иса шагьртед хwәйи рʹункьрирʹа гьли кьрьбу мәтʹәлок дәрһәqа дәһә qиза. Фькьред ве мәтʹәлоке бона һʹәму Мәсиһийа нә (w15 15/3 12-16). «Аwа һʹьшйар бьминьн, чьмки һун нә рʹожа һатьна Кöрʹе Инсан заньн, нә жи сьһʹәте» (Мт. 25:13). Тö дькари әв мәтʹәлока Иса шьровәки?

• Зәʹва (рʹеза 1): Иса йә

• Qизед сәрwахтә һазьркьри (рʹеза 2): Мәсиһийед бь рʹöһʹ кʹьфшкьри, йед кö хwә һазьр кьрьнә, сәва кö бь амьни хwә ль кʹьшфкьрьна хwә бьгьрьн у йед кö wәк рʹонкайи шәwq дьдьн (Флп. 2:15)

• Дәнгәк һат: «Ва йә зәʹва те!» (рʹеза 6): Әʹйанкьрьна һатьна Иса

• Qизед бефәʹм (рʹеза 8): Мәсиһийед бь рʹöһʹ кʹьфшкьри, дәркʹәтьн wәки рʹасти Зәʹва бен, ле әwана һʹьшйар нәман у амьнийа хwә жи хwәй нәкьрьн

• Qизед сәрwахт рʹун пʹара вәнәкьрьн (рʹеза 9): Паши моркьрьна пашьн, wе ида дәрәнг бә, сәва йед бь рʹöһʹ кʹьфшкьри, али wан бькьн, йед кö нәамьн манә

• «Зәʹва һат» (рʹеза 10): Иса те кö ль незикийа тәнгасийа мәзьн, диwане бькә

• Qизед сәрwахт тʹәви зәʹва дькʹәвнә дәwате, у дәри жи те дадане (рʹеза 10): Иса тʹоп дькә ль әʹзмана йед бь рʹöһʹ кʹьфшкьри, кʹижан кö амьнийа хwә хwәй кьрьбун. Ле йед нәамьн хәлата хwәйә әʹзмани öнда дькьн