Шәʹдед Йаһоԝа Чьрʹа Һʹәбандьнеда Хач Надьнә Хәбате?

Гәләк мәрьв хач һʹәсаб дькьн ча симбола Мәсиһийа. Рʹаст ә Шәʹдед Йаһоԝа Мәсиһи нә, ле әԝана һʹәбандьнеда хач надьнә хәбате. Гәло чьрʹа?

Ль гора Кʹьтеба Пироз, Иса нә кӧ сәр хач, ле сәр стуне һатьбу мьхкьрьне. Хенщи ԝе йәке Кʹьтеба Пироз рʹастә-рʹаст тʹәми дьдә Мәсиһийа, ԝәки «жь пʹутпʹарьстийе бьрʹәвьн». Әв те һʹәсабе, ԝәки һʹәбандьнеда нәлазьм ә хач бьдьнә хәбате (1 Корьнтʹи 10:14; 1 Йуһʹәнна 5:21).

Ӧса жи әм гәрәке гьлийед Иса һьлдьн һʹәсаб, кӧ гот: «Бь ве йәке һʹәмуйе заньбьн һун шагьртед мьн ьн, һәгәр һун һәвдӧ һʹьз бькьн» (Йуһʹәнна 13:34, 35). Иса да кʹьфше, ԝәки шагьртед ԝи ԝе бь һʹьзкьрьне бенә әʹйанкьрьне, нә кӧ бь хач йан жи тьштед бона һʹәбандьне.