Кани бона Бәрнама Щьвине, Бьжин у Хьзмәт кьн
© 2024 Watch Tower Bible and Tract Society of Pennsylvania
2-8 ИЛОНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 79-81
(Зәбур 79:9)
9 Бона хатьре наве Хԝә али мә бькә, Хԝәдейе азадийа мә. Бона рʹумәта наве Хԝә мә хьлаз кә у гӧнәйед мә афу кә.
(Зәбур 80:18)
18 Әме иди жь Тә дур нәкʹәвьн, мә сах кә у әме гази наве Тә кьн.
(Зәбур 81:13)
13 Һәгәр щьмәʹта Мьн гӧһдарийа Мьн бькә у Исраел рʹийа Мьнда һәрʹә,
(Зәбур 81:16)
16 Ле Әзе гәньме кʹьрʹьк тә бьдьмә хԝарьне у һьнгьве жь ԛәйе тә бьдьмә тʹеркьрьне».
Һʹәзкьрьне Һьндава Наве Йаһоԝайә Рʹумәт Бьдьнә Кʹьфше
ijwbv 3 ¶4-5
Рʹомайи 10:13—«Кʹи Гази Наве Хӧдан кә, Ԝе Хьлаз бә»
Кʹьтеба Пирозда гьли-готьна ‹гази наве Хӧдан кьн› һе зедә тьшт те һʹәсабе, нә кӧ тʹәне наве Хԝәде бьзаньбьн у һʹәбандьнеда бьдьнә хәбате (Зәбур 116:12-14). Әв йәк ӧса жи те һʹәсабе итʹбарийа хԝә Хԝәде биньн у аликʹарийе жь Ԝи бьхԝазьн (Зәбур 20:7; 99:6).
Наве Хԝәде бона Иса гәләк фәрз бу. Дӧайе кӧ Иса мәрьва һин дькьр, ӧса дәстпедьбә: «Баве мәйи әʹзмана, бьра наве тә пироз бә» (Мәтта 6:9). Иса ӧса жи һин дькьр, ԝәки һәр кәсе кӧ дьхԝазә әʹмьре һʹәта-һʹәтайе бьстинә, гәрәке ԝи Кәси, кʹи кӧ хԝәйе ви нави йә, нас кә, һʹәз бькә у гӧрʹа ԝи бькә (Йуһʹәнна 17:3, 6, 26).
Хьзна Кʹьтеба Пироз
(Зәбур 80:1)
1 Шьване Исраеле, гӧһ бьдә, Тӧ мина кәре пез рʹебәрийа Усьв дьки! Йе сәр херуба рʹуньшти, Тӧ гӧл дьди,
it-2 111
Усьв
Наве Усьв Әʹйан Дьбә. Усьв нава кӧрʹед Аԛубда щийе бьльнд дьгьрт, ләма жи әʹщебмайи нинә, кӧ щара һʹәму бәрәкед Исраелийа (Зб. 80:1), йан жи әв бәрәк, йед кӧ ԝәхт шунда бунә пʹара пʹадшатийа бакӧре, бь наве ԝи тенә навкьрьне (Зб. 78:67; Ам. 5:6, 15; 6:6). Наве ԝи ӧса жи пʹехәмбәртийед Кʹьтеба Пирозда һәйә. Хәԝн-хәйала пʹехәмбәрти, йа Һәзәԛелда, миратʹа Усьв дӧбарә бу (Һз. 47:13). Шәһәрәкида бь наве «Йаһоԝа Ԝедәре йә», наве дәргәһәки данибун Усьв (Һз. 48:32, 35). Гава хәбәрдан дьчә, ԝәки Исраел ԝе диса бьбә щьмәʹта Йаһоԝайә тʹәк, дәрһәԛа Усьв те готьне, кӧ әԝе бьбә сәрԝере пʹарәкә ви мьләти, у сәрԝере пʹара дьн ԝе Щьһуда бә (Һз. 37:15-26). Чаԝа кӧ пʹехәмбәртийа Обадйа дьдә кʹьфше, «Мала Усьв» ԝе кʹар бькә ве йәкеда, кӧ ԛьрʹа «Мала Әсаԝ» бинә (Об. 18, ИМ), у ль гора пʹехәмбәртийа Зәкәрйа, Йаһоԝа ԝе «Мала Усьв» хьлаз кә (Зәк. 10:6, ИМ). Нава бәрәкед Исраела рʹӧһʹанида, нә кӧ дәрһәԛа Әфрайим те готьне, ле дәрһәԛа Усьв (Әʹнт. 7:8).
Әв йәк кӧ кʹьтеба Әʹйанти 7:8-да дәрһәԛа Усьв те готьне, дьдә кʹьфше, ԝәки пʹехәм-бәртийа кӧ Аԛуб бәр мьрьне готьбу, дәрһәԛа Исраела рʹӧһʹани бу. Һежа йә дина хԝә бьдьне, ԝәки «Зоре Аԛуб», демәк Йаһоԝа Хԝәде, Иса Мәсиһ ча Шьване ԛәнщ шанд, йе кӧ әʹмьре хԝә бона «пәзед» хԝә бәрва да (Йн. 10:11-16). Иса Мәсиһ ӧса жи кәвьре әʹнишке йә, сәр кʹижани пʹарьстгәһа Хԝәде сәкьни йә, йа кӧ жь Исраелед рʹӧһʹани йә (Әф. 2:20-22; 1 Пт. 2:4-6). Әв Шьван у Кәвьр тʹәви Хԝәдейе Һьмзор ә (Йн. 1:1-3; Кʹр.Шн. 7:56; Ибр. 10:12; бәрамбәр кә Дсп. 49:24, 25).
