Щьн Дәʹв Дьдьн кӧ Мьԛабьли Хԝәде Дәрен

Ле гәло чьрʹа Шәйтʹан Мире-щьна у щьнед ԝи жь алийе хԝәда һʹәму тьшти дькьн, кӧ мәрийа бьхальфиньн? Чьмки әԝана дьхԝазьн ԝәки әм тʹәви ԝан бьбьнә йәк, мьԛабьли Хԝәде дәрен у ԝанарʹа ԛӧльх кьн. Әԝана ӧса жи дьхԝазьн кӧ әм баԝәрийа хԝә дәрәԝийа ԝан биньн, у ԝан тьшта бькьн чь кӧ Йаһоԝа нәфрʹәт дькә. Һʹәчʹи зәʹф жь ԝан тьшта ԛәйдед ӧса ньн, йед кӧ мьрийава тʹәвгьредайи нә.

Мьрьна мәрьвед незик, әв дәрдәки гәләк гьран ә. Мәрьв кӧ шина мьрийед хԝә бькә, әв тьштәки бь тʹәбийәти у нормал ә. Мәсәлә чахе Лазар һәвале Иса мьр, «Иса гьрийа» (Йуһʹәнна 11:35).

Дь тʹәмамийа дьнйайеда гәләк ԛәйд һәнә, йед кӧ мьрьнева тʹәвгьредайи нә. Һәнә гәләк ԛәйдед ӧса жи, кʹижан кӧ мьԛабьли Кʹьтеба Пироз дәрнайен. Ле һьнә ԛәйдә ль сәр һʹиме ԝе йәке нә, йан чь мьри бәрдәԝан дькьн дьжин, у дькарьн мә бьвиньн. Мәсәлә бәр щьнйаз дьминьн рʹаназен, бь дәнге ԛайим дьгьрин, у ԝәʹде шине щурʹә-щурʹә әʹдәт тиньн сери. У әв һʹәму тьшт жь бо тьрса мьрийа дькьн, сәва кӧ ԝана рʹази кьн. Ле бь рʹастийе мьри «тьштәки ньзаньн», ләма жи әԝ кʹи кӧ ԛәйдед ӧса дькьн, пьштгьрийа дәрәԝийа Шәйтʹан дькьн (Ԝаиз 9:5).

Ԛәйд у әʹдәтед дьн жи ль сәр һʹиме баԝәрийа ӧса нә, йан чь мьри һʹәԝще аликʹарийа мәрьвед сах ьн, у һәгәр ԝана рʹази нәкьн, әԝана дькарьн зийане бьдьнә мә. Дь һьнә ԝәлатада ԛәйдәки ӧса һәйә. Мәсәлә чахе мәри дьмьрә, чьле ԝи у сала мьрьна ԝи кʹьфш дькьн, ӧса жи хера ԝи дьдьн у щурʹә-щурʹә әʹйд-ԛәйдед дьн жи дәрбаз дькьн. Әԝана дьшьрмиш дьбьн кӧ әв һʹәму тьшт али мьри дькә, ԝәки әԝ бькарьбә бькʹәвә ль дьнйа рʹӧһʹани. Диса әʹдәтәки бәлабуйи һәйә, кӧ мьрийарʹа хԝарьн у вәхԝарьне датиньн.

Әв һʹәму әʹдәт нәрʹаст ьн, чьмки әԝана пьштгьрийа дәрәԝийа Шәйтʹан дькьн, кӧ мьри дьжин. Гәло, Йаһоԝа Хԝәде ԝе ԛәбул кә, һәгәр әм ван әʹйд-ԛәйда бькьн йед кӧ ль сәр һʹиме һинкьрьна щьна нә? Йаһоԝа тʹӧ щар әве йәке ԝе ԛәбул нәкә! (2 Корьнтʹи 6:14-18).

Ԛӧльхкʹаред Хԝәдайе рʹаст накьн әʹйд-ԛәйдед ӧса, йед кӧ пьштгьрийа дәрәԝийа Шәйтʹан дькьн. Дәԝсе, әԝана дәрһәԛа мәрьвед сах хәм дькьн, ԝана дьлгәрм дькьн у али ԝан дькьн. Ԛӧльхкʹаред Хԝәдайә рʹаст, заньн ԝәки паши мьрьне, тʹәне Йаһоԝа дькарә али мьрийа бькә (Ибо 14:14, 15).

