К′ЬТЕБХАНӘЙА ОНЛАЙН йа Бьрща Qәрәwьлийе
К′ЬТЕБХАНӘЙА ОНЛАЙН
Йа Бьрща Qәрәwьлийе
К′öрди Кöрманщи (Кирили)
ö
  • һ
  • ә
  • w
  • q
  • ö
  • КʹЬТЕБА ПИРОЗ
  • Ә′ДӘБЙӘТ
  • ЩЬВАТ
  • w25 Кануна Пешьн рʹупʹ. 20–25
  • Бьра Дәʹԝата Ԝә Рʹумәте Бьдә Йаһоԝа

Дәрһәqа wе йәке т′ö видео т′öнә

Бьбахшиньн, wәʹде вехьстьна видео шаши пешда һат.

  • Бьра Дәʹԝата Ԝә Рʹумәте Бьдә Йаһоԝа
  • Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә (Бона Һинбуне) —2025
  • Бьнсәри
  • Т′емед Мина Wе
  • ЧЬМА ФӘРЗ Ә КӦ ДӘʹԜАТА ԜӘ РʹУМӘТЕ БЬДӘ ЙАҺОԜА?
  • ҺУН ЧА ДЬКАРЬН РʹУМӘТЕ БЬДЬНӘ ЙАҺОԜА ХԜӘДЕ?
  • САФИКЬРЬНА ЧӘТЬНАЙА
  • Дәʹԝатед Шәʹдед Йаһоԝа Чаԝа Дәрбаз Дьбьн?
    Пьрсед Гәләк Мәрийа Дәрһәԛа Шәʹдед Йаһоԝа
  • Хԝә Дур Бьгьрә Жь Ньһерандьна Ве Дьнйайе, Чахе Кʹаре Дәԝата Хԝә Дьки
    Мина Иса Мәсиһ Бьжин у Хьзмәт кьн—Бәрнама Щьвине 2019
Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә (Бона Һинбуне) —2025
w25 Кануна Пешьн рʹупʹ. 20–25

ГОТАРА БОНА ҺИНБУНЕ 51

КʹЬЛАМА 132 Әм Бунә Йәк

Бьра Дәʹԝата Ԝә Рʹумәте Бьдә Йаһоԝа

«Бьра һәр тьшт бь щурʹе рʹаст, у тʹәрбәти бә» (1 КОРЬНТʹИ 14:40).

ВЕ ГОТАРЕДА

Әме бьвиньн кӧ бук у зәʹва ча дькарьн бь дәʹԝата хԝә рʹумәте бьдьнә Йаһоԝа.

1-2. Йаһоԝа сәр дәʹԝате ча дьньһерʹә?

ГӘЛО һун нишанкьри нә? Бь рʹасти нишани ԝәʹдәки гәләк хԝәш ә. Дьбәкә ԝә ида дәстпекьрийә кʹаре хԝә бона дәʹԝате бькьн. Йаһоԝа Хԝәде жи дьхԝазә ԝәки дәʹԝатаa ԝә хԝәш дәрбаз бә у һун һәврʹа бәхтәԝар бьн (Мәтʹәлок 5:18; Стьрана Сьлеман 3:11).

2 Ле гәло чьма фәрз ә, ԝәки дәʹԝата ԝә рʹумәте бьдә Йаһоԝа у бона ве йәке һун дькарьн чь бькьн? Әв готар илаһи бона ԝан һатийә ньвисаре, йед кӧ кʹаре дәʹԝате дькьн. Диса жи, принсипед кӧ ве готареда ньвиси нә, дькарьн мә һʹәмуйарʹа кʹаре биньн. Мәсәлә, һәрге әм ча меван дьчьнә дәʹԝате, йан һәрге бук у зәʹва бона дәрбазкьрьна дәʹԝате ширәте жь мә бьхԝазьн, принсипед кӧ әме шеԝьр кьн дькарьн али мә бькьн рʹумәте бьдьнә Йаһоԝа.

ЧЬМА ФӘРЗ Ә КӦ ДӘʹԜАТА ԜӘ РʹУМӘТЕ БЬДӘ ЙАҺОԜА?

3. Гава бук у зәʹва бона дәʹԝате кʹаре хԝә дькьн, әԝана гәрәке дина хԝә бьдьнә чь?

