Кани бона «Бәрнама Щьвине, Бьжин у Хьзмәт кьн»
2-8 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | ӘʹЙАНТИ 7-9
«Әʹлаләтәкә Мәзьн жь Алийе Йаһоԝада Кʹәрәмкьри»
(Әʹйанти 7:9) Пәй ве йәкер′а мьн дина хԝә дайе, ва ә′лаләтәкә ӧса мәзьн, кӧ т′ӧ кәси нькарьбу бьжьмарта жь һәр мьләти, жь һәр бәрәке, жь һәр щьмә′те у жь һәр зьмани ль бәр т′әхт у ԝи Бәрхи сәкьни бун. Чӧхед чилә-ԛәрԛаш ль ԝан бун у ч′ьԛьлед хӧрма жи дәстед ԝанда бун.
it-1 997 ¶1
Әʹлаләта Мәзьн
Пьрс пешда те: Һәрге «әʹлаләта мәзьн» әԝ ьн, йед кӧ ԝе сәр әʹрде бьжин, чьма те готьне ԝәки әԝана «ль бәр т′әхт [йе Хԝәде] у ԝи Бәрхи сәкьни бун» (Әʹнт. 7:9). Чахе Кʹьтеба Пирозда те готьне, ԝәки чахе мәрьв бәр кәсәки сәкьнийә, әԝ дькарә бе һʹәсабе, ԝәки әԝи кәси, әԝ мәрьв ԛәбул кьрийә (Зб. 1:5; 5:5; Мтʹл. 22:29; Лԛ. 1:19). Әʹйантида сәред пешийеда те готьне: «П′адшед дьнйайе, мәзьнед ԝе, сәрәскәред ԝе, дәԝләтийед ԝе, ә′гитед ԝе у һ′әму мәрьвед хӧлам у аза», ԝе хԝә «жь р′уйе ԝи вәшерьн, Йе кӧ ль сәр т′әхт р′уньшти йә, ӧса жи жь хәзәба Бәрх. Чьмки р′ожа хәзәба ԝанә мәзьн һат у к′и дькарә тәйах кә?» (Әʹнт. 6:15-17; бәрамбәр кә тʹәви Лԛ. 21:36). Ләма жи фәʹмдари йә, ԝәки «әʹләләтәкә ӧса мәзьн» жь ԝан мәрьва нә, йед кӧ жь рʹожа һерса Хԝәде хьлаз бунә у карьбунә бьсәкьньн, чаԝа йед жь Хԝәде у Бәрх ԛәбулкьри.
(Әʹйанти 7:14) Мьн ԝир′а гот: «Әз хӧлам, әз ньзаньм, тӧ зани». Һьнге әԝи мьнр′а гот: «Әвана әԝ ьн, йед кӧ жь ԝе тәнгасийа мәзьн һатьнә, чӧхед хԝә пе хуна ԝи Бәрхи шуштьнә, чил- ԛәрԛаш кьрьнә.
it-2 1127 ¶4
Тәнгаси
Ԝәкә 30 сал паши ԝеранкьрьна Оршәлиме, дәрһәԛа әʹлаләтәкә мәзьн жь һәр мьләти, жь һәр бәрәки, жь һәр щьмә′ти у жь һәр зьмани, Йуһʹәннайе шандирʹа гьлийе ӧса һатьнә готьне: «Әвана әԝ ьн, йед кӧ жь ԝе тәнгасийа мәзьн һатьнә» (Әʹнт. 7:13, 14). Әв йәк кӧ әʹлаләтәкә мәзьн жь тәнгасийа мәзьн дәрте, те һʹәсабе ԝәки әԝе жь ве тәнгасийе хьлаз бә. Әв бь ве йәке те избаткьрьне, кӧ хәбәра Йунани йа кӧ Әʹйанти 7:14-да ньвисар ә, мина хәбәра жь Кʹаред Шандийа 7:9, 10, кʹидәре те готьне: «Хԝәде т′әви [Усьв] бу, әԝ жь һ′әму тәнгасийед ԝи хьлаз кьр». Әԝ хәбәр тенә һʹәсабе, ԝәки Усьв нә тʹәне ԛәԝат станд кӧ бәр һʹәму тәнгасийа тәйах кә, ле әԝ ӧса жи ԝан тәнгасийарʹа дәрбаз бу.
(Әʹйанти 7:15-17) Ләма әԝә ль бәр т′әхте Хԝәде нә, п′арьстгәһа ԝида шәв у р′о ԝи дьһ′әбиньн. Йе ль сәр т′әхт р′уньшти, ԝе коне хԝә ль сәр ԝан вәгьрә. 16 Әԝе иди нә т′и бьн, нә бьр′чи бьн у нә жи тә′в у гәрмайийе ль ԝан хә. 17 Чьмки әԝ Бәрхе кӧ говәка т′әхтда йә, ԝе шьвантийе ль ԝан бькә, ԝан бьбә сәр канийед ава жийине. У Хԝәде жи ԝе һ′әму һесьред ч′ә′вед ԝан паԛьж кә».
it-1 996-997
Әʹлаләта Мәзьн
Әԝ Кʹе Те һʹәсабе. Әʹйанти сәре 7 ӧса жи һьнә рʹезед дьн кӧ һәвгьредайи нә тʹәви ви сәри, али мә дькьн, кӧ фәʹм кьн, кʹе йә «әʹләләтәкә мәзьн». Әʹйанти 7:15-17-да те готьне, ԝәки Хԝәде ԝе «коне хԝә ль сәр ԝан вәгьрә», у ԝана бьвә бәрбь «канийед ава жийане» у әԝе «һ′әму һесьред ч′ә′вед ԝан паԛьж кә». Дь Әʹйанти 21:2-4-да жи гьлийе ви щурʹәйи ньвисар ьн: «Коне Хԝәде нава мәрьвада йә!», «Әԝе жь ч′ә′вед ԝан һ′әму һесьред ԝан паԛьж кә» у «иди мьрьне т′ӧнәбә». Ве хәйаледа хәбәрдан дьчә дәрһәԛа ԝан мәрьва, кʹи кӧ ль сәр әʹрде нә, нә кӧ сәр әʹзмана жь кʹидәре Оршәлима Ну те хԝаре.
Хьзна Кʹьтеба Пироз Бьгәрʹьн
(Әʹйанти 7:1) Пәй ве йәкер′а мьн дина хԝә дайе, ԝе чар мьлйак′әт ль һәр чар ԛӧлбед дьнйайе сәкьни нә у байед һәр чар ԛӧлбед дьнйайе һ′ьшк гьртьнә, ԝәки ль ә′рде, бә′ре у т′ӧ даре нәхьн.
rе 115 ¶4
Исраела Хԝәде Моркьри йә
4 Бешьк чар мәләк тенә һʹәсабе чар кʹомед мәләка, йед кӧ бь готьна Хԝәде, ԛьрара ԝи гьртьнә кӧ һе нәйе сери, һәʹта ԝәʹде кʹьфшкьри бе. Гава мәләк әв байед һерса Хԝәде бәрʹдьн у әв жь бакʹуре, башуре, рʹоһьлате у жь рʹоавайе бен, ԝе һәр тьшти сәр рʹийа хԝә ԝеран кьн. Әве мина ве йәке бә, ча ԝәʹде бәре Йаһоԝа бь сайа чар байа, щьмәʹта Еламийа кʹӧта кьр (Йерәмйа 49:36-38). Әԝ байе кӧ ԝе бе, ԝе нәйе хӧйане у әԝе жь фьртоне ԛәԝитьр бә, бь кʹижани Йаһоԝа Амонийа кʹӧта кьр (Амос 1:13-15). Рʹожа һерса Йаһоԝа, ԝе тʹӧ пʹарәкә тʹәшкиләта Шәйтʹан нәминә, у ԝи чахи Хԝәде ԝә һʹӧкӧмтийа хԝә сәр һʹәта-һʹәтайе һәԛ дәрхә (Зәбур 83:15, 18; Ишайа 29:5, 6).
(Әʹйанти 9:11) Мьлйак′әте гәлийе һәй-ԝайе ль сәр ԝан п′адша бу, кӧ наве ԝи бь ибрани «Абадун» бу, бь йунани «Аполийон», кӧ те фә′мкьрьне: «Ԝеранкьр».
it-1 12
Абадун
Абадун, мәләке гәлийе һәй-ԝайе кʹи йә?
Дь Әʹйанти 9:11-да Абадун те навкьрене «мәләке гәлийе һәй-ԝайе». Сәр зьмане Йунани наве ви щурʹәйи Аполийон, те һәʹсабе «Ԝеранкьр». Дь ԛьрна 19-да мәрьва һәр тьшт дькьрьн, ԝәки избат кьн кӧ ве рʹезеда те пʹехәмбәртикьрьне дәрһәԛа ԝан кәса, чаԝа кӧ Импәратор Веспасийан, Мӧһәммәд у һәла һе Наполәон жи, у һʹәсаб дькьрьн ԝәки әв мьлйакʹәте Шәйтʹан ә. Ле дь Әʹйанти 20:1-3-да те кʹьфше, кӧ мәләке бь «к′ьлита гәлийе һәй-ԝайе» шандийе Хԝәде йә жь әʹзмен, нә кӧ мьлйакʹәте Шәйтʹан ә, чьмки әԝ Шәйтʹан гьредьдә у давежә гәлийе һәй-ԝайе. Дь кʹьтебәкеда «Thе Intеrprеtеr’s Biblе», йа кӧ сәр һʹиме Кʹьтеба Пироз ә, дәрһәԛа Әʹйанти 9:11 һатийә готьне: «Абадун нә кӧ мьлйакʹәте Шәйтʹан ә, ле мәләке Хԝәде йә, йе кӧ бь хԝәстьна Хԝәде ԝе ԝеранкьрьне дәстпекә».
Ча ида жоре жь рʹезед Ньвисаред Ибрани һатә готьне, хәбәра абадун һәвгьредайи йә тʹәви шеоле у мьрьне. Әʹйанти 1:18-да Мәсиһ Иса дьбежә: «Әз сах ьм һ′әта-һ′әтайе. У әз ьм хԝәйе к′ьлитед Мьрьне у Дийаре Мьрийа». Луԛа 8:31- да те кʹьфше, ԝәки һʹӧкӧме Иса һәйә сәр гәлийе һәй-ԝайе. У әв йәк кӧ ԛәԝата Иса һәйә, ԝәки ԝеран кә у һәла һе Шәйтʹан жи кʹӧта кә, рʹьнд те кʹьфше жь Ибрани 2:14, кʹидәре те готьне ԝәки Иса ԝе «пе мьрьна хԝә, . . . ӧнда кә, аԝа готи Мирещьн», кʹижан кӧ сәбәбе мьрьне йә. Әʹйанти 19:11-16-да Иса әʹйан дьбә ча кʹьфшкьрийе Хԝәде, йе кӧ гәрәке Ԝеран кә, кӧ Ԛьрара ԝи бинә сери. (Бьньһерʹә АПОЛИЙОН).
