Кани бона «Бәрнама Щьвине, Бьжин у Хьзмәт кьн»
7-13 ЩОТМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | АԚУБ 3-5
«Биланийа Хԝәде Ә′йан кә»
(Аԛуб 3:17) Ле сәрԝахтийа жорьн, бәре пешьн паԛьж ә, паше ә′дьл ә, мьлук у бәрбьһер ә, бь р′ә′ме у бәред ԛәнщийева т′ьжи йә, бе т′агер у бе һ′ьләк′ари йә.
cl 221-222 ¶9-10
Сәрԝахтийа Жорьн Жийина Тәда Әʹйан Дьбә?
9 «Бәре пешьн паԛьж ә». Паԛьж бьн, те һʹәсабе дьлда беԛьсур у беләкʹә бьн. Кʹьтеба Пироз сәрԝахтийе тʹәви дьл гьре дьдә, ле сәрԝәхтийа жь әʹзмен нькарә бькʹәвә дьле ԝи мәрьви, кʹижан кӧ бь фькьр у хԝәстьнед нәрʹаст тʹьжә йә (Мәтʹәлок 2:10; Мәтта 15:19, 20). Һәрге дьле мә паԛьж ә у әм дьхԝазьн хԝә рʹаст кʹьфш кьн, һьнге әме хԝә жь хьрабийе дур бьгьрьн у ԛәнщийе бькьн (Зәбур 37:27; Мәтʹәлок 3:7). Ләма жи чахе рʹез дәрһәԛа сәрԝахтийе шьровәдькә, пешийе те готьне ԝәки әԝ «паԛьж ә». Демәк һәрге әм алийе намусийеда у рʹӧһʹанида паԛьж нибьн, әме нькарьбьн ԝан хәйсәта пешда биньн, кʹижан кӧ сәрԝахтийева гьредайи нә.
10 «Паше ә′дьл ә». Сәрԝахтийа жорьн мә һелан дькә әʹдьлайе бьгәрʹьн, кʹижан кӧ йәк жь бәред рʹӧһʹе Хԝәдейи пироз ә (Галати 5:22). Әм дьхәбьтьн ԝәки «ә′дьлайийе хԝәй кьн», чь кӧ щьмәʹта Йаһоԝа дькә йәк (Әфәси 4:3). Әм ӧса жи һʹәму тьшти дькьн, ԝәки әʹдьлайе чекьн һьнге, чахе әԝ ӧнда дьбә. Гәло чьма әв йәк фәрз ә? Кʹьтеба Пироз дьбежә: «Сәр хԝәда ԝәрьн, ль пәй ә′дьлайийе бьн у Хԝәдейе һ′ьзкьрьне у ә′дьлайийе ԝе т′әви ԝә бә» (2 Корьнтʹи 13:11). Демәк һәрге әм әʹдьлайеда бьжин, Хԝәдайе әʹдьлайе ԝе тʹәви мә бә. Әв йәк кӧ чаԝа әм тʹәви хушк у бьра хԝә кʹьфш дькьн, дькарә сәр һәләԛәтийа мә тʹәви Йаһоԝа һʹӧкӧм бә. Ле чь әм гәрәке бькьн, кӧ әʹдьлайе пешда биньн? Ԝәрә әм бь мәсәле шеԝьр кьн.
(Аԛуб 3:17) Ле сәрԝахтийа жорьн, бәре пешьн паԛьж ә, паше ә′дьл ә, мьлук у бәрбьһер ә, бь р′ә′ме у бәред ԛәнщийева т′ьжи йә, бе т′агер у бе һ′ьләк′ари йә.
cl 223-224 ¶12
Сәрԝахтийа Жорьн Жийина Тәда Әʹйан Дьбә?
12 «Бәрбьһер ә». Чь те һʹәсабе бәрбьһери? Ль гора ньһерʹандьна лекʹолинкʹаред Кʹьтеба Пироз, чәтьн ә бьвиньн мәʹна ԝәлгәрʹандьна ԝе хәбәре, кʹижан кӧ Аԛуб 3:17-да те ньвисаре ча «бәрбьһер». Һьнә тʹәрщьман гьлийе ӧса дьданә хәбате ча «мьлук», «ԛәнщ», «нәрм». Рʹаст ә-рʹаст әв хәбәра Ибрани те һʹәсабе, мәрьве нәрм к′ижан кӧ сәр йа хԝә насәкьнә. Тӧ ча дькари тедәрхи һәла биланийа жорьн йа ви щурʹәйи, жийина мәда әʹйан дьбә йан на?
cl 224-225 ¶14-15
Сәрԝахтийа Жорьн Жийина Тәда Әʹйан Дьбә?
14 «Мьлук». Әԝ хәбәра Ибрани, кʹижан кӧ сәр зьмане мә һатийә ԝәлгәрʹандьне ча «мьлук», рʹастә-рʹаст те һʹәсабе «һазьр ә гӧһдар бә». Әв хәбәра Ибрани Ньвисаред Ибранида тʹӧ щийа хенщи ви щийи, зедә тʹӧ щийа нәһатийә ньвисаре. Ль гора зандарәки әв хәбәр «гәләк щар те хәбьтандьне, гава хәбәрдан дьчә дәрһәԛа тʹәрбәтийа әскәрийеда». Нета ве хәбәре әв ә; «рʹунәрм» у «гӧһдар». Әԝ мәрьв кʹижан кӧ бь биланийа жорьн те рʹебәрикьрьне, бь һазьрбун гӧһ дьдә һʹәму тьштед кӧ Ньвисаред Пирозда лекьринә. Әԝ те наскьрьне ча мәрьвәки нәрм, кʹижан кӧ сәр йа хԝә насәкьнә гава мьԛабьли сафикьрьна ԝи дәртен. Әԝ һазьр ә ньһерʹандьна хԝә бьгӧһезә, һәрге бь Кʹьтеба Пироз ԝирʹа нишан дькьн, кӧ әԝ тьштәкида нәрʹаст ә. Лә тӧ тейи наскьрьне ча мәрьвәки ӧса?
«Бь Р′ә′ме у Бәред Ԛәнщийева Т′ьжи йә»
15 «Бь рʹә′ме у бәред ԛәнщийева т′ьжи йә». Рʹәʹмти әв һәйә пʹарәкә фәрз йа сәрԝахтийа жорьн. Сәр сәрԝахтийа ви щурʹәйи дьбежьн «бь рʹәʹме тʹьжә йә». Дина хԝә бьдьне, хәбәред «рʹәʹмтийе» у «бәред ԛәнщийе» тʹәвайи һатьнә ньвисаре. Чьмки сәр һʹиме Кʹьтеба Пироз рʹәʹмти әв һәйә хәмкьрьн һьндава мәрьвада у дьлшәвати, йа кӧ һелан дькә бь мәрʹдани кьред ԛәнщ бькьн. Дь кʹьтәбәкеда те шьровәкьрьне, ԝәки хәбәра «рʹәʹмти» те һʹәсабе бона мәрьва бәрхԝәкʹәвьн, кижан кӧ кʹәтьнә ԛәзийе, у али ԝан бькьн. Биланийа Хԝәде тʹьме һазьр ә аликʹарийе бьдә, ԛәнщ ә у дьлгәрм дькә. Ле әм чь щурʹәйи дькарьн бьдьнә кʹьфше, ԝәки бь рʹәʹмтийе тʹьжә нә?