3 Бук у зәʹва гәрәке принсипед Кʹьтеба Пироз һьлдьн һʹәсаб, гава бона дәʹԝате хԝә һазьр дькьн. Гәло чьма? Чьмки Хԝәде зәԝащ саз кьрийә. Зәԝаща пешьн, демәк зәԝаща Адәм у Һәԝайе, хԝәха Йаһоԝа саз кьрьбу (Дәстпебун 1:28; 2:24). Ләма жи кәсед кӧ бона дәʹԝате кʹаре хԝә дькьн, гәрәке һе зедә дина хԝә бьдьнә ньһерʹандьна Йаһоԝа.

4. Чьма бук у зәʹва гәрәке бь дәʹԝата хԝә рʹумәте бьдьнә Йаһоԝа?

4 Мәʹнийа фәрз һәйә кӧ чьрʹа лазьм ә, ԝәки һун ԝәʹде дәʹԝата хԝә ньһерʹандьна Йаһоԝа Хԝәде һьлдьн һʹәсаб. Әԝ Баве ԝәйи әʹзмана у Досте ԝәйи лапи незик ә (Ибрани 12:9). Бе шьк, һун дьхԝазьн ԝәки достийа ԝә тʹәви ԝи ԛәԝи бьминә. Ләма жи һун гәрәке фәсал бьн, ԝәки дьле ԝи тʹӧ щара нәешиньн (Зәбур 25:14). Гава һун дәрһәԛа тьштед кӧ Йаһоԝа бона ԝә кьрьнә у ԝе диса бькә, дьфькьрьн, гәло һун ԛайил ниньн кӧ әԝ һежа йә, ԝәки һун бь дәʹԝата хԝә жи рʹумәте бьдьнә ԝи? (Зәбур 116:12)

ҺУН ЧА ДЬКАРЬН РʹУМӘТЕ БЬДЬНӘ ЙАҺОԜА ХԜӘДЕ?

5. Кʹьтеба Пироз ча дькарә али бук у зәʹва бькә, ԝәки дәʹԝата хԝә рʹьнд дәрбаз кьн?

5 Кʹьтеба Пирозда һур бь һур найе готьне, кӧ ԝәʹде дәʹԝате чь гәрәке бе кьрьне у чь на. Ләма жи бук у зәʹва дькарьн дәʹԝата хԝә ль гора дәрәщә у әʹрф-әʹдәте хԝә дәрбаз кьн. Ӧса жи хьзмәткʹаред Хԝәде ԛанунед дәԝләте һьлдьдьн һʹәсаб (Мәтта 22:21). Ле диса жи фьрԛи тʹӧнә кӧ хорт у ԛиз чь сафикьрьна бькьн, һәрге дәʹԝат ль гора принсипед Кʹьтеба Пироз дәрбаз бә, әԝана ԝе рʹумәте бьдьнә Йаһоԝа у дьле ԝи ша кьн. Һәрге ӧса йә, һун гәрәке кʹижан принсипа бир нәкьн?

6. Чьма фәрз ә, ԝәки бук у зәʹва ль гора ԛануна дәԝләте бьзәԝьщьн?

6 Хԝә ль ԛануна дәԝләте бьгьрьн (Рʹомайи 13:1, 2). Гәләк ԝәлатада, ль гора ԛануна лазьм ә ԝәки бук у зәʹва пешийа кӧ бьзәԝьщьн, һьнә тьшта бькьн. Ләма жи һун гәрәке пешда бьзаньбьн кӧ һуне чь бькьн. Һәрге дәрһәԛа ве йәке пьрсед ԝә һәбьн, һун дькарьн жь рʹуспийа жи аликʹарийе бьхԝазьн.b

7. Рʹожа дәʹԝате гәрәке ча дәрбаз бә?

7 Рʹожа дәʹԝате ӧса дәрбаз кьн, ԝәки рʹумәте бьдьнә Хԝәде (1 Корьнтʹи 10:31, 32). Бьра дәʹԝата ԝәда нә кӧ рʹӧһʹе дьнйайе, ле бәред рʹӧһʹе пироз бенә кʹьфше (Галати 5:19-26). Ль гора Кʹьтеба Пироз, мер сәре малбәте йә. Ләма жи зәʹва щабдар ә, ԝәки дәʹԝат бь щурʹәки баш дәрбаз бә у рʹумәте бьдә Йаһоԝа. Готара бона зәԝаще, йа кӧ бь һʹәзкьрьне, дьлгәрми у маԛули те хԝәндьне, дькарә али бук-зәʹва у мевана бькә, ԝәки әԝана ԛимәта зәԝаще дьһа баш фәʹм кьн. Готарәкә ӧса кʹарәкә мәзьн тинә, чьмки әԝ нишан дькә кӧ зәԝащ тьштәки чьԛас мәхсус ә. Ләма жи гәләк бук у зәʹва дьхԝазьн кӧ готарәкә ӧса Ода Щьватеда бе хԝәндьне. Һәрге һун дьхԝазьн Ода Щьвате бона ве нете бьдьнә хәбате, хԝәстьна хԝә пешда кʹома рʹуспийарʹа бьньвисьн.