Хԝәндьна Кʹьтеба Пироз
(Әʹйанти 7:1-12) Пәй ве йәкер′а мьн дина хԝә дайе, ԝе чар мьлйак′әт ль һәр чар ԛӧлбед дьнйайе сәкьни нә у байед һәр чар ԛӧлбед дьнйайе һ′ьшк гьртьнә, ԝәки ль ә′рде, бә′ре у т′ӧ даре нәхьн. 2 Һьнге мьн мьлйак′әтәки дьн жи дит кӧ жь р′оһьлате дьһат у мора ԝийә жь Хԝәдейе сах һәбу. Әԝи бь дәнгәки бьльнд ль ԝан һәр чар мьлйак′әта кьрә гази, йед кӧ ԝанр′а һатьбу дайине, кӧ зьраре бьдьнә ә′рде у бә′ре, ԝанр′а гот: 3 «Зьраре нәдьнә ә′рде, бә′ре у дара, һ′әта кӧ әм море ль ә′нийа хӧламед Хԝәдейе хԝә нәхьн». 4 Һьнге р′әԛәма йед кӧ һатьбунә моркьрьне мьн бьһист: Жь һ′әму ԛәбилед зар′ед Исраел сәд чьл чар һ′әзар һатьбунә моркьрьне. 5 Жь ԛәбила Щьһуда донздәһ һ′әзар, жь ԛәбила Р′убен донздәһ һ′әзар, жь ԛәбила Гад донздәһ һ′әзар, 6 жь ԛәбила Ашер донздәһ һ′әзар, жь ԛәбила Нәфтәли донздәһ һ′әзар, жь ԛәбила Мьнашә донздәһ һ′әзар, 7 жь ԛәбила Шьмһ′ун донздәһ һ′әзар, жь ԛәбила Леԝи донздәһ һ′әзар, жь ԛәбила Исахар донздәһ һ′әзар, 8 жь ԛәбила Зәбулон донздәһ һ′әзар, жь ԛәбила Усьв донздәһ һ′әзар у жь ԛәбила Бьнйамин донздәһ һ′әзар һатьбунә моркьрьне. 9 Пәй ве йәкер′а мьн дина хԝә дайе, ва ә′лаләтәкә ӧса мәзьн, кӧ т′ӧ кәси нькарьбу бьжьмарта жь һәр мьләти, жь һәр бәрәке, жь һәр щьмә′те у жь һәр зьмани ль бәр т′әхт у ԝи Бәрхи сәкьни бун. Чӧхед чилә-ԛәрԛаш ль ԝан бун у ч′ьԛьлед хӧрма жи дәстед ԝанда бун, 10 бь дәнгәки бьльнд дькьрьнә гази дьготьн: «Хьлазбун жь дәсте Хԝәдейе мә йә, Йе кӧ ль сәр т′әхт р′уньшти йә у жь дәсте ԝи Бәрхи йә». 11 Һьнге әԝ һ′әму мьлйак′әтед кӧ ль дора т′әхт, р′успийа у ԝан һәр чар р′ӧһ′бәра гьртьбун, бәр т′әхт дәвәр′уйа чунә ә′рде, сәре хԝә бәр Хԝәде данин 12 у готьн: «Амин! Пәсьн, р′умәт, сәрԝахти, шькьри, һӧрмәт, ԛәԝат у зорайи бьра һ′әта-һ′әтайе Хԝәдейе мәр′а бә. Амин!»
9-15 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | ӘʹЙАНТИ 10-12
«Дӧ Шәʹдә Һатьнә Кӧштьне у Һатьнә Сахкьрьне»
(Әʹйанти 11:3) У әзе т′әмийе бьдьмә дӧ шә′дед хԝә, әԝе к′ӧрх хԝәкьри һ′әзар дӧсьд шест р′ожи п′ехәмбәртийе бькьн»
ԝ14 15/11 30
Пьрсед Хԝәндәвана
Кʹи нә әв дӧ шәʹдә, дәрһәԛа кʹижана кӧ Әʹйанти сәре 11-да те готьне?
Әʹйанти 11:3-да те гьликьрьне дәрһәԛа дӧ шәʹда, кʹижан кӧ гәрәке 1 260 рʹожа пʹехәмбәрти бькьрана. Паше жи те готьне, ԝәки щәнәԝьр ԝе «ԝан бьндәст кә у бькӧжә». Ле «пәй се рʹож у ниварʹа», әв дӧ шәʹдә ԝе вәгәрʹьнә жийине, чь кӧ бона дитийа ԝе әʹщебмайи бә (Әʹнт. 11:7, 11).
Кʹи нә әв дӧ шәʹдә? Сәва кӧ щаба ве пьрсе бьстиньн, һьнә гьлийед жь ве п′ара К′ьтеба Пироз дькарьн али мә бькьн. Бәре пешьн, әм педьһ′әсьн ԝәки әԝана мина «һәр дӧ даред зәйт′уне у һәр дӧ шәмдан ьн» (Әʹнт. 11:4). Әв шьровәкьрьн дькә бира мә шәмдан у дӧ даред зәйтʹуне жь пʹехәмбәртийа Зәкәрийа. Даред зәйтʹуне тенә һʹәсабе дӧ кәсед кʹьфшкьри, демәк Сәрок Зоробабел у Сәрәккʹаһин Иса, кʹижан кӧ «ль щәм Хӧдане һʹәмуйа дьне дьсәкьньн» (Зәк. 4:1-3, 14). Йа дӧда, ль гора шьровәкьрьне, дӧ шә′дә к′әрәмәта дькьн, к′ижан кӧ мина ԝан к′әрәмәта бун, йед кӧ Муса у Елйас дькьрьн (Бәрамбәр кә Ә′йанти 11:5, 6 т′әви Жьмар 16:1-7, 28-35 у 1 П′адшати 17:1; 18:41-45).
Гәло һәвгьредана ԝан п′аред жь Ә′йанти у Зәкәрйа һәнә? Ԝан һәр дӧ п′арада те готьне дәрһәԛа р′ункьрийед Хԝәде, к′ижан кӧ р′ебәри һьлдьданә сәр хԝә, ԝә′де чәтьнайа у щер′ьбандьна. П′ехәмбәртийа жь Ә′йанти сәре 11 һатә сери, чахе бьред бь р′ӧһ′ к′ьфшкьри, к′ижан кӧ р′ебәри һьлдьданә сәр хԝә ԝи чахи, гава сала 1914-да ль ә′змен П′адшатийа Хԝәде һатә к′ьфшкьрьне, ԝана ԝәкә се сала у нива к′ӧрх хԝәкьри даннасин дькьрьн.
Чахе әԝ дәм дәрбаз бу, әԝана ча бежи кӧшти бун: әԝана авитьбунә кәле сәр ԝә′дәки кьн; бь симболик әв йәк се р′ож нив к′ьшанд. Дьжмьнед щьмә′та Хԝәде ша дьбун, чьмки ԝана т′ьре, кӧ карьбун шьхӧле ԝи бьдьнә сәкьнандьне (Ә′нт. 11:8- 10).
Чаԝа һатьбу пʹехәмбәртикьрьне, паши се рʹож нива дӧ шәʹдә һатьнә сахкьрьне. Әԝ мәсиһийед бь рʹӧһʹ кʹьфшкьри жь кәле һатьбун азакьрьне. Әԝед кӧ амьн ман, кʹьфшкьрьна хԝә жь Хԝәде стандьн бь сайа Хӧдан Иса Мәсиһ. Дь сала 1919-да әԝана нава ван мәрьвада бун, кʹижан кӧ һатьнә кʹьфшкьрьне, сәва хьзмәт кьн ча «хӧламе амьн у сәрԝахт», ԝәки ван рʹожед ахьрийе дәрһәԛа һʹәԝщед рʹӧһʹанийә щьмәʹта Хԝәде хәм бькьн (Мт. 24:45-47; Әʹнт. 11:11, 12).
Ча те кʹьфше Әʹйанти 11:1, 2-да әԝ ԛәԝьмандьн һевгьредайи нә тʹәви ви ԝәʹдәйи кʹәнге пʹарьстгәһа рʹӧһʹани гәреке бьһата чапкьрьне. Малахи сәре сьсийада дәрһәԛа чапкьрьна ви щурʹәйи те готьне, йане леколин у паԛьжкьрьна пʹарьстгәһа рʹӧһʹани (Млх. 3:1-4). Леколин у паԛьжкьрьне чьԛас ԝәʹдә кʹьшанд? Әԝ дь сала 1914-да дәстпебу у хьлаз бу дәстпека сала 1919. Әԝ ԝәʹдә 1 260 рʹож бун (42 мәһ) бь симболик се рʹож у нив, дәрһәԛа кʹижани кӧ Әʹйанти сәре 11-да те готьне.
Әм гәләк ша нә кӧ Йаһоԝа паԛьжкьрьна ви щурʹәйи кьр, сәва кӧ щьмәʹта мәхсус бона кьред ԛәнщ башԛә кә! (Тито 2:14). Хенщи ԝе йәке әм ԛимәт дькьн мәсәлед йед бь рʹӧһʹ кʹьфшкьри, кʹижан кӧ рʹебәри һьлдьданә сәр хԝә ԝәʹде щерʹьбандьна, ӧса әԝана ԝәк дӧ шәʹдед симболик бун .
(Әʹйанти 11:7) Гава әԝана шә′дәтийа хԝә сәр һәвда биньн, һьнге әԝ щә′нәԝьре кӧ жь гәлийе һәй-ԝайе дәрдьк′әвә, ԝе т′әви ԝан шәр′ кә, ԝан бьндәст кә у бькӧжә.
(Әʹйанти 11:11) Пәй се р′ож у нивар′а Хԝәде р′ӧһ′ бәр ԝанда ани, әԝ р′абунә сәр п′ийа у хофәкә мәзьн к′әтә сәр йед кӧ әԝ дитьн.