9-15 ИЛОНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 82-84
(Зәбур 84:1-3)
1 Чьԛаси хԝәш ьн щи-ԝаре Тә, Хӧдане Ордийа! 2 Нәфса мьн һʹәйр у дәмана һʹәԝшед Хӧданда йә, дьл у бәдәна мьн пе Хԝәдейе зенди әшԛ у ша йә. 3 Чʹьвике жи мал дит, дувмәԛәске жи һелун дани, кӧ щущукед хԝә ԝьр дайнә, щәм горигәһед Тә, Хӧдане Ордийа, Пʹадшайе мьн у Хԝәдейе мьн.
(Зәбур 84:10)
10 Рʹаст рʹожәкә һʹәԝша Тәда, жь һʹәзар рʹожед дәрәкә четьр ә. Ԛәнщ ә бәр шемика Хана Хԝәдейе хԝә бьм, нә кӧ малед нәпʹакада әз бьжим.
(Зәбур 84:11)
11 Чьмки Хӧдан Хԝәде тәʹв у мәртʹал ә. Хӧдан кʹәрәм у рʹумәте дьдә, Әԝ тʹӧ ԛәнщийе жь сәр ԝан набьрʹә, кʹижан кӧ дьжин беләкʹә.
Ԛәдьре кӧ Ԝәрʹа Һатийә Дайине Бьшекьриньн
ԝ08 15/7 30 ¶3-4
Нетед Билан Дайнә Пешийа Хԝә у Шабуна Хԝә Ӧнда Нәкә
Жь бо әʹмьре мәзьн йан жи сьһʹәт-ԛәԝата хьраб, әм нькарьн һаԛас хьзмәт кьн, чьԛас кӧ дьхԝазьн. Һәрге зарʹед тәйә бьчʹук һәнә, тәрʹа дькарә бе кʹьфше, ԝәки тӧ ԝәʹде һинбуна шәхси у сәр щьвата һаԛас гӧһдар нини, чьмки ԝәʹдә у ԛәԝата тә сәр зарʹед тә те хәрщкьрьне. Ле гәло ӧса дәрнайе, кӧ гава тӧ бь зедәйи дина хԝә дьди сәр ве йәке, чь кӧ жь ԛәԝата тә дәр ә, тӧ ве йәке дәст хԝә дьки, чь кӧ тӧ бь рʹасти дькари бьки?
Бь һʹәзара сала пешда, йәки Леԝи тьштәки ӧса хԝәст бькә, чь кӧ ԝе тʹӧ щар нькарьбуйа бькьра. Һәр сал жерʹа ԛәдьр дьһатә дайине, ԝәки дӧ һʹәфтийа пʹарьстгәһеда хьзмәт кә. Ле әԝи дьхԝәст тʹьме бәр ԛӧрбангәһе хьзмәт кә, у әԝ һежайи пʹайа бу (Зб. 84:1-3). Гәло чь али ԝи мере амьн кьр, ԝәки шабуна хԝә ӧнда нәкә? Әԝи фәʹм дькьр, ԝәки һәма рʹожәке жи һʹәԝша пʹарьстгәһеда бә, әв ида ԛәдьрәки мәзьн бу (Зб. 84:4, 5, 10). Әв мәсәләкә баш ә бона мә. Дәԝса кӧ әм дина хԝә бьдьнә ве йәке, чь кӧ жь ԛәԝата мә дәр ә, дьһа баш ә әм дина хԝә бьдьне, кӧ әм чь дькарьн бькьн у ве йәке бьшекьриньн.
Хьзна Кʹьтеба Пироз
(Зәбур 82:3)
3 Һәԛийе ль бәләнгаз у сеԝийа бькьн, һьндава фәԛир у кʹәсибда сәр рʹастийе бьн.
it-1 816
Етʹим
Йаһоԝа дьгот, ԝәки әв йәк кӧ Исраели һьндава етʹимада чаԝа бун, рʹастийа ԝан дьда кʹьфше, чьмки мәрьва гәләк щар дькарьбун гӧһ нәдьнә етʹима. Чахе щьмәʹта Исраел рʹӧһʹанида ԛәԝи бу, ԝи чахи ԝана бона етʹима хәм дькьр. Ле гава ԝәлатда нәһәԛи дькьрьн, һьнге бона етʹима хәм нәдькьрьн у әв йәк нишана ве йәке бу, кӧ әԝана рʹӧһʹанида сьст бьбун (Зб. 82:3; 94:6; Иш. 1:17, 23; Йер. 7:5-7; 22:3; Һз. 22:7; Зәк. 7:9-11; Млх. 3:5). Ньфьрʹе Йаһоԝа сәр ԝан мәрьва бу, кʹе кӧ һьндава етʹимада һәԛ нибун (Ԛн.Дщ. 27:19; Иш. 10:1, 2). Йаһоԝа дьгот, кӧ әԝ Аликʹаре сеԝийа йә (Мтʹл. 23:10, 11), Әԝ Пьштован (Зб. 10:14) у Баве ԝан ә (Зб. 68:5). Әԝ һәԛийе ль сеԝийа дькә (Ԛн.Дщ. 10:17, 18), рʹәʹма хԝә һьндава ԝанда дьдә кʹьфше (Һс. 14:3), пьштгьрийа ԝан дькә (Зб. 146:9) у әʹмьре ԝан хԝәй дькә (Йер. 49:11).