8. Һун чь дькарьн бькьн, ԝәки дәʹԝата ԝә бь маԛули дәрбаз бә? (Рʹомайи 13:13)

8 Бьхунә Рʹомайи 13:13. Һәрге һун сафи кьн паши готара бона дәʹԝате тʹәви мевана кʹеф кьн, һун ча дькарьн хԝә жь рʹӧһʹе ве дьнйайе дур бьгьрьн? Хәбәра Йунани, йа кӧ ве рʹезеда һатийә ԝәлгәрʹандьне ча «кʹефкьрьна бесинор у нәщайиз», те һʹәсабе шайи, кʹидәре кӧ бь зедәйи ичкә те вәхԝарьне у һʹәта ниве шәве музик вехьсти йә (Бьньһерʹьн әʹламәти бона һинбуне «кʹефкьрьна бесинор у нәщайиз», сәр һʹиме Рʹомайи 13:13). Һәрге сәр дәʹԝата ԝә ичкә һәбә, мьԛат бьн ԝәки тʹӧ кәс бь зедәйи вәнәхԝә.c Һәрге кʹьлам һәбьн, дина хԝә бьдьне, ԝәки дәнге кʹьлама гәләк бьльнд нибә сәва кӧ меван бькарьбьн тʹәви һәв хәбәр дьн у жь ве йәке шабуне бьстиньн. Ӧса жи дина хԝә бьдьнә стил у гьлийед кʹьлама, ԝәки тʹӧ кәс нәйе лькʹӧмандьне.

9. Ԝәʹде дәʹԝате бук у зәʹва гәрәке чь һьлдьн һʹәсаб?

9 Сәр һьнә дәʹԝата шькьл у видео тенә нишанкьрьне, ӧса жи листьк у бәрнамед дьн тенә дәрбазкьрьне. Тьштед ӧса һәмьки хԝәш ьн. Ле һәр тьшт гәрәке бь щурʹе һежа дәрбаз бә (Филипи 4:8). Дәʹԝата хԝәда нишан кьн, кӧ һун ԛәдьре мәрьва у ԛәдьре зәԝаще дьгьрьн. Ле йа һәри фәрз әв ә, ԝәки һун рʹумәте бьдьнә Йаһоԝа. Һәмьки нә хьраб ә кӧ һьнә һʹәнәк бенә готьне, ле гәрәке һʹәнәкед нәщайиз, мәсәлә дәрһәԛа бенамусийе, нәйенә кьрьне (Әфәси 5:3). Тʹәви нәфәр у һәвалед хԝә пешда хәбәр дьн, кӧ һәрге әԝана бьхԝазьн сәр дәʹԝате бәр мевана тьштәки бежьн, бьра фькьред ԝә һьлдьн һʹәсаб у тьштед ӧса нәбежьн, чь кӧ ԝе ԝә хԝәш нәйе.

10. Чахе бук у зәʹва кʹаре дәʹԝате дькьн, чьрʹа гәрәке мьлуктийе бьдьнә кʹьфше? (1 Йуһʹәнна 2:15-17)

10 Дина мәрьва бь зедәйи нәкʹьшиньн сәр хԝә (Бьхунә 1 Йуһʹәнна 2:15-17). Йаһоԝа дьхԝазә ԝәки хьзмәткʹаред ԝи рʹумәте бьдьнә ԝи у дина мәрьва бь зедәйи нәкʹьшиньн сәр хԝә. Ләма жи ԝе баш бә ԝәки Мәсиһи бь зедәйи пʹәра хәрщ нәкьн у жь «ԛӧрʹәбуна пе һәбуке» хԝә дур бьгьрьн. Чьма дьһа баш ә ԝәки һун дәʹԝатәкә гәләк бьһа нәкьн? Бьраки жь Норԝәже бь наве Майк, ӧса дьбежә: «Әм нәкʹәтьнә бьн дәйна у мәщбур нибун тʹәрка пешәнгтийе бьдьн. Дәʹԝата мә бьчʹук бу, ле диса жи гәләк хԝәш бу». Хушкәкә жь Һьндьстане бь наве Табитʹа, ӧса дьбежә: «Дәʹԝата мә бьчʹук бу, ләма хәмед мә жи бьчʹук бун. Нәлазьм бу кӧ әм һʹәзар пьрса сафи кьн у бона ве йәке бәр хԝә кʹәвьн, кӧ ча бенә сәр нетәке».