Хьзна К′ьтеба Пироз Бьгәр′ьн
(Әʹйанти 10:9, 10) Әз жи чумә щәм ԝи мьлйак′әти у мьн жер′а гот: «К′а ԝе к′ьтеба бьч′ук бьдә мьн». Әԝи мьнр′а гот: «Һан ве һьлдә у бьхԝә. Әве нав-дьле тәда тә′л бә, ле дәве тәда ԝе мина һьнгьв ширьн бә». 10 Һьнге мьн к′ьтеба бьч′ук жь дәсте мьлйак′әт һьлда у хԝар. Дәве мьнда мина һьнгьв ширьн бу, ле чахе мьн әԝ хԝар, мьн нав-дьле хԝәда тә′лайи к′ьфш кьр.
it-2 880-881
К′ьтеба Гӧломәтккьри
Бь Симболики Чь Те һәсабе. Һьнә дәрәщәда К′ьтеба Пирозда хәбәра «к′ьтеба гӧломатккьри», бь симболик те хәбьтандьне. Чаԝа Һәзәԛийел ӧса жи Зәкәрйа чахе к′ьтеба гӧломатккьри дитьн, әв һәр-дӧ алийава лекьри бу. Дьбә кӧ әв йәк дьда к′ьфше фәрзбуна т′әмийа у ә′ламәтийа, чьмки бь т′әбйәти т′әне сәр алики к′ьтебе дьньвисин (Һз. 2:9-3:3; Зәк. 5:1-4). Хәйаләкеда к′ижан кӧ к′ьтеба Ә′йантида һатьбу ньвисаре, Әԝе кӧ сәр т′әхт р′уньштьбу, дәсте хԝәйи р′астеда к′ьтеба гӧломатккьри гьртьбу бь һ′әфт мора моркьри. Әван мора ча бежи изьн нәдьдан кӧ пебьһ′әсьн теда чь ньвисар ә. Һ′әта Бәрхе Хԝәде әԝ мор вәнәкьра, ә′ламәтийа ве к′ьтебе мина сӧр′әке ԝәʹшарти бу (Ә′нт. 5:1, 12; 6:1, 12-14). Һьнә ԝәхт шунда хәйаледа Йуһ′әннар′а әв к′ьтеба гӧломатккьри һатьбу дайине, ԝәки бьхԝә. Тә′ма ве ширьн бу, ле гава әԝи даԛӧрч′анд, ԝир′а тә′л һатә хӧйане. Әв к′ьтеб вәкьри бу, у ида моркьри нибу, демәк ә′ламәтийа ве ида ә′йан бу бона фә′мкьрьне. Жь бо ә′ламәтийа кӧ теда ньвисар бу, Йуһ′әннар′а әв ширьн һатә к′ьфше, ле зәлал ә әв ә′ламәти ӧса жи дәрһәԛа ԝе йәке бу, ԝәки әԝи гәрәке бона тә′лайе жи п′ехәмбәрти бькьра (Ә′нт. 10:1-11). Һәзәԛийелр′а жи к′ьтеба гӧломәтккьри һатьбу нишанкьрьне, к′идәреда нәʹлә-нәʹл, кʹәсәр у кʹьламед шине һәбун (Һз. 2:10).
(Әʹйанти 12:1-5) Һьнге нишанәкә мәзьн ә′зменда хӧйа бу: К′ӧлфәтәке р′о ль хԝә ԝәргьртьбу, һив бьне п′ийада у к′офикә жь донздәһ стәйрка жи ль сери бу. 2 Әԝ һ′әмлә бу у к′әтьбу бәр зар′е, еша хԝә дьк′ьшанд у дькьрә ԛир′ин. 3 Пәй ве йәкер′а нишанәкә дьн жи ә′зменда хӧйа бу. Мьн дина хԝә дайе, ва зийаки зәри мәзьн кӧ һ′әфт сәри у дәһә стьруйед ԝи һәбун у һ′әфт т′ащ жи ль сәред ԝи бун. 4 Поч′а ԝи жь се п′ара п′арәкә стәйркед ә′змен к′ьшанд у авитә сәр ә′рде. Әԝ зийа ль бәр ԝе к′ӧлфәта кӧ к′әтьбу бәр зар′е сәкьни, кӧ һәма чаԝа зар′ бьбә ԝе зар′е һ′уфи хԝә кә. 5 Ԝе к′ӧлфәте зар′әкә кӧр′ин ани, кӧ ԝе бь шьвдара һ′әсьни шьвантийе ль һ′әму мьләта бькә. Ле зар′а ԝе һатә р′аһьштьне, ль щәм Хԝәде у бәр т′әхте ԝи.
it-2 187 ¶7-9
Санщуйе Зар′анине
Ә′йантида те готьне дәрһәԛа хәйале, к′ижан кӧ Йуһ′әннар′а һатьбу дайине: Әԝи дит к′ӧлфәта ә′змани йа һʹәмлә, к′ижан кӧ «еша хԝә дьк′ьшанд у дькьрә ԛир′ин». Әԝе «зар′әкә кӧр′ин ани, кӧ ԝе бь шьвдара һ′әсьни шьвантийе ль һ′әму мьләта» бькә (Әʹнт. 12:1, 2, 4-6). Әԝ йәк кӧ Хԝәде әԝ зарʹ һьлда щәм хԝә, те һʹәсабе, ԝәки Хԝәде әԝ һʹәсаб кьр ча кӧрʹе хԝә. Әԝ тинә бира мә әʹдәте бәре кӧ зарʹа тʹәзәбуйи дьбьрнә щәм баве, ԝәки әԝ ԝи ԛәбул кә. (Бьньһʹерә ЗАРʹБУЙИН.) Демәк әԝ «кʹӧлфәт» те һʹәсабе, «жьна» Хԝәде, «Оршәлима Жорьн», «дайка» Мәсиһ у дайка бьред ԝийи рʹӧһʹани (Гл. 4:26; Һәб. 2:11, 12, 17).
Һәмьки «к′ӧлфәта» Хԝәде йа ә′змани к′амьл ә, у санщуйе зар′анина ԝе еша реалива гьредайи нинә. Ләма жи санщуйе ԝе бь симболик тенә һ′әсабе, кӧ әԝ фә′м дькә, ԝәки р′ожа зар′анина ԝе ида незик ә (Ә′нт. 12:2).
Гәло әԝ зар′а кӧр′ин» к′и йә? Әԝ гәрәке «пе шьвдара һ′әсьни шьвантийе» мьләта бькә. Әв йәк Зәбура 2:6-9-да һатьбу п′ехәмбәртикьрьне дәрһәԛа П′адшатийа Хԝәде. Ле Йуһ′әннар′а әԝ хәйал һатә әʹйанкьрьне гәләк ԝәхт шунда паши буйина Иса сәр ә′рде, паши мьрьн у сахкьрьна ԝи. Демәк әв хәйал дәрһәԛа буйина П′адшатийа Мәсиһти йә, бьн сәрԝертийа Кӧр′е Хԝәде, Иса Мәсиһ, к′ижан кӧ һатә сахкьрьне, «к′еләка Хԝәдейә р′асте р′уньшт у жь ԝьр шунда һивийе йә, һ′әта кӧ дьжмьнед ԝи бьн п′ийед ԝида бенә данине» (Ибр. 10:12, 13; Зб. 110:1; Әʹнт. 12:10).
Хԝәндьна Кʹьтеба Пироз
(Әʹйанти 10:1-11) Һьнге мьн мьлйак′әтәки дьнейи зор дит кӧ жь ә′змен дьһатә хԝаре. Ә′ԝр ле ԝәргьрти бу у к′әскәсор ль сери бу, р′уйе ԝи мина р′ойе бу, ньгед ԝи жи мина стунед егьр бун. 2 Дәсте ԝида к′ьтебәкә бьч′укә вәкьри һәбу, ньге хԝәйи р′асте дани сәр бә′ре, ньге хԝәйи ч′әпе жи дани сәр бәже 3 у бь дәнге бьльнд мина мьр′инийа шер кьрә ԛар′ин. Чахе кӧ ԝи кьрә ԛар′ин, һәр һ′әфт гӧр′инийед ә′ԝра пе дәнгед хԝә хәбәр дан. 4 Гава ԝан һәр һ′әфт гӧр′инийед ә′ԝра хәбәр дан, мьн кьр кӧ бьньвисьм, ле жь ә′змен дәнгәк һатә мьн кӧ дьгот: «Әԝ тьштед кӧ һәр һ′әфт гӧр′инийед ә′ԝра готьн, ԝан ә′йан нәкә, нәньвисә». 5 Һьнге әԝ мьлйак′әте кӧ мьн дитьбу, ԝәки ԝи ньгәк данибу сәр бә′ре у йәк жи сәр бәже, дәсте хԝәйи р′асте бәрбь ә′змен бьльнд кьр 6 у пе әԝи сонд хԝар кӧ һ′әта- һ′әтайе сах ә, аԝа готи пе ԝи йе кӧ ә′зман, һ′әмуйед ԝеда, ә′рд, һ′әмуйед ԝеда у бә′р, һ′әмуйед ԝеда ә′фьрандьнә у гот: «Иди ԝәхте дәрәнги нәк′әвә. 7 Ле гава мьлйак′әте һ′әфта дәнг ль бор′ийе хә, һьнге ԝе әԝ сӧр′а т′ьвдира Хԝәде бе сери, йа кӧ ԝи ә′лами хӧламед хԝә п′ехәмбәра кьрьбу». 8 Пәй ве йәкер′а ԝи дәнге кӧ мьн жь ә′змен бьһистьбу, диса т′әви мьн хәбәр да у гот: «Һәр′ә, ԝе к′ьтеба вәкьри жь дәсте ԝи мьлйак′әти һьлдә, йе кӧ ль сәр бә′ре у бәже сәкьни йә». 9 Әз жи чумә щәм ԝи мьлйак′әти у мьн жер′а гот: «К′а ԝе к′ьтеба бьч′ук бьдә мьн». Әԝи мьнр′а гот: «Һан ве һьлдә у бьхԝә. Әве нав-дьле тәда тә′л бә, ле дәве тәда ԝе мина һьнгьв ширьн бә». 10 Һьнге мьн к′ьтеба бьч′ук жь дәсте мьлйак′әт һьлда у хԝар. Дәве мьнда мина һьнгьв ширьн бу, ле чахе мьн әԝ хԝар, мьн нав-дьле хԝәда тә′лайи к′ьфш кьр. 11 Ԝи чахи мьнр′а һатә готьне: «Гәрәке тӧ диса ль сәр гәләк щьмә′та, мьләта, зьмана у п′адша п′ехәмбәртийе бьки».