(Аԛуб 3:17) Ле сәрԝахтийа жорьн, бәре пешьн паԛьж ә, паше ә′дьл ә, мьлук у бәрбьһер ә, бь р′ә′ме у бәред ԛәнщийева т′ьжи йә, бе т′агер у бе һ′ьләк′ари йә.
cl 226-227 ¶18-19
Сәрԝахтийа Жорьн Жийина Тәда Әʹйан Дьбә?
18 «Бе тʹагер». Биланийа Хԝәде щӧдәбуне накә ортʹа мьләта. Һәрге әм бь ве биланийе рʹебәри бьн, әме һәр тьшти бькьн ԝәки дьле хԝә тʹәмьз кьн, сәва кӧ һʹәму мьләта ԝәк һәв бьгьрьн (Аԛуб 2:9). Әм гәрәке мәрьва һӧрмәт нәкьн жь бо хԝандьна ԝан, һәбуна ԝан йан жи щабдарийед ԝанә щьвате. Ӧса жи әм гәрәке бәр чʹәʹве хԝә ньмьз нәкьн ԝан хуш-бьра, кʹи кӧ нава мәрьвада әʹйан у пешдачуйи нинә. Йаһоԝа ԝана һежайи һʹьзкьрьна хԝә дькә, ләма жи әм гәрәке ве йәкеда чʹәʹв бьдьнә ԝи.
19 «Бе һ′ьләк′ари йә». Хәбәра Йунани «һʹьләкари», дькарьн бьдьнә хәбате һьндава ԝи мәрьви, йе кӧ синәмеда роле дьлизә. Мәсәлә бәре листькчийе Йунани у Рʹомайи ԝәʹде листьна рола хԝә, бь тьштәки сьфәте хԝә дьгӧһастьн. Ләма жи хәбәра Йунани «һʹьләкʹар» һьндава ԝи мәрьви дьданә хәбате, кʹи кӧ фелбази дькьр у бь ԛәлпийе шьхуле хԝә пешда дьбьр. Биланийа Хԝәде нә тʹәне ԝи чахи гәрәке сәр мә һʹӧкӧм кә, чахе әм пьрсәкеда бәр бь хушк-бьра дьчьн, ле ӧса жи һ′ӧкӧм дькә сәр ньһерʹандьна мә һьндава ԝан.
Хьзна Кʹьтеба Пироз Бьгәрʹьн
(Аԛуб 4:7) Аԝа бәр Хԝәде шкәсти бьн. Мьԛабьли Мирещьн бьсәкьньн у әԝе жь ԝә бьр′әвә.
ԝ18.05 23 ¶4
Дьжмьне Хԝә Нас кә
4 Пәтрусе шанди Шәйт′ан Мире-щьна нав дькә ча «шер», йе кӧ «мьрә-мьра ԝи йә», ле Йуһ′әнна ԝи нав дькә «мәр» у «зийа» (1 Пәт. 5:8; Ә′йан. 12:9). Ле әм гәрәке жь Шәйт′ан нәтьрсьн, чьмки ԛәԝата ԝи бь синор ә. (Бьхунә Аԛуб 4:7.) Йаһоԝа, Иса у мьлйак′әтед амьн, мә хԝәй дькьн. Әм пе алик′арийа ԝан дькарьн мьԛабьли дьжмьне хԝә дәрен. Ле әм гәрәке бьзаньбьн щаба ԝан се пьрсед сәрәкә: Ԛәԝат у һ′ӧкӧме Шәйт′ан чьԛас ә? Әԝ һ′ӧкӧме хԝә ча дьдә хәбате? Гәло һәнә тьшт кӧ әԝ нькарә бькә? Ԝәрә әм щаба ван пьрса шеԝьр кьн, у ӧса жи бьньһер′ьн чь дәрса дькарьн һин бьн.
(Аԛуб 4:11, 12) Хәйба һәвдӧ нәкьн хушкбьрано. К′и хәйба бьре хԝә дькә, йан лома бьре хԝә дькә, әԝ хәйба Ԛануне дькә у лома Ԛануне дькә. Ле һәгәр тӧ лома Ԛануне дьки, иди тӧ Ԛануне наԛәдини, ле һ′акьме ԝе йи. 12 Т′әне Ԛанундарәк у Һ′акьмәк һәйә, кӧ дькарә һьн хьлаз кә у һьн жи ӧнда кә. Ле тӧ к′и йи кӧ лома һәвале хԝә дьки?
ԝ97 15/11 20-21 ¶8
Баԝәри Али Мә Дькә Тәйах кьн у Дӧа Бькьн
8 Чахе мәрьв хәйбе бьре хԝә дькә, әԝ гӧнә дькә (Аԛб. 4:11, 12). Һәнә йед ӧса кӧ хәйбе бьра дькьн, хԝә һәԛ дәрдьхьн у бь ве йәке хԝә сәр ԝанрʹа дьгьрьн (Зб. 50:20; Мт′л. 3:29). Хәбәра Йунани «хәйб» те һʹәсабе дьжмьнати йан шәрʹ-авитьн. Әв бәрамбәри сущдаркьрьне йә. Чь щурʹәйи мәрьв дькарә хәйбе бьре хԝә бькә у ԛануна Хԝәде сущдар кә? Ԛанунзан у ферьси, ԛануна Хԝәде гӧһастьн у бь ньһерʹандьна хԝә мәрьв сущдар дькьрьн (Мԛ. 7:1-13). Һәрге әм хәйбе бьре хԝә дькьн, кʹижани кӧ Йаһоԝа сущдар накә, гәло бь ве йәке әм ԛануна Хԝәде сущдар накьн? Бь ви щурʹәйи әм ча бежи дьдьнә кʹьфше, ԝәки ԛануна Хԝәдеда кемаси һәйә. У гава әм хәйбе бьре хԝә дькьн, әм нькарьн ԛануна һ′ьзкьрьне биньн сери (Рʹомайи 13:8-10).
