Гәло Дьнйа Бе Расизме Реали йә?—Кʹьтеба Пироз Дәрһәԛа Ве Йәке Чь Дьбежә?

Гәләк мәрьв дьфькьрьн, ԝәки дьнйа бе расизме тьштәкә нәреали йә.

• «Расизм мина жәʹре йә, әԝ бәрдәԝам дькә зийане бьдә һʹәму тʹәшкиләта, кʹомед сосйали у һʹәму мәрьвед дьн. Жь бо расизме һʹәта рʹожа иро мәрьв фьрԛийе дькьнә ортʹа мьләта».—Антонйо Гӧтеррес, Секретаре Сәрәкә йе Мьләтед Йәкбуйи.

Гәло ԝе бе әԝ ԝәʹдә кӧ расизм тʹӧнә бә? Кʹьтеба Пироз дәрһәԛа ве йәке чь дьбежә?

Ньһерʹандьна Хԝәде сәр расизме

Кʹьтеба Пироз зәлал мәрʹа дьдә кʹьфше, кӧ Хԝәде ча дьньһерʹә сәр мәрьвед жь щурʹә-щурʹә мьләта.

• «[Хԝәде] һʹәму мьләтед дьнйайе жь хунәки хӧльԛанд, кӧ сәр рʹуйе тʹәмамийа дьнйайе бьжин» (Кʹаред Шандийа 17:26).

• «Хԝәде рʹасти жи фьрԛийе накә нава мьләта. Ле жь нав һәр мьләтида, йе кӧ жь ԝи хоф дькә у рʹастийе дькә ль ԝи ԛәбул ә» (Кʹаред Шандийа 10:34, 35).

Кʹьтеба Пирозда те готьне, кӧ һʹәму мәрьв чаԝа малбәтәк ьн у ԝәки Хԝәде мәрьвед жь щурʹә-щурʹә мьләта ԛәбул дькә.

Чаԝа расизм ԝе бе һьлдане

Расизм бь сайа Пʹадшатийа Хԝәдейә әʹзмани ԝе бе һьлдане. Әԝ ԝе мә һин кә, кӧ чаԝа рʹаст хԝә дьбьнә кʹьфше һьндава мәрьвед жь щурʹә-щурʹә мьләта. Мәрьв ԝе һин бьн һәстед ӧса нав хԝәда пешда биньн, йед кӧ ԝе али ԝан бькьн, фьрԛийе нәкьн нав мәрьвед жь мьләтед дьн.

• «Ԝе рʹуньштийед әʹрде һини рʹастийе бьн» (Ишайа 26:9, ИМ).

• «У ԝе кʹаре рʹастийе бьбә сәламәт у ԝе бәра рʹастийе һʹьшбуна абадин у әԝләбун бә» (Ишайа 32:17).

Иро бь милйона мәрьв жь Кʹьтеба Пироз педьһʹәсьн, кӧ чаԝа ԛәдьре мәрьвед жь мьләтед дьн бьгьрьн у ԝана ԛимәт кьн.

• Сәва кӧ һе зедә пебьһʹәсьн бьхуньн журнала Һʹьшйар Бьн! бь наве «Тӧ сәр Мәрьвед Дьн Чаԝа Дьньһерʹи?»

• Сәва кӧ пебьһʹәсьн, чаԝа де-бав дькарьн тʹәви зарʹед хԝә дәрһәԛа расизме шеԝьр кьн, бьхуньн готара «Чаԝа Тʹәви Зарʹа Дәрһәԛа Расизме Хәбәр дьн».