16-22 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | ӘʹЙАНТИ 13-16
«Щәнәԝьред Хоф Нәтьрсьн»
(Әʹйанти 13:1, 2) Һьнге мьн дина хԝә дайе, ва щә′нәԝьрәк жь бә′ре дәрдьк′әт. Һ′әфт сәред ԝи у дәһә стьруйед ԝи һәбун, ль сәр стьруйед ԝи дәһә т′ащ бун у ль сәр һәр һ′әфт сәред ԝи жи навед к′ьфьрийа бун. 2 Әԝ щә′нәԝьре кӧ мьн дит, мина пьльнг бу, ньгед ԝи мина ләпе һ′ьр′ч′а бун у дәве ԝи жи мина дәве шера бу. Ви зийайи ԛәԝата хԝә, т′әхте хԝә у һ′ӧкӧме хԝәйи мәзьн да ԝи щә′нәԝьри.
ԝ12 15/6 8 ¶6
Йаһоԝа, Әԝ Хԝәде йә кӧ Сӧрʹа Вәдькә
6 Хьлазийа ԛьрна йәке Д.М., Исайе сахбуйи Йуһʹәннайе шандирʹа чәнд хәйалед әʹщебмайи әʹйан кьр (Әʹнт. 1:1). Хәйаләкеда Йуһʹәнна дит Мире-щьна, кʹижан кӧ ԝәк зийа һатә кʹьфше, у бәр дәве бәʹра мәзьн сәкьни бу. (Бьхунә Әʹйанти 13:1, 2). Йуһʹәнна ӧса жи дит щәнәԝьрәки әʹщеб, кʹижан кӧ жь ве бәʹре дәркʹәт у жь Мире-щьна һʹӧкӧмтийа мәзьн станд. Һьнә ԝәхт шунда мәләк Йуһʹәннарʹа нишан кьр, ԝәки һʹәфт сәрийед ви щәнәԝьре соре гәвәз, кʹижан кӧ Әʹйанти 13:1-да те готьне, те һʹәсабе «һʹәфт пʹадша», йан «сәрԝерти» (Ә′нт. 13:14, 15; 17:3, 9, 10). Гава Йуһʹәнна әԝ гьли дьньвисин, жь ԝана пенщ пʹадша ида кʹәтьбун, йәки һе сәрԝерти дькьр, ле йе дьн һәла һе нәһатьбу. Гәло Йуһʹәнна дәрһәԛа кʹижан пʹадшатийа дьгот? Әме шеԝьр кьн, ԝәки бь симболик һәр сәрики ԝи щәнәԝьри чь те һʹәсабе, йе кӧ Әʹйантида һатьнә дайине. Әме ӧса жи бьвиньн, кӧ дәрһәԛа ԝан пʹадшатийа, пʹехәмбәртийа Данйелда чь һатьбу ньвисаре. Һьнә дәрәщәда дәрһәԛа ԝан пʹадшатийа һе бь сәда сала пешда һатьбу ньвисаре.
(Әʹйанти 13:11) Һьнге мьн дина хԝә дайе, ва щә′нәԝьрәки дьн жь ә′рде дәрдьк′әт, дӧ стьруйе ԝийә мина йе бәрха һәбун у мина зийе хәбәр дьда.
(Әʹйанти 13:15) Һ′ӧкӧм ԝир′а һатә дайине, ԝәки р′ӧһ′ бәр һ′әйкәле щә′нәԝьрда бинә, кӧ һ′әйкәле щә′нәԝьр хәбәр дә у бькарьбә әԝед кӧ щә′нәԝьр нәһ′әбиньн бьдә кӧштьне.
rе 194 ¶26
Мьԛабьлибун Һьмбәри Дӧ Щәнәԝьред Дәвхун
26 Гәло әв чь йә? Әв һәйә сәрԝертийа һʹәмдьнйайе йа Англо-Америкайе, демәк сәре һʹәфта йе щәнәԝьре пешьн, ле ида бь рʹоләкә тʹәзә! Әв йәк кӧ хәйаледа әԝ мина щәнәԝьрәки башԛә әʹйан дьбә, али мә дькә зәлал бьвиньн, ԝәки әԝ бь сәре хԝә дьнйайеда кʹар дькә. Әв щәнәԝьре симболик кʹижан бь дӧ стьруйа йә дӧ ԝәлат ьн, у бь һәврʹа шьхӧлкʹарийе дькьн ле һәр кәс хԝә бь сәри хԝә йә. Дӧ стьрийед ԝийә «мина йе бәрха», әʹйан дькә ԝәки әԝ йан чь йәки ԛәнч у мьлук ә, кӧ дьхԝазә сәрԝертийа хԝә зәлал кә чаԝа пешдачуйи, лайиԛ, у һежа йә кӧ чʹәʹв бьдьнә ԝи. Ле әԝ мина зийа хәбәр дьдә, демәк һʹӧкӧм дькә, дьдә тьрсандьне у зӧрбәтийе дькә ԝедәре, кʹидәре кӧ ԝи у сәрԝертийа ԝи ԛәбул накьн. Әв сәрԝерти һелан дькә кӧ гӧрʹа Пʹадшатийа Хԝәдеда нибьн, кʹидәре кӧ Бәрхе Хԝәде сәрԝертийе дькә. Дәԝсе әԝ һелан дькә, кӧ Шәйтʹанрʹа йане зийайе мәзьнрʹа хьзмәтийе бькьн у шьхӧле ԝи пешда бьвьн. Щәнәԝьр һелан дькә, ԝәки щӧдәбун у нәфрʹәти жь бо насионализме пешда бе, у бь ԝе йәке әԝана щәнәԝьре пешьнрʹа ԛӧльх дькьн.
rе 195 ¶30-31
Мьԛабьлибун Һьмбәри Дӧ Щәнәԝьред Дәвхун
30 Тʹәрихи нишан дькә, ԝәки әв те һʹәсабе тʹәшкиләта кӧ бь дәсте Британйа Мәзьн у Ԝәләтед Йәкбуйи һатьбу сазкьрьне. Әв ԝәлат ль сәр тʹәмамийа дьнйайе һʹӧкӧм дькьр у йа кӧ дәстпекеда дьһатә навкьрьне Лига Мьләта. Һьнә ԝәхт шунда Ә′йанти сәре 17-да, әԝ бь симболикәкә дьн ә′йан дьбә, демәк чаԝа щәнәԝьре соре гәԝәз, йе кӧ хԝә бь сәри хԝә бу. Әв т′әшкиләта һ′әмдьнйайе «хәбәрдьдә», бь бабахийе дьбежә, ԝәки т′әне әԝ дькарә ә′дьлайе у бехофийе инсанәтер′а бинә. Ле бь р′асти әԝи тьштәки ӧса саз кьр, к′идәре кӧ сәрԝеред ԝәлата һьмбәри һәв дәртед у бӧхдана давежнә һәв. Әв дьдә тьрсандьне у дьбежә, ԝәки һ′але ԝан ԝәлата ԝе хьраб кә, йед кӧ нахԝазьн һ′ӧкӧмәтийа ԝи ԛәбул кьн. Лига Мьләта ԝан әндәмед ԝәлата нава хԝәда дәрдьхьстьн, к′ижан кӧ идеаложийа ԝанрʹа ԛайил нәдьбун. Дәстпека тәнгасийа мәзьн стьрийед ԝи щәнәԝьри йед кӧ бона шәр′ һазьркьринә, ԝе ԝеранкьрьне дәстпекьн (Ә′нт. 7:14; 17:8, 16).
31 Паши шәр′е Һ′әмдьнйайе йа II, щәнәԝьр ида бь щур′е Т′әшкиләта Мьләтед Йәкбуйи дәрдьк′әт у ида мәрьв дькӧштьн. Ӧса дь сала 1950-да әскәред Т′әшкиләта Мьләтед Йәкбуйи шәр′да к′ар дькьрьн кʹижан кӧ орт′а Корейа Бак′ӧре у йа Башуре да дьчу. Әскәред Мьләтед Йәкбуйи т′әви әскәред Корейа Башуре ль гора һ′әсаб, 1 420 000 мәрьвед Корейа бакӧре у чинайи кӧштьн. Ле жь сала 1960-1964 Мьләтед Йәкбуйи бь шәр′ дь Конгойеда (Киншаса) дәрк′әтьн. Хенщи ԝе йәке сәрԝеред дьнйайе, у һәла һе Папа Паԝлосе VI у Йуһ′әнна Паԝлосе II, бәрдәԝам дькьрьн избат кьн, ԝәки әв щәнәԝьре бь симболик, йе лапи баш у ԛәԝи йә бона ә′дьлайа инсанәте, кӧ т′әне әв ә һевийа ԝан. Сәрԝер дьдьнә к′ьфше, кӧ һәрге мьләт ԝи щәнәԝьрир′а ԛӧльх нәкьн, ԝе хԝәха ԛьрʹа хԝә биньн. Әԝана ча бежи ӧса дькьн, кӧ һʹәмушка бькӧжьн, йед кӧ нахԝазьн гӧр′а ԝи щәнәԝьри бькьн у ԝир′а ԛӧльх кьн (Ԛануна Дӧщари 5:8, 9).
(Ә′йанти 13:16, 17) Әԝи п′ейи сәр һ′әмуйа кьр, аԝа готи бьч′ук у мәзьна, дәԝләти у бәләнгаза, аза у хӧлама кӧ нишане бьдьнә сәр дәсте хԝәйи р′асте йан ә′нийа хԝә, 17 ԝәки т′ӧ кәс нькарьбә нә бьк′ьр′ә, нә жи бьфьрошә, пештьри ԝи, йе кӧ нишана щә′нәԝьр, аԝа готи наве ԝи йан һ′әсабе наве ԝи сәр ә.
ԝ09 15/2 4 ¶2
Фькьред Сәрәкә жь К′ьтеба Ә′йанти-II
13:16, 17. Фьрԛи т′ӧнә әм р′асти к′ижан чәтьнайа тен гава шьхӧлед һәр р′ожива мьжул дьбьн, мәсәлә, тьшта дьк′ьрьн, дьфрошьн, чь жи һәбә әм гәрәке нәһельн кӧ щәнәԝьр мә бькә бьн ԛоле хԝә. Ԛәбул кьн нишана щәнәԝьр сәр дәст йан ә′нийа хԝә, те һ′әсабе изьне бьдьнә ԝи, ԝәки әԝ кьред мә контрол бькә у ль сәр ньһер′андьна мә һ′ӧкӧм кә.
