Гәло Шәʹдед Йаһоԝа Һьнә Синәм, Кʹьтеб йан Кʹьлама Ԛәдәхә Дькьн?
На. Тʹәшкиләта мә конкрет надә кʹьфше, кӧ Шәʹдед Йаһоԝа гәрәке жь кʹижан синәм, кʹьтеб йан кʹьлама, хԝә дур бьгьрьн. Чьрʹа?
Кʹьтеба Пироз һʹәмуйа һелан дькә кӧ «тегьһиштьна» хԝә һин кьн, ԝәки «ԛәнщи у хьрабийе» жь һәв дәрхьн (Ибрани 5:14).
Ньвисаред Пирозда принсипед сәрәкә һәнә, кʹижана кӧ Мәсиһи дькарә һьлдә һʹәсаб, чахе ԝәʹдәдәрбазкьрьна дьжберә.a Һʹәму щурʹә дәрәщада нета мә әԝ ә, ԝәки «бьзаньбьн кӧ чь ль Хӧдан хԝәш те» (Әфәси 5:10).
Ль гора Кʹьтеба Пироз щабдарийед малхед мале һәнә, ләма жи әԝана дькарьн бона нәфәред мала хԝә һьнә тьшт ԛәдәхә кьн (1 Корьнтʹи 11:3; Әфәси 6:1-4). Ле изьна тʹӧ кәси тʹӧнә мәрьвед дьнрʹа синора дайньн, кӧ фьлан синәме йан кʹьламе ԛәбул кьн (Галати 6:5).
a Мәсәлә, Кʹьтеба Пироз һʹәму тьштед кӧ сербазийева, бенамусийева у зӧлмийева гьредайи нә, ԛәдәхә дькә (Ԛануна Дӧщари 18:10-13; Әфәси 5:3; Колоси 3:8).