Мәсиһийед рʹаст бь ве йәке тенә наскьрьне, кӧ али жьнәбийа у етʹима дькьн. Аԛуб Мәсиһийарʹа ньвиси: «Ль бәр Бав Хԝәдейе мә хԝәденасийа рʹаст у беԛӧсур әв ә: Тәʹли-тәнгийада дәст бавежьнә сеԝийа у жьнәбийа у һʹәвза хԝә жи жь ләкʹед дьне бькә» (Аԛб. 1:27).
16-22 ИЛОНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 85-87
(Зәбур 86:4)
4 Дьле хӧламе Хԝә ша кә, Хӧдано, кӧ гӧмана мьн ль сәр Тә йә.
(Зәбур 86:11, 12)
11 Хӧдан рʹийа Хԝә мьн һин кә, кӧ әз рʹастийа Тәда һәрʹьм, бькә кӧ дьле мьн жь наве Тә хоф бькә. 12 Бь тʹәмамийа дьле хԝә әзе шькьрийе бьдьмә Тә, Хӧдан Хԝәдейе мьн у һʹәта-һʹәтайе рʹумәте бьдьмә наве Тә.
(Зәбур 86:6, 7)
6 Бьбьһе Хӧдано, дӧайе мьн у дина Хԝә бьдә лавайед мьн. 7 Охьрме гьранда, Тә дькьм гази, Тӧ бона мьн дьби һәԝари.
Дӧа Али Мә Дькә Сәбьр кьн
ԝ12 15/5 25 ¶10
Гәло Тӧ Рʹумәта Йаһоԝа Әʹйан Дьки?
10 Сәва кӧ әм рʹумәта Йаһоԝа әʹйан кьн, әм гәрәке тʹьме дӧа бькьн (Рʹом. 12:12). Әм дькарьн у һьм жи гәрәке Йаһоԝарʹа дӧа бькьн, ԝәки әԝ али мә бькә ӧса жерʹа хьзмәт бькьн, чаԝа кӧ әԝ дьхԝазә. Ләма жи ԝе баш бә, ԝәки әм рʹӧһʹе пироз жь ԝи бьхԝазьн, кӧ әԝ баԝәрийа мә ԛәԝи кә, ԛәԝате бьдә мә, ԝәки нава щерʹьбандьнада амьн бьминьн у рʹаст Хәбәра Ԝи мәрьва һин кьн (2 Тимтʹ. 2:15; Мәт. 6:13; Луԛа 11:13; 17:5). Чаԝа кӧ зарʹ итʹбарийа хԝә баве хԝә тинә, әм жи гәрәке итʹбарийа хԝә Баве хԝәйи әʹзмана Йаһоԝа биньн. Һәрге әм жь ԝи лава дькьн, ԝәки али мә бькә, кӧ дьһа баш мьзгинийе бәла кьн, әм дькарьн баԝәр бьн, кӧ Әԝе дӧайед мә бьбьһе. Тʹӧ щар нәфькьрьн, ԝәки дӧайед мә бона ԝи баргьрани нә! Ԝәрә әм дӧайед хԝәда пәсьне ԝи бьдьн, рʹазибуна хԝә жерʹа әʹйан кьн у илаһи щерʹьбандьнада рʹебәрийе жь ԝи бьхԝазьн. Ӧса жи ԝәрә әм дӧа бькьн, ԝәки Хԝәде али мә бькә жерʹа хьзмәт кьн у наве ԝи пироз кьн (Зәб. 86:12; Аԛуб 1:5-7).
Хьзна Кʹьтеба Пироз
(Зәбур 86:11)
11 Хӧдан рʹийа Хԝә мьн һин кә, кӧ әз рʹастийа Тәда һәрʹьм, бькә кӧ дьле мьн жь наве Тә хоф бькә.
it-1 1058 ¶5
Дьл
Хьзмәтийа «Бь Һʹәмуйа Дьл». Дьле симболик жь дьле физики щӧдә дьбә, чьмки әв дькарә дӧпʹари бә. Даԝьд дӧа дькьр: «Дьләки йәкпʹарә бьдә мьн, сәва кӧ әз бьтьрсьм жь тә» (Зб. 86:11, ИМ). Әв дӧакьрьна ԝи дьдә кʹьфше, ԝәки дьле мәрьв дькарә дӧпʹари бә һьндава ве йәке, чь кӧ әԝ һʹьз дькә у дьтьрсә. Дьле мәрьве ӧса дькарә дӧпʹари бә у әԝ һʹәбандьнеда мина ава «голи» бә, демәк бе хирәт Хԝәдерʹа хьзмә кә (Зб. 119:113; Әʹнт. 3:16). Хенщи ԝе йәке чахе мәрьв дӧ ахарʹа ԛӧльх дькә йан жи дәрәԝа дькә, демәк тьштәки дьфькьрә, ле тьштәки дьн дьбежә, дьле ԝи дьбә дӧпʹари (1 Др. 12:33; Зб. 12:2). Иса дӧрʹути сәрт сущдар кьр, чьмки әв йәк дьдә кʹьфше, кӧ дьле мәрьв дӧпʹари йә (Мт. 15:7, 8).
