МИНА ИСА БЬЖИН
Хԝәдейед Хәрибә нава Хԝәда Бавежьн
Аԛуб заньбу, кӧ Йаһоԝа һежа йә ԝирʹа амьн бьминьн, һәла һьнге жи гава ԛанун дәрһәԛа пʹутпʹарьстийе нәһатьбу дайине (Дркʹ. 20:3-5). Ләма жи чахе Йаһоԝа готә Аԛуб вәгәрʹә Бәйтʹәле, әԝи рʹебәри да гьшка кӧ хԝәдейед хәриб нава хԝәда һьлдьн бавежьн. Әԝи һʹәму пʹут, гӧһар у тʹәлисмә кӧ бона пʹутпʹарьстийе дьданә хәбате, кʹӧта кьрьн (Дсп. 35:1-4). Бешьк дьле Йаһоԝа гәләк ша бу, кӧ Аԛуб ӧса кьр.
Ле чаԝа иро әм дькарьн амьнийа хԝә һьндава Йаһоԝа бьдьнә кʹьфше? Әм хԝә дур дьгьрьн жь ԝан һʹәму тьшта, чь кӧ пʹутпʹарьстийева у сербазийева гьредайи нә. Әм ӧса жи жь хԝә дур дьхьн ԝан тьшта, чь кӧ кʹочʹәктийева гьредайи нә, у әм ԝәʹдәдәрбазкьрьнада жи фәсал ьн. Ԝе баш бә пьрса бьдьнә хԝә: «Мьн хԝәш тен синәм, кʹьтеб йан щурʹе ԝәʹдәдәрбазкьрьна ӧса, кӧ вампир, зомби у тьштед нәтʹәбийәтива гьредайи нә? Ԝәʹдәдәрбазкьрьна мьнда, щәдути йан жи ньфьр, нормал те кʹьфше?» Демәк әм гәрәке хԝә дур бьгьрьн жь ԝан һʹәму тьшта, чь кӧ Йаһоԝа нәфрʹәт дькә (Зб. 97:10).
БЬНЬҺЕРʹӘ ВИДЕО «МЬԚАБЬЛИ МИРЕЩЬН БЬСӘКЬНЬН», У ПАШЕ ЩАБА ԜАН ПЬРСА БЬДӘ:
Палеса рʹасти чь чәтьнайа һатьбу?
Чьма ԝе баш бә, жь рʹуспийа аликʹарийе бьхԝазьн, һәрге һун йан кәсәки дьн жь бо щьна дьчәрчьрьн?
Мьԛабьли Мирещьн бьсәкьньн у хԝә ль Хԝәде бьгьрьн (Аԛб. 4:7, 8)
Әԝед кӧ дьхԝазьн жь Йаһоԝа аликʹарийе бьстиньн, кʹижан тьшта гәрәке жь хԝә дур хьн?
Палесайе чь кьр?
Тӧ гәрәке кʹижан тьшта жь хԝә дур хи, йед кӧ щьнава гьредайи нә у ԝәлате тәда бәлабуйи нә?