Ԝәʹдәдәрбазкьрьна ӧса Бьжберә, кӧ Йаһоԝа Хԝәш бе

Йаһоԝа «Хԝәдейе хԝәзьли» йә (1 Тимотʹейо 1:11). Әԝ дьхԝазә ԝәки әм бәхтәԝар бьн у жь әʹмьре хԝә ләзәте бьвиньн. Ләма жи Ԝи хԝәш те, чахе әм ԝәʹдә дьвиньн, кӧ жь хәбате һʹәвәки һеса бьн. Жь ве дәрсе әме бьвиньн, кӧ чаԝа әм дькарьн ԝи ԝәʹде һесабуне ӧса бьдьнә хәбате кӧ һьм әм шабуне бьстиньн, һьм жи Йаһоԝа хԝәш бе.

1. Әм дәрһәԛа чь гәрәке бьфькьрьн, гава ԝәʹдәдәрбазкьрьне дьжберьн?

Тӧ чь һʹьз дьки бьки чахе һеса дьби? Һьнәка хԝәш те, кӧ малда һеса бьн, мәсәлә кʹьтебәке бьхуньн, мьԛаме бьбьһен, синәме бьньһерʹьн, йан жи интернетеда тьштәки леколин кьн. Һьнәка жи хԝәш те тʹәви һәвала ԝәʹдә дәрбаз кьн, мәсәлә һәрʹьн бәр бәʹре, листькәке бьлизьн у диса тьштед дьнва мьжул бьн. Чь жи һәбә, әм гәрәке баԝәр бьн, кӧ бьжартьна мәйә ԝәʹдәдәрбазкьрьне «Хӧдан хԝәш те» (Әфәси 5:10). Гәләк фәрз ә әве йәке фәʹм бькьн, чьмки нава гәләк ԝәʹдәдәрбазкьрьнед модернда тьштед ӧса һәнә, чь кӧ Йаһоԝа нәфрʹәт дькә, мәсәлә зӧлми, бенамуси у сербази (Бьхунә Зәбур 11:5) Чь ԝе али мә бькә, ԝәки бь билани хԝәрʹа ԝәʹдәдәрбазкьрьне бьжберьн?

Һәрге әм һәвалед ӧса хԝәрʹа дьжберьн, йед кӧ Йаһоԝа һʹьз дькьн, әԝана ԝе һьм сәр мә, һьм жи сәр бьжартьна мәйә ԝәʹдәдәрбазкьрьне, баш һʹӧкӧм бьн. Чаԝа кӧ әм жь дәрса дәрбазбуйи пеһʹәсийан, «кʹи кӧ тʹәви билана рʹе дьчә, ԝе бьбә билан». Ле һәрге әм тʹьме тʹәви ԝан мәрийа ԝәʹдә дәрбаз дькьн, йед кӧ нормед Хԝәде һʹьз накьн, әме «зьраре» кʹәвьн (Мәтʹәлок 13:20).

2. Чьма гәләк фәрз ә кӧ әм контрол кьн һәла чьԛас ԝәʹдә сәр һесабуне хәрщ дькьн?

Һәрге жи әм ԝәʹдәдәрбазкьрьнед керһати дьжберьн, гәрәке фәсал бьн, ԝәки гәләк ԝәʹде хԝә сәр ве йәке хәрщ нәкьн. Чьмки жь бо ве йәке, бона шьхӧлед фәрз ԝәʹдә ԝе һьндьк бьминә. Кʹьтеба Пироз мә һелан дькә, ԝәки әм «дәст бьдьнә бәр ԝәхт» (Бьхунә Әфәси 5:15, 16.)

КʹУР ЛЕКОЛИН КӘ

Пебьһʹәсә, кӧ ча дькари сафикьрьнед баш бьки бона ԝәʹдәдәрбазкьрьна.

3. Хԝә жь ԝәʹдәдәрбазкьрьнед бекер дур бьгьрә

Әм чьма гәрәке фәсал бьн, чахе ԝәʹдәдәрбазкьрьна дьжберьн? Вехә ВИДЕО, у паше ван пьрса шеԝьр кә.

ВИДЕО: «Кʹижан Ԝәʹдәдәрбазкьрьна Бьжберьн?» (4:39)

• Чаԝа листькед Рʹомейә бәре, бәрамбәри һьнә ԝәʹдәдәрбазкьрьнед иройин дьбьн?

• Чаԝа кӧ жь видеойе һатә кʹьфше, Дени чь пеһʹәсийа дәрһәԛа ԝәʹдәдәрбазкьрьна?

Бьхунә Рʹомайи 12:9, у паше әве пьрсе шеԝьр кә:

• Әв рʹез ча гәрәке һʹӧкӧм бә сәр бьжартьна тәйә ԝәʹдәдәрбазкьрьне?