Хԝәндьна Кʹьтеба Пироз
(Аԛуб 3:1-18) Бьра гәләк жь ԝә, бьрайед мьн нәбьнә дәрсдар, чьмки һун заньн диԝане сәр мә дәрсдара һе гьран бә. 2 Бәле әм һ′әму жи гәләки шашийа дькьн. Һәгәр йәк хәбәрданеда т′ӧ шашийе накә, әԝ йәки к′амьл ә, кӧ дькарә т′әмамийа ԛальбе хԝә зәфт кә. 3 Әм гәме давежьнә дәве һәспе, ԝәки әԝ бе зәфте, кӧ әм сәрԝерийе т′әмамийа һәспе пева бькьн. 4 Әм биньн сәр гәмийе жи. Әԝ чьԛаси мәзьн ьн у жь бәр байе ԛайим тенә ажотьне, ле бь чәрхәкә гәләки бьч′ук тенә сәрԝерикьрьне, дьле гәмиван к′ийалида кӧ бьхԝазә. 5 Ӧса жи зьман әндәмәки бьч′ук ә, ле тьштед жь хԝә мәстьр дьбежә. Дина хԝә бьдьнә пьрискә агьр, чь дарьстанәкә мәзьн дькарә бьшәԝьтинә! 6 Зьман жи агьрәк ә, дьнйакә зӧлмк′ар ә нава әндәмед мәда. Әԝ т′әмамийа ԛальбе мә дерьс дькә, агьр дәԝра жийина мерьв дьхә у әԝ хԝәха жь алава агьре доже пегьрти йә. 7 Һәр щур′ә р′ә′ԝьр, тәйрәдә, шульки у һ′әйԝанед бә′ре тенә зәфте у зәфти мерьв дьбьн, 8 ле т′ӧ ԛул-бәндә зьмен нькарә. Әԝ зӧлмк′арәки беар ә, жә′ра мә′рава дагьрти йә. 9 Әм бь ԝи шькьрийе дьдьнә Хӧдан у Бав, бь ԝи жи ньфьр′а мерьв дькьн, йед кӧ дьлԛе Хԝәдеда һатьнә хӧльԛандьне. 10 Һәма жь ԝи дәви жи дӧа у ньфьр′ дәртен. Хушк-бьрайед мьн, әв йәк нә щайиз ә кӧ аһа бә. 11 Гәло жь ч′ә′вканике ава хԝәш у тә′л дьдә дәр? 12 Гәло дьбә хушк-бьрайед мьн, ԝәки дара һежире бәре зәйт′уне бьдә, йан жи к′ола тьрийе һежире? Нә жи жь шор′айийе ава хԝәш дәрте? 13 Нава ԝәда к′и сәрԝахт у аԛьл ә? Бьра әԝ бь п′әргалийа хԝәйә ԛәнщ, кьред хԝә бь мьлуктийа сәрԝахтийе бьдә к′ьфше. 14 Ле һәгәр дьле ԝәда һ′әвсудийа хьраб у ч′ә′внәбари һәнә, к′ӧбар нәбьн у р′астийе дәрәԝ дәрнәхьн. 15 Әва «сәрԝахтийа» нә дайина жорьн ә, ле жь дьне йә, йа мәрьвайи йә у жь щьна йә. 16 Чьмки ль к′идәре һ′әвсуди у ч′ә′внәбари һәнә, ль ԝьр бет′әрбәти у һәр кьрьнед хьраб жи һәнә. 17 Ле сәрԝахтийа жорьн, бәре пешьн паԛьж ә, паше ә′дьл ә, мьлук у бәрбьһер ә, бь р′ә′ме у бәред ԛәнщийева т′ьжи йә, бе т′агер у бе һ′ьләк′ари йә. 18 У бәре р′астийе жь алийе йе кӧ бь ә′дьлайийе дьчинә те чьнине.
14-20 ЩОТМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ПӘТРУС 1-2
«Пироз бьн»
(1 Пәтрус 1:14, 15) Мина зар′ед гӧһдар бьн, нәбьнә мина ԝи ԝәхте дьлхԝәстьнед хԝәйә нәзанийа хԝәда. 15 Ле мина ԝи Пирозе кӧ гази ԝә кьр, һун жи пироз бьн нава һ′әму р′абун-р′уньштьна хԝәда.
Кʹьрʹин «Пʹешкʹеша Кʹамьл» жь Хԝәде йә
5 Ле әм ча дькарьн нишан кьн, ԝәки наве Хԝәде һʹьз дькьн? Пе кьред хԝә. Йаһоԝа жь мә дәʹԝа дькә кӧ әм пироз бьн. (Бьхунә 1 Пәтрус 1:15, 16.) Әԝ те һʹәсабе, ԝәки әм гәрәке тʹәне Йаһоԝа бьһʹәбиньн у бь тʹәмамийа дьле хԝә гӧрʹа ԝи бькьн. Һәла һе ԝәʹде пәйкʹәтьна жи, әм гәрәке һʹәму тьшти бькьн сәва ԛанун у принсипед ԝи биньн сери. Чахе әм кьред рʹаст дькьн, әм наве Йаһоԝа рʹумәт дькьн (Мәт. 5:14-16). Чаԝа щьмәʹта пироз, әм пе жийина хԝә избат дькьн ԝәки ԛанунед Йаһоԝа рʹаст у баш ьн, ле готьнед Шәйтʹан дәрәԝ ьн. Әм гьшк гӧнәкʹар ьн у ләма жи шашийа дькьн. Ле әм бь дьл гӧнед хԝә тиньн рʹуйе хԝә у пьшта хԝә дьдьнә ԝан кьра, кʹижан кӧ наве Хԝәде беһʹӧрмәт дькьн (Зәб. 79:9).
(1 Пәтрус 1:16) Чаԝа ньвисар ә: «Пироз бьн, чьмки әзи пироз ьм».
Чаԝа Хԝәр′а Ԝә′дәдәрбазкьрьна Бьжберьн
6 Йаһоԝа мәр′а дьбежә: «Пироз бьн, чьмки әзи пироз ьм» (1 Пәтрус 1:14-16; 2 Пәтрус 3:11). Йаһоԝа хьзмәткьрьна мә ԛәбул дькә т′әне ԝи чахи, һәрге әв пироз ә, демәк т′әмьз ә (Ԛануна Дӧщари 15:21). Хьзмәткьрьна мә нькарә т′әмьз бе һ′әсабе, һәрге әм ԝан тьшта дькьн, чь кӧ Йаһоԝа нәфр′әт дькә. Мәсәлә бенамуси, зӧлми йан тьштед щьнава гьредайи (Рʹомайи 6:12-14; 8:13). Һәрге әм ӧса ԝә′дә дәрбаз кьн, әме дьле Йаһоԝа бешиньн. Жь бо ԝе йәке, хьзмәткьрьна мә дькарә бәр ч′ә′ве Йаһоԝа нәт′әмьз у нәлайиԛ бе һ′әсабе у зийана ԛәԝи бьдә һәләԛәтийа мә т′әви ԝи.