Шькьл: Дәʹԝатед хушк-бьред мә жь щурʹә-щурʹә ԝәлат у култура: 1. Ода Щьватеда бук у зәʹва гӧһ дьдьнә бьре кӧ готара бона дәʹԝате дьбежә. 2. Ԝәʹде дәʹԝатәкә кӧ дәрва те дәрбазкьрьне, хушк у бьрак бук у зәʹва бьмбарәк дькьн. 3. Бук у зәʹва тʹәви меванед хԝә сьрийеда пәй хԝарьне сәкьни нә. 4. Бук у зәʹва бәр бьраки сәкьни нә, йе кӧ пе готара бона дәʹԝате дәрдькʹәвә.

Фьрԛи тʹӧнә кӧ әм кʹидәре дьжин, дәʹԝата мә дькарә хԝәш бә у ль гора принсипед Кʹьтеба Пироз дәрбаз бә (Бьньһерʹә абзаса 10-11)


11. Гава бук у зәʹва сафи дькьн кӧ чь хԝә кьн, әԝана гәрәке чь бир нәкьн? (Бьньһерʹә ӧса жи шькьл.)

11 Гәло ԝә ида сафи кьрийә кӧ сәр дәʹԝата хԝә һуне чь хԝә кьн? Бе шьк, һун дьхԝазьн бәдәԝ бьн. Ԝәʹде бәре жи бук у зәʹва хԝә дьхәмьландьн (Ишайа 61:10). Һәмьки дьбәкә кʹьнщед кӧ һуне сәр дәʹԝате хԝә кьн, жь кʹьнщед һәррʹожи щӧдә бьн. Ле диса жи кʹьнщед ԝә гәрәке лайиԛ у маԛул бьн (1 Тимотʹейо 2:9). Бьра ԝәʹде дәʹԝате кʹьнщед ԝә йан жи тьштед материали бь зедәйи дина мәрьва нәкʹьшинә сәр хԝә (1 Пәтрус 3:3, 4).

12. Бук у зәʹва чьма гәрәке әʹрф-әʹдәтед кӧ мьԛабьли Кʹьтеба Пироз ьн, инкʹар кьн?

12 Әʹрф-әʹдәтед кӧ мьԛабьли Кʹьтеба Пироз ьн, инкʹар кьн (Әʹйанти 18:4). Гәләк әʹрф-әʹдәтед дәʹԝатед иройин, пʹутпʹарьстийева, сербази у религийед ԛәлпва гьредайи нә. Йаһоԝа Хԝәде дьхԝазә, ԝәки әм хԝә жь тьштед ӧса дур бьгьрьн (2 Корьнтʹи 6:14-17). Һәрге һун баԝәр ниньн кӧ һьнә әʹрф-әʹдәтед ԝи щийи, кʹидәре кӧ һун дьжин лайиԛ ьн йан на, пешийа кӧ һун сафи кьн ԝана биньн сери, һʹиме ԝан у принсипед Кʹьтеба Пироз лекʹолин кьн.

13. Бук у зәʹва ча дькарьн һьндава пʹешкʹешада чʹәʹв бьдьнә ньһерʹандьна Йаһоԝа?

13 Гәләк һәремада, меванед дәʹԝате ль гора дәрәща хԝәйә материали пʹешкʹеша дьдьнә бук у зәʹва. Мәсиһи һәмьки мәрʹд ьн у жь дайине шабуне дьстиньн (Мәтʹәлок 11:25; Кʹаред Шандийа 20:35). Ле диса жи әм нахԝазьн кӧ меванед мә хԝә мәщбур тʹәхмин кьн, ԝәки тьштәки пʹешкʹеш кьн. Ӧса жи әм нахԝазьн кӧ әԝана бьфькьрьн, ԝәки әме бона пʹешкʹеша бьчʹук рʹази нибьн. Йаһоԝа ԛимәт дькә кәсед кӧ тьштәки жь дьл у ль гора дәрәща хԝә дьдьн, у әм жи гәрәке ӧса бькьн (2 Корьнтʹи 9:7).

