Щьн бь Дәрәԝийе Дьдьнә Кʹьфше, Йан Чь Мьри Бәрдәԝан Дькьн Дьжин

Дь Кʹьтеба Пирозда те готьне, кӧ Шәйтʹан Мире-щьна тʹәмамийа дьне дьхальфинә (Әʹйанти 12:9). Шәйтʹан у щьнед ԝи нахԝазьн ԝәки әм баԝәрийа хԝә Хәбәра Хԝәде, демәк Кʹьтеба Пироз биньн. Әԝана мәрийа мәщбур дькьн баԝәрийа хԝә ԝе йәке биньн, йан чь мьри бәрдәԝан дькьн дьнйа рʹӧһʹанида дьжин. Ԝәрен әм бьньһерʹьн, кӧ ча әԝана әве йәке дькьн.

Религийа Ԛәлп

Гәләк религийа һин дькьн, кӧ щәм һʹәму мәрийа тьштәк һәйә чь кӧ паши мьрьне бәрдәԝан дькә дьжи. Әԝана дьбежьн ԝәки чахе мәрьв дьмьрә, әв тьшт паши мьрьне дәрдькʹәвә у дьчә ль ԝи щийи, кʹидәре кӧ мьри дьжин.

Ле Хәбәра Хԝәде әве йәке һин накә. Мәсәлә дәрһәԛа әʹфьрандьна Адәм Кʹьтеба Пироз ӧса дьбежә: «Хӧдан Хԝәде жь аха әʹрде ԛальбе мер чекьр, бина жийине һӧлми поза кьр у мер бу бинбәрәки сах» (Дәстпебун 2:7, ПКʹМ). Жь вьр те кʹьфше кӧ Хԝәде тʹӧ тьшт нәкьрә бәдәна Адәм, чь кӧ паши мьрьне ԝе бькарьбуйа бьжита.

Кʹьтеба Пироз дьбежә кӧ чахе мәрьв дьмьрә тʹӧ тьшт паши мьрьне ида нажи. Чьмки мәри бь тʹәмами дьмьрә, у паши мьрьне мьри ида нькарьн ль сәр әʹмьре мәрьвед дьн һʹӧкӧм кьн. Дь Хәбәра Хԝәдеда ӧса ньвисар ә:

«Дәма рʹӧһʹе ԝи дәрдькʹәвә, әԝ бь хԝә ль шунда вәдьгәрʹә аха хԝә йа рʹуйе әʹрде у һәма дь ԝе рʹожеда, тʹәваһийа фькрен ԝи тʹӧнә дьбьн» (Зәбур 146:4, АБ).

«Йен кӧ дьжин дьзаньн кӧ ... бьмьрьн; ле бәле мьри бь тьштәки ньзаньн у еди бона ԝан мишә нинә; жь бәр кӧ биранина ԝан һатийә жь бир кьрьн. Тьште кӧ бона ль сәр хәбат кьрьне тә дитийә һәр чь бә, бь һеза хԝә ль сәр ԝе бьхәбьтә; жь бәр кӧ ль ԝаре мьрийан, йа кӧ тӧйе һәрʹе кʹар у раман, занин у занйари нинә» (Ԝаиз 9:5, 10).

Рʹезед дьн жи дьдьнә кʹьфше, кӧ чаԝа һʹәйԝан ӧса жи мәрьв дьмьрә, демәк ахьрийа ԝан йәкә (Ԝаиз 3:19, 20). Әԝед кӧ мьрьнә тʹӧ тьшт ньзаньн. Демәк чахе мәрьв дьмьрә, тʹӧ тьшт жь ԝи дәрнайе у нажи.

Һәгәр тӧ Кʹьтеба Пироз жь дәстпебуне һәта хьлазийе бьхуни, тʹӧйе ль вьр нәвини тʹӧ тьшти дәрһәԛа ԝе йәке, кӧ мьри щикида бәрдәԝан дькьн дьжин. Әԝ һинкьрьн кӧ рʹӧһʹед мьрийа щикида бәрдәԝан дькьн ль дьнйа рʹӧһʹанида дьжин, ль сәр һʹиме Кʹьтеба Пироз нинә. Әв һинкьрьна Шәйтʹан Мире-щьна у щьнед ԝи йә. Йаһоԝа Хԝәде нәфрʹәт дькә һʹәму һинкьрьнед религийа ԛәлп (Мәтʹәлок 6:16-19).