Хьзна К′ьтеба Пироз Бьгәр′ьн
(1 Пәтрус 1:10-12) Бона ве хьлазбуне п′ехәмбәр ле гәр′ийан у к′әтьбунә бьн ә′нәна у бона ԝе к′әрәма кӧ ԝе ԝәр′а бьбуйа п′ехәмбәрти кьрьн. 11 Р′ӧһ′е Мәсиһи нава ԝанда һе пешда ль бәр ԝан вәдькьр, кӧ Мәсиһе щәфе бьк′ьшинә у пәйр′а бьк′әвә р′умәта хԝә. У ԝан дькьр кӧ бьзаньбьн к′а бона к′әнге у зәманәки чаԝада әв йәке бьԛәԝьмьн. 12 Ль бәр ԝан вәбу, ԝәки әԝ нә кӧ бона хԝә, ле бона ԝә хәбьтин, гава әԝ тьштед ньһа ԝәр′а бь дәсте ԝан һатьнә готьне, йед кӧ Мьзгини ԝәр′а даннасин кьрьн, бь Р′ӧһ′е Пирози кӧ жь ә′змен һатә шандьне. Мьлйак′әт жи дәмана ԝан тьштада нә, кӧ һәма бьбиньн.
ԝ08 15/11 21 ¶10
Фькьред Ԛимәт Жь Нәʹмед Аԛуб у Пәтрус
1:10-12. Мәләк һʹьзрәта ве йәке бун, кӧ рʹастийед рʹӧһʹанийә кʹӧр тедәрхьн, йед щьвата Мәсиһийед рʹункьри, дәрһәԛа кʹижана кӧ пʹехәмбәред Хԝәде ньвиси бун. Ле әв рʹасти һьнге зәлал бу, чахе Йаһоԝа бь сайа щьвата Мәсиһийа дәстпекьр кʹар бькә (Әф. 3:10). Ԝе баш бә әм чʹәʹв бьдьнә мәләка, у һʹьзрәта ве йәке бьн, ԝәки «нет-мәрәмед Хԝәдейә к′ур» пебьһʹәсьн (1 Кр. 2:10).
(1 Пәтрус 2:25) Чьмки һун мина пәзед хальфи бун, ле ньһа һун ль Шьван у Сә′вийе р′ӧһ′е хԝә вәгәр′ийанә.
it-2 565 ¶3
Бәрпьрсийар
Бәрпьрсийаре Гьринг. Кʹьфш ә Пәтрусе шанди гава 1 Пәтрус 2:25-да дәрһәԛа «пәзед хальфи» дьбежә, әԝ Ишайа 53:6 дьԝәкʹьлинә. Паше Пәтрус бәрдәԝан дькә: «Ле ньһа һун ль Шьван у Сә′вийе р′ӧһ′е хԝә вәгәр′ийанә». Ча те кʹьфше Шьван у Сә′вийе сәр Йаһоԝа Хԝәде те готьне, чьмки кʹижанарʹа кӧ Пәтрус ньвиси, нькарьн бежьн кӧ әԝана «хәльфи бун» у жь Иса Мәсиһ дур кʹәтьбун; ле бь сайа Иса әԝана бәрбь Йаһоԝа Хԝәде һатьн, кʹижан кӧ Шьване Гьринг ә бона щьмәʹта хԝә (Зб. 23:1; 80:1; Йер. 23:3; Һз. 34:12). Сәр Йаһоԝа ӧса жи дькарьн бежьн бәрпьрсийар бь ԝе нете, кӧ әԝ әʹнәнә дькә (Зб. 17:3). Бь сайа әʹнәнәкьрьне (епископе, бь Йунани), дькарьбун диԝан пешда банийана у ахьрийеда сафикьрьна диԝане бона йе дьһатә диԝанкьрьне, нәбаш буйа. Мәсәлә, ԛьрна йәкеда Б.Д.М. Оршәлим һатә әʹнәнәкьрьне [епископе, бь Йунани] у диԝанкьрьне. Оршәлим һаш хԝә т′ӧнә бу (Лԛ. 19:44). Ле әʹнәнәкьрьн дькарә кʹаре жи бинә, чаԝа әв йәк ԝе бьԛәԝьмә т′әви ԝан, к′и кӧ ԝе «шькьрийе бьдьнә Хԝәде, ԝе Р′ожа кӧ сәрики бьдә дьне» (1 Пт. 2:12)
Хԝәндьна Кʹьтеба Пироз
(1 Пәтрус 1:1-16) Жь Пәтрус, Шандийе Иса Мәсиһ, Щьмә′та Хԝәдейә бьжартир′а, йа кӧ ль ԝәлатед Понтосе, Галатйайе, Кәпәдокйайе, Асйайе у Битенйайеда хәриб бәлабуйи йә. 2 Һун ль гора ԝе ԛьрара Бав Хԝәдейә пешда һатьнә бьжартьне у бь Р′ӧһ′е Пироз бӧһӧрти- жьбарә дьбьн, ԝәки гӧһдарийа Иса Мәсиһ бькьн у бь хуна ԝийә р′ети бенә паԛьжкьрьне: Дә бьра к′әрәм у ә′дьлайи һе ль ԝә зедә бә. 3 Шькьр жь Хԝәдер′а, Баве Хӧдане мә Иса Мәсиһ, кӧ жь р′ә′ма хԝәйә п′ьр′, щарәкә дьн әм дьне хьстьн, бь р′абуна Иса Мәсиһә жь мьрийа, ԝәки бьбьнә хԝәйе гӧмана сах 4 у ԝан соз-ԛьраред нәбәталә нәр′ьзи у нәч′ьлмьси ԝар бьн. Әвана ль ә′змана ԝәр′а хԝәйкьри нә. 5 У ԛәԝата Хԝәде пе баԝәрийа ԝә ԝә хԝәй дькә, бона ԝе хьлазбуна һазьркьри, йа кӧ ахьрийа зәменда ԝе хӧйа бә. 6 Һун бь ԝе ша дьбьн, р′аст ә ньһа жи ӧса дьԛәԝьмә кӧ һун һьнәки мә′дәкьри нә, жь дәст щур′ә-щур′ә щер′ьбандьна. 7 Әв йәк дьбә сәбәб, ԝәки хальсийа баԝәрийа ԝә һе бь ԛимәт к′ьфш бә, нә кӧ әԝ зер′е кӧ нава егьрда те щер′ьбандьне ле диса ӧнда дьбә у бь ви аԝайи әԝ баԝәрийа ԝә ԝе һежайи пәсьн, р′умәт у ԛәдьр бә, ԝәхте хӧйабуна Иса Мәсиһ. 8 Ԝә әԝ нәдитийә, ле һун ԝи һ′ьз дькьн, ньһа жи набиньн, ле ԝи баԝәр дькьн у ша нә бь ԝе әшԛа мәзьнә хԝәйир′умәт, кӧ бь зара найе готьне. 