Йаһоԝарʹа Ԛӧльх кә, Нә кӧ Шәйтʹан Мире-щьнарʹа
Щәм һәр кәса жь мә һәйә бьжартьн. Ләма жи әм гәрәке бьжберьн, кʹерʹа ԛӧльх кьн Йаһоԝарʹа, йан Шәйтʹан у щьнед ԝирʹа. Чьмки әм нькарьн һәрдарʹа ԛӧльх кьн. Бь растийе жи чьԛас бь билани йә кӧ Йаһоԝарʹа ԛӧльх кьн!
Йаһоԝа Хԝәдейе Ԛәнщ ә
Чаԝа кӧ әм пеһʹәсийан, щьна хԝәш те мәрийа бьчәрчьриньн у бьхальфиньн. Ле Йаһоԝа Хԝәде тьштед ӧса накә. Әԝ мәрийа ӧса һʹәз дькә, чаԝа кӧ бав зарʹед хԝә һʹәз дькә. Хенщи ве йәке, әԝ һәйә Канийа «һәр дайина ԛәнщ у һәр пʹешкʹеша кʹамьл» (Аԛуб 1:17). Йаһоԝа тʹӧ тьштед ԛәнщ жь инсанәте кем накә, чьмки әԝ мәрийа ӧса ԛайим һʹәз дькә, кӧ һәла һе Кӧрʹе хԝәйи тайе тʹәне жи бона мә кьрә ԛӧрбан (Әфәси 2:4-7).
Дьшьрмиш бә дәрһәԛа ԝе йәке кӧ чь дькьр Иса Мәсиһ, чахе ль сәр әʹрде бу. Мәсәлә әԝи лал ԛәнщ дькьрьн, чʹәʹве кора вәдькьрьн. Әԝи ӧса жи йед кʹоти у сәԛәт ԛәнщ дькьрьн. Щьн жь мәрийа дәрдьхьстьн, у һʹәму щурʹә нәхԝәши ԛәнщ дькьрьн. Хенщи ве йәке, Иса бь ԛәԝата Хԝәде һәла һе мьри жи сах дькьрьн (Мәтта 9:32-35; 15:30, 31; Луԛа 7:11-15).
Хԝәде тʹӧ щар дәрәԝа накә у мәрийа жи нахальфинә. Әԝ тʹьме рʹастийе хәбәр дьдә у тʹӧ кәси нахапинә (Жьмар 23:19).
Жь Шьхӧлед Нәтʹәмьз Хԝә Дур Бьгьрә
Чаԝа коне пире, меше зәфт дькә, ӧса жи һʹәбандьна ԛәлп у әʹдәтед кӧ ль сәр һʹиме дәрәԝийа Шәйтʹан Мире-щьна нә, бь милйона мәрьва дьхальфиньн. Ле гәло әв дәрәԝ чь нә? Әв һәйә тьрс һьндава мьрийа у щьна. Хенщи ве йәке, фькьред дәрһәԛа тьштед ӧса чаԝа ньфьрʹкьрьн, щәдӧкьрьн, бәньккьрьн, тʹәлисмә, морийед чʹәʹва у нишана нәзәре (амулет), рʹьһʹәтийе надьнә ԝан. Демәк әв мәрьв һатьнә гьредане бь һинкьрьн у әʹдәтед кӧ ль сәр һʹиме дәрәԝийа Шәйтʹан Мире-щьна нә. Ле ԛӧльхкʹаред Йаһоԝа накʹәвьнә нава ван һʹәму шьхӧлед нәтʹәмьз.
Йаһоԝа Хԝәде жь Шәйтʹан Мире-щьна ԛәԝаттьр ә. У һәгәр тӧ Йаһоԝарʹа ԛӧльх ки, әԝе тә жь щьна хԝәй кә (Аԛуб 4:7). Һәгәр тәрʹа щәдӧ жи бькьн, ԝе сәр тә һʹӧкӧм нәкә. Мәсәлә дь Нижәрйада се сербазед ԛәԝи бь щәдӧкьрьнед хԝә, хԝәстьн йәк жь Шәʹдед Йаһоԝа бькӧштана, кʹижани кӧ инкʹар кьр жь шәһәр дәркʹәвә. Чахе щәдӧйед ԝан ль сәр Шәʹде Йаһоԝа һʹӧкӧм нәкьрьн, һьнге йәк жь ԝан сербаза ӧса тьрсийа кӧ чу щәм ԝи, у һиви дькьр ԝәки әԝ бьбахшинә.
