Әм жь Әʹмьре Самуйел Чь Һин Дьбьн?

Самуйел нава тʹәмамийа жийина хԝәда Йаһоԝарʹа амьн бу. Чахе әԝ бьчʹук бу, әԝи чʹәʹв нәда кӧрʹед Әли, Һофни у Пинһас, кʹижана кӧ хьраби дькьрьн (1 См. 2:22-26). Йаһоԝа тʹьме тʹәви Самуйел бу (1 См. 3:19). Чахе Самуйел әʹмьрда мәзьн бу, әԝи диса жи бь амьни Йаһоԝарʹа хьзмәт дькьр, һәла һе ԝи чахи жи гава кӧрʹед ԝи хьраби дькьрьн (1 См. 8:1-5).

Әм чь дькарьн жь мәсәла Самуйел һин бьн? Һәрге тӧ щаһьл и, баԝәр бә кӧ Йаһоԝа дьвинә тӧ рʹасти чь чәтьнайа тейи у фәʹм дькә, ԝәки чь сәр хԝә тʹәхмин дьки. Әԝ дькарә али тә бькә, ԝәки тӧ мерхас би (Иш. 41:10, 13). Ле һәрге зарʹа тә һәйә у әԝ Йаһоԝарʹа хьзмәт накә, мәсәла Самуйел дькарә тә ԛәԝи кә. Самуйел дькарьбу зоре бькьра сәр зарʹед хԝә, ԝәки Йаһоԝарʹа амьн бьминьн, ле әԝи әв дәрәщә да дәсте Йаһоԝа, Баве хԝәйи әʹзмана. Һьм жи әԝи дина хԝә педа дабу сәр ве йәке, кӧ амьнийа хԝә хԝәй кә у дьле Йаһоԝа ша кә. Дьԛәԝьмә мәсәла тәйә баш, зарʹа тә һелан кә, ԝәки вәгәрʹә щәм Йаһоԝа.

БЬНЬҺЕРʹЬН ВИДЕО «ЖЬ САМУЙЕЛ ҺИН БЬН» У ПАШЕ ЩАБА ԜАН ПЬРСА БЬДЬН:

• 

  Чахе Самуйел бьчʹук бу, әԝи ча мерхаси да кʹьфше?

• 

  Дени ча мерхаси да кʹьфше?

• 

  Чахе Самуйел әʹмьрда мәзьн бу, әԝи чь мәсәлә һишт?

• 

  Де-баве Дени чь мәсәләкә баш һиштьн?