Бь Кьред Ԛәнщ у Ԛәдьргьртьне Дьле Мәрийа те Кʹьрʹине

Бь кьред хԝәйи Мәсиһти жьн дьле мере хԝә дькʹьрʹьн, ԝәки әԝана рʹастийе ԛәбул кьн. Ле һәмьки сәва кӧ бьгьһижнә ве нете, гәләк сал лазьм ә (1 Пт. 2:21-23; 3:1, 2). Һәрге тӧ жь бо нәһәԛийе дьчәрчьри, бәрдәԝам кә бь ԛәнщийе хьрабийе алт кә (Рʹм. 12:21). Дьԛәԝьмә мере тә нахԝазә гӧһ бьдә тә, гава тӧ дәрһәԛа Йаһоԝа ԝир′а гьли дьки, ле чахе әԝ кьред тәйи ԛәнщ бьвинә, әв йәк дькарә ньһер′андьна ԝи һьндава р′астийе бьгӧһезә.

Бьхәбьтә кӧ сәр тьшта бь ч′ә′ве һәвалзәԝаще хԝә бьньһер′и (Флп. 2:3, 4). Фә′мкьрьн у дьлшәԝатийе бьдә к′ьфше у щабдарийед хԝә бь һ′ьзкьрьн бинә сери. Гӧһдарванәки баш бә (Аԛб. 1:19). Сәбьр кә у һәвалзәԝаще хԝә бьдә баԝәркьрьне, ԝәки тӧ ԝи һ′ьз дьки. Ле һәрге әԝ һьндава тәда ӧса нинә, бьзаньбә Йаһоԝа амьнийа тә ԛимәт дькә (1 Пт. 2:19, 20).

БЬНЬҺЕР′Ә ВИДЕО «БЬ АЛИКʹАРИЙА ЙАҺОԜА ӘМ ҺӘР ТЬШТИ ДЬКАРЬН», У ПАШЕ ЩАБА ԜАН ПЬРСА БЬДӘ:

• Жийина Греис Ли чь щур′әйи бу, чахе әԝе мер кьр?

• Чь ԝе һелан кьр р′астийа К′ьтеба Пироз ԛәбул кә?

• Чь щур′әйи Греис Ли паши ньхӧмандьна хԝә, бәр чәтьнайа тәйах кьр?

• Греис Ли дәрһәԛа мере хԝә чь дӧа дькьр?

• Греис Ли чь к′әрәм стандьн жь бо кьред хԝәйә ԛәнщ у ԛәдьргьртьне?