23-29 ИЛОНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 88-89
(Зәбур 89:14)
14 Рʹасти у һәԛи әԝ бьнгәһед тʹәхте Тә нә, һʹӧб у амьни пешийа Тә дьчьн.
(Зәбур 89:15, 16)
15 Хԝәзи ль ԝе щьмәʹте, кӧ занә дәнг һьлдә щәжьнерʹа. Хӧдано, әԝ бь рʹонайа рʹуйе Тә дьмәшьн. 16 Тʹәмамийа рʹоже бь наве Тә ша дьбьн у бь азадийа Тә бьльнд дьбьн.
(Зәбур 89:34-37)
34 Пәймана Хԝә Әзе нәтʹәрʹьбиньм у созе жь дәве Хԝә дәрхьсти, нәгӧһезьм. 35 Щарәке Мьн пе пирозийа Хԝә сонд хԝарийә, тʹӧ щар Даԝьдрʹа хельф нәбежьм. 36 Зӧрʹәта ԝийе һʹәта-һʹәтайе бьминә, тʹәхте ԝи жи ԝәкә рʹойе ль бәр Мьн. 37 Мина һиве һʹәта-һʹәтайе ԝе ԛәдим бә, әʹзманда жи мина шәʹдәки амьн бә».
Сәрԝертийа Йаһоԝа Лапә Баш ә
ԝ14 15/10 10 ¶14
Бьра Баԝәрийа Ԝә Һьндава Пʹадшатийе Нәԛьлԛьлә
14 Ԝәрә әм дина хԝә бьдьне, кӧ Йаһоԝа чь соз да, гава тʹәви Пʹадше Исраелейә бәре, Даԝьд, пәйман гьреда (Бьхунә 2 Самуйел 7:12, 16). Йаһоԝа һьнге тʹәви Даԝьд әв пәйман гьреда, чахе әԝи Исраеледа сәрԝерти дькьр, у жерʹа соз да, кӧ Мәсиһ ԝе жь ԝи пешда бе (Луԛа 1:30-33). Ӧса Йаһоԝа һе зәлал кьр, ԝәки жь кʹижан рʹькʹьнйати ԝе зӧрʹәта создайи пешда бе у избат кьр, ԝәки зӧрʹәта Даԝьд ԝе бь ԛануни тʹәхте Пʹадшатийа Мәсиһити ԝар бә (Һәзԛл. 21:25-27). Бь сайа Иса, сәрԝертийа Даԝьд ԝе һʹәта-һʹәтайе бә. Бәле, зӧрʹәта Даԝьд ԝе «һʹәта-һʹәтайе бьминә, тʹәхте ԝи жи ԝәкә рʹойе» бә (Зәб. 89:34-37). Сәрԝертийа Мәсиһ ԝе тʹӧ щар һʹӧкӧме хԝә бь хьрабийе нәдә хәбате у чь кӧ әԝ бькә ԝе һʹәта-һʹәтайе бькʹьшинә.
Хьзна Кʹьтеба Пироз
(Зәбур 89:37, ИМ)
37 Ԝәк һива кӧ һәр у һәр дьминә, Ԝе әʹзман ԝәк шәʹде дьлсоз бә».
cl 281 ¶4-5
Йе Амьн Тʹәне Тӧ йи
4 Ньвисаред Ибранида хәбәра «амьн» те һʹәсабе ԛәнщи, йа кӧ тʹьме бь һʹәзкьрьне һьндава кәсәкида йан тьштәкида те әʹйанкьрьне, һʹәта кӧ нәгьһижә нета хԝә. Әв йәк дьһа зедә тьшт те һʹәсабе, нә кӧ тʹәне мәрьвнә дьлсоз бьн. Мәрьв жь бо борщдарийе дькарә дьлсозийа хԝә бьдә кʹьфше, ле амьни сәр һʹиме һʹәзкьрьне йә. Хенщи ве йәке, хәбәра «дьлсоз» дькарьн һьндава тьштед нәбинбәрда жи бьдьнә хәбате. Мәсәлә, зәбурбеж дәрһәԛа һиве дьбежә шәʹдәки «дьлсоз», чьмки әв тʹьме һәйә (Зәбур 89:37, ИМ). Ле дәрһәԛа һиве нькарьн бежьн, кӧ әв амьн ә. Гәло чьрʹа? Чьмки амьни әв һәйә әʹйанкьрьна һʹәзкьрьне, ле тьштед нәбинбәр нькарьн һәстед хԝә әʹйан кьн.
5 Кʹьтеба Пирозда хәбәра амьн те һʹәсабе һәстәки назьк у гәрм. Мәрьвед кӧ һьндава һәвда амьнийе дьдьнә кʹьфше у итʹбарийа хԝә һәвдӧ тиньн, һәвалтийа ԝан незик ә. Амьнийа ӧса найе гӧһастьне. Әв мина пʹелед бәʹре нинә, йед кӧ вьрда-ԝеда дьчьн тен. Амьни, демәк һʹәзкьрьна амьн, тʹӧ щар дәрбаз набә у һʹәму чәтьнайа сәбьр дькә.
