Гәло Гӧнәки Мәзьн ә, кӧ Щьхаре Бькʹьшиньн?

Щаба Кʹьтеба Пироз

Кʹьтеба Пирозда найе готьне дәрһәԛа кʹьшандьна щьхареa, у тьштед дьн кӧ хәбьтандьна тʹьтʹунева гьредайи нә. Ле ве кʹьтебеда һәнә принсипед ӧса, кӧ дьдьнә кʹьфше ԝәки Хԝәде хәйсәтед хьраб у нәтʹәмьз, кʹижан кӧ дькарьн зийане бьдьнә сьһʹәт-ԛәԝата мә, ԛәбул накә. Ләма жи щьхарәкʹьшандьн бәр чʹәʹве Хԝәде гӧнәки мәзьн ә.

• Ԛәдьр һьндава жийине. «[Хԝәде] әʹмьр, бине у һәр тьшти дьдә һʹәмуйа» (Кʹаред Шандийа 17:24, 25). Әм заньн ԝәки жийин пʹешкʹеша жь Хԝәде йә, ләма жи әм гәрәке тьштед ӧса нәкьн, чь кӧ дькарә жийина мә бькә бьн ԛәзийе. Йәк жь ԝан тьшта әв һәйә кʹьшандьна щьхаре. Кʹьшандьна щьхаре йәк жь мәʹнийед бәлабуйи йә, жь бо чь жи тʹәмамийа дьнйайеда гәләк мәрьв әʹмьре хԝә ӧнда дькьн.

• Һʹьзкьрьн һьндава мәрийа. «Һәвале хԝә ԝәкә хԝә һʹьз бькә» (Мәтта 22:39). Чахе бәндә бәр мәрьвед дьн щьхаре дькʹьшинә, әԝ һʹьзкьрьна хԝә һьндава ԝанда надә кʹьфше. Бь рʹасти зийан дьгьһижә сьһʹәт-ԛәԝата ԝан мәрийа, йед кӧ һәр щар бина дуйе тʹьтʹуне һьлдьдьн. Мәсәлә, гәләк нәхԝәшийед ӧса щәм ԝана пешда тен, кʹижан кӧ һәнә щәм ԝан мәрийа, йед кӧ щьхаре дькʹьшиньн.

• Пироз бьн. «Ԛальбе хԝә дийари Хԝәде кьн, чаԝа ԛӧрбанәкә сахә дӧрӧфкьри, ль ԝи ԛәбул» (Рʹомайи 12:1). «Һʹәму кʹьретийа ԛальб у рʹӧһʹе хԝә паԛьж кьн у бь хофа Хԝәде лап бӧһӧрти-жьбарә бьн» (2 Корьнтʹи 7:1). Кʹьшандьна щьхаре мьрʹдари йә. У ԛәльбе мәрьвед ӧса нькарә пироз у паԛьж бе һʹәсабе. Бь рʹасти әԝед кӧ щьхаре дькʹьшиньн сьһʹәт-ԛәԝата хԝә дькьнә бьн ԛәзийе у тʹәмамийа бәдәна хԝә ԛьрʹеж дькьн.

Гәло Кʹьтеба Пирозда те готьне дәрһәԛа хәбьтандьна марихуанайе йан наркотикед дьнә, бона кʹефстандьне?

Кʹьтеба Пирозда найе готьне дәрһәԛа марихуанайе у наркотикед дьн. Ле ве кʹьтебеда гәләк принсипед ӧса һәнә, кʹижан кӧ дьдьнә кʹьфше, ԝәки хәбьтандьна тьштед ӧса бона кʹеф стандьне, нәрʹаст ә. Хенщи ԝан принсипа кӧ мә шеԝьр кьр, лазьм ә дина хԝә бьдьнә ван тьшта жи:

• Гәрәке һʹьше хԝә контрол бькьн. «Хӧдан Хԝәдейе хԝә һʹьз бькә ... бь тʹәмамийа һʹьше хԝә» (Мәтта 22:37, 38). «Фькьред хԝәда пьштгьредайи у һʹьшйар бьн» (1 Пәтрус 1:13). Рʹуйе хәбьтандьна наркотика мәрьв нькарә бь тʹәмами һʹьше хԝә контрол бькә. Гәләк жи һини ве йәке дьбьн у фькьред ԝан тʹәне дәрһәԛа наркотика нә, жь чь жи әԝана ида нькарьн дәрһәԛа тьштед керһати бьфькьрьн (Филипи 4:8).

• Гәрәке ԛанунед дәԝләте нәтʹәрьбиньн. «Гӧрʹа сәрԝер у һʹӧкӧмәта бькьн» (Тито 3:1). Гәләк ԝәлатада хәбьтандьна наркотика ԛәдәхәкьри йә. Һәрге әм дьхԝазьн ԛәбулкьрьна Хԝәде бьстиньн, әм гәрәке гӧрʹа сәрԝер у һʹӧкӧмәта бькьн (Рʹомайи 13:1).