Хԝәде Сербазийе Сущдар Дькә

Һьнә мәри хԝәха, йан жи бь аликʹарийа кʹочʹәка дькʹәвьнә һәләԛәтийе тʹәви щьна. Әв йәк те навкьрьне сербази. Кʹочʹәкти, фәʹльквәкьрьн, маги, пирәсерти, йан жи хәбәрдана тʹәви рʹӧһʹа, әв һʹәму тьшт дькʹәвә нава шьхӧлед сербазийе.

Кʹьтеба Пироз шьхӧлед ӧса сущдар дькә: «Бьра нава тәда йе ӧса тʹӧнә бә ... нә кʹочʹәк, нә сербаз, нә рʹәʹмьлдар, нә жи пирәсер, нә ньфьрʹкьр, нә йе кӧ гази рʹӧһʹа дькә, нә хԝәйиһʹӧньр, нә жи йе кӧ гази мьрийа дькә. Чьмки ль бәр чʹәʹве Хӧдан йе кӧ ве йәке дькә кʹьрет ә» (Ԛануна Дӧщари 18:10-12, ПКʹ М).

Гәло чьрʹа Йаһоԝа мәрʹа дьбежә, кӧ әʹсәйи йә ԝәки жь шьхӧлед ви щурʹәйи хԝә дур бьгьрьн?

Йаһоԝа ԛәнщийе мәрʹа дьхԝазә, ләма жи әԝ тʹәмийе мә дькә ԝәки тʹәви тʹӧ шьхӧлед сербазийе, тʹәвгьредайи нибьн. Йаһоԝа Хԝәде мәрийа һʹьз дькә у дәрһәԛа ԝан хәм дькә. У әԝ занә ԝәки әԝед кӧ тʹәви щьна дьбьнә йәк, кӧл-дәрда хԝәрʹа тиньн.

Мәсәла Нилдайе жь Бразили әве йәке рʹьнд дьдә кʹьфше. Нилда кʹочʹәк бу у гази рʹӧһʹа дькьр. Щьна гәләк кӧл-дәрд ԝерʹа анин у әԝ дьчәрчьрандьн. Нилда дьбежә: «Рʹӧһʹа . . . әз гьртьбумә дәсте хԝә, ԝана рʹебәрийа мьн дькьр у дьготьн чь гәрәке әз бькьм. Әз дьхәрʹьԛим у мьн һʹьше хԝә ӧнда дькьр, ләма жи әз кьрьмә нәхԝәшхана пʹсикʹийатри. Щьна ӧса әз дьчәрчьрандьм, кӧ мьн нькарьбу хԝә бьгьрта. Хенщи ве йәке мьн дәрманед ӧса вәдьхԝарьн йед кӧ мьн һеса дькьрьн, у ахьрийеда жи мьн дәстпекьр ичʹке вәхԝьм у щьхаре бькʹьшиньм. Әв йәк чәнд сала кʹьшанд».

Ԝәʹдә шунда Нилда бь аликʹарийа Йаһоԝа у Шәʹдед ԝи, карьбу жь һʹӧкӧмкьрьна щьна аза бә у дәстпекьр бь әʹмьрәки бәхтәԝар бьжи. Әԝ дьбежә: «Әз һʹәмушка һелан дькьм ԝәки тʹӧ щар тʹәви рʹӧһʹед [зӧлм], тʹӧ тьштида у һәла һе һәләԛәтийа бьчʹукда жи, нәбьнә йәк».

[Шькьл сәр рʹупʹела 19]

Һьнә әʹдәт ль сәр һʹиме ԝе дәрәԝийе нә, кӧ йан чь мьри дькарьн мә бьвиньн

[Шькьл сәр рʹупʹела 20]

Әʹдәтед дьн жи ль сәр һʹиме ԝе дәрәԝийе нә, кӧ мьри һʹәԝще аликʹарийа мә нә

[Шькьл сәр рʹупʹела 21]

Хԝәде ван кьред хьраб нәфрʹәт дькә. Әԝ дьхԝазә ԝәки әм ԝирʹа амьн бьминьн (Дәркʹәтьн 20:5).

[Шькьл сәр рʹупʹела 22]

Әԝед кӧ сербазийе дькьн, гәләк щар зәʹф дьчәрчьрьн.

Әԝана дькарьн мал, азабуне у әʹмьре хԝә жи ӧнда кьн