Хәбәрдан Тʹәви Рʹӧһʹа

Шәйтʹан Мире-щьна сәва кӧ мәрийа бьхальфинә, диса методәке дьдә хәбате. Мәсәлә әԝ кʹочʹәка дьдә хәбате, йед кӧ рʹаст ә-рʹаст жь дьнйа рʹӧһʹани дькарьн әʹламәтийа бьстиньн, у тʹәви рʹӧһʹа хәбәр дьн. Һʹәчʹи зәʹф жь мәрийа у хԝәха кʹочʹәк жи баԝәр дькьн, кӧ әԝана бь рʹастийе жи тʹәви рʹӧһʹед мьрийа хәбәр дьдьн у әʹламәтийа жь ԝана педьһʹәсьн. Ле чаԝа кӧ мә жь Кʹьтеба Пироз дит, әв йәк нькарә ӧса бьбә (Ԝаиз 9:5, 6, 10).

Ле гәло әв әʹламәти жь кʹӧ тен? Жь щьна! Чахе мәрьв һе сах ә, һьнге щьн рʹьнд дина хԝә дьдьнә ԝи. Әԝана заньн кӧ мәрьв ча хәбәр дьда, бәжьн-бала ԝи чь щурʹәйи бу, әԝи чь дькьр у чь заньбу. Ләма жи щьн һеса дькарьн хԝә дәԝса мәрьве мьри бьдьнә кʹьфше, у мина ԝан бькьн (1 Самуйел 28:3-19).

Сәрһатийед Дәрәԝ

Ле метода дьн бь кʹижани кӧ Шәйтʹан мәрийа дьхальфинә, сәрһатийед дәрәԝ ьн у чʹьловиск ьн. Сәрһатийед ви щурʹәйи, мәрийа жь рʹастийа Кʹьтеба Пироз дур дьхьн (2 Тимотʹейо 4:4).

Дь Африкайеда гәләк сәрһатийада те гьликьрьне, кӧ мәрьва йед мьри сах дьдитьн. Мәсәлә мәрьв дьбежьн, ԝәки мьрийед хԝә ль щийед ӧса дьдитьн кӧ дури мала ԝан бу. Ԝәрен әм пьрсәкә ӧса бьдьнә хԝә: һәгәр мәрьв жь мьрьне дькарә вәгәрʹә, гәло чьрʹа әԝ найе нав нәфәр у һәвалед хԝә, ле жь ԝана дур дьчә?

Хенщи ве йәке, дьбәкә әԝ мәрьве кӧ дитьнә, мина ԝи мәрьви йә кʹижан кӧ мьри йә. Мәсәлә, дӧ ԛӧльхкʹаред мәсиһи, йед кӧ дь гӧндәкида даннасин дькьрьн, дина хԝә дане кӧ каләмерәк ԝәкә чәнд сьһʹәта пәй ԝан дьчу. Һьнә ԝәʹдә шунда, әԝана пеһʹәсийан кӧ әв каләмер, йәк жь ван ԛӧльхкʹарʹа дәԝса бьре хԝә һʹәсаб дькә, йе кӧ ида чәнд сал ә мьри бу. Бь рʹастийе әв бьре ԝи нибу, ле әви каләмери нькарьбу баԝәр кьра, кӧ әв бьре ԝи нинә. Дә ньһа бьдьнә һʹәсабе хԝә, кӧ әви каләмери паше һәвал у щинаред хԝәрʹа дәрһәԛа ве йәке, чь гьли кьрийә.

Дитьнок, Хәԝн у Дәнг

Дьбәкә тә бьһистийә, ԝәки һьнә мәрьв дьбунә шәʹдед тьштед әʹщеб, мәсәлә дитьнок, хәԝн у дәнг. Тьштед ӧса әʹщеб, мәрийа дьдьнә тьрсандьне. Марейин кʹижан кӧ дь Африка Роавайеда дьжит, тʹьме евара дәнге пирька хԝәйә мьри дьбьһист, йа кӧ гази ԝе дькьр. Марейине жь тьрсе ӧса дькьрә ԛарʹә-ԛарʹ, кӧ малбәта хԝә педа рʹадькьрә сәр ньга. Хьлазийе жи әԝ дин бу.

Һәгәр мьри бь рʹастийе жи паши мьрьне бәрдәԝан дькьн дьжин, гәло әԝана ԝе мәрьвед хԝәйә незик бьдьнә тьрсандьне? Фәʹмдарийә ԝәки на. Әв дәнгед бь тьрсе тʹьжә, жь щьна тен.