9 Чьмки һун хьлазкьрьна р′ӧһ′е хԝә дьстиньн, кӧ мәрәме баԝәрийа ԝә йә. 10 Бона ве хьлазбуне п′ехәмбәр ле гәр′ийан у к′әтьбунә бьн ә′нәна у бона ԝе к′әрәма кӧ ԝе ԝәр′а бьбуйа п′ехәмбәрти кьрьн. 11 Р′ӧһ′е Мәсиһи нава ԝанда һе пешда ль бәр ԝан вәдькьр, кӧ Мәсиһе щәфе бьк′ьшинә у пәйр′а бьк′әвә р′умәта хԝә. У ԝан дькьр кӧ бьзаньбьн к′а бона к′әнге у зәманәки чаԝада әв йәке бьԛәԝьмьн. 12 Ль бәр ԝан вәбу, ԝәки әԝ нә кӧ бона хԝә, ле бона ԝә хәбьтин, гава әԝ тьштед ньһа ԝәр′а бь дәсте ԝан һатьнә готьне, йед кӧ Мьзгини ԝәр′а даннасин кьрьн, бь Р′ӧһ′е Пирози кӧ жь ә′змен һатә шандьне. Мьлйак′әт жи дәмана ԝан тьштада нә, кӧ һәма бьбиньн. 13 Бона ԝе йәке һун фькьред хԝәда пьштгьредайи у һ′ьшйар бьн, т′ам гӧмана хԝә бьдьнә сәр ԝе к′әрәме, йа кӧ ԝе ԝәр′а бе дайине, ԝәхте хӧйабуна Иса Мәсиһ. 14 Мина зар′ед гӧһдар бьн, нәбьнә мина ԝи ԝәхте дьлхԝәстьнед хԝәйә нәзанийа хԝәда. 15 Ле мина ԝи Пирозе кӧ гази ԝә кьр, һун жи пироз бьн нава һ′әму р′абун-р′уньштьна хԝәда. 16 Чаԝа ньвисар ә: «Пироз бьн, чьмки әзи пироз ьм».
21-27 ЩОТМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 1 ПӘТРУС 3-5
«Ахьрийа һәр Тьшти Незик Буйә»
(1 Пәтрус 4:7) Ахьрийа һәр тьшти незик буйә. Аԝа сәрԝахт у сәр хԝә бьн, кӧ бькарьбьн дӧа бькьн.
ԝ13 15/11 3 ¶1
«Сәр Хԝә бьн, кӧ Бькарьбьн Дӧа Бькьн»
«ХӘБАТЧИК кӧ шәв дьхәбьти гот: «Ԛәрабәрбанге гәләк чәтьн ә һ′ьшйар бьминьн». Һәмьки әԝед кӧ мәщбур ьн шәв бьхәбьтьн у р′анәзьн, ԝе ԝан гьлийар′а ԛайил бьн. Иро Мәсиһи р′асти чәтьнайа ви щур′әйи тен, чьмки шәвәр′әша ве дьнйа Шәйт′ан, дьреж дькʹьшинә (Р′ом. 13:12). Ԝе чьԛас хоф бә сәва мә, ԝәки ԝе дәма дәрәнг әм хәврʹа һәрʹьн! Гәләк фәрз ә гӧһ бьдьнә ве ширәта жь Кʹьтеба Пироз: «Сәр хԝә бьн, кӧ бькарьбьн дӧа бькьн» (1 Пәт. 4:7).
(1 Пәтрус 4:8) Бәри һәр тьшти, һ′ьзкьрьна ԝә һьндава һәвда бь дьл у щан бә, чьмки һ′ьзкьрьн гәләк гӧна дьньхемә.
ԝ99 15/4 22 ¶3
Чаԝа Тедәрхьн у Алт кьн Сьстбуна Р′ӧһ′ани
Гәләк фәрз ә т′ьме һ′ьше хԝәда хԝәй кьн ширәта Паԝлос йа бь һ′ьзкьрьне: «Ахьрийа һәр тьшти незик буйә. Аԝа сәрԝахт у сәр хԝә бьн, кӧ бькарьбьн дӧа бькьн. Бәри һәр тьшти, һ′ьзкьрьна ԝә һьндава һәвда бь дьл у щан бә, чьмки һ′ьзкьрьн гәләк гӧна дьньхемә» (1 Пәтрус 4:7, 8). Кемасийед мә у йед мәрьвед дьн, дькарьн һеса ль сәр һ′ьш у фькьред мә һ′ӧкӧм кьн у ԝәк кәвьре льк′ӧмандьне р′ийа мә бьгьрьн. Шәйт′ан р′ьнд занә дәрһәԛа ве сьстбуна мәрийа. Әԝ әве фькьре пешда дьбә: «Щӧдә кә у Һ′ӧкӧм кә». Ԝе баш бә «щи нәдьнә Мирещьн», у зускава бь һ′ьзкьрьн бьбахшиньнә һәв (Әфәси 4:25-27).
(1 Пәтрус 4:9) Һьндава һәвда меванһ′ьз бьн, бина хԝә тәнг нәкьн.
ԝ18.03 14-15 ¶2-3
Меванһьзи Ԛимәт ә у Гәләк Лазьм ә!
2 Пәтрус ширәт да ԝан хушк-бьра: «Һьндава һәвда меванһьз бьн» (1 Пәт. 4:9). Хәбәра «меванһьз» сәр зьмане Йунани растә-раст те һәсабе «һьзкьрьн, йан жи ԛәнщи һьндава хәриба». Ле дина хԝә бьдьне, Пәтрус ве резеда дәрһәԛа хушк-бьра дьгот кӧ «һьндава һәвда» меванһьз бьн, демәк тәви ԝан кижана әԝана ида нас дькьн у һәвалтийе дькьн. Ле меванһьзийе ԝе чьда али ԝан Мәсиһийа бькьра?
3 Әԝана ԝе һе незики һәв буна. Һәла бьфькьрьн, чахе кәсәки һун тәглифи мала хԝә кьрьн, һун гәләк ша бун, ӧса нинә? Дьбәкә әԝ рож һе бира ԝәда йә. Йан жи чахе ԝә жь щьвате кәсәк тәглифи мала хԝә кьр, һун һе незики һәв бун, раст ә? Чахе әм меванһьзийе дьдьнә кьфше, әм хушк-бьра һе рьнд нас дькьн. Мәсиһийед кӧ ԝәде Пәтрус дьжитьн, гәрәке һе зедә тьфаԛ буна, чьмки һьнге һал хьраб дьбу. Иро жи әм гәрәке ӧса бькьн, чьмки әм дьжин «рожед ахьрийеда» (2 Тимт. 3:1).
