Се Тьшт кӧ Итʹбарийа Мә Һьндава Йаһоԝа Ԛәԝи Дькьн

Даԝьд Голйатʹ алт кьр, чьмки итʹбарийа хԝә Йаһоԝа дьани (1 См. 17:45). Йаһоԝа дьхԝазә ԛәԝата хԝә бона кʹара хьзмәткʹаред хԝә бьдә хәбате (2 Др. 16:9). Ча әм дькарьн бьдьнә кʹьфше, ԝәки әм итʹбарийа хԝә нә кӧ фәрәсәт у аԛьле хԝә, ле аликʹарийа Йаһоԝа тиньн? Дина хԝә бьдьнә се тьшта, кӧ али мә дькьн итʹбарийа хԝә Йаһоԝа биньн:

• Тʹьме дӧа бькә. Дӧа бькә нә тʹәне бона бахшандьна шашийед хԝә, ле сәва кӧ Хԝәде ԛәԝате бьдә тә, ԝәки ԝәʹде щерʹьбандьна шашийа бәрʹнәди (Мт. 6:12, 13). Дӧа бькә нә тʹәне сәва кӧ Йаһоԝа сафикьрьна кӧ тә ида кьрийә, кʹәрәм кә, ле ԝәки әԝ биланийе бьдә тә пешийа кӧ сафикьрьнәке бьки (Аԛб. 1:5).

• Хԝәрʹа бькә хәйсәт һәр рʹож Кʹьтеба Пироз бьхуни у леколин ки. Һәр рʹож Кʹьтеба Пироз бьхунә (Зб. 1:2). Сәр мәсәлед жь Кʹьтеба Пироз бьфькьрә, ԝәки жь мәсәла ԝан хԝәрʹа дәрса һьлди у жийина хԝәда бьди хәбате (Аԛб. 1:23-25). Нәфькьрә ԝәки тӧ ида йәки щерʹьбанди йи у хԝәда баԝәр нибә, ле пешийа кӧ дәркʹәви хьзмәтийе, хԝә рʹьнд һазьр кә. Хԝә пешда бона щьвата һазьр кә, ԝәки бь тʹәмами жь щьвата кʹаре бьстини.

• Тʹәви тʹәшкиләта Йаһоԝа һәвкʹарийе бькә. Һаш жь рʹебәрийед тʹәшкиләте һәбә у дәрберʹа пәй ван рʹебәрийа һәрʹә (Жм. 9:17). Гӧһ бьдә рʹуспийа гава әԝана ширәт у рʹебәрийа дьдьн (Ибр. 13:17).

БЬНЬҺЕРʹЬН ВИДЕО «ТʹӦ МӘʹНИ ТʹӦНӘ КӦ ПӘЙКʹӘТЬНА БЬТЬРСЬН» У ПАШЕ ЩАБА ԜАН ПЬРСА БЬДЬН:

• Чьрʹа тьрс кʹәтә дьле хушк-бьред мә?

• Чь али ԝан кьр тьрса хԝә алт кьн?