Иса бона Хушк-Бьред Wә жи Әʹмьре Хwә Да

Иса жийина хwә бона мәрьвед гöнәкʹар кьрә qöрбан (Рʹм. 5:8). Бешьк, әм гәләк qимәт дькьн кö Иса һʹьзкьрьна хwә һьндава мәда да кʹьфше, у жийина хwә бона һалхwәшийа мә кьрә qöрбан. Һәмьки щар-щара әм гәрәке бькьнә бира хwә, кö Иса бона хушк-бьред мә жи, жийина хwә кьрә qöрбан. Чь щурʹәйи әм дькарьн һʹьзкьрьна Мәсиһити һьндава хушк-бьра бьдьнә кʹьфше, кʹижан мина мә гöнәкʹар ьн? Wәрен әм се тьшта шеwьр кьн. Йа әʹwльн, әм дькарьн кʹома һәвалед хwә даһа мәзьн кьн, мәсәлә һәвалтийе бькьн тʹәви wан, йед кö жь мә щöдә дьбьн (Рʹм. 15:7; 2 Кр. 6:12, 13). Йа дöда, әм гәрәке фәсал бьн, сәва кö нәбежьн у нәкьн тьштед öса, чь кö мәрийа дькарә бьдә хәйдандьне (Рʹм. 14:13-15). У йа сьсийа жи, һәрге кәсәк мьqабьли мә гöнә кьрийә, әм гәрәке һазьр бьн әw бьбахшиньн (Лq. 17:3, 4; 23:34). Һәрге әм жь алийе хwәда һʹәму тьшти дькьн, сәва кö дь wан се тьштада чʹәʹв бьдьнә Иса, Йаһоwа wе щьвата мә бь әʹдьлайе у йәктийе кʹәрәм кә.

БЬНЬҺЕРʹЬН ВИДЕО «ТʹӘВИ ХУШК-БЬРЕД ХWӘ, ӘʹДЬЛАЙЕДА БӘ!» У ПАШЕ ЩАБА WАН ПЬРСА БЬДЬН:

• 

  Пешийе Мики дәрһәqа щьвата хwә чь дьфькьри?

• 

  Чь әw һелан кьр, кö бе гöһастьне?

• 

  Чь щурʹәйи мәсәла Иса, али Мики кьр, wәки ньһерʹандьна хwә бьгöһезә? (Мq. 14:38)

• 

  Чаwа Мәтʹәлок 19:11 али мә дькә, кö ль сәр хушк-бьра рʹаст бьньһерʹьн?