Һин Бә Wәки дь Хьзмәтеда һе Щерʹьбанди Би; Шагьртед Хwә Һини Һазьркьрьне Дькьн

ӘВ ЙӘК ЧЬМА ФӘРЗ Ә: Чахе шагьрт хwә һазьр дькьн, öса әwана дькарьн рʹьнд фәʹм бькьн у бир нәкьн, әw чь кö әм wана һин дькьн. Чьqас һе рʹьнд әwана wе фәʹм бькьн у бира хwәда хwәй кьн, һаqас һе зу әwана wе пешда һәрʹьн. Һәла һе паше ньхöмандьне жи, wанарʹа wе лазьм бә һазьр бьн бона щьвата у хьзмәте, сәва кö «һʹьшйар бьминьн» (Мт. 25:13). Хенщи wийа, занәбуна wе йәке, чаwа һин бьн у бәрнама һинбуне хwәй кьн, wе жийина wанда бона wан кʹар бә. Һәма чаwа кö мә дәстпекьр wана һин кьн, әм гәрәке али wан бькьн, кö һин бьн тьʹме бона һинбуне, хwә һазьр кьн.

ЧАWА БЬКЬН:

• 

  Мәсәләкә баш бә (Рʹм. 2:21). Бона һәр һинбунәке хwә һазьр кә у wәʹде һазьрбуне, шагьрте хwә һьлдә һʹәсаб (km 11/15 3). Бьра шагьрт бьвинә, wәки әʹдәбйәтед тә чаwа бь qаләме хәзкьри нә

• 

  Шагьрт һелан кә, кö хwә һазьр кә. Чахе wә тʹәви шагьрт һинбун ида дәстпекьр, әw бьдә һʹәсандьне кö һазьркьрьн әв һәйә пʹара һинбуна Кʹьтеба Пироз, у шьроwәкә дәрһәqа кʹара ве йәке. Рʹебәрийа керһати бьдә, кö чаwа әw дькарә wәʹдә бона һазьрбуне бьвинә. Һьнә хьзмәткʹар шагьртарʹа дьдьн әʹдәбйәтед хwәйә бь qаләм хәзкьри, wәки wәʹде һинбуне шагьрт әв йәк бьдә хәбате. Әв wе али шагьрт бькә бьвинә, кö чьqас һазьрбун керһати йә. Пʹайе wи бьдә чахе әw хwә һазьр дькә

• Шагьртрʹа нишан кә, ча хwә һазьр кә. Һьнә хьзмәткʹар дькарьн һе пешда wәʹде һинбуне, шагьртед хwәрʹа нишан кьн, кö чаwа бона дәрсе, хwә һазьр кьн