Тӧ Һазьр и Мәкʹтәба сәва Мьзгинванед Пʹадшатийеда Һин би?

Тӧ әʹмьрда жь 23 һʹәта 65 сали йи у тӧ пешәнге һәртʹьм и? Сьһʹәт-ԛәԝата тә баш ә у тӧ дькари ԝан щийа хьзмәт ки, кʹидәре кӧ һʹәԝщәтийа мәзьн һәйә? Һәрге щаба тә сәр ԝан пьрса «бәле» йә, ԛә тӧ фькьрийи ԝәки бланке бона Мәкʹтәба сәва Мьзгинванед Пʹадшатийе тʹьжә ки? Жь мәкʹтәба пешьн дәстпебуйи бь һʹәзара щотед зәԝьщи ӧса жи хушк у бьред азәп әв бланк тʹьжә кьрьнә. Ле диса жи лазьм ә, ԝәки һе зедә бьред азәп әве бланке тʹьжә кьн. Жь Йаһоԝа бьхԝазә, кӧ хԝәстьна тә зедә кә, ԝәки дьле ԝи ша ки у чʹәʹв бьди Кӧрʹе ԝи (Зб. 40:8; Мт. 20:28; Ибр. 10:7). Паше бьфькьрә, ԝәки тӧ чаԝа дькари хәбат йан һьнә щабдарийед хԝәйә дьн кем ки, кӧ бькарьби әве мәкʹтәбе дәрбаз би.

Йед кӧ ве мәкʹтәбеда һин бунә, бона ԝан чь мәщал хьзмәтийеда вәбунә? Һьнәк хушк-бьра щийед ӧса һатьнә кʹьфшкьрьне кӧ сәр зьмане хәриб хьзмәт кьн, йан жи пе стенда ԝан щийа хьзмәт кьн, кʹидәре кӧ гәләк мәрьв тʹоп дьбьн. Ле хьзмәткʹаред дьн жи һатьнә кʹьфшкьрьне ча аликʹарчийе бәрпьрсийаре мьһале, бәрпьрсийаред мьһале йан жи ча мисйонер. Чахе тӧ дьфькьри кӧ һе зедә хьзмәтийеда бьки, бьра ньһерʹандьна тә мина йа Ишайа бә, кʹижани гот: «А вай әз, мьн бьшинә!» (Иш. 6:8).

БЬНЬҺЕРʹЬН ВИДЕО «МИСЙОНЕР НАНДЬРУНА РʹӦҺʹАНИДА КʹАР ДЬКЬН» У ПАШЕ ЩАБА ԜАН ПЬРСА БЬДЬН:

• 

  Мисйонер чаԝа тенә кʹьфшкьрьне?

• 

  Мисйонер кʹижан шьхӧлед баш дькьн?

• 

  Хьзмәтийа мисйонерти чь кʹәрәма тинә?