САФИКЬРЬНА ЧӘТЬНАЙА

14. Һьнә бук у зәʹва рʹасти чәтьнайед чь щурʹәйи тен?

14 Щарна һеса нинә кӧ мәрьв дәʹԝатәкә ӧса бькә, йа кӧ рʹумәте дьдә Йаһоԝа. Мәсәлә, дьбәкә ԝәрʹа чәтьн бә дәʹԝатәкә бьчʹук бькьн. Бьраки бь наве Чарли, йе кӧ жь Гьравед Сьлеман ә, ӧса дьбежә: «Гәләк чәтьн бу, ԝәки әм сафи кьн кӧ кʹе тʹәглифи сәр дәʹԝате кьн. Һәвалед мә гәләк ьн, у култура мәда һәр кәс һивийе йә, кӧ бе тʹәглифкьрьне!» Табитʹа, дәрһәԛа кʹижане кӧ мә жоре гот, ӧса дьбежә: «Һәрема мәда, дәʹԝат гәләк мәзьн ьн. Бона де-бавед мә чәтьн бу сафикьрьна мә ԛәбул кьн, кӧ әме тʹәне гази 100 мәрьва кьн». Хушкәкә жь Һьндьстане бь наве Сара, ӧса дьбежә: «Һьнә кәс бь зедәйи дина хԝә дьдьнә ве йәке, кӧ бьдьнә кʹьфше, ԝәки әԝана дәԝләти нә у кӧ мәрьв ԝе дәрһәԛа ԝан чь бьфькьрьн. Мәрьвед мьн дәʹԝата мәзьн кьрьбун, ләма әз дьфькьрим кӧ әз мәщбур ьм дәʹԝата дьһа мәзьн бькьм». Гәло чь дькарә али ԝә бькә кӧ чәтьнайед ԝи щурʹәйи сафи кьн?

15. Чьрʹа гәләк фәрз ә дӧа бькьн гава кʹаре дәʹԝате дькьн?

15 Бона щурʹе дәрбазкьрьна дәʹԝата хԝә дӧа бькьн. Һун дькарьн аза дәрһәԛа чәтьнайи у һәстед хԝә Йаһоԝарʹа бежьн (Филипи 4:6, 7). Һун дькарьн аликʹарийе жь ԝи бьхԝазьн, ԝәки сафикьрьнед баш бькьн у бәр хԝә нәкʹәвьн. Ӧса жи һун дькарьн мерхасийе жь ԝи бьхԝазьн, ԝәки гава ньһерʹандьна ԝә жь ньһерʹандьна мәрьвед дьн щӧдә дьбә, һун нәкʹәвьнә бәр байе ԝан (1 Пәтрус 5:7). Чьԛас һун дәсте ԝи бьвиньн, һаԛас һуне дьһа зедә хԝә бьсперьнә ԝи. Табитʹа ӧса дьбежә: «Әз у дәргистийе мьн, мә нәдьхԝәст тʹәви һәв йан тʹәви малбәта хԝә бькʹәвьнә дәʹԝе. Ләма һәр щара, гава мә дәрһәԛа дәрбазкьрьна дәʹԝате хәбәр дьда, мә пешийе дӧа дькьр. Мә бь рʹасти аликʹарийа Йаһоԝа дит, у нав мәда тʹьме әʹдьлайи һәбу».

16-17. Чахе һун бона дәʹԝата хԝә сафикьрьна дькьн, чьма фәрз ә ԝәки һьм тʹәви һәв у һьм жи тʹәви малбәтед хԝә бь ԛәдьр хәбәр дьн?