Фькьред Ԛимәт жь Хәбәра Хԝәде
(Ә′йанти 16:13, 14) Һьнге мьн дина хԝә дайе, ва се р′ӧһ′ед һ′әрамә мина бәԛа, жь дәве ԝи зийайи, жь дәве щә′нәԝьр у жь дәве п′ехәмбәре дәрәԝ дәрдьк′әтьн. 14 Әвана әԝ р′ӧһ′ед щьна бун, йед кӧ нишанед ә′щеб дькьн. Әԝ дьчьнә щәм һ′әму п′адшед дьнйайе, ԝәки ԝан бьщьвиньн, бона шәр′е ԝе Р′ожа Мәзьнә Хԝәдейе Һ′әму Зорайийе.
ԝ09 15/2 4 ¶5
Фькьред Сәрәкә жь К′ьтеба Ә′йанти-II
16:13-16. «Р′ӧһ′ед һ′әрам» бь симболик те һ′әсабе бәлакьрьна һикьрьнена щьнани, к′ижан кӧ ԝе сәр п′адшед дьнйайе ӧса һ′ӧкӧм кә, ԝәки р′ьжандьна һ′әфт к′асед һерса Хԝәде р′ийа ԝан нәгьрә кӧ мьԛабьли Йаһоԝа һәрʹьн у бәрдәԝам кьн тʹоп бьн кӧ мьԛабьли ԝи дәрен (Мт. 24:42, 44).
(Ә′йанти 16:21) Жь ә′змен тәйрока гьрә ԝәкә пенщи килограме сәр мәрьвада бари. Мәрьва жь дәст ледана тәйроке к′ьфьри ль Хԝәде кьрьн, чьмки әва бәла гәләки гьран бу.
ԝ15 15/7 16 ¶9
«Азабуна Ԝә Иди Незик ә!»
9 Тәнгасийа мәзьн, ԝе нә әԝ ԝә′дә бә, кӧ «мьзгинийа П′адшатийе» даннасин кьн. Ԝә′де даннасинкьрьна ве мьзгинийе ԝе дәрбаз бә. Чьмки зутьрәке «хьлази» ԝе бе! (Мәтта 24:14). Щьмә′та Хԝәде ԝе бь мерхаси ә′ламәтийа диԝанкьрьне ә′лам кә. Әԝ ә′ламәти дькарә әԝ бә, кӧ дьнйа Шәйт′анә зӧлм, ида бь т′әмами ԝе бе к′ӧтакьрьне. К′ьтеба Пироз әԝе ә′ламәтийе бәрамбәри тәйроке дькә: «Жь ә′змен тәйрока гьрә ԝәкә пенщи килограме сәр мәрьвада бари. Мәрьва жь дәст ледана тәйроке к′ьфьри ль Хԝәде кьрьн, чьмки әва бәла гәләки гьран бу» (Ә′йанти 16:21).
Хԝәндьна К′ьтеба Пироз
(Ә′йанти 16:1-16) Һьнге мьн дәнгәки бьльнд жь п′арьстгәһе бьһист кӧ дьготә һәр һ′әфт мьлйак′әта: «Һәр′ьн, һәр һ′әфт т′асед хәзәба Хԝәде бьр′ежьнә сәр ә′рде». 2 Мьлйак′әте пешьн чу т′аса хԝә р′етә сәр ә′рде, п′ьзькед п′исә хьраб ль сәр ԝан мәрьва дәрк′әтьн, йед кӧ нишана щә′нәԝьр ль сәр ԝан бу у сәре хԝә ль бәр һ′әйкәле ԝи данибун. 3 Йе дӧда т′аса хԝә р′етә сәр бә′ре, бә′р бу мина хуна мьрийа у һ′әму һ′әйԝанед бә′реда ԛьр′ бун. 4 Йе сьсийа т′аса хԝә р′етә сәр ч′әма у авед канийа, әԝ бунә хун. 5 Ԝи чахи мьн дәнге мьлйак′әте ава бьһист кӧ дьгот: «Тӧ сәр р′астийе йи, Йе һәйи, Йе һәбуйи у Йе пироз и, кӧ тә диԝанед бь ви аԝайи кьрьн. 6 Чьмки ԝан хуна щьмә′та Хԝәде у п′ехәмбәра р′ет у тә хун ль ԝан да вәхԝарьне. Р′аст әԝ хӧре ве йәке нә». 7 Һьнге дәнгәк жь горигәһе һат, кӧ аһа дьгот: «Бәле, йа Хӧдан Хԝәдейе Һ′әму Зорайийе, диԝанед тә р′аст у һәԛ ьн». 8 Мьлйак′әте чара т′аса хԝә р′етә сәр р′ойе у ԝер′а һатә дайине, кӧ мәрьвайе бь егьр бьԛәлинә. 9 Һьнге мәрьв жь дәст шәԝата гәрмайийе һатьнә ԛәландьне у к′ьфьри наве Хԝәде кьрьн, кӧ һ′ӧкӧме ԝи ль сәр ван бәла һәйә. Ле әԝ жь кьред хԝәйә хьраб вәнәгәр′ийан, ԝәки шькьри бьдана ԝи. 10 Мьлйак′әте пенща т′аса хԝә р′етә сәр т′әхте щә′нәԝьр у тә′ристани һатә сәр п′адшатийа ԝи, жь еше мәрьва зьмане хԝә дьгәстьн 11 у жь дәст еша у п′ьзька к′ьфьри ль Хԝәдейе ә′змен кьрьн, ле жь кьред хԝәйә хьраб вәнәгәр′ийан. 12 Мьлйак′әте шәша т′аса хԝә р′етә сәр ч′әме Фьратейи мәзьн, ава ч′ем ч′ькийа, ԝәки р′е бона п′адшед р′оһьлате бе һазьркьрьне. 13 Һьнге мьн дина хԝә дайе, ва се р′ӧһ′ед һ′әрамә мина бәԛа, жь дәве ԝи зийайи, жь дәве щә′нәԝьр у жь дәве п′ехәмбәре дәрәԝ дәрдьк′әтьн. 14 Әвана әԝ р′ӧһ′ед щьна бун, йед кӧ нишанед ә′щеб дькьн. Әԝ дьчьнә щәм һ′әму п′адшед дьнйайе, ԝәки ԝан бьщьвиньн, бона шәр′е ԝе Р′ожа Мәзьнә Хԝәдейе Һ′әму Зорайийе. 15 «Ва йә әзе мина дьза бем! Хԝәзи ль ԝи, йе кӧ һ′ьшйар дьминә у к′ьнщед хԝә хԝәй дькә, ԝәки тә′зи нәгәр′ә у ә′йба ԝи хӧйа нәбә!» 16 Һьнге ԝан р′ӧһ′а әԝ п′адша щьвандьнә ԝи щийи кӧ бь ибрани жер′а «Һармәгәдон» те готьне».
23-29 КАНУНА ПЕШЬН
ФЬКЬРЕД ԚИМӘТ ЖЬ ХӘБӘРА ХԜӘДЕ | Ә′ЙАНТИ 17-19
«Шәр′е Хԝәде, К′ижан кӧ ԝе Һ′әму Шәр′а Бьдә Һьлдане»
(Ә′йанти 19:11) Һьнге мьн дина хԝә дайе, ә′зман вәбу ва йә һәспәки боз, кӧ сийаре ԝир′а Амьн у Р′аст дьготьн. Әԝ диԝанкьрьне у шәр′е хԝәда сәр р′астийе йә.
(Ә′йанти 19:14-16) Ордийед ә′змен жи ль һәспед бозә сийар к′ьтанед чил-ԛәрԛашә паԛьж ль ԝан пәй ԝи дьчун. 15 Жь дәве ԝи шурәки туж дәрдьк′әт, ԝәки ль мьләта хә. Әԝе пе шьвдара һ′әсьни шьвантийе ль ԝан бькә, ԝи һ′әԝзе шәрава хәзәба Хԝәдейе Һ′әму Зорайийеда ԝан бьһ′ьнщьр′инә. 16 Ль сәр к′ьнща ԝи, сәр һета ԝи навәк ньвисар бу: П′АДШЕ П′АДША У ХӦДАНЕ ХӦДАНА.
ԝ08 1/4 8 ¶3-4
Һармәгәдон Әв Һәйә Шәр′е Хԝәде, К′ижан кӧ ԝе Һ′әму Шәр′а Бьдә Һьлдане
Һ′әта кӧ ԛәԝата мәрьвед зӧлм һәйә, йед р′аст нькарьн ә′дьлайеда у бехофийеда бьжин (Мәт′әлок 29:2; Ԝаиз 8:9). Бь р′асти нькари зӧлмийе у ԛәлпийе жь мәрийа дурхи, чьмки әв нав ԝанда рʹуньштийә. Ләма жи ә′дьлайа р′аст у һәԛи т′әне һьнге дькарә һәбә, гава йед зӧлм тʹӧнә бьн. Сьлеман ньвиси: «Бона йе рʹаст, нәпʹак бәрва те дайин» (Мәт′әлок 21:18).
Һәмьки Хԝәде хԝәха ԝе бьбә Һакьм, ләма жи әм дькарьн баԝәр бьн, ԝәки һәр диԝанәкә кӧ мьԛабьли йед зӧлм бе кьрьне, ԝе бь һәԛи бә. Щарәке Бьраһим гот : «Әв йәк набә кӧ һ′акьме т′әмамийа дьнйайе диԝана р′аст нәкә?» (Дәстпебун 18:25). Хенщи ԝе йәке, К′ьтеба Пироз мә дьдә баԝәркьрьне, кӧ мьрьна мәрьва дьле Йаһоԝа ша накә. Әԝ ве йәке һьнге дькә, гава ида илащ т′ӧнә (Һәзәԛел 18:32; 2 Пәтрус 3:9).
it-1 1146 ¶1
Һ′әсп
Хәйала Йуһ′әннайе Шандида, Иса Мәсиһе р′умәткьри ԝәк сийаре һә′спе боз, ә′йан дьбә у пәй ԝи әскәред ль сәр һәспед боз тен. Әв хәйал дьһатә һә′сабе, ԝәки шәр′е кӧ Мәсиһ дәстпекә һьмбәри дьжмьнед Баве хԝә Йаһоԝа, әв ԝе бь һәԛи у р′астийе бә (Әнт. 19:11, 14). Хәйаләкә пешийа ԝеда, щур′ә-щур′ә сийар дьданә к′ьфше кьред Мәсиһ чаԝа П′адша, ӧса жи хәзәбен, кӧ пәй к′ьфшкьрьна ԝи ча П′адша, пешда һатьн (Ә′нт. 6:2-8).
