Тәнгасийа Мәзьн Чь йә?

Щаба Кʹьтеба Пироз

Тәнгасийа мәзьн ԝе ԝәхтәки ӧса чәтьн бә, кӧ тʹӧ щар инсанәте нәдитийә. Ль гора пʹехәмбәртийа Кʹьтеба Пироз, әԝ ԝе ԝәʹде «рʹожед ахьрийе», йан «дәма . . . даԝи» бьԛәԝьмә (2 Тимотʹейо 3:1; Данийел 12:4, ИМ). Әԝ «ԝе тәнгасикә ӧса бьбә, ԝәки жь рʹожа кӧ Хԝәде дьнйа әʹфьрандийә һʹәта ньһа нәбуйә у нә жи ԝе бьбә» (Маркос 13:19; Данийел 12:1; Мәтта 24:21, 22).

Ԛәԝьмандьнед ԝәʹде тәнгасийа мәзьн

• Религийа ԛәлп ԝе кʹокева бе кʹӧтакьрьне. Религийа ԛәлп ԝе зу дәрберʹа бе кʹӧтакьрьне (Әʹйанти 17:1, 5; 18:9, 10, 21). Ԝе сәрԝеред политики, йед кӧ тʹәшкиләта Мьләтед Йәкбуйида ньн, ве йәке бькьн, ӧса ԝе ԛьрара Хԝәде биньн сери (Әʹйанти 17:3, 15-18).a

• Һʹьщумкьрьна сәр религийа рʹаст. Коалисйа мьләта, сәр кʹижани дитьнока Һәзәԛелда те готьне ‹Гог жь әʹрде Магоге›, ԝе бьхԝазә ԛьрʹа ԝан мәрьва бинә, йед кӧ религийа рʹастда ньн. Ле Хԝәде ԝе хьзмәткʹаред хԝә жь дәсте ԝан хьлаз кә (Һәзәԛел 38:1, 2, 9-12, 18-23).

• Диԝана бьнәлийед дьнйайе. Иса ԝе диԝана тʹәмамийа инсанәте бькә у ԝе «мәрьва жь һәвдӧ вәԛәтинә, чаԝа кӧ шьван пез жь бьзьна вәдьԛәтинә» (Мәтта 25:31-33). Әԝе диԝана һәр мәрьвәки бькә, сәр һʹиме ве йәке һәла ԝана пьштгьрийа бьред Мәсиһ, йед кӧ ԝе тʹәви ԝи сәр әʹзмана сәрԝерийе бькьн, кьрьнә йан на (Мәтта 25:34-46).

• Тʹопкьрьна ԝан, йед кӧ ԝе Пʹадшатийеда сәрԝертийе бькьн. Әԝ кәсед амьн, йед кӧ һатьнә бьжартьне, ԝәки тʹәви Мәсиһ сәрԝертийе бькьн, ԝе әʹмьре хԝәйи сәр әʹрде хьлаз кьн у бона жийина сәр әʹзмана жь мьрьне бенә рʹакьрьне (Мәтта 24:31; 1 Корьнтʹи 15:50-53; 1 Тʹесалоники 4:15-17).

• Һармәгәдон. Әԝ шәрʹе «ԝе Рʹожа Мәзьнә Хԝәдейе Һʹәму Зорайийе», ӧса жи те навкьрьне «Рʹожа Хԝәде» (Әʹйанти 16:14, 16; Ишайа 13:9; 2 Пәтрус 3:12). Әԝед кӧ алийе Исада бенә диԝанкьрьне чаԝа йед нәһәԛ, ԝе бенә ԛьрʹкьрьне (Сефанйа 1:18; 2 Тʹесалоники 1:6-10). Ӧса жи система политики, кӧ Кʹьтеба Пироз нав дькә ча щәʹнәԝьре һʹәфт-сәри, ԝе бе ԛьрʹкьрьне (Әʹйанти 19:19-21).

Ԛәԝьмандьнед паши тәнгасийа мәзьн

• Шәйтʹан у щьн ԝе бенә гьртьне. Мәләкәки зор ԝе Шәйтʹан щьнед ԝива бавежә «гәлийе һәй-ԝайе», чь кӧ бь симболик һʹаләки мина мьрьне йә, демәк ԝе нькарьбьн тьштәки бькьн (Әʹйанти 20:1-3). Һʹале Шәйтʹан гәлийе һәй-ԝайеда ԝе мина мәрьве гьрти бә, у әԝе нькарьбә ида сәр кәсәки йан сәр тьштәки һʹӧкӧм бә (Әʹйанти 20:7).

• Дәстпека Һʹәзарсалийе. Пʹадшатийа Хԝәде ԝе сәрԝертийа хԝәйә һʹәзарсалийе дәстпекә, у ԝе кʹәрәмед мәзьн сәр инсанәтеда бьбаринә (Әʹйанти 5:9, 10; 20:4, 6). У әʹлаләта мәзьн ԝе жь «тәнгасийа мәзьн» дәркʹәвә, демәк хьлаз бә, у дәстпека сәрԝертийа Һʹәзарсалийа сәр әʹрде бьвинә (Әʹйанти 7:9, 14; Зәбур 37:9-11).