30 ИЛОНЕ–6 ЩОТМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 90-91
(Зәбур 90:10)
10 Рʹожед әʹмьре мә һʹәфте сал ьн, һәгәр бь сьһʹәт-ԛәԝат һʹәйште сал бьн, диса рʹумәта ԝан зәʹмәт у кʹәдәр ә, әԝ зу дьбьһӧрьн, әм жи дьфьрʹьн дьчьн.
(Зәбур 90:2)
2 Бәри буйина чʹийа, бәри әʹфьрандьна әʹрде у тʹопа дьне, жь һәр-һәйе һʹәта һʹәтайе, Тӧ Хԝәде йи.
(Зәбур 21:4)
4 Әԝи жийин жь Тә хԝәст, Тә рʹожед дьрежә һәр-һәйе дане.
(Зәбур 91:16)
16 Әзе ԝи рʹожед дьрежва тʹер кьм у азадийа Хԝә нишани ԝи кьм».
Сәва кӧ Әʹмьре Ԝә Дьреж бә, Итʹбарийа Хԝә Йаһоԝа Биньн
Хьзна Кʹьтеба Пироз
(Зәбур 91:11)
11 Чьмки ԝе тʹәмийа тә бьдә мьлйакʹәтед Хԝә, кӧ һʹәму рʹе-дьрбед тәда тә хԝәй кьн.
7-13 ЩОТМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 92-95
(Зәбур 92:1)
1 Ԛәнщ ә шькьрийе бьдьнә Хӧдан у әшԛи наве Тә бьстьрен, Йе Һәри Жорьн,
(Зәбур 92:4)
4 Чьмки Тә, Хӧдан, әз ша кьрьм бь кьрьнед Хԝә, кьрьнед дәсте Тәрʹа әз гӧл дьдьм.
(Зәбур 92:5)
5 Чаԝа мәзьн ьн, Хӧдано, кьред Тә! Гәләки кʹур ьн шеԝьред Тә!
(Зәбур 92:12-15)
12 Рʹасте мина дара хӧрме гӧл дә, мина әрза Лӧбнане бьльнд бә, 13 әԝ Хана Хӧданда дачʹьканди нә, һʹәԝшед Хԝәдейе мәда гӧл данә. 14 Һʹәта мәзьнайийа хԝәда жи ԝе бәр бьдьн, тәрʹ у шин ԝе бьминьн, 15 ԝәки сальх кьн, кӧ Хӧдан рʹаст ә, Әԝ ԛәйайе мьн ә, нәһәԛи Ԝида тʹӧнә.
Жийина Лапә Баш Әв ә, кӧ Йаһоԝарʹа Хьзмәт кьн!
Хьзна Кʹьтеба Пироз
(Зәбур 92:5)
5 Чаԝа мәзьн ьн, Хӧдано, кьред Тә! Гәләки кʹур ьн шеԝьред Тә!
cl 176 ¶18
«Чьԛаси Кʹур ьн . . . Сәрԝахти у Занәбуна Хԝәде!»
18 Дина хԝә бьдьне кӧ Паԝлосе шанди дәрһәԛа сәрԝахтийа Йаһоԝа чь дьбежә: «Чьԛаси кʹур ьн дәԝләмәндти, сәрԝахти у занәбуна Хԝәде! Ԛьраред ԝи чьԛаси жь һʹьш-аԛьла дур ьн у кәс сәрәдәрийе жь рʹийед ԝи накә!» (Рʹомайи 11:33). Паԝлосе шанди һәстед хԝә һьндава сәрԝахтийа Әʹфьрандар да кʹьфше, кӧ әԝ чьԛас Ԝирʹа фьрнаԛ дьбә. Ньвисаред Йунанида ве рʹезеда хәбәрәкә ӧса һатийә хәбьтандьне, кӧ незики хәбәра «бебьн» ә. Әв йәк шькьләки бәдәԝ дьдә бәр чʹәʹве мә. Дьшьрмишбуна сәр биланийа Йаһоԝа мина ве йәке йә, кӧ дина хԝә бьдьнә гәлийа бебьни, йа кӧ ӧса мәзьн ә, ԝәки кʹурайа ве найе кʹьфше у нькарьн форм у деталед ве жи чап кьн (Зәбур 92:5). Гәло әв йәк али мә накә мьлук бьн?
14-20 ЩОТМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 96-99
(Зәбур 96:2)
2 Әшԛи Хӧдан бьстьрен, пәсьне наве Ԝи бьдьн, рʹож бь рʹож хьлазкьрьна Ԝи данасин кьн.
(Зәбур 96:12, 13)
12 Бьра әшԛ бьн дәшт у һәр тьштед навда нә, бьра ша бьн ль бәр Хӧдан, һʹәму даред дарьстен. 13 Чьмки Әԝ те, Әԝ те кӧ диԝана әʹрде бькә. Әԝе бь һәԛийе диԝана дьне бькә у мьләта бь рʹастийа Хԝә.
(Зәбур 99:1-3)
1 Хӧдан ә пʹадша! Бьра мьләт бьләрьзьн! Әԝ ль сәр херуба рʹудьни, бьра әʹрд бьһʹәжә. 2 Хӧдан мәзьн ә Сийонеда, Әԝ ль сәр һʹәму мьләтарʹа йә. 3 Бьра пәсьне наве Тәйи мәзьн у хоф бьдьн. Әԝ пироз ә!