Йаһоԝа кʹижан һьнә тьшта нәфрʹәт дькә? Бьхунә Мәтʹәлок 6:16, 17 у Галати 5:19-21. Паши хԝәндьна һәр рʹезәке, әве пьрсе шеԝьр кә:

• Чь һьнә тьшт, дәрһәԛа кʹижана кӧ ԝан рʹезада те готьне, ԝәʹдәдәрбазкьрьнед иройинда бәлабуйи нә?

Чаԝа бь билани ԝәʹдәдәрбазкьрьна бьжберьн?

Пьрса бьдә хԝә:

• Әз ча һеса дьбьм? Гәло тьштед кӧ Йаһоԝа нәфрʹәт дькә, дькʹәвьнә нава ве һесабуне?

• Әз чь чах һеса дьбьм? Гәло әв һесабун, ԝәʹдә бона шьхӧле дьһа фәрз жь мьн настинә?

• Әз тʹәви кʹе һеса дьбьм? Гәло әв һесабун ԝе мьн һелан нәкә, кӧ һәргав тʹәви ԝан мәрийа бьм, йед кӧ Йаһоԝа һʹьз накьн?

Чьԛас дькарьн әм гәрәке хԝә жь тьштед хоф дур бьгьрьн, у тʹӧ щар ӧса һеса нәбьн, кӧ һәләԛәтийа мә тʹәви Хԝәде хьраб бә

4. Ԝәʹде хԝә бь билани бьдә хәбате

ВИДЕО: «Ԝәʹде Тә сәр Чь Хәрщ Дьбә?» (2:45)

• Рʹаст ә бьраки тьштед хьраб нәдьньһерʹи, ле бона ԝи чь бу проблем?

Бьхунә Филипи 1:10, у паше әве пьрсе шеԝьр кә:

• Әв рʹез ча дькарә али мә бькә, кӧ сафи кьн, ԝәки әм чьԛас ԝәʹдә сәр һесабуне хәрщ дькьн?

5. Ԝәʹдәдәрбазкьрьнед керһати бьжберә

Рʹаст ә һьнә ԝәʹдәдәрбазкьрьн Йаһоԝа хԝәш найен, ле диса жи гәләк тьштед ӧса һәнә, кʹижан кӧ һьм һʹәԝас ьн, һьм жи керһати нә. Бьхунә Ԝаиз 8:15 у Филипи 4:8, у паше әве пьрсе шеԝьр кә:

• Кʹижан ԝәʹдәдәрбазкьрьнед керһати тә хԝәш тен?

ТʹӘМАМКЬРЬН

Йаһоԝа дьхԝазә, ԝәки әм ԝәʹдәдәрбазкьрьнед керһати бьжберьн у ләзәте ле бьвиньн.

Ԝәкʹьландьн

• Мәсиһи гәрәке хԝә жь кʹижан ԝәʹдәдәрбазкьрьна дур бьгьрьн?

• Әм чьма гәрәке ԝе йәкеда фәсал бьн, кӧ чьԛас ԝәʹдә сәр һесабуне хәрщ дькьн?

• Тӧ чьма дьхԝази ԝәʹдәдәрбазкьрьна ӧса бьжбери, кӧ Йаһоԝа хԝәш бе?

ҺЕ ЗЕДӘ ПЕБЬҺʹӘСӘ

Кʹи щабдар ә бона ԝе йәке, кӧ әме кʹижан ԝәʹдәдәрбазкьрьне бьжберьн?

«Гәло Шәʹдед Йаһоԝа Һьнә Синәм, Кʹьтеб йан Кʹьлама Ԛәдәхә Дькьн?» (Готара жь малпәре)

Пебьһʹәсә кӧ ча тӧ дькари бь билани ԝәʹдәдәрбазкьрьна ӧса бьжбери, кʹижан кӧ тәрʹа ԝе һʹәԝас бә?

«Гәло Ԝәʹдәдәрбазкьрьна Тә Керһати йә?» («Бьрща Ԛәрәԝьлийе», 15 Щотмәһе, 2011)

Жь ве сәрһатийе: «Әз Һин Бум Фьрԛи Нәкьмә Нава Мәрьва», пебьһʹәсә, кӧ чьма мәрьвәки ньһерʹандьна хԝә, дәрһәԛа бьжартьна ԝәʹдәдәрбазкьрьне гӧһаст?

«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Сьбате, 2010)

Бьньһерʹә кӧ чаԝа дайикәк сафикьрьна билани дькә бона һесабуна хԝә, кʹижан кӧ сербазийева гьредайи йә.

«Жь Ԝәʹдәдәрбазкьрьнед ӧса Хԝә Дур Бьгьрә, Кʹижан кӧ Сербазийева Гьредайи нә» (2:02)