МИНА ИСА БЬЖИН

Бь Билани Ԝәʹдәдәрбазкьрьна Бьжберә

Чьма әм гәрәке бь билани ԝәʹдәдәрбазкьрьна бьжберьн? Чьмки чахе әм дьжберьн чь бьньһерʹьн, чь кʹьлама бьбьһен, бькʹәвьнә чь малпәра, чь кʹьтеба бьхуньн, йан чь видео-листька бьлизьн, әв бьжартьна мә ль сәр һʹьш у фькьред мә һʹӧкӧм дькә. Бьжартьна мә ль сәр рʹабун-рʹуньштьна мә һʹӧкӧм дькә. Йазьх, ле һәчʹи зәʹф ԝәʹдәдәрбазкьрьнада һәнә тьштед ӧса, кӧ бәр чʹәʹве Йаһоԝа рʹәш ә (Зб. 11:5; Гл. 5:19-21). Бо ве мәʹнийе Кʹьтеба Пироз мә һелан дькә, ԝәки әм бәрдәԝам кьн хԝә ль ԝан тьшта бьгьрьн, чь кӧ Йаһоԝа һӧрмәт-рʹумәт дькьн (Флп. 4:8).

БЬНЬҺЕРʹӘ ВИДЕО «ТӦ КОНТРОЛ ДЬКИ ҺАЩӘТЕД ЕЛЕКТРОНИК, ЙАН ӘԜАНА ТӘ КОНТРОЛ ДЬКЬН?», ПАШЕ ЩАБА ԜАН ПЬРСА БЬДӘ:

Чь щур′әйи листькед гладйаторейә бәре, мина һьнә ԝә′дәдәрбазкьрьнед иройин ьн?
Чь щур′әйи ә′ндәмед щьвате дькарьн али щаһьла бькьн, ԝәки бь билани ԝә′дәдәрбазкьрьна бьжберьн?
Чь щур′әйи Рʹомайи 12:9 дькарә һ′ӧкӧм кә сәр бьжартьна мә дәрһәԛа ԝә′дәдәрбазкьрьне?
Ԝәлате ԝәда чь щур′әйи ԝә′дәдәрбазкьрьнед керһати һәнә?

ЧЬ ЩУР′ӘЙИ ԜӘ′ДӘДӘРБАЗКЬРЬН ҺӘНӘ?

Иро щурʹә-щурʹә ԝә′дәдәрбазкьрьн ӧса ль сәр мәрийа һʹӧкӧм дькьн, кӧ мәрьв ида нькарә хԝәха сафикьрьна бькә. Чьмки синәм, к′ьтеб у бәрнамед телевизийоне ньһерʹандьна хԝә пешда дьбьн, нә кӧ йед ӧса чь кӧ ԝе бона мә лайиԛ буна. Ԝәʹдәдәрбазкьрьна ԝи щурʹәйи һәмьки щийе хԝә дьгьрә. Ле һьнәка тедәрхьстьн, ԝәки ԝәʹдәдәрбазкьрьна актив жи, дькарә дьһа баш бә бона һесабуне. Мәсәлә, һьнәка хԝәш те музикева мьжул бьн йан жи шькьла нәԛьш кьн. Йед дьнр′а жи хԝәш те щики ль т′әбйәте һеса бьн, йан жи спортева мьжул бьн у һәр′ьн щики һеса бьн. Фьрԛи т′ӧнә әм чь бьжартьна дькьн, әм гәрәке «һәр тьшти бона шькьрдайина Хԝәде бькьн» (1 Кр. 10:31).