Ле гәло әм чь дькарьн бежьн дәрһәԛа ԝан әʹламәтийа, йед кӧ ӧса тенә кʹьфше йан чь керһати нә у бәрдьлийе дьдьнә мәрийа? Мәсәлә чахе Гбасай жь Сиерра Леоне нәхԝәш кʹәт, баве ԝейи мьри һатә хәԝна ԝе. Әԝи ширәт да ԛиза хԝә кӧ һәрʹә бәр дарәке, бәлге ԝе даре бьчьнә, паше аведа бьһʹьнщьрʹинә у вәхԝә. Ле пешийа ве йәке әԝе гәрәке тʹәви тʹӧ кәси хәбәрнәда. Әԝе һәма ӧса жи кьр, у зутьрәке ԛәнщ бу.

Ле кʹӧлфәтәкә майин гьли кьр, кӧ паши ԝе йәке чахе мере ԝе мьр, әԝе һәма рʹожа дӧда дитьнокеда мере хԝәйи мьри дит. Бь гьлийе ԝе, кʹьнщед бәдәԝ ль мере ԝе бун у бәшәра ԝи жи хԝәш бу.

Әʹламәти у дитьнокʹед ви щурʹәйи ӧса тенә кʹьфше, те бежи керһати нә у нә хьраб ьн. Ле гәло әв тьшт жь Хԝәде нә? На! Йаһоԝа «Хԝәдайе рʹастийе» йә (Зәбур 31:5, АБ). Йаһоԝа ԝе тʹӧ щар мә нәхапинә у нә жи бьхальфинә. Тʹәне щьн дькарьн тьштед ӧса бькьн.

Ле гәло щьнед баш һәнә? На. Дьбәкә щар-щара те кʹьфше кӧ әԝана аликʹарийе дьдьн, ле чь жи һәбә әԝана һʹәмушк жи зӧлм ьн. Чахе Шәйтʹан Мире-щьна Һеԝайерʹа хәбәр да, әԝи хԝә ӧса да кʹьфше, кӧ йан чь йәки ԛәнщ ә (Дәстпебун 3:1). Ле чахе Һеԝайе гӧрʹа готьна Шәйтʹан кьр, һьнге тʹәви ԝе чь ԛәԝьми? Әԝ мьр.

Дьбәкә тӧ зани кӧ чахе мәрики хьраб дьхԝазә кәсәки бьхапинә йан жи бьхалфинә, һьнге әԝ хԝә чаԝа йәки ԛәнщ у һәвалһʹәз дьдә кʹьфше. Гьли-готьна кӧрманщи ӧса дьбежә «Хәбәрхԝәш ә дьл ԛәлп ә». Хәбәра Хԝәде жи дьбежә кӧ: «Мирещьн, хԝәха жи хԝә дькә дьлԛе мьлйакʹәте рʹонайи» (2 Корьнтʹи 11:14).

Хԝәде ида әʹламәтийа жь дьнйа рʹӧһʹани, бь хәԝна, дитьнока йан дәнга, әʹлами мәрийа накә. Йаһоԝа рʹебәри у ширәта бь Кʹьтеба Пироз дьдә, йед кӧ дькарьн мә «бона һʹәму кьрьнед ԛәнщ һазьр» кьн (2 Тимотʹейо 3:17).

Ләма жи чахе Йаһоԝа пешда мәрʹа дәрһәԛа тʹәлькед Мире-щьна дьбежә, бь ве йәке әԝ һʹәзкьрьне һьндава мә дьдә кʹьфше. Чьмки әԝ занә ԝәки щьн дьжмьнед хоф ьн.

[Шькьл сәр рʹупʹела 13]

Хьлазийа мәрийа, һʹәйԝана, мәʹсийа у чʹьвика мьрьн ә

[Щрәдьт Льнә]

Басәд ьн парт он пһотос продӧщәд ЬРЬС-ӘХПОРТ МӘХЬЩҺРОМӘ

[Шькьл сәр рʹупʹела 14]

Кʹьтеба Пироз дьбежә кӧ чахе мәрьв дьмьрә, тʹӧ тьшт жь ԝи дәрнакʹәвә у нажи

[Шькьл сәр рʹупʹела 15]

Щьн хԝә дәԝса рʹӧһʹед мьрийа дьдьнә кʹьфше

[Шькьл сәр рʹупʹела 16]

Һьнәк баԝәр ьн, ԝәки дитьнә әԝ мәрьв йед кӧ жь мьрийа вәгәрʹийанә

[Шькьл сәр рʹупʹела 17]

Щьн бь хәԝна, дитьнока у дәнга мәрийа дьхальфиньн

[Шькьл сәр рʹупʹела 18]

Шәйтʹан готә Һеԝайе кӧ әԝе нәмьрә. Һеԝайе баԝәрийа хԝә ԝи ани, у ахьрийе мьр