(Ә′йанти 19:19, 20) Һьнге мьн әԝ щә′нәԝьр у п′адшед дьнйайе ордийед ԝанва ль щики щьвийайи дитьн, ԝәки шәр′е хԝә т′әви ԝи сийаре һәспе боз у ордийа ԝива бькьн. 20 Һьнге әԝ щә′нәԝьр т′әви ԝи п′ехәмбәре дәрәԝ дил һатьнә гьртьне, йе кӧ ль бәр ԝи щә′нәԝьри нишанед ә′щеб дькьрьн. Әԝи бь ԝан кьра әԝ хальфандьн, йед кӧ нишана щә′нәԝьр ԛәбул кьрьн у сәре хԝә ль бәр һ′әйкәле ԝи данин. Щә′нәԝьр у п′ехәмбәре дәрәԝ жи сахә-сах һатьнә авитьне нав гола агьре к′ьрк′утейи дьшьхӧлә.
rе 286 ¶24
Сәрк′әтьна Әскәр-П′адша Һармәгәдонеда
24 Щәнәԝьре бь һ′әфт сәрийа у дәһ стьрийа, к′ижан кӧ жь бә′ре дәрк′әт, те һ′әсабе т′әшкиләта политики йа Шәйт′ан. Жь зәрпа мәзьн бәтаԝәдьбә т′әви п′ехәмбәре ԛәлп, йане сәрԝертийа һ′әфта йа дьнйайе (Ә′йанти 13:1, 11-13; 16:13). Ԝана «сахә-сах», демәк гава әԝана һәла һе һәр тьшти дькьн у бь йәкти мьԛабьли щьмәʹта Хԝәде дәртен, давежнә «гола агьре к′ьрк′уте». Гәло әв гола агьре к′ьрк′уте реали йә? На, чьмки щәнәԝьр у пʹехәмбәре дәрәԝ, тәрәвьлед бь симболик ьн. Әв гол те һәсабе кʹӧтакьрьна бь тʹәмами, әв щи йә жь кʹидәре нькарьн ԝәгәрʹьн. Ԝәʹдә шунда мьрьн, гадес у Мире-щьна жи ԝе бенә авитьне ль ԝедәре (Әʹйанти 20:10, 14). Һәмьки әв щәʹньм нинә ль кʹидәре кӧ йан чь йед гӧнәкʹар һәʹта-һәʹтайе дьчәрчьрьн, чьмки һәла һе фькьра дәрһәԛа ве йәке жи, бәр чʹәʹве Йаһоԝа рʹәш ә (Йерәмйа 19:5; 32:35; 1 Йуһәнна 4:8, 16).
(Ә′йанти 19:21) Әԝед майин жи пе ԝи шуре кӧ жь дәве сийаре һәспе боз дәрдьк′әт, һатьнә кӧштьне у һ′әму тәйрәдә жь щьнйазед ԝан т′ер бун.
rе 286 ¶25
Сәрк′әтьна Әскәр-П′адша Һармәгәдоненда
25 Әԝед кӧ пʹара ве сәрԝертийе нибун, ле диса жи нәдьхԝәстьн жь кьред ве дьнйайа хьраб дуркʹәвьн, «пе ԝи шуре кӧ жь дәве сийаре һәспе боз дәрдьк′әт, һатьнә кӧштьне». Иса ԝе ԝана һежайи мьрьне кә. Ле һьндава ԝанда найе готьне дәрһәԛа гола егьр. Гәло әԝана ԝе бенә сахкьрьне? Тʹӧ щийа найе готьне, ԝәки әԝед кӧ алийе Йаһоԝада бенә диԝанкьрьне, ԝе бенә сахкьрьне. Хԝәха Иса гот, ԝәки һʹәмуйед кӧ «пәзед» Хԝәде ниньн, ԝе «һәр′ьн нава агьре һ′әтаһ′әтайе, кӧ бона Мирещьн у мьлйак′әтед ԝи һазьр буйә» йане ԝе сәр һәрһәйи бенә к′ӧтакьрьне (Мәтта 25:33, 41, 46). Әв ԝе бьбә «Р′ожа Ахрәте . . . к′ижанеда мәрьвед нәп′ак ԝе ӧнда бьн һәр′ьн» (2 Пәтрус 3:7; Нәһум 1:2, 7-9; Малахи 4:1).
Фькьред Ԛимәт жь Хәбәра Хԝәде
(Ә′йанти 17:8) Әԝ щә′нәԝьре кӧ тә дит, ԝәхтәке һәбу, ле ньһа т′ӧнә. Әԝе зутьре жь гәлийе һәй-ԝайе дәрк′әвә у һәр′ә ӧнда бә. Бьнәлийед р′убари дьнейә кӧ навед ԝан жь ԝәхте ә′фьрандьна дьнйайеда к′ьтеба жийинеда нәһатьнә ньвисаре, ԝе ә′щебмайи бьминьн, гава ԝи щә′нәԝьри бьбиньн, йе кӧ һәбу у ньһа т′ӧнә, ле ԝе һәбә.
rе 247-248 ¶5-6
Сӧр′а Мәхсус Ә′йан Дьбә
5 «Щәнәԝьр . . . һәбу». Бәле, әв һәбу бь щур′е Лига Мьләта бу, жь 10 Чьләйе сала 1920 у ве т′әшкиләтеда щур′ә-щур′ә зәманада 63 ԝәлат һәбун. Ԝә′дә шунда Жапонийа, Алманйа, Италйа жь ве дәрк′әтьн у Йәктийа Совйәте жь ве һатә дәрхьстьне. Дь мәһа Илонеда сала 1939-да Сәрԝере Натсиста йе Алманйайе шәр′е Һ′әмдйнайейә ІІ дәстпекьр. Лига Мьләта нькарьбу ә′дьлайа һ′әмдьнйайе чекә, ләма жи әԝе ида т′ӧ к′ар нәдьани. Дь сала 1942-да әԝе бона к′ара һ′әмдьнйайе т′ӧ рол нәдьлист. Хут ԝи ԝә′де чәтьнда Йаһоԝа щьмә′та хԝәр′а нета ве хәйале вәкьр! Ль сәр щьвата мәзьн бь наве «Дьнйа Т′әзә», бьре Нор ә′лам кьр, ԝәки ль сәр һ′име п′ехәмбәртийе «щәнәԝьр . . . т′ӧнә». Ле паше әԝи пьрсәкә ӧса пешда ани: «Гәло Лига Мьләта ԝе гәлийе һәйԝайеда бьминә?» Әԝи к’ьтеба Ә′йанти 17:8 ԝәк′ьланд у паше щаба хԝә да: «Әԝ йәктийа мьләта ԝе диса пешда бе». Һәма ӧса жи ԛәԝьми, чь кӧ р′астийа п′ехәмбәртийа Хәбәра Йаһоԝа избат кьр!
Щәнәԝьр жь Гәлийе Һәйԝайе Дәрте
6 Щәнәԝьре соре гәԝәз бь р′асти жь гәлийе һәйԝайе дәрк′әт. 26 Һ′әзиране сала 1945-да ль Сан-Франсизкойеда (Ԝәлатед Йәкбуйи) 50 ԝәлата бь борийа дәнге хԝә дан, ԝәки ԝе ԛәбул кьн Ԛәйд-ԛануне Т′әшкиләта мьләтед Йәкбуйи. Нета ве әԝ бу, «ԝәки пьштгьрийа ә′дьлайи у бехофийа һ′әмдьнйайе бькьн». Лега Мьләта у Т′әшкиләта Мьләтед Йәкбуйи, гәләк тьштада мина һәв бун. Әнсиклопедийәкеда «The World Book» те готьне: «Һьнә тьштада Т′әшкиләта Мьләтед Йәкбуйи мина Лига Мьләта йә, к′ижан кӧ паши шәр′е Һ′әмдьнйайе йа І пешда һат . . . Гәләк ԝәлат, йед кӧ Лига Мьләта саз кьрьбун, ԝә′дә шунда Т′әшкиләта Мьләтед Йәкбуйи саз кьрьн. Т′әшкиләта Мьләтед Йәкбуйи мина Лига Мьләта бь ԝе нете саз кьрьн, ԝәки ә′дьлайе нава ԝәлатада хԝәй кә. Әндәмед сәрәкә йед Т′әшкиләта Мьләтед Йәкбуйи, гәләк тьштада дькьнә бира мә әндәмед сәрәкә йа Лига Мьләта». Демәк ча те к′ьфше Т′әшкиләта Мьләтед Йәкбуйи, әв һәйә щәнәԝьре соре гәԝәз кӧ дәрк′әтийә. Ньһа ԝәкә 190 ԝәлат нава ԝеда ньн, чь кӧ һе зедә йә нә кӧ 63 ԝәлатед кӧ дьк′әтьнә Лига Мьләта. Хенщи ԝе йәке, Т′әшкиләта Мьләтед Йәкбуйи һе зедә, щабдари һьлдайә дәсте хԝә нә кӧ Лига Мьләта кӧ пешйа ԝе һәбу.
(Ә′йанти 17:16, 17) Әԝ һәр дәһә стьруйед кӧ тә дитьн, ӧса жи щә′нәԝьр ԝе һәвр′а бьжәньнә йа ԛав. Әԝе дәсте ԝе жь һәр тьшти бькьн, ԝе тә′зи кьн у гоште ԝе бьхԝьн, егьрда бьшәԝьтиньн. 17 Чьмки Хԝәде әв йәк кьрә дьле ԝан, кӧ хԝәстьна ԝи бькьн у сәр нетәке бьн, п′адшатийа хԝә бьдьнә щә′нәԝьр, һ′әта кӧ хәбәред Хԝәде бенә сери.
ԝ12 15/6 18 ¶17
Йаһоԝа Әʹйан дькә Ԝәки Зутьрәке ԝе Чь Бьԛәԝьмә.
