Методед бона Һинбуна Шәхси у Ԛӧльхкьрьна Тʹәви Малбәте

Әм нә тʹәне сәр щьвата йан жи щьватед мәзьн Йаһоԝа дьһʹәбиньн, ле ӧса жи шәхси у тʹәви малбәта хԝә. Ԝәрә әм дина хԝә бьдьне, кӧ чь щурʹәйи әм дькарьн һинбуна шәхси у ԛӧльхкьрьна тʹәви малбәте дәрбаз кьн:

• Хԝә бона щьвата һазьр кьн. Мәсәлә, кʹьламед бона щьвате бьстьрен у али һʹәму нәфәред хԝә бькьн, ԝәки бона щьвате щабед хԝә һазьр кьн.

• Сәрһатикә Кʹьтеба Пироз бьхуньн. Паше, дәрһәԛа чь жи ԝә хԝәндийә, шькьл бьнәԛьшиньн. Йан жи бьньвисьн ԝәки һун жь ве сәрһатийе чь һин бунә.

• Лекʹолин кьн дәрһәԛа дӧаки, кʹижан кӧ Кʹьтеба Пирозда те готьне, у бьфькьрьн әԝ ча дькарә али ԝә бькә, ԝәки һун дӧайед хԝә баш кьн.

• Сәр jw.org видеойәки бьньһерʹьн у паше дәрһәԛа ве йәке тʹәви кәсәки шеԝьр кьн, йан жи һьнә фькьред жь ве видеойе хԝәрʹа бьньвисьн.

• Хԝә бона хьзмәтийе һазьр кьн у паше ча тʹәмашә нишан кьн.

• Дина хԝә бьдьнә тʹәбийәте у сәр ве йәке бьфькьрьн у шеԝьр кьн, кӧ әԝ дәрһәԛа Йаһоԝа чь мә һин дькә.a