Һәгәр щьн тә дьчәрчьриньн, наве Йаһоԝа һьлдә у әԝе тә хԝәй кә (Мәтʹәлок 18:10). Ле сәва кӧ хԝәйкьрьна Хԝәде бьстини, тӧ гәрәке хԝә тʹәмьз ки, демәк щәм хԝә нәһели ԝан һʹәму тьшта, чь кӧ сербазийева у һʹәбандьна щьнава тʹәвгьредайи нә. Ԛӧльхкʹаред Йаһоԝа Хԝәде дь Әфәса бәреда, һәма ӧса жи кьрьн. Ԝана тʹоп кьр һʹәму кʹьтебед хԝәйә сербазийе у шәԝьтандьн (Кʹаред Шандийа 19:19, 20). Рʹожа иройин Шәʹдед Йаһоԝа гәрәке һәма ӧса жи бькьн. Щәм хԝә нәһелә, демәк жь хԝә дурхә тьштед ӧса ча щәдӧ, морийед чʹәʹва, нишана нәзәре, тʹәлисмә, кʹьтебед сербазийе у тьштед кӧ сербазийева тʹәвгьредайи нә у йан чь жь хьрабийе хԝәй дькьн.
Пьштгьрийа Һʹәбандьна Рʹаст Бькә
Сәва кӧ дьле Хԝәде ша кьн, бәс нинә кӧ тʹәне һʹәбандьна ԛәлп инкʹар кьн, у тьштед хьраб жи нәкьн. Лазьм ә бәрдәԝан кьн бь хирәт пьштгьрийа һʹәбандьна рʹаст бькьн. Дь Кʹьтеба Пирозда ньвисар ә, кӧ әм чь гәрәке сәва ве йәке бькьн:
Һәләԛәтийа Тә Бьра Тʹәви Шәʹдед Йаһоԝа Һәбә
Ль сәр әʹрде мәрьвед Шәйтʹан у щьна һәнә, йед кӧ дәрәԝийе һин дькьн у тьштед хьраб жи дькьн. Ле щьмәʹта Йаһоԝа жи һәйә. Әԝ Шәʹдед Йаһоԝа нә (Ишайа 43:10). Ль нав тʹәмамийа дьнйайеда әԝана ԝәкә һʹәйшт милйона нә. Әԝана һʹәмушк жь алийе хԝәда һʹәму тьшти дькьн, кӧ мәрийарʹа ԛәнщийе бькьн, у рʹастийе жи һин дькьн. Дь гәләк ԝәлатада тӧ дькари Шәʹдед Йаһоԝа дь Одед Щьватеда бьвини. Ль ԝьр әԝана ԝе гәләк ша бьн, чахе тә бьвиньн.
Шәʹдед Йаһоԝа али гәләк мәрийа дькьн, ԝәки Хԝәдерʹа ԛӧльх кьн. Әԝана ԝе бь дьл у щан тʹәви тә һинкьрьна Кʹьтеба Пироз малда дәрбаз кьн. Әԝана ԝе ӧса жи али тә бькьн пебьһʹәси, кӧ ча гәрәке рʹаст Хԝәдерʹа ԛӧльх ки. Шәʹдед Йаһоԝа һинкьрьна Кʹьтеба Пироз бе пʹәрә дәрбаз дькьн. Әԝана пʹьрʹ ша нә кӧ рʹастийе мәрийа һин кьн, чьмки әԝана Йаһоԝа Хԝәде у мәрийа һʹәз дькьн.
[Шькьл сәр рʹупʹела 23]
Кӧрʹе Хԝәде Иса мәрьвед нәхԝәш ԛәнщ дькьрьн, у бь ве йәке һʹәзкьрьна хԝә дьда кʹьфше
[Шькьл сәр рʹупʹела 24]
Әфәсийа кʹьтебед хԝәйә сербазийе шәԝьтандьн
[Шькьл сәр рʹупʹела 25]
Тʹьме ль сәр щьвата Шәʹдед Йаһоԝа һазьр бә (Ибрани 10:24, 25).
[Шькьл сәр рʹупʹела 25]
Кʹьтеба Пироз һин бә (Йуһʹәнна 17:3).
[Шькьл сәр рʹупʹела 26]
Мәрийарʹа даннасин бькә (Мәтта 24:14).
[Шькьл сәр рʹупʹела 26]
Бьньхӧмә (Кʹаред Шандийа 2:41).
[Шькьл сәр рʹупʹела 26]
Йаһоԝарʹа дӧа бькә (Филипи 4:6, 7).
[Шькьл сәр рʹупʹела 27]
Шәʹдед Йаһоԝа ԝе али тә бькьн кӧ Хԝәдерʹа ԛӧльх ки