17 Ле религийа ԛәлп ԝе хԝәхԝә бәтаԝәнәбә. Йа ԛав ве һʹӧкӧме хԝә хԝәй кә, ԝе һәр тьшти бькә, ԝәки пʹадша бьн һʹӧкӧме ԝеда бьн һʹәта кӧ Хԝәде бькә «дьле ԝан, кӧ хԝәстьна ԝи бькьн» (Бьхунә Әʹйанти 17:16, 17). Зутьрәке Йаһоԝа ԝе политикед ве дьнийайе һелан кә, кʹижан кӧ әʹйан ьн ча Т′әшкиләта Мьләтед Йәкбуйи, ԝәки һʹӧщӧми сәр рʹелигийед ԛәлп бькьн. Әԝе ида нькарьбә сәр пʹадшед ве дьнийайе һʹӧкӧм кә у ԝе һәбука хԝә ӧнда кә. Бь дәһа сала пешда тʹӧ кәси ԝе баԝәр нәкьра, кӧ әԝ йәк дькарә бьԛәԝьмә. Ле рʹожа иро йа ԛав ида анщахи хԝә сәр щәнәԝьре соре гәԝәз дьгьрә. Ле диса жи йа ԛав ԝе хԝәхԝә жь пьшта щәнәԝьр нәшьԛьтә. Ле ньшкева ԝе жорда бь сәрт ле бавежьн (Әʹнт. 18:7, 8, 15-19).
Хԝәндьна К′ьтеба Пироз
(Ә′йанти 17:1-11) Жь ԝан һәр һ′әфт мьлйак′әтед кӧ хԝәйе һәр һ′әфт т′аса бун, йәки һат т′әви мьн хәбәр да у гот: «Ԝәрә ве дәре, әз диԝана ԝе ԛава бь нав у дәнг нишани тә кьм, йа кӧ ль сәр гәләк ава р′уньшти йә. 2 П′адшед дьнйайе т′әви ве ԛави кьрьн у бьнәлийед р′убари дьне пе шәрава ԛавийа ԝе сәрхԝәш бун». 3 Һьнге Р′ӧһ′е Пироз һатә сәр мьн, ԝи мьлйак′әти әз бьрьмә бәр′ике. Мьн дина хԝә дайе, ва жьнәк ль сәр щә′нәԝьрәки соре гәвәз сийар, кӧ сәрда-педа жь һәр алийава бь навед к′ьфьрийава т′ьжи бу у һ′әфт сәред ԝи у дәһә стьруйед ԝи һәбун. 4 Әԝ к′ӧлфәта к′ьнща ширк у соре гәвәзва ԝәргьрти бу, пе зер′, кәвьред ԛимәт, лал у дӧр′ва хәмьли бу. К′асәкә зер′ин дәсте ԝеда бу, әԝ к′ас жи к′ьрети у мьр′дар′ийа ԛавийа ԝева дагьрти бу. 5 Ль сәр ә′нийа ԝе навәки сӧр′и ньвисар бу: БАБИЛОНА МӘЗЬН, МАКА ԚАВА У К′ЬРЕТИЙЕД ДЬНЙАЙЕ. 6 Мьн дина хԝә дайе, ԝе әԝ к′ӧлфәта пе хуна щьмә′та Хԝәде у пе хуна шә′дед Иса сәрхԝәш буйә. Гава кӧ мьн әԝ дит, әз гәләки ә′щебмайи мам. 7 Һьнге ԝи мьлйак′әти мьнр′а гот: «Тӧ чьма ә′щебмайи майи? Әзе сӧр′а ԝе к′ӧлфәте у сӧр′а ԝи щә′нәԝьре кӧ әԝа ле сийар ә, к′ижан кӧ һ′әфт сәред ԝи у дәһә стьруйед ԝи һәнә, тәр′а бежьм. 8 Әԝ щә′нәԝьре кӧ тә дит, ԝәхтәке һәбу, ле ньһа т′ӧнә. Әԝе зутьре жь гәлийе һәй-ԝайе дәрк′әвә у һәр′ә ӧнда бә. Бьнәлийед р′убари дьнейә кӧ навед ԝан жь ԝәхте ә′фьрандьна дьнйайеда к′ьтеба жийинеда нәһатьнә ньвисаре, ԝе ә′щебмайи бьминьн, гава ԝи щә′нәԝьри бьбиньн, йе кӧ һәбу у ньһа т′ӧнә, ле ԝе һәбә. 9 Ль вьр һ′ьш-аԛьл кер те. Әԝ һәр һ′әфт сәри, һ′әфт ч′ийа нә, сәр к′ижана әԝ к′ӧлфәт р′уньшти йә, ӧса жи һ′әфт п′адша нә. 10 Жь ԝан пенщ к′әтьнә, йәк һәйә, йе дьн һе нәһатийә у гава бе, гәрәке һьнәк ԝәхт бьминә. 11 Әԝ щә′нәԝьре кӧ ԝәхтәке һәбу у ньһа т′ӧнә, әԝ хԝәха жи п′адше һ′әйшта йә. Әԝ йәки жь ԝан һәр һ′әфта йә у ԝе һәр′ә ӧнда бә.
30 КАНУНА ПЕШЬН-5 ЧЬЛӘЙЕ
ФЬКЬРЕД ԚИМӘТ ЖЬ ХӘБӘРА ХԜӘДЕ | ӘʹЙАНТИ 20-22
«Ва Әз Һәр Тьшти Ну Чедькьм»
(Ә′йанти 21:1) Һьнге мьн ә′рд у ә′зманәки ну дитьн, чьмки ә′рд у ә′змане бәре дәрбаз бун у иди бә′р т′ӧнәбу.
rе 301 ¶2
Ә′рд у Ә′зманәки Ну
2 Бь сәда сала пешийа рʹожед Йуһʹәнна, Йаһоԝа Ишайарʹа гот: «Жь бәр кӧ а вай, әз әзманед ну у әʹрден ну дьафьриньм у де биранина тьштед бәре нәйен кьрьн у нәйен рамане» (Ишайа 65:17; 66:22). Серида әв пʹехәмбәрти һатә сери, чахе Щьһуйед амьн ԝәгәрийанә Оршалиме сала 537 Б.Д.М., паши 70 салийа дильтийа Бабилонеда. Әԝ ԝәʹде тʹәзәкьрьне бу. Щьмәʹта тʹәмьз саз бу, йане «ә′рде ну» йа кӧ гӧрʹа рʹебәрийа тʹәзә, демәк «ә′змане ну» дькьр. Пәтрусе шанди дьна хԝә дьдә сәр ԝе йәке, кӧ әв пʹехәмбәрти ԝе диса бе сери: «Ле әм һивийа ә′рдәки ну у ә′зманед ну нә, ль гора созе ԝи, к′ижанада р′астийе бьминә» (2 Пәтрус 3:13). Ле Йуһʹәнна нишан дькә, ԝәки әв соз ԝе рʹожа Хӧданда бе сери. Ԝе дәрбаз бьн «ә′рд у ә′змане бәре» демәк тʹәшкиләта Шәйтʹан у щьнед ԝи у һәр тьштед кӧ ԝева гьредай нә. Әв «бәʹра» нәрʹьһәт демәк мәрьве ԛәлп у нәгӧһдар ԝе бенә ԛьркьрьне. Дәвса ԝан ԝе «ә′рд у ә′зманәки ну» саз бә, демәк әʹлаләтәкә әʹрде ну йа кӧ ԝе гӧрʹа сәрԝертийа тʹәзә бькьн, йане Пʹадьшатийа Хԝәде (Бәрамбәр кә Әʹйанти 20:11).
(Ә′йанти 21:3, 4) Мьн жь т′әхт дәнгәки бьльнд бьһист кӧ дьгот: «Ва коне Хԝәде нава мәрьвада йә! Әԝе хԝәха нав ԝанда бьжи, әԝана ԝе бьбьнә щьмә′та ԝи у Хԝәде хԝәха жи ԝе т′әви ԝан бьминә, чаԝа Хԝәдейе ԝан. 4 Әԝе жь ч′ә′вед ԝан һ′әму һесьред ԝан паԛьж кә у иди мьрьне т′ӧнәбә, нә шин, нә гьри, нә еш-ешук, чьмки тьштед бәре дәрбаз бун».
ԝ13 1/12 11 ¶2-4
«Ва әз Һәр Тьшти Ну Чедькьм»
[Хԝәде] жь ч′ә′вед ԝан һ′әму һесьред ԝан паԛьж кә (Әʹйанти 21: 4). Әԝе чь щурʹәйи һесьра паԛьж кә? Әв нә һесьред шабуне нә, нә жи әв һесьр ьн йед кӧ бона чʹәʹвед мә керһати нә. Вьра те готьне дәрһәԛа һесьред жь бо кӧл-дәрʹда у дьлтәнгийе. Хԝәде ԝе нә тʹәне сәр ԝәʹдәки кьн ван һесьред мәрийа зьһа кә, ле ԝе сәр һәрһәйи паԛьж кә у ида тʹӧ щар мәрьв ԝе жь бо нәһәԛийе у дәрʹде гьран нәгьрин.
«Иди мьрьне т′ӧнәбә» (Әʹйанти 21:4). Хенщи мьрьне дьжмьне мә, ԛә тьштед ӧса һәнә кӧ дькарьн һе зедә һесьред мәрийа бьбариньн? Йаһоԝа ԝе мәрьвед гӧһдар жь мьрьне хьлаз кә. Әԝе чь щурʹәйи ве йәке бькә? Әԝе мәʹнийа сәрәкә йа мьрьне кʹӧта кә, демәк гӧнә кӧ мә жь Адәм стандйә (Рʹомайи 5:12). Йаһоԝа ԝе кʹамьлийе бьдә мәрьвед амьн сәр һʹиме ԛӧрбанбуна Иса Мәсиһ. Һьнге ԝе кʹока дьжмьне мәйи пашьн бе, демәк мьрьн (1 Корьнти 15:26). Мәрьве һәԛ ԝе ӧса бьжин чаԝа кӧ Хԝәде пешда бона ԝан ԛьрар кьрьбу.
«Нә еш-ешук» ԝе һәбә (Әʹйанти 21:4). Чь щурʹә еш ԝе ида тʹӧнә бьн? Хԝәде ԝе еше бьдә һьлдане кʹижан кӧ жь бо гӧнә у ԛьсӧртийе пешда һатийә демәк еша дьл у йа физики кʹижан кӧ жийина милийона мәрьва пʹьрʹ чәтьн дькә.
(Ә′йанти 21:5) Һьнге әԝи ль сәр т′әхт р′уньшти гот: «Ва әз һәр тьшти ну чедькьм». У мьнр′а гот: «Бьньвисә, чьмки әв хәбәрнә амьн у р′аст ьн».