16 Зәлал у бь ԛәдьр тʹәви малбәта хԝә хәбәр дьн (Мәтʹәлок 15:22). Һун гәрәке бона дәʹԝата хԝә дәрһәԛа гәләк тьшта бьфькьрьн. Мәсәлә, һун гәрәке рʹожа дәʹԝате бьжберьн у бьфькьрьн, кӧ һуне чьԛас пʹәрә хәрщ кьн у гази кʹе бькьн. Пешийа кӧ һун тьштәки сафи кьн, шеԝьра хԝә бькьн, принсипед Кʹьтеба Пироз лекʹолин кьн у ширәтед хушк-бьред щерʹьбанди һьлдьн һʹәсаб. Гава һун ньһерʹандьн у хԝәстьна хԝә дьбежьн, бь нәрми у бь ԛәдьр хәбәр дьн, ӧса жи һазьр бьн ньһерʹандьна хԝә бьгӧһерʹьн. Һәрге хԝәстьнед лайиԛ йед де-баве ԝә йан мәрьвед ԝәйә незик һәбьн, ԝана жи һьлдьн һʹәсаб, чьмки дәʹԝата ԝә бона ԝан жи рʹожәкә мәхсус ә. Һәрге һун нькарьн ль гора хԝәстьна ԝан бькьн, бь нәрми у бь ԛәдьр ԝанрʹа бежьн кӧ мәʹни чь йә (Колоси 4:6). Малбәтед хԝәрʹа шьровәкьн кӧ нета ԝәйә сәрәкә әв ә, ԝәки һун бь дәʹԝата хԝә рʹумәте бьдьнә Йаһоԝа.

17 Һәрге де-бавед ԝә Шәʹдед Йаһоԝа ниньн, дьԛәԝьмә нәһеса бә кӧ дәрһәԛа сафикьрьнед хԝә ԝанрʹа шьровәкьн, ле диса жи һун дькарьн бь нәрми али ԝан бькьн ньһерʹандьна ԝә ԛәбул кьн. Бьраки жь Һьндьстане бь наве Сантош, ӧса дьбежә: «Гәләк ԝәʹдә лазьм бу, ԝәки әз у дәргистийа мьн сафикьрьнед хԝә малбәтед хԝәрʹа шьровәкьн. Мә һьнә тьшт, чь кӧ мьԛабьли ԛанунед Йаһоԝа нибу, ль гора хԝәстьна ԝан кьр. Мәсәлә, мә хԝарьн ль гора хԝәстьна ԝан гӧһаст, у мә һʹәму стьран у рʹәԛас жь бәрнама дәʹԝате дәрхьстьн, чьмки тьштед ӧса бона ԝан әʹщеб бун».

18. Сәва кӧ ԝәʹде дәʹԝата ԝә һәр тьшт баш дәрбаз бә, ԝе баш бә кӧ һун чь бькьн? (1 Корьнтʹи 14:40) (Бьньһерʹә ӧса жи шькьл.)

18 Бәрнаме рʹьнд саз кьн. Һәрге һәр тьшт рʹьнд сафикьри бә, стреса дәʹԝате жи ԝе кем бә (Бьхуньн 1 Корьнтʹи 14:40). Бьраки жь Тәйԝане бь наве Ԝейн ӧса дьбежә: «Чәнд рʹож пешийа дәʹԝата мә, әм тʹәви кәсед кӧ дьхԝәстьн ԝәʹде дәʹԝате аликʹарийе бьдьнә мә, тʹоп бун. Мә дәрһәԛа бәрнама дәʹԝате хәбәр да у репетисийа һьнә тьшта кьр». Ԛәдьр һьндава мевана бьдьнә кʹьфше бь ве йәке, кӧ рʹожа дәʹԝате һәр тьшти ԝәʹде хԝәда бькьн.

Бук у зәʹва тʹәви һәвалед хԝә дәрһәԛа бәрнама дәʹԝата хԝә хәбәр дьдьн. Бьра ль сәр планшета хԝә нәԛьша ве йәке нишан дькә, кӧ кʹе кʹидәре рʹуне.

Сәва кӧ дәʹԝат хԝәш дәрбаз бә, сафикьрьнед баш лазьм ьн (Бьньһерʹә абзаса 18)


19. Сәва кӧ ԝәʹде дәʹԝате һәр тьшт бьн контроледа бә, һун дькарьн чь бькьн?