«Хьлазкьрьна Ԝи Данасин кьн»!
ԝ11 1/3 6 ¶1-2
Мьзгинийа Хере Чь йә?
Мәсиһийарʹа шьхӧл һатийә дайине, ԝәки «мьзгинийа пʹадшатийа Хԝәде» бәла кьн, демәк мәрьварʹа бежьн, ԝәки әв һәйә сәрԝерти, йа кӧ ԝе бь һәԛи сәр тʹәмамийа дьнйайе һʹӧкӧм бькә. Хәбәра ‹мьзгини› Кʹьтеба Пирозда тʹәви щурʹә-щурʹә хәбәра те хәбьтандьне. Мәсәлә «мьзгина рʹьзгаркьрьна [хьлазкьрьна] ԝи бьдьн» (Зәбур 96:2, ИМ), «Мьзгинийа Хԝәде» (Рʹомайи 15:16), у «мьзгинийа дәрһәԛа Иса Мәсиһ» (Маркос 1:1).
Һәрге кьн бежьн Мьзгинийа хере әв ә, чь кӧ Иса мәрьва һин дькьр у чь кӧ шагьртед ԝи дьньвисин. Пешийа кӧ һәрʹә сәр әʹзмен, Иса готә пәйчуйед хԝә: «Ләма жи һәрʹьн, мәрьвед жь һʹәму мьләта бькьнә шагьртед мьн у ԝана бь наве Бав, Кӧрʹ у рʹӧһʹе пироз бьньхӧминьн, у һин кьн, ԝәки әԝ һʹәму тʹәмийед кӧ мьн данә ԝә, биньн сери» (Мәтта 28:19, 20). Әв те һʹәсабе, ԝәки Мәсиһийед рʹаст нә кӧ гәрәке тʹәне мьзгинийа дәрһәԛа Пʹадшатийа Хԝәде бәла кьн, ле ӧса жи мәрьва бькьнә шагьрт.
ԝ12 1/9 16 ¶1
Рʹожа Диԝанкьрьне Ԝе Чь Бьԛәԝьмә?
Чаԝа жь шькьле мьле рʹасте те кʹьфше, гәләк мәрьв дьфькьрьн, ԝәки Рʹожа Ахрәте, рʹӧһʹед бь милйона мәрьва ԝе бәр тʹәхте Хԝәде бьсәкьньн, у бона кьред хԝәйә бәре бенә диԝанкьрьне. Һьнәк жь ԝан ԝе бенә хәлаткьрьне, демәк әʹмьре әʹзмани бьстиньн, ле йед дьн ԝе щәʹньмеда бьчәрчьрьн. Ле Кʹьтеба Пироз дьбежә, ԝәки нета Рʹожа Ахрәте әԝ ә, кӧ мәрийа жь нәһәԛийе аза кә (Зәбур 96:13). Иса алийе Хԝәдеда һатийә кʹьфшкьрьне ча Һʹакьм, ԝәки бона мәрийа һәԛийе вәгәрʹинә (Бьхунә Ишайа 11:1-5; Кʹаред Шандийа 17:31).
ԝ12 15/9 12 ¶18-19
Әʹдьлайа Һʹәзарсали у жь ве Зедәтьр жи!
Әв әʹдьлайи һатә тʹәрʹьбандьне, чахе мәрьв бьн һʹӧкӧме Мире-щьна һьмбәри сәрԝертийа Йаһоԝа дәркʹәтьн. Ле жь сала 1914, Пʹадшатийа Мәсиһити һәр тьшти дькә, ԝәки йәктийе у әʹдьлайе вәгәрʹинә (Әфәс. 1:9, 10). Ԝәʹде Сәрԝертийа Һʹәзарсали ԝе тьштед ӧса бьԛәԝьмьн, чь кӧ иро «нәхӧйа» нә. Паше Сәрԝертийа Исайә Һʹәзарсали ԝе хьлаз бә. Гәло паше чь ԝе бьԛәԝьмә? Рʹаст ә Исарʹа «һʹәму һʹӧкӧм һатийә дайине ль сәр әʹзмен у ль сәр әʹрде», ле әԝ пәй ве йәке накʹәвә, кӧ наве хԝә бьльнд кә. Нета ԝи әԝ нинә кӧ дәԝса Йаһоԝа бьгьрә. Әԝе бь мьлукти «пʹадшатийе бьдә дәсте Бав Хԝәде» у ԝе һʹӧкӧме хԝә «бона рʹумәта Бав Хԝәде» бьдә хәбате (Мәт. 28:18; Фили. 2:9-11).
19 Ԝи чахи, һʹәму бьнәлийед Пʹадшатийа Хԝәде сәр әʹрде ԝе бьбьнә беԛьсур. Әԝана ԝе чʹәʹв бьдьнә Иса у бь мьлукти у һазьр-буне сәрԝертийа Йаһоԝа ԛәбул кьн. Ԝәʹде щерʹьбандьна пашьн, мәщала ԝан ԝе һәбә, ԝәки избат кьн, кӧ әԝана бь дьл у щан ве йәке дькьн (Әʹйан. 20:7-10). Паши ве йәкә, һʹәму мәрьв у мәләкед рʹабәр ԝе бенә кʹӧтакьрьне. Чьԛас ԝәʹдәки хԝәш ԝе бе! Тʹәмамийа малбәта Йаһоԝа ԝе рʹумәте бьдә Ԝи у «һәр тьштида әԝ бьбә Хԝәдейе һәр тьшти» (Бьхунә Зәбур 99:1-3).
