Те Бира Ԝә?

Ԝә рʹьнд дина хԝә да готаред жь Бьрща Ԛәрәԝьлийе йед ве сале? Хԝә бьщерʹьбиньн, һәла һуне бькарьбьн щабед ван пьрса бьдьн:

Әм чьрʹа шькьрийе дьдьнә Йаһоԝа?

Әм шькьрийе дьдьнә Йаһоԝа, чьмки әм ԛәдьре ԝи дьгьрьн у ԝи һʹәз дькьн. Ӧса жи, әм ве йәке дькьн, чьмки әм дьхԝазьн кӧ кәсед дьн жи ԝи нас бькьн (ԝ25.01, рʹупʹ. 3).

Гава кәсәк дьле мә дешинә, әм чаԝа дькарьн бьбахшиньнә ԝан?

Әм һәстед хԝә пьшт гӧһе хԝәва навежьн, ле гава әм хәйд у һерсе жь дьле хԝә дәрдьхьн, әв йәк али мә дькә кӧ әм һьндава кәсед дьн дьлсар нәбьн (ԝ25.02, рʹупʹ. 15-16).

Маркос чьрʹа бона бьред щаһьл мәсәләкә баш ә?

Маркос һазьр бу кӧ хьзмәт бькә. Рʹаст ә әԝ дьбәкә жь бо дәрәщәке хәмгин бьбу, ле әԝи хьзмәтийа хԝә нәдьда сәкьнандьне. Әԝи достийа хԝә тʹәви Паԝлос у хушк-бьред гьһишти ԛәԝи дькьр (ԝ25.04, рʹупʹ. 27).

Иса дӧайе хԝәда ӧса гот: «Мьн наве тә ԝанрʹа әʹйан кьр». Әв гьли чь дьһатьнә һʹәсабе? (Йуһʹәнна 17:26)

Шагьртед Иса Мәсиһ ида заньбун наве Хԝәде чь йә. Ле Иса ԝанрʹа әʹйан кьр кӧ пьшт наве Йаһоԝа чь йә, демәк нет, кʹар у һʹӧнӧред Хԝәде бь щурʹәки бәдәԝ әʹйан кьр (ԝ25.05, рʹупʹ. 20-21).

Һәрге әм мьлук ьн, әм гәрәке чь ԛәбул кьн?

Гәрәке әм ԛәбул бькьн кӧ әм һьнә тьшта ньзаньн. Мәсәлә, әм ньзаньн кӧ хьлазийа ве дьнйайе ԝе кʹәнге бе, йан Йаһоԝа ԝе чаԝа ве йәке бькә. Ӧса жи, әм ньзаньн кӧ сьбе чь ԝе бьԛәԝьмә йан Йаһоԝа мә чьԛас рʹьнд нас дькә (ԝ25.06, рʹупʹ. 15-18).

Чь дькарә али мә бькә кӧ әм жь готара кʹаре бьстиньн?

Әм дькарьн жь хԝә бьпьрсьн: «Кʹижан избати тенә хәбьтандьне, ԝәки гӧһдара һьндава һинкьрьнәкә Кʹьтеба Пироз бьдьнә баԝәркьрьне? Гава әз кәсәкирʹа бәʹса ве рʹастийе бькьм, гәло әз дькарьм чь мәсәле бьдьмә хәбате? Әв тʹема керʹа дькарә һʹәԝас бә?» (ԝ25.07, рʹупʹ. 19).

Әв йәк кӧ Йаһоԝа һьндава Даԝьдда ча бу, дәрһәԛа бахшандьна ԝи чь мәрʹа әʹйан дькә?

Даԝьд гӧнед гьран кьрьбун, ле гава әԝи жь дьл тʹобә кьр, Йаһоԝа бахшандә ԝи (1 Пʹадшати 9:4, 5). Гава Йаһоԝа дьбахшиньнә мә, әԝ ида дина хԝә надә гӧнед мә у ԝан найнә бира мә (ԝ25.08, рʹупʹ. 17).

Һәрге хԝәндәкʹарәки Кʹьтеба Пирозрʹа пьрсәк чәтьн ә кӧ фәʹм кә, тӧ дькари чь бьки?

Һәрге жерʹа пьрсәк чәтьн ә кӧ фәʹм кә, тӧ дькари тʹемәкә дьн тʹәви ԝи бәрдәԝам ки, у ԝәʹдә шунда диса вәгәрʹи сәр ве пьрсе у жерʹа шьровәки (ԝ25.09, рʹупʹ. 24).

Кʹьтеба Пироз дьбежә кӧ гӧнә дькарә бьхапинә (Ибрани 3:13). Чаԝа?

Гӧнә дькарә мә бьхальфинә кӧ әм тьштед нәрʹаст бькьн. Ӧса жи, гӧнәкʹарийа мә дькарә бьбә сәбәб кӧ шьк бькʹәвә дьле мә, кӧ Йаһоԝа мә һʹәз дькә йан на (ԝ25.10, рʹупʹ. 16).

Чь се тьшт дькарьн али мә бькьн кӧ әм бь щурʹәки дьһа баш Йаһоԝарʹа дӧа бькьн?

1) Сәр һʹӧнӧред Йаһоԝа бьфькьрьн. 2) Пешийа кӧ дӧа бькьн, әм дькарьн бьфькьрьн кӧ дәрде мә чь йә, мәсәлә дьбәкә әм гәрәке бьбахшиньнә кәсәки. 3) Ләзә-ләз дӧа нәкьн. Дӧайед дьреж дькарьн мәщаләкә дьһа баш бьдьн кӧ әм дьле хԝә Йаһоԝарʹа вәкьн (ԝ25.10, рʹупʹ. 19-20).

Әм ча дькарьн али кәсед әʹмьрда мәзьн бькьн?

Әм дькарьн тʹәсәлийа ԝан бькьн йан жи ԝанрʹа тʹеле хьн. Ӧса жи әм дькарьн тʹәви ԝан һәрʹьн бал һʹәким. Йан жи әм дькарьн тʹәви ԝан щурʹә-щурʹә хьзмәтийеда һәвкʹарийе бькьн (ԝ25.11, рʹупʹ. 6-7).

Дәʹԝата Мәсиһийа гәрәке ча дәрбаз бә?

Хԝә ль ԛанунед дәԝләте бьгьрьн. Ӧса жи бьра дәʹԝатеда һʹӧнӧред рʹӧһʹе пироз әʹйан бьн. Кʹьнщед маԛул хԝә кьн у жь әʹдәтед кӧ мьԛабьли Кʹьтеба Пироз ьн, бьрʹәвьн. Гава һун пешда сафи дькьн кӧ дәʹԝат ча дәрбаз бә, дәрһәԛа һәр тьшти һур бь һур шеԝьр кьн (ԝ25.12, рʹупʹ. 21-24).