Гәло Сербази Зийане Тинә?

Һун ча дьфькьрьн?

• Гәло ве йәкеда тьштәки хьраб һәйә, һәрге әм һороскопа бьхуньн, кʹочʹәктийе бькьн, тʹәхте сербазийе бьдьнә хәбате йан жи һәрʹьнә щәм ԝан кʹи кӧ гази рʹӧһʹа дькә?

• Гәло сәрһатийед сербазийева у кʹочʹәктийева гьредайи, тʹәне һʹәкийатед дәрһәԛа шәрʹе ортʹа хьрабийе у ԛәнщийе нә, йан әв дьһа хоф ьн?

Ве готареда әме шеԝьр кьн, ԝәки сербази ча дькарә дина мә бькʹьшинә бәрбь хԝә у әв чь зийане дькарә бинә.

• Әв ча дина мә дькʹьшинә?

• Чьда әв хоф ә?

• Тӧ чь дькари бьки

• Һьнә щаһьл чь дьбежьн

Әв ча дина мә дькʹьшинә?

Сербази бизнесәкә ԛәԝи йә. Бь сайа ԝан тьшта чь кӧ сербазийева гьредайи нә, гәләк пʹәрә тенә чекьрьне; мәсәлә ТВ бәрнамә, синәм, видео листьк у кʹьтеб. Жь бо ве йәке гәләк щаһьла хԝәстьн һе зедә дәрһәԛа стәйрнасийе, щьна, вампира у кʹочʹәктийе пебьһʹәсьн. Чьма әв йәк ӧса бәлабуйи йә? Чәнд мәʹни һәнә:

• Хԝәстьна кӧ һʹәму тьшти пебьһʹәсьн: Мәрьв дьхԝазьн пебьһʹәсьн, кӧ бь рʹасти рʹӧһʹ һәнә, йан на

• Тьрс: Гәләк мәрьв дьтьрсьн, кӧ ахьри ԝе чаԝа бә у дьхԝазьн пебьһʹәсьн, кӧ чь ԝе бьԛәԝьмә

• Еша дьл: Әԝед кӧ мәрьвед ԝан мьрьн ә, гәләк бира ԝан дькьн у һʹьзрәта ԝе йәке нә, кӧ тʹәви ԝан хәбәр дьн

Әв һәст хьраб ниньн. Бь рʹасти тьштәки хьраб ве йәкеда тʹӧнә, кӧ әм бьхԝазьн ахьрийе пебьһʹәсьн, йан жи шина мәрьвед хԝә бькьн. Чь жи һәбә әм гәрәке бир нәкьн, ԝәки әв йәк дькарә хоф бә жи у зийане бьдә мә.

Чьда әв хоф ә?

Кʹьтеба Пироз һʹәму тьштед кӧ сербазийева гьредайи нә, сущдар дькә. Мәсәлә, әв дьбежә:

«Бьра нава тәда йе ӧса тʹӧнә бә, ... нә кʹочʹәк, нә сербаз, нә рʹәʹмьлдар, нә жи пирәсер, нә ньфьрʹкьр, нә йе кӧ гази рʹӧһʹа дькә, нә хԝәйиһʹӧньр, нә жи йе кӧ гази мьрийа дькә. Чьмки ль бәр чʹәʹве Хӧдан йе кӧ ве йәке дькә кʹьрет ә» (Ԛануна Дӧщари 18:10-12).

Чьма Кʹьтеба Пироз дәʹԝа дькә, кӧ әм хԝә жь сербазийе дур бьгьрьн?

• Сербази әв һәйә һәләԛәти тʹәви щьна. Кʹьтеба Пироз дьбежә, ԝәки һьнә мәләк мьԛабьли Хԝәде рʹабун у бунә дьжмьнед ԝи (Дәстпебун 6:2; Щьһуда 6). Әԝ мәләкед зӧлм йане щьн, бь сайа кʹочʹәка, сербаза у стәйрнаса мәрийа дьхальфиньн. У бь рʹасти әԝед кӧ сербазийева мьжул дьбьн, пьштгьрийа дьжмьнед Хԝәде дькьн.

• Сербази һинкьрьна ԛәлп бәла дькә, кӧ йан чь кәсәк дькарә ахьрийе бьзаньбә. Ле бь рʹасти тʹәне Хԝәдайе Һьмзор дькарә әве йәке бьзаньбә. Әԝ дьбежә: «Әз сәре-серида дьбежьм ве йәке, чь кӧ ве хьлазийеда бьбә, у жь бәреда ве йәке, чь кӧ һе нәбуйә» (Ишайа 46:10, ДТʹ; Аԛуб 4:13, 14).

• Сербази ӧса дьдә кʹьфше, йан чь йед мьри дькарьн тʹәви мәрьвед сах хәбәр дьн. Ле бь рʹасти Кʹьтеба Пироз дьбежә: «Мьри ... тьштәки ньзаньн. ... жь бәр кӧ ль ԝаре мьрийан, йа кӧ тӧйе бьче кʹар у рʹаман, занин у занйари нинә» (Ԝаиз 9:5, 10).

Ләма жи Шәʹдед Йаһоԝа жь сербазийе, жь ԝәʹдәдәрбазкьрьнед ӧса кʹидәре кӧ зомби, вампир, у ԛәԝьмандьнед әʹщеб дьдьнә кʹьфше, хԝә дур дьгьрьн. Кәчʹькәк наве кʹижане кӧ Марийа йә, дьбежә: «Һәрге синәмеда тьштәки щьнава гьредайи һәбә, әзе әве синәме нәньһерʹьм».a

Тӧ чь дькари бьки

• Сафи кә, ԝәки хԝә дур бьгьри жь кьред ӧса, кʹижан кӧ сербазийева у кʹочʹәктийева гьредайи нә, кӧ бькарьби «бь исафа рʹьһʹәт ль бәр Хԝәде» бьсәкьни (Кʹаред Шандийа 24:16).

• Бьра щәм тә тʹӧ тьштед кӧ сербазийева гьредайи нә тʹӧнә бьн. Бьхунә Кʹаред Шандийа 19:19, 20 у дина хԝә бьде кӧ чаԝа дькари ве йәкеда чʹәʹв бьди Мәсиһийед ԛьрʹна йәке.

Бир нәкә: Чахе тӧ хԝә жь һʹәму щурʹә сербазийе дур дьгьри, ӧса тӧ дьди кʹьфше, ԝәки Йаһоԝа һʹьз дьки у пьштгьрийа ԝи дьки. Дьле Йаһоԝа тәрʹа ша дьбә! (Мәтʹәлок 27:11)