Хьзна Кʹьтеба Пироз
(Зәбур 96:1)
1 Стьранәкә ну бьстьрен әшԛи Хӧдан, бьстьрен әшԛи Хӧдан тʹәмамийа әʹрде!
it-2 994
Кʹьлам
Зәбурда у ӧса жи ньвисаред Ишайа у Йуһʹәннайе шандида, дәрһәԛа «стьранәкә ну» те готьне (Зб. 33:3; 40:3; 96:1; 98:1; 144:9; 149:1; Иш. 42:10; Әʹнт. 5:9; 14:3). Һʹәчʹи зәʹф дәрәщада, контекста ве гьли-готьне дьдә кʹьфше, ԝәки «стьранәкә ну» ԝи чахи дьстьран, гава тьштәки мәхсус дьԛәԝьми, чь кӧ сәрԝертийа Йаһоԝава гьредайи бу. Мәсәлә, Зәбур 96:10-да дәрһәԛа әʹламәтикә ша те готьне: «Хӧдан ә Пʹадша!». Ча кʹьфш ә, стьрана ну бона дәрәщед тʹәзә бу, демәк дәрһәԛа мәзьнкьрьна сәрԝертийа Йаһоԝа у ӧса жи, кӧ әв йәк чь дьһатә һʹәсабе бона әʹрд у әʹзмана (Зб. 96:11-13; 98:9; Иш. 42:10, 13).
21-27 ЩОТМӘҺЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 100-102
(Зәбур 100:5)
5 Чьмки Хӧдан ԛәнщ ә, һʹӧба Ԝи һʹәта-һʹәтайе йә у амьнийа Ԝи жи ԛӧрʹнә-ԛӧрʹнә йә.
(Зәбур 101:2, 3)
2 Бь сәрԝахтийе әзе рʹийа беләкʹәда һәрʹьм. Кʹәнге Те бейи щәм мьн? Әзе мала хԝәда бь дьле рʹаст рʹабьм-рʹуним, 3 тьштед хьраб әзе нәйньмә бәр чʹәʹве хԝә, кьред нәһәԛа ль бәр чʹәʹве мьн рʹәш ьн, әԝе незики мьн нәбьн.
(Зәбур 101:5)
5 Әзе йе дьзива бӧхдан һәвал дькә рʹубари дьне нәһельм, йе чʹәʹвада кʹӧбар у дьлда бабах әз нькарьм сәбьр кьм.
Һʹәзкьрьна Амьн Йаһоԝарʹа Дьдьнә Кʹьфше
ԝ11 15/7 16 ¶7-8
Гәло Тӧйе Гӧһ Бьди Ширәтед Йаһоԝайә Зәлал?
7 Гәло әм ча хԝә жь дәрсдаред дәрәԝ хԝәй дькьн? Әм ԝана тʹәглифи мала хԝә накьн у сьлаве надьнә ԝан. Хенщи ве йәке, әм әʹдәбйәтед ԝан нахуньн, пе телевизийайе програмед ԝан наньһерʹьн, накʹәвьнә сәр малпәред ԝан у нә жи коментарийед хԝә дьһельн. Гәло әм чьрʹа ӧса дькьн? Жь бо һʹәзкьрьне. Әм «Хԝәдайе рʹастийе» һʹәз дькьн, ләма жи әм дина хԝә надьнә һинкьрьнед ԛәлп, йед кӧ мьԛабьли Хәбәра Хԝәде нә, чь кӧ һәйә «рʹасти» (Зб. 31:5, ИМ; Йн. 17:17). Әм ӧса жи тʹәшкиләта Хԝәде һʹәз дькьн, йа кӧ али мә кьрийә, дәрһәԛа наве Йаһоԝа, ԛьрара Хԝәде дәрһәԛа әʹрде, һʹале мьрийа у гӧмана сахкьрьна мьрийа, рʹастийе пебьһʹәсьн. Бинә бира хԝә, кӧ тә чь сәр хԝә тʹәхмин кьр, гава щара пешьн дәрһәԛа ван рʹастийа у рʹастийед дьнә ԛимәт пеһʹәсийайи. Бәле, әм гәрәке изьне нәдьнә ԝан мәрьва, йед кӧ дәрәԝийе бәла дькьн, ԝәки мә мьԛабьли ве тʹәшкиләте дәрхьн, бь сайа кʹижани әм рʹасти пеһʹәсийанә (Йн. 6:66-69).