19 Пешда бьфькьрьн кӧ чь дькарә бьԛәԝьмә, у гавед лазьм бавежьн ԝәки проблем пешда нәйен (Мәтʹәлок 22:3). Мәсәлә, һәрге һәрема ԝәда щарна меванед нәгазикьри тенә дәʹԝате, бьфькьрьн кӧ һун дькарьн чь бькьн, ԝәки тьштәки ӧса нәԛәԝьмә. Мәрьвед хԝәйи нәбаԝәрмәндрʹа пешда бежьн кӧ дәʹԝат ԝе ча дәрбаз бә, у шьровәкьн кӧ һуне һьнә әʹдәта чьма нәйньн сери. Мәсәлә, һун дькарьн жь малпәра jw.org готара бь наве «Дәʹԝатед Шәʹдед Йаһоԝа Чаԝа Дәрбаз Дьбьн?» ԝанрʹа бьшиньн. Сәва кӧ ԝәʹде дәʹԝате һәр тьшт бьн контроледа бә, һун дьԛәԝьмә дькарьн жь бьраки щерʹьбанди бьхԝазьн, ԝәки әԝ бьбә ‹бәрпьрсийаре дәʹԝате› (Йуһʹәнна 2:8). Һәрге һун ԝирʹа зәлал бежьн кӧ сафикьрьнед ԝәйә бона дәʹԝате чь нә, әԝ дькарә али ԝә бькә ԝәки һәр тьшт баш дәрбаз бә у дәʹԝата ԝә рʹумәте бьдә Йаһоԝа.

20. Бук у зәʹва дәрһәԛа дәʹԝате чь гәрәке бир нәкьн?

20 Сазкьрьна бәрнама дәʹԝате бь рʹасти жи шьхӧләкә гәләк мәзьн у нәһеса йә. Ле бир нәкьн, ԝәки дәʹԝата ԝә тʹәне пʹарәкә бьчʹук ә жь әʹмьре ԝә. Жь ԝе рʹоже дәстпебуйи, һун дькарьн тʹәвайи Йаһоԝарʹа хьзмәт кьн у жийинәкә хԝәш дәрбаз кьн. Бьра дәʹԝата ԝә гәләк мәзьн нибә, у бь сайа дәʹԝата хԝә рʹумәте бьдьнә Йаһоԝа. Хԝә бьсперьн Йаһоԝа. Бь сайа рʹебәрийа ԝи, дәʹԝата ԝә ԝе хԝәш дәрбаз бә, у һуне пʹошман нәбьн гава ԝәхт шунда рʹожа дәʹԝате бькьнә бира хԝә (Зәбур 37:3, 4).

ПЬРСЕД ДӦБАРӘКЬРЬНЕ

  • Чьма бук у зәʹва гәрәке бь дәʹԝата хԝә рʹумәте бьдьнә Йаһоԝа?

  • Чь дькарә али бук у зәʹва бькә, ԝәки дәʹԝата ԝан хԝәш дәрбаз бә у рʹумәте бьдә Йаһоԝа?

  • Чьма бона бук у зәʹва ԝе баш бә, һәрге дәʹԝата ԝан гәләк мәзьн нибә?

КʹЬЛАМА 107 Мәсәла Һʹьзкьрьна Хԝәде

a ХӘБӘРА ШЬРОВӘКЬРИ: Гәләк културада әʹдәт ә, ԝәки рʹожа дәʹԝате бук у зәʹва пешийе бәр Хԝәде сонда зәԝаще бьхԝьн у паше шайе дәрбаз кьн. Ԝан културада, кʹидәре кӧ рʹожа дәʹԝате кʹеф накьн жи, ԝе баш бә ԝәки бук у зәʹва дина хԝә бьдьнә принсипед Кʹьтеба Пироз.

b Сәва кӧ һе зедә пебьһʹәсьн дәрһәԛа ньһерʹандьна Мәсиһийа сәр дәʹԝакьрьнед ԛанунед бона зәԝаще, бьхуньн готара бь наве «Дәʹԝатед кӧ Бәр Чʹәʹве Хԝәде у Мәрьва Рʹумәт ьн», жь Бьрща Ԛәрәԝьлийе, йа 15 Щотмәһе, сала 2006.

c Ль сәр jw.org, бьньһерʹьн видеойа бь наве Гәло Һежа йә Ичке Дайньм бәр Мевана?

    Әʹдәбйәтед Кʹӧрди Кӧрманщи (2011-2025)
    Дәрк′әвьн
    Бьк′әвьн
    • К′öрди Кöрманщи (Кирили)
    • Бьшиньн
    • Бьqәйдәкьрьн
    • Copyright © 2025 Watch Tower Bible and Tract Society of Pennsylvania
    • Qәйде Хәбьтандьне
    • Политика Конфиденсийалийе
    • Гöһастьна Конфиденсийалийе
    • JW.ORG
    • Бьк′әвьн
    Шандьн