ԝ03 1/8 12 ¶14
Йаһоԝа Хԝәде Рʹастийе йә
14 Әм гәреке ԝан готьна йед кӧ Йаһоԝа Кʹьтеба Пирозда дьдә мә, һʹәнәк нәгьрьн. Хԝәде бь рʹасти ӧса йә чаԝа Хәбәра хԝәда әʹйан дькә у ԝе бь рʹасти ӧса бькә чь кӧ соз дьдә. Әм бь тʹәмами дькарьн итʹбарийа хԝә Хԝәде биньн. Әм дькарьн баԝәр бьн, кӧ Йаһоԝа ԝе ван гьлийед хԝә бинә сери: «Ԝәки һ′әйфе жь ԝан һьлдә, йед кӧ нахԝазьн Хԝәде нас кьн у гӧр′а Мьзгинийа Хӧдане мә Иса накьн» (2 Т′есалоники 1:8). Әм ӧса жи дькарьн баԝәрийа хԝә гьлийе Йаһоԝа биньн, гава әԝ дьбежә кӧ һ′ьз дькә ԝан мәрийа, к′ижан кӧ р′ийа р′астрʹа дьмәшьн. Әԝ ӧса жи соз дьдә жийина һәрһәйи бьдә ԝан, йед кӧ баԝәрийа хԝә дьдьнә к′ьфше, ӧса жи әԝе еше у мьрьне бьдә һьлдане. Йаһоԝа гьранийа гьлийед хԝә да к′ьфше, гава готә Йуһ′әннайе шанди: «Бьньвисә, чьмки әв хәбәрнә амьн у р′аст ьн» (Ә′йанти 21:4, 5; Мәт′әлок 15:9; Йуһ′әнна 3:36).
Хьзна К′ьтеба Пироз Бьгәр′ьн
(Ә′йанти 20:5) (Ле әԝ мьрийед майин сах нәбун, һ′әта һ′әзар сал т′әмам бу.) Әв ә р′абуна мьрийайә пешьн.
it-2 249 ¶2
Жийин
Чаԝа жь т′әмийа Хԝәде Адәмр′а те к′ьфше, һәрге Адәм гӧһдар буйа әԝе нәмьра (Дсп. 2:17). Гава дьжмьне хьлазийе мьрьн бе к′ӧтакьрьне, һьнге гӧнә кӧ дьбә бәрбь мьрьне, ԝе ль сәр мәрьвед гӧһдар һ′ӧкӧм нәбә. Әԝ мәрьв ԝе нәмьрьн (1 Кр. 15:26). Хьлазийа сәрԝертийа Мәсиһ, к′ижан кӧ ль гора Ә′йанти ԝе 1 000 сали бьк′ьшинә, мьрьн ԝе бе һьлдане. Дь ве к′ьтебеда дәрһәԛа әԝед кӧ т′әви Иса дьбьнә п′адша у к′аһин, те готьне кӧ әԝана «диса сах бун у т′әви Мәсиһ һ′әзар сали п′адшати кьрьн». Гьлийе «әԝ мьрийед майин сах нәбун, һ′әта һ′әзар сал т′әмам бу» ә′шкәрә йә бона ԝан мәрийа нә, кʹижан кӧ ԝе бьжин хьлазийа сәрԝерийа һ′әзарсали, ле пешийа ԝе йәке ча Шәйт′ан жь гәлийа һәйԝайе бе азакьрьне сәва инсанәте бьдә щер′ьбандьне. Хьлазийа сәрԝерийа һ′әзарсали мәрьв ԝе бьгьһижьнә к′амьлийе, чаԝа Адәм у Һеԝа бун. Һьнге әԝана ԝе бь т′әмами бьгьһижьнә жийина к′амьлийе. Әԝе кӧ щер′ьбандьна пашьнда ԛәԝи бьминә, гава Шәйт′ан бе азакьрьне ль сәр ԝә′дәки кьн, ԝе бькарьбьн һ′әта-һ′әтайе жь жийина хԝә ләзәте бьвиньн.
(Ә′йанти 20:14, 15) Һьнге Мьрьн у Дийаре Мьрийа һатьнә авитьне нава гола егьр. Әв гола егьр мьрьна дӧда йә. 15 У наве к′е ве к′ьтеба жийинеда ньвисар т′ӧнәбу, әԝ һатә авитьне нава гола егьр.
it-2 189-190
Гола Егьр
Әв гьли т′әне к′ьтеба Ә′йантида те дитьне у бь симболики йә. К′ьтеба Пироз хԝәха нета ве шьровәдькә: «Әв гола егьр мьрьна дӧда йә».
Р′езед жор′е йа ви сәри ә′шкәрә дьдьнә к′ьфше, ԝәки нета ԝан гьлийа дәрһәԛа гола агьре симболики йә. Дь Ә′йантида те готьне, ԝәки мьрьне давежьн ве голе (Ә′йанти 19:20; 20:14). Зәлал ә, кӧ мьрьне нькари р′астә-р′аст бьшәԝьтини. Ӧса жи Шәйт′ан давежнә ве голе, демәк кәсе р′ӧһ′ани кӧ найе дитьне. Шәйт′ан кәсе р′ӧһ′ ә, ләма жи агьр бь хԝә нькарә зийане бьдә ԝи (Ә′йанти 20:10; бәрамбәри һәв кә т′әви Дәрк′әтьн 3:2; Һ′акьмти 13:20).
Гола агьр те һ′әсабе «мьрьна дӧда» у Ә′йанти 20:14-да те готьне ԝәки «мьрьн у дийаре мьрийа» гәрәке бенә авитьне ль ве голе. Ча те к′ьфше әв гол нькарә бе һ′әсабе мьрьна кӧ жь Адәм дәрбази мәрийа буйә (Р′м. 5:12), у нә жи дәрһәԛа һадесе йә (шеол). Демәк әԝ гәрәке мьрьнәкә дьн бе жь к′ижани ԝәгәрʹандьн тʹӧнәйә. Дәрһәԛа ве голе т′ӧ щийа найе готьне кӧ әԝ мьрийед хԝә пашда дьдә (Ә′нт. 20:13). Ԝана давежьнә гола егьр наве кʹижана кӧ нәһатийә ньвисаре ль «к′ьтеба жийинеда», демәк әԝе кӧ т′обә накә у мьԛабьли һ′ӧкӧмтийа Йаһоԝа дәрте. Әв те һ′әсабе мьрьна һ′әта-һ′әтайе йане мьрьна дӧда (Ә′нт. 20:15).
Хԝәндьна К′ьтеба Пироз
(Ә′йанти 20:1-15) Һьнге мьн дина хԝә дайе, ва мьлйак′әтәк жь ә′змен дьһатә хԝаре, к′ьлита гәлийе һәй-ԝайе у зьнщирәкә мәзьн дәсте ԝида бу. 2 Әԝи әԝ зийа гьрт, аԝа готи әԝ мә′ре бәре, кӧ хԝәха Мирещьн у Шәйт′ан ә у һ′әзар сали гьреда. 3 Әԝи әԝ авитә гәлийе һәй- ԝайе, сәр ԝи к′ьлит кьр у мор лехьст, ԝәки иди мьләта нәхальфинә, һ′әта һ′әзар сал т′әмам бә. Пәй ԝе йәкер′а әԝ гәрәке бона ԝәхтәки кьн бе бәр′дане. 4 Һьнге мьн к′ӧрси дитьн кӧ әԝ ль сәр ԝан р′уньштьн, к′ижанар′а һатә дайине, ԝәки диԝане бькьн. Ӧса жи мьн р′ӧһ′ед ԝан дитьн, сәре к′ижана бона шә′дәтийа Иса у бона хәбәра Хԝәде һатьбунә лехьстьне, к′ижана сәре хԝә ль бәр щә′нәԝьр у һ′әйкәле ԝи данәнибун у нә жи нишана ԝи һьлдабунә сәр ә′ни йан дәсте хԝә. Әвана диса сах бун у т′әви Мәсиһ һ′әзар сали п′адшати кьрьн. 5 (Ле әԝ мьрийед майин сах нәбун, һ′әта һ′әзар сал т′әмам бу.) Әв ә р′абуна мьрийайә пешьн. 6 Хԝәзьли у бӧһӧрти-жьбарә йә, әԝе кӧ п′ара ԝи т′әви р′абуна мьрийайә пешьн һәйә. Мьрьна дӧда ль сәр ԝан һ′ӧкӧм накә, ле әԝе бьбьнә к′аһинед Хԝәде у Мәсиһ у ԝе т′әви ԝи һ′әзар сали п′адшатийе бькьн. 7 Гава һ′әзар сал т′әмам бә, Мирещьн ԝе жь зьндана хԝә бе бәр′дане, 8 әԝе дәрк′әвә, ԝәки ԝан мьләтед һәр чар ԛӧлбед дьнеда, аԝа готи Гог у Магоге бьхальфинә у ԝан бона шәр′ ль щики бьщьвинә. Р′әԛәма ԝан ԝе мина ԛума дәве бә′ре бә. 9 Әвана ԝе т′әмамийа ә′рде бәла бьн у дора ԝаргәһе ордийа щьмә′та Хԝәде у бажаре һ′ьзкьри бьгьрьн. Ле жь ә′змен агьре бьбарә, ԝан һ′уфи хԝә кә. 10 Әԝ Мирещьне кӧ әԝ хальфандьн, ԝе бе авитьне нава гола агьре к′ьрк′уте, ԝи щийе кӧ щә′нәԝьр у п′ехәмбәре дәрәԝ теда нә. Ль ԝьр ԝе шәв у р′ож, һ′әта-һ′әтайе бьчәрчьрьн. 11 Һьнге мьн т′әхтәки мәзьни чили-ԛәрԛаш дит у йәк ль сәр р′уньштьбу. Ә′рд у ә′зман жь бәр ԝи бәтавәбун у дәԝса ԝан к′ьфш нәбу. 12 Ԝе һьнге мьн мьрийед бьч′ук у мәзьн дитьн кӧ ль бәр т′әхт сәкьни бун. К′ьтеб вәбун у к′ьтебәкә дьн жи вәбу, аԝа готи к′ьтеба жийине. Диԝана мьрийа анәгори ԝан кьред ԝанә к′ьтебада ньвисар һатә кьрьне. 13 Бә′ре мьрийед хԝә дан, Мьрьне у Дийаре Мьрийа жи мьрийед хԝә дан. Диԝана һәр мәрьвәки жь ԝан анәгори кьрьнед ԝан һатә кьрьне. 14 Һьнге Мьрьн у Дийаре Мьрийа һатьнә авитьне нава гола егьр. Әв гола егьр мьрьна дӧда йә. 15 У наве к′е ве к′ьтеба жийинеда ньвисар т′ӧнәбу, әԝ һатә авитьне нава гола егьр.