Хьзна Кʹьтеба Пироз Бьгәрʹьн
(1 Пәтрус 3:19, 20) Бь р′ӧһ′ани чу нава ԝан р′ӧһ′ед кәледа даннасин кьр, 20 йед кӧ ԝәхтәке нә гӧһдар бун, гава Хԝәде бь думька дьреж сәбьр дькьр, ԝи зәмане Нӧһда, гава гәми дьһатә чекьрьне. Ԝеда һьндьк, аԝа готи һ′әйшт нәфс «нава аведа» хьлаз бун.
ԝ13 15/6 23
Пьрсед Хԝәндәвана
К′ьтеба Пироз дьбежә, ԝәки Иса нава «р′ӧһ′ед кәледа даннасин кьр» (1 Пәт. 3:19). Әв чь те һ′әсабе?
▪ Ль гора гьлийе Пәтрусе шанди, әв р′ӧһ′ «ԝәхтәке нә гӧһдар бун, гава Хԝәде бь думька дьреж сәбьр дькьр, ԝи зәмане Нӧһда» (1 Пәт. 3:20). Ә′шкәрә йә Пәтрус дьгот дәрһәԛа ә′фьринед р′ӧһ′ани, к′ижана кӧ сафи кьрьн т′әви мьԛабьлибуна Шәйт′ан бьбьнә йәк. Щьһуда дәрһәԛа мәләка дьбежә, к′ижан «кӧ һ′ӧкӧме хԝә хԝәй нәкьрьн, ле щийе хԝә шьһ′ьтандьн, Хԝәде ԝан бь ԛәйдед һ′әта-һ′әтайейә тә′ристанийеда хԝәй дькә, бона ԝе Р′ожа һ′әсабә Диԝане» (Щьһуда 6).
Ԝә′де Нӧһда ә′фьринед р′ӧһ′ани чьда нәгӧһдарийа хԝә данә к′ьфше? Пешийа Селаве әԝан р′ӧһ′ед зӧлм хԝә кьрьнә дьлԛе мәрийа. Әв кьред ԝан ль гора ԛьрара Хԝәде нибун (Дәстп. 6:2, 4). Хенщи ԝе йәке, гава мәләк т′әви жьна бенамуси кьрьн, ԝана тьштәки нәтʹәбйәти кьр, чьмки ль гора ԛьрара Хԝәде, мәләк гәрәке нәк′әтана һәләԛәтийа ӧса тʹәви мәрийа (Дәстп. 5:2). Әв мәләкед зӧлм у нәгӧһдар, ԝе бенә к′ӧтакьрьне р′ожа Хԝәдейә к′ьфшкьрида. Ле һ′әта ньһа, чаԝа кӧ Щьһуда к′ьфш дькә, әԝана «тә′ристанийеда» ньн, йане кәла р′ӧһ′анида ньн.
Чь чах Иса нава «р′ӧһ′ед кәледа даннасин кьр»? Пәтрус дьньвисә ԝәки әв һьнге ԛәԝьми гава Иса «алийе р′ӧһ′анида жийинер′а һатә вәгәр′андьне» (1 Пәт. 3:18, 19). Дина хԝә бьдьне, Пәтрус дьбежә Иса «даннасин кьр». Пәтрус әв хәбәр да хәбате, кʹижан кӧ дьдә кʹьфше ԝәки ида кьрийә. Әв йәк избат дькә ԝәки Иса «даннасин кьр» пешийа кӧ Пәтрус нәʹма хԝәйә пешьн бьньвисийа. Дьԛәԝьмә һьнәк ԝәхт шунда паши сахкьрьне, Иса готә рʹӧһʹед хьраб, ԝәки әԝана ԝе бенә щәзакьрьне, чьмки һежайи ве йәке нә. Әве даннасинкьрьне да кʹьфше, ԝәки һевийа ԝан тʹӧнә. Чьмки әв данасинкьрьна диԝанкьрьне бу (Уньс. 1:1, 2). Иса кӧ һʹәта мьрьне баԝәри у амьнйа хԝә хԝәй кьр у һатә сахкьрьне, әв йәк избат дькә кӧ һʹӧкӧме Мире-щьна сәр ԝи тʹӧнә. Изна Иса һәбу әве дьԝане әʹлам кә (Йуһʹн. 14:30; 16:8-11).
Ахьрийе, Иса ԝе Шәйтʹан у щьнед ԝи гьредә у бавежә гәлийе һәй-ԝайе (Луԛа 8:30, 31; Әʹнт. 20:1-3). Ле һәʹта һьнге рʹӧһʹед нәгӧһдар ԝе тә′ристанийа рʹӧһʹанида бьн, у дӧдьлибун тʹӧнә ԝәки әԝана ԝе бенә кʹӧтакьрьне (Әʹнт. 20:7-10).
(1 Пәтрус 4:6) Бона ве йәке жи ԝан мьрийар′а Мьзгини һатә дайине, йед кӧ бь бәдәни мина мәрьва диԝана ԝан һатә кьрьне, ԝәки бь р′ӧһ′ани бьжин мина Хԝәде.
ԝ08 15/11 21 ¶8
Фькьред Ԛимәт Жь Нәʹмед Аԛуб у Пәтрус
4:6: Кʹи бун әԝ мьри, кʹира «Мьзгини һатә дайине»? Хәбәрдан дьчә дәрһәԛа ԝан кʹи кӧ «дәст нәһәԛи у гӧнед хԝә мьри бун», демәк рʹӧһʹанида мири бун һәʹта кӧ мьзгинийа хере пеһʹәсийан (Әф. 2:1). Ле гава мьзгинийа хере баԝәр кьрьн, рʹӧһʹанида «сах бун».
