Щьн Меркӧж ьн!

Шәйтʹан Мире-щьна у щьнед ԝи тʹьме зӧлм у хоф бун. Ԝәʹде бәре Шәйтʹан ԛьрʹа дәԝар у хӧламед Ибойи амьн ани. Әԝи ӧса жи баки ԛайим рʹакьр у әԝ мал һьлшанд, кʹидәре кӧ зарʹед Ибо тʹоп бьбун. Бь ве йәке, әԝи зарʹед Ибо кӧшт. Паши ве йәке, Шәйтʹан Ибо «жь паһнийа льнган, һʹәта сәре ԝи бь ԛӧнерен хәрабва» нәхԝәш ехьст (Ибо 1:7-19; 2:7).

Чахе Иса Мәсиһ ль сәр әʹрде бу, һьнге щьна һьнә мәрьв лал у кор дькьрьн (Мәтта 9:32, 33; 12:22). Ԝана мәрьвәк ӧса дьчәрчьранд, кӧ әԝи пе кәвьра хԝә бьриндар дькьр (Марԛос 5:5). Хенщи ве йәке щьна хортәки щаһьл ӧса мәщбур кьр, кӧ әԝ бькә ԛарʹә-ԛарʹ, паше әԝ әʹрде хьстьн у әԝ пʹьрпьти (Луԛа 9:42).

Иро жи Шәйтʹан у щьнед ԝи гәләк зӧлм ьн. Паши ԝе йәке чахе әԝана жь әʹзмен һатьнә авитьне, кьред ԝанә хьраб һе зедә бун. Әԝ ԛәԝьмандьнед кӧ нав тʹәмамийа дьнйайеда дьԛәԝьмьн, дьдьнә кʹьфше кӧ бь рʹастийе жи щьн чьԛаси зӧлм ьн. Әԝана һьнә мәрьва нәхԝәш дьхьн. Һьнәка жи, шәв бь хәԝнед хоф дьчәрчьриньн у наһельн кӧ рʹазен. Ле һьнә мәрьва жи, алийе сексуалийеда дьчәрчьриньн. Щьн ӧса жи мәрийа дин дькьн, у ӧса дькьн кӧ әԝана кәсәки, йан жи хԝә бькӧжьн.

Линтина йа кӧ дь Суринамеда дьжи, гьли дькә кӧ щьн йан рʹӧһʹе хьраб 16 нәфәред мала ԝе кӧштьн. Ле әԝ жи, ԝәкә 18 сала бь физики у пʹсихики дьчәрчьранд. Линтина хԝәха избат бу, кӧ щьна хԝәш те мәрийа ӧса бьчәрчьриньн, һʹәта кӧ әԝана бьмьрьн.

Ле Йаһоԝа йәкә дькарә ԛӧльхкʹаред хԝә жь дәсте Шәйтʹан Мире-щьна хьлаз кә (Мәтʹәлок 18:10).

[Шькьл сәр рʹупʹела 11]

Ԝәʹде бәре щьна мәрьв нәхԝәш дьхьстьн у ԝана дьпʹьрпьтандьн

[Шькьл сәр рʹупʹела 12]

Иро жи щьн һьнә мәрьва дәʹв дьдьн, кӧ зорбәтийе бьдьнә мәрийа; у һьнәка жи бь хәԝнед хоф дьчәрчьриньн