8 Дәрсдаред дәрәԝин чь жи бежьн, әме пәй ԝан нәчьн! Чьрʹа әм гәрәке бәрбь биред зьһа һәрʹьн, кӧ пʹошман бьн у бенә хапандьне? Дьһа баш ә әм Йаһоԝарʹа у тʹәшкиләта ԝирʹа амьн бьминьн, бь сайа кʹижане әм рʹӧһʹанида тʹи ниньн у ава рʹастийе жь Хәбәра Хԝәде дьстиньн! (Иш. 55:1-3; Мт. 24:45-47)
Хьзна Кʹьтеба Пироз
(Зәбур 102:6)
6 Әз бум мина кӧнде бәрʹийе, ԝи буме кори хьрабада.
it-2 596
Кӧнде Бәрʹийе
Чахе кӧнд (пеликан) тʹер дьхԝә, әԝ дьфьрʹә щийед хәԝлә. Ԝедәре әԝ сәре хԝә кʹаши сәр намьлед хԝә дькә у щи наләԛә, у дурва ӧса те кʹьфше, кӧ те бежи әв кәвьре сьпи йә. Әв чʹьвик дькарә бь сьһʹәта ӧса бьсәкьнә у әв бәрамбәри ве йәке дьбә, гава мәрьв мәʹдәкьри йә у һʹәԝаса ви тьштәкирʹа тʹӧнә, дәрһәԛа чь жи зәбурбеж дьгот, гава бәʹса кӧл-дәрде хԝә дькьр: «Әз бум мина кӧнде бәрʹийе, ԝи буме кори хьрабада» (Зб. 102:6). Ве рʹезеда хәбәра «бәрʹийе», ча кʹьфш ә дәрһәԛа бәрʹийа реали найе готьне, ле дәрһәԛа ван щийа те готьне, кʹидәре кӧ мәрьв нажин, мәсәлә щийед щьмщьмә. Һьнә дәмсалада алийе бакӧра Урдӧне, щьмщьмә дьбә мала кӧнд. Исраеледа се щурʹә кӧнд һәнә. Йед лапә бәлабуйи кӧндед сьпи (Pelecanus onocrotalus), тʹәк-тʹәка дькарьн кӧндед кӧрушк бьвиньн (Pelecanus crispus) у кӧндед пьшта кʹижана рʹәнгед пәмбә йә (Pelecanus rufescens).
Кӧнд һʹәз дькьн щийед ӧса бьжин, кʹидәре кӧ мәрьв тʹӧнә нә. Әв чʹьвик һелунед хԝә чедькьн у щущька мәзьн дькьн, у чахе әԝана мәʹсийа дьгьрьн, диса вәдьгәрʹьн ԝедәре. Жь бо ве йәке кӧ кӧнд һʹәз дькьн хԝә башԛә кьн, Кʹьтеба Пирозда әв һәйә симбола валайе. Сәва кӧ бьдә кʹьфше, ԝәки Әдом ԝе бе валакьрьне, Ишайа пʹехәмбәртийа хԝәда гот, кӧ әв әʹрд ԝе бьбә ԝаре кӧндед бәрʹийе (Иш. 34:11). Гава Сефанйа пʹехәмбәрти кьр, ԝәки Нинәԝа ԝе бь тʹәмами бе ԝеранкьрьне у мәрьв теда нәминьн, әԝи гот кӧ сәр стунед ве кӧндед бәрʹийе ԝе бьжин (Сф. 2:13, 14).
28 ЩОТМӘҺЕ–3 МЬЖДАРЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 103-104
(Зәбур 103:8)
8 Дьлшәԝат у рʹәʹм ә Хӧдан, хԝәйе сәбьр-ськʹане у һʹӧбеда хьнейо.
(Зәбур 103:9, 10)
9 Әԝ һʹәта хьлазийе һерс накʹәвә, һʹәта-һʹәтайе кʹине нажо. 10 Әԝ ԝәкә гӧнәйед мә, сәре мә накә у ԝәкә нәһәԛийед мә надә бәр мә.
(Зәбур 103:14)
14 Чьмки Әԝ занә мәйа мә у бир тинә кӧ әм хали нә.
Әԝ Занә кӧ «Әм Хали нә»
Хьзна Кʹьтеба Пироз
(Зәбур 104:24)
24 Хӧдано, чьԛаси гәләк ьн кьред Тә! Һәр тьшт бь сәрԝахтийа Тә чебуйә, әʹфьринед Тәва әʹрд тʹьжи йә.
cl 55 ¶18
Ԛәԝата кӧ Дьәʹфьринә—«Әʹфьрандаре Әʹрд у Әʹзман»
18 Әм чь һин дьбьн жь ве йәк, кӧ Йаһоԝа ԛәԝата хԝә ча дьдә хәбате гава тьшта дьәʹфьринә? Чахе әм дәрһәԛа әʹфринед Йаһоԝа дьфькьрьн, әм һʹәйр-һʹӧжмәкʹар дьминьн. Щарәке зәбурбеж ӧса гот: «Хӧдано, чьԛаси гәләк ьн кьред Тә! . . . Әʹфьринед Тәва әʹрд тʹьжи йә» (Зб. 104:24) Әв хәбәрнә рʹаст ьн! Биолож дьбежьн, кӧ сәр әʹрде милйонәк зедәтьр әʹфринед бинбәр һәнә. Ле бь ньһерʹандьна һьнәка дьһа зедә һәнә. Һьнә нәԛьшкʹар тедәрдьхьн, ԝәки тʹӧ тьшт ида һʹьше ԝанрʹа дәрбаз набә, кӧ нәԛьш кьн. Ле мәщалед Йаһоԝа, кӧ тьшта бьәʹфьринә бе синор ьн у әԝ дькарә тьштед тʹәзә у нә мина һәв бьәʹфьринә.