Хԝәндьна Кʹьтеба Пироз
(1 Пәтрус 3:8-22) Һәйнәсәр һ′әму жи сәр нетәке бьн, сәр һәв шәԝат бьн, һәв һ′ьз бькьн, р′ә′м у шкәсти бьн. 9 Жь бәр хьрабийева хьрабийе нәкьн, йан жь бәр беһӧрмәткьрьнева беһӧрмәткьрьне, ле жь бәр ванва дӧа-дьрозга ль ԝан бькьн, чьмки һун ве йәкер′а һатьнә газикьрьне, ԝәки дӧа-дьрозге создайи сәр ԝәда бе. 10 Чьмки ньвисар ә: «К′и жийине бәгәм дькә у дьхԝазә р′ожед хԝәш бьбинә, бьра зьмане хԝә жь хьрабийе хԝәй кә у заре хԝә жи жь дәрәԝийе. 11 Бьра жь хьрабийе вәгәр′ә, ԛәнщийе бькә у ә′дьлайийе бьгәр′ә, ль пәй ԝе һәр′ә. 12 Чьмки ч′ә′ве Хӧдан ль сәр р′аста йә у гӧһе ԝи сәр дӧайе ԝан ә, ле Хӧдан мьԛабьли ԝан ә, йед кӧ хьрабийе дькьн». 13 К′и ԝе хьрабийе ль ԝә бькә, һәгәр һун дәмана ԛәнщикьрьнеда бьн? 14 Ле һәгәр һун бона р′астийе щәфе жи бьбиньн, һунә хԝәзьли нә! Иди жь мәрьва нәтьрсьн у хԝә ӧнда нәкьн. 15 Ле бәле Мәсиһ чаԝа Хӧдане пироз дьле хԝәда бьльнд бьгьрьн. Һәр гав һазьр бьн, щаба ԝан һ′әмуйа бьдьн, йед кӧ бона ԝе гӧмана нава ԝәда дьпьрсьн. Ле ԝе йәке бь хоф у мьлуктийе бькьн, 16 хԝәйе исафа р′ьһ′әт бьн, ԝәки, гава һун бенә р′әзилкьрьне, йед кӧ п′әргалийа ԝәйә ԛәнщә т′әви Мәсиһ беһӧрмәт дькьн, шәрми бьн. 17 Һе ԛәнщ ә, һәгәр ԛьрара Хԝәде йә, әм бона ԛәнщийе щәфе бьк′ьшиньн, нә кӧ бона хьрабийе. 18 Чьмки Мәсиһ щарәке бона һәр т′ьм бона гӧна щәфа к′ьшанд, йе һәԛ бона нәһәԛа, ԝәки мә незики Хԝәде кә. Әԝ алийе бәдәнида һатә кӧштьне, ле алийе р′ӧһ′анида жийинер′а һатә вәгәр′андьне. 19 Бь р′ӧһ′ани чу нава ԝан р′ӧһ′ед кәледа даннасин кьр, 20 йед кӧ ԝәхтәке нә гӧһдар бун, гава Хԝәде бь думька дьреж сәбьр дькьр, ԝи зәмане Нӧһда, гава гәми дьһатә чекьрьне. Ԝеда һьндьк, аԝа готи һ′әйшт нәфс «нава аведа» хьлаз бун. 21 Әԝ ав сурәте ньхӧмандьне бу, к′ижан ньһа ԝә хьлаз дькә. Әԝ ньхӧмандьн нә кӧ ԝә жь ԛьлера бәдәне дьшо, ле жь исафа р′ьһ′әт шә′дәтик ә ль бәр Хԝәде. Әԝ йәк бь р′абуна Иса Мәсиһә жь мьрийа ԝә хьлаз дькә, 22 йе кӧ чуйә ә′змен, ль мьле Хԝәдейи р′асте йә у мьлйак′әт, һ′ӧкӧмәт у ԛӧдрәтед р′ӧһ′ани бьн гӧр′а ԝида нә.
28 ЩОТМӘҺЕ-3 МЬЖДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | 2 ПӘТРУС 1-3
«Һивийа Рʹожа Хԝәде бьн у Һатьна Ԝи Ләз хьн»
(2 Пәтрус 3:9, 10) Хӧдан созе хԝә дәрәнги найехә, чаԝа һьнәк дьфькьрьн. Әԝ бь думька дьреж ль ԝә сәбьр дькә, нахԝазә т′ӧ кәс ӧнда бә, ле дьхԝазә ԝәки һ′әму жь гӧнәкьрьне вәгәр′ьн. 10 Ле Р′ожа һатьна Хӧдан ԝе мина дьзәки бе. Һьнге ә′змане бь ԛужинийа мәзьн бәтавәбьн у тьштед бьн п′әр′е ԝанда жи ԝе бьшәԝьтьн ԝеран бьн, дьнйа у һәр тьштед ԝеда жи ԝе ӧнда бьн һәр′ьн.
ԝ06 15/12 27 ¶11
Йаһоԝа ԝе «Һәԛийе Бькә»
11 Ле әм чь щурʹәйи фәм кьн готьна Иса, ԝәки Йаһоԝа ԝе ләзкʹәвә «зу» һәԛийе бькә? Рʹаст ә Хәбәра Хԝәде дьдә кʹьфше кӧ «Әԝ [Йаһоԝа] бь думька дьре . . . сәбьр дькә» ле ԝәʹде хԝәйи кʹьфшкьрида әԝе зу һәԛийе бькә (Луԛа 18:7, 8; 2 Пәтрус 3:9, 10). Рʹоже Нӧһда, гава Селав һат, мәрьвед нәһәԛ дәрберʹа ԛьрʹ бун. Ӧса жи ԝәʹде Лут, чахе жь әʹзман агьр бари, йед нәһәԛ ԛьрʹ бун. Иса гот: «Әԝ р′оже жи ԝе ӧса бә, гава Кӧр′е Инсан к′ьфш бә» (Луԛа 17:27-30). «Һьнге хәзәбе ньшкева сәр ԝанда бе» демәк сәр йед хьрабда (1 Тʹесалоники 5:2, 3). Әм дькарьн баԝәр бьн кӧ Йаһоԝа жь һәԛийе, ԝе изне нәдә, ԝәки дьнийа Шәйтʹан рʹожәке зедә бәрдәԝам бә.
(2 Пәтрус 3:11, 12) Һәгәр әв һәр тьшт ԝе бь ви аԝайи ԝеран бьн һәр′ьн, һун гәрәке мәрьвнә чаԝа бьн? Гәрәке һун жийина һ′әлал у хԝәденасийеда бьмәшьн, 12 һивийа Р′ожа Хԝәде бьн у һатьна ԝи ләз хьн. Ԝе р′оже ә′змане бьшәԝьтьн, ԝеран бьн, агьре жи тьштед бьн п′әр′е ԝеда бьһ′әлинә.
ԝ06 15/12 19 ¶18
«Рожа Мәзьн йа Йаһоԝа Незик ә»
18 Әʹщебмайи нинә чьрʹа Пәтрусе шанди мә һелан дькә: «Р′ожа Хԝәде» бира хԝәда хԝәй кьн! Чь щурʹәйи ӧса бькьн? Мәсәлә әм тʹьме гәрәке бь жийина рʹаст бьжин у Хԝәдерʹа амьн бьн (2 Пәтрус 3:11, 12). Әв йәк ԝе али мә бькә бь сәбьр һивийа Рʹожа Йаһоԝа бьн. Хәбәра Йунани, кӧ те ԝәлгәрʹандьне «һивийа Р′ожа Хԝәде бьн», рʹастә-рʹаст те һʹәсабе «ләз хьн». Һәмьки әм нькарьн рʹожа Йаһоԝа ләз хьн. Ле һәрге әм шьхӧле Хԝәдева мьжул ьн, әԝ ԝәʹдә ԝе сәва мә һе зу дәрбаз бә (1 Корьнтʹи 15:58).
