Иса Һин бу Гӧһдар бә

Иса һәртʹьм гӧһ дьда Йаһоԝа (Йуһʹәнна 8:29). Һәрге ӧса йә, гәло Кʹьтеба Пироз чьма дьбежә кӧ Иса, «бь ԝан щәфайед хԝә гӧһдарийе һин бу» (Ибрани 5:8).

Гава Иса сәр әʹрде бу, жийина ԝи жь жийина сәр әʹзмана щӧдә бу. Мәсәлә, рʹаст ә де-баве ԝи Хԝәде һʹәз дькьрьн, йәкә әԝана мәрьвнә ԛьсурдар бун (Луԛа 2:51). Иса жь дәсте сәрԝеред религи у сәрԝеред дәԝләте рʹасти пәйкʹәтьна дьһат (Мәтта 26:59; Маркос 15:15). Хенщи ве йәке «әԝи хԝә ньмьз кьр у гӧһдар бу һʹәта мьрьне, бәле һʹәта мьрьна сәр стуна щәфе жи» (Филипи 2:8).

Бь сайа тьштед кӧ сәр әʹрде һатьнә сәре Иса, әԝ бь щурʹе тʹәзә һин бу гӧһдар бә. Ӧса әԝ бу Кʹаһине Мәзьн у Пʹадше беԛьсур, йе кӧ һʹале мә фәʹм дькә (Ибрани 4:15; 5:9). Бь сайа щәфа, Иса һин бу кӧ гӧһдар бә, у бь ве йәке әԝ бәр чʹәʹве Хԝәде бу йәки дьһа ԛимәт. Гава әм тәнгасийада гӧһдар дьминьн, әм жи бәр чʹәʹве Йаһоԝа дьһа ԛимәт дьбьн, у мәрʹа мәщал те дайине кӧ щурʹә-щурʹә щабдарийа биньн сери (Аԛуб 1:4).