Хьзна Кʹьтеба Пироз Бьгәрʹьн
(2 Пәтрус 1:19) Аԝа готьнед п′ехәмбәртийе жи бона мә һе мак дьбьн. Ԛәнщ ә ԝәки һун дина хԝә бьдьнә ԝан, чьмки әԝ мина ч′ьраке нә, кӧ тә′рийеда р′онайе дьдә, һ′әта сьбәһ зәлал бә у стәйрка бәрбьр′о дьле ԝәда дәре.
ԝ08 15/11 22 ¶2
1:19: К′и йә «стәйрка шәԝԛә сьбәһе», чь чах әв стәйрк гәрәке дәрк′әвә у бь сайа чь әм дькарьн фә′м бькьн, кӧ әв ида ԛәԝьмийә? «Стәйрка шәԝԛә сьбәһе», әв Иса Мәсиһ ә, к′ижан кӧ П′адшати стандийә (Әʹнт. 22:16). Дь сала 1914-да Иса ль сәр һʹәму әʹфьринарʹа бу Пʹадша, у бь ве йәке дәстпека рʹожа тʹәзә әʹлам кьр. Хәԝн-хәйала дәрһәԛа гӧһастьна р′әнг-р′уйе Мәсиһ, әʹйан кьр рʹумәта ԝийә ахьрийе у ԛәԝата Пʹадшатийе. Әве ӧса жи избат кьр рʹастийа пʹехәмбәртийа Хәбәра Хԝәде. Һәрге әм гӧһ дьдьнә ве хәбәре, әв йәк шәԝԛе дькә дьле мә у бь сайа ве йәке әм фәʹм дькьн, ԝәки «стәйрка шәԝԛә сьбәһе», ида дәрк′әтийә.
(2 Пәтрус 2:4) Чьмки һ′әйфа Хԝәде ль ԝан мьлйак′әтед кӧ гӧнә кьрьн нәһат, ле әԝ ԛәйдкьри авитьнә зьндана тә′ристанийе, Р′ожа Диԝанер′а данә хԝәйкьрьне.
ԝ08 15/11 22 ¶3
Фькьред Ԛимәт Жь Нәʹмед Аԛуб у Пәтрус
2:4: Чь йә «зьндана тә′ристанийе» у чь чах мәләкед мьԛабьл һатьнә авитьне ль ведәре? «Зьндана тә′ристанийе», әв һәйә щийе ӧса, к′идәре кӧ т′әне ә′фьринед р′ӧһ′ани нә. Һ′ьше ԝан к′әтә шәвәр′әше, демәк әԝана нькарьн ԛьрара Хԝәде фә′м бькьн. Әԝед кӧ к′әтьнә «зьндана тә′ристанийе», һевийа ԝан бона ахьрийе т′ӧнә. Ԝә′де Нӧһда, Хԝәде мәләкед нәгӧһдар авитә зьндана тә′ристанийе. Әԝана ԝе ви һ′але ньмьзда бьн, һ′әта кӧ бенә к′ӧтакьрьне.
Хԝәндьна Кʹьтеба Пироз
(2 Пәтрус 1:1-15) Жь Шьмһ′ун Пәтрусе хӧлам у шандийе Иса Мәсиһ, Ԝанр′а, йед кӧ бь р′астийа Хԝәде Хьлазкьре мә Иса Мәсиһ әԝ баԝәрийа хԝәйиԛимәт стандьн, чаԝа мә станд: 2 Дә бьра к′әрәм у ә′дьлайи бь ԝе занәбуна Хԝәде у Хӧдане мә Иса ль сәр ԝә зедә бә. 3 Ԛәԝата хԝәдетийа ԝи һәр тьште кӧ ль жийина хԝәденасийе дьк′әвә п′ешк′еши мә кьр, бь ԝе занәбуна мәйә һьндава ԝида, йе кӧ р′умәте у ԛәнщийер′а гази мә кьр. 4 Бь ви аԝайи әԝи созед һәрә мәзьнә ԛимәт данә мә, ԝәки әм бь ԝан т′әви бьнйат′а хԝәдетийе бьн у жь ԝе бош-бәталийа кӧ жь дьлһавьжийед дьне пешда те бьр′әвьн. 5 Һәма бона ве йәке һәр алийава хирәт кьн, сәр баԝәрийа хԝәда ԛәнщийе зедә кьн, сәр ԛәнщийеда занәбуне, 6 сәр занәбуне хԝәгьртьне, сәр хԝәгьртьне сәбьре, сәр сәбьре хԝәденасийе, 7 сәр хԝәденасийе һ′ӧба хушк-бьра у сәр һ′ӧба хушк-бьра һ′ьзкьрьне. 8 Чьмки һәгәр әв шӧрәтана нава ԝәда һәнә у зедә дьбьн, һун бекер у бебәр наминьн нава ԝе занәбуна ԝәйә һьндава Хӧдане мә Иса Мәсиһда. 9 Ле ль щәм к′е әв шӧрәтана т′ӧнәнә, әԝ ч′ә′вада һаԛас мә′рьм ә, ԝәки ԛәт набинә у бир кьрийә кӧ жь гӧнед хԝәйә бәре паԛьж буйә. 10 Бона ве йәке хушк-бьрано, һе бькьн кӧ ԝе гази у жьбарәбуна хԝә т′әстиԛ кьн. Һун кӧ ве йәке бькьн, т′ӧ щар нак′әвьн. 11 Бь ви аԝайи дәргәһе ль бәр ԝә вәбә, кӧ бьк′әвьнә П′адшатийа һ′әта-һ′әтайейә Хӧдан у Хьлазкьре мә Иса Мәсиһ. 12 Бона ве йәке әз һәр гав дьхԝазьм кӧ ван тьшта бькьмә бира ԝә, чаԝа һун заньн у сәр ԝе р′астийа кӧ гьһиштийә ԝә жи һ′имгьрти нә. 13 Әз ве йәке жи р′аст дьбиньм, ԝәки һ′әта ви ԛальбида мә биньмә бира ԝә. 14 Чьмки заньм кӧ әзе зутьрәке ви ԛальби жь хԝә бехьм, чаԝа кӧ Хӧдане мә Иса Мәсиһ ә′лами мьн кьрийә. 15 Аԝа әзе бькьм, кӧ пәй чуйина мьнр′а жи, һун һәр гав бькарьбьн